| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
১১. ন্হাতকমুনিত্থেরগাথা
11. Nhātakamunittheragāthā
৪৩৫.
435.
‘‘ৰাতরোগাভিনীতো ত্ৰং, ৰিহরং কাননে ৰনে।
‘‘Vātarogābhinīto tvaṃ, viharaṃ kānane vane;
পৰিদ্ধগোচরে লূখে, কথং ভিক্খু করিস্সসি’’॥
Paviddhagocare lūkhe, kathaṃ bhikkhu karissasi’’.
৪৩৬.
436.
‘‘পীতিসুখেন ৰিপুলেন, ফরিত্ৰান সমুস্সযং।
‘‘Pītisukhena vipulena, pharitvāna samussayaṃ;
লূখম্পি অভিসম্ভোন্তো, ৰিহরিস্সামি কাননে॥
Lūkhampi abhisambhonto, viharissāmi kānane.
৪৩৭.
437.
‘‘ভাৰেন্তো সত্ত বোজ্ঝঙ্গে, ইন্দ্রিযানি বলানি চ।
‘‘Bhāvento satta bojjhaṅge, indriyāni balāni ca;
৪৩৮.
438.
‘‘ৰিপ্পমুত্তং কিলেসেহি, সুদ্ধচিত্তং অনাৰিলং।
‘‘Vippamuttaṃ kilesehi, suddhacittaṃ anāvilaṃ;
অভিণ্হং পচ্চৰেক্খন্তো, ৰিহরিস্সং অনাসৰো॥
Abhiṇhaṃ paccavekkhanto, viharissaṃ anāsavo.
৪৩৯.
439.
‘‘অজ্ঝত্তঞ্চ বহিদ্ধা চ, যে মে ৰিজ্জিংসু আসৰা।
‘‘Ajjhattañca bahiddhā ca, ye me vijjiṃsu āsavā;
সব্বে অসেসা উচ্ছিন্না, ন চ উপ্পজ্জরে পুন॥
Sabbe asesā ucchinnā, na ca uppajjare puna.
৪৪০.
440.
‘‘পঞ্চক্খন্ধা পরিঞ্ঞাতা, তিট্ঠন্তি ছিন্নমূলকা।
‘‘Pañcakkhandhā pariññātā, tiṭṭhanti chinnamūlakā;
দুক্খক্খযো অনুপ্পত্তো, নত্থি দানি পুনব্ভৰো’’তি॥
Dukkhakkhayo anuppatto, natthi dāni punabbhavo’’ti.
… ন্হাতকমুনিত্থেরো…।
… Nhātakamunitthero….
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ১১. ন্হাতকমুনিত্থেরগাথাৰণ্ণনা • 11. Nhātakamunittheragāthāvaṇṇanā
