| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
১০. সুমনত্থেরগাথা
10. Sumanattheragāthā
৪২৯.
429.
‘‘যদা নৰো পব্বজিতো, জাতিযা সত্তৰস্সিকো।
‘‘Yadā navo pabbajito, jātiyā sattavassiko;
ইদ্ধিযা অভিভোত্ৰান, পন্নগিন্দং মহিদ্ধিকং॥
Iddhiyā abhibhotvāna, pannagindaṃ mahiddhikaṃ.
৪৩০.
430.
‘‘উপজ্ঝাযস্স উদকং, অনোতত্তা মহাসরা।
‘‘Upajjhāyassa udakaṃ, anotattā mahāsarā;
আহরামি ততো দিস্ৰা, মং সত্থা এতদব্রৰি’’॥
Āharāmi tato disvā, maṃ satthā etadabravi’’.
৪৩১.
431.
‘‘সারিপুত্ত ইমং পস্স, আগচ্ছন্তং কুমারকং।
‘‘Sāriputta imaṃ passa, āgacchantaṃ kumārakaṃ;
উদককুম্ভমাদায, অজ্ঝত্তং সুসমাহিতং॥
Udakakumbhamādāya, ajjhattaṃ susamāhitaṃ.
৪৩২.
432.
‘‘পাসাদিকেন ৰত্তেন, কল্যাণইরিযাপথো।
‘‘Pāsādikena vattena, kalyāṇairiyāpatho;
সামণেরোনুরুদ্ধস্স, ইদ্ধিযা চ ৰিসারদো॥
Sāmaṇeronuruddhassa, iddhiyā ca visārado.
৪৩৩.
433.
‘‘আজানীযেন আজঞ্ঞো, সাধুনা সাধুকারিতো।
‘‘Ājānīyena ājañño, sādhunā sādhukārito;
ৰিনীতো অনুরুদ্ধেন, কতকিচ্চেন সিক্খিতো॥
Vinīto anuruddhena, katakiccena sikkhito.
৪৩৪.
434.
‘‘সো পত্ৰা পরমং সন্তিং, সচ্ছিকত্ৰা অকুপ্পতং।
‘‘So patvā paramaṃ santiṃ, sacchikatvā akuppataṃ;
সামণেরো স সুমনো, মা মং জঞ্ঞাতি ইচ্ছতী’’তি॥
Sāmaṇero sa sumano, mā maṃ jaññāti icchatī’’ti.
… সুমনো থেরো…।
… Sumano thero….
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ১০. সুমনত্থেরগাথাৰণ্ণনা • 10. Sumanattheragāthāvaṇṇanā
