| Library / Tipiṭaka / តិបិដក • Tipiṭaka / ថេរីគាថា-អដ្ឋកថា • Therīgāthā-aṭṭhakathā |
១៤. សុមនាថេរីគាថាវណ្ណនា
14. Sumanātherīgāthāvaṇṇanā
ធាតុយោ ទុក្ខតោ ទិស្វាតិ សុមនាយ ថេរិយា គាថា។ តស្សា វត្ថុ តិស្សាថេរិយា វត្ថុសទិសំ។ ឥមិស្សាបិ ហិ សត្ថា ឱភាសំ វិស្សជ្ជេត្វា បុរតោ និសិន្នោ វិយ អត្តានំ ទស្សេត្វា –
Dhātuyodukkhato disvāti sumanāya theriyā gāthā. Tassā vatthu tissātheriyā vatthusadisaṃ. Imissāpi hi satthā obhāsaṃ vissajjetvā purato nisinno viya attānaṃ dassetvā –
១៤.
14.
‘‘ធាតុយោ ទុក្ខតោ ទិស្វា, មា ជាតិំ បុនរាគមិ;
‘‘Dhātuyo dukkhato disvā, mā jātiṃ punarāgami;
ភវេ ឆន្ទំ វិរាជេត្វា, ឧបសន្តា ចរិស្សសី’’តិ។ –
Bhave chandaṃ virājetvā, upasantā carissasī’’ti. –
ឥមំ គាថមាហ។ សា គាថាបរិយោសានេ អរហត្តំ បាបុណិ ។
Imaṃ gāthamāha. Sā gāthāpariyosāne arahattaṃ pāpuṇi .
តត្ថ ធាតុយោ ទុក្ខតោ ទិស្វាតិ សសន្តតិបរិយាបន្នា ចក្ខាទិធាតុយោ ឥតរាបិ ច ឧទយព្ពយបដិបីឡនាទិនា ‘‘ទុក្ខា’’តិ ញាណចក្ខុនា ទិស្វា។ មា ជាតិំ បុនរាគមីតិ បុន ជាតិំ អាយតិំ បុនព្ភវំ មា ឧបគច្ឆិ ។ ភវេ ឆន្ទំ វិរាជេត្វាតិ កាមភវាទិកេ សព្ពស្មិំ ភវេ តណ្ហាឆន្ទំ វិរាគសង្ខាតេន មគ្គេន បជហិត្វា។ ឧបសន្តា ចរិស្សសីតិ សព្ពសោ បហីនកិលេសតាយ និព្ពុតា វិហរិស្សសិ។
Tattha dhātuyo dukkhato disvāti sasantatipariyāpannā cakkhādidhātuyo itarāpi ca udayabbayapaṭipīḷanādinā ‘‘dukkhā’’ti ñāṇacakkhunā disvā. Mā jātiṃ punarāgamīti puna jātiṃ āyatiṃ punabbhavaṃ mā upagacchi . Bhave chandaṃ virājetvāti kāmabhavādike sabbasmiṃ bhave taṇhāchandaṃ virāgasaṅkhātena maggena pajahitvā. Upasantā carissasīti sabbaso pahīnakilesatāya nibbutā viharissasi.
ឯត្ថ ច ‘‘ធាតុយោ ទុក្ខតោ ទិស្វា’’តិ ឥមិនា ទុក្ខានុបស្សនាមុខេន វិបស្សនា ទស្សិតា។ ‘‘ភវេ ឆន្ទំ វិរាជេត្វា’’តិ ឥមិនា មគ្គោ, ‘‘ឧបសន្តា ចរិស្សសី’’តិ ឥមិនា សឧបាទិសេសា និព្ពានធាតុ, ‘‘មា ជាតិំ បុនរាគមី’’តិ ឥមិនា អនុបាទិសេសា និព្ពានធាតុ ទស្សិតាតិ ទដ្ឋព្ពំ។
Ettha ca ‘‘dhātuyo dukkhato disvā’’ti iminā dukkhānupassanāmukhena vipassanā dassitā. ‘‘Bhave chandaṃ virājetvā’’ti iminā maggo, ‘‘upasantā carissasī’’ti iminā saupādisesā nibbānadhātu, ‘‘mā jātiṃ punarāgamī’’ti iminā anupādisesā nibbānadhātu dassitāti daṭṭhabbaṃ.
សុមនាថេរីគាថាវណ្ណនា និដ្ឋិតា។
Sumanātherīgāthāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / ថេរីគាថាបាឡិ • Therīgāthāpāḷi / ១៤.សុមនាថេរីគាថា • 14.Sumanātherīgāthā
