| Library / Tipiṭaka / ತಿಪಿಟಕ • Tipiṭaka / ಇತಿವುತ್ತಕಪಾಳಿ • Itivuttakapāḷi |
೭. ಸುಖಪತ್ಥನಾಸುತ್ತಂ
7. Sukhapatthanāsuttaṃ
೭೬. ವುತ್ತಞ್ಹೇತಂ ಭಗವತಾ, ವುತ್ತಮರಹತಾತಿ ಮೇ ಸುತಂ –
76. Vuttañhetaṃ bhagavatā, vuttamarahatāti me sutaṃ –
‘‘ತೀಣಿಮಾನಿ, ಭಿಕ್ಖವೇ, ಸುಖಾನಿ ಪತ್ಥಯಮಾನೋ ಸೀಲಂ ರಕ್ಖೇಯ್ಯ ಪಣ್ಡಿತೋ। ಕತಮಾನಿ ತೀಣಿ? ಪಸಂಸಾ ಮೇ ಆಗಚ್ಛತೂತಿ 1 ಸೀಲಂ ರಕ್ಖೇಯ್ಯ ಪಣ್ಡಿತೋ, ಭೋಗಾ ಮೇ ಉಪ್ಪಜ್ಜನ್ತೂತಿ ಸೀಲಂ ರಕ್ಖೇಯ್ಯ ಪಣ್ಡಿತೋ, ಕಾಯಸ್ಸ ಭೇದಾ ಪರಂ ಮರಣಾ ಸುಗತಿಂ ಸಗ್ಗಂ ಲೋಕಂ ಉಪಪಜ್ಜಿಸ್ಸಾಮೀತಿ ಸೀಲಂ ರಕ್ಖೇಯ್ಯ ಪಣ್ಡಿತೋ। ಇಮಾನಿ ಖೋ, ಭಿಕ್ಖವೇ, ತೀಣಿ ಸುಖಾನಿ ಪತ್ಥಯಮಾನೋ ಸೀಲಂ ರಕ್ಖೇಯ್ಯ ಪಣ್ಡಿತೋ’’ತಿ। ಏತಮತ್ಥಂ ಭಗವಾ ಅವೋಚ। ತತ್ಥೇತಂ ಇತಿ ವುಚ್ಚತಿ –
‘‘Tīṇimāni, bhikkhave, sukhāni patthayamāno sīlaṃ rakkheyya paṇḍito. Katamāni tīṇi? Pasaṃsā me āgacchatūti 2 sīlaṃ rakkheyya paṇḍito, bhogā me uppajjantūti sīlaṃ rakkheyya paṇḍito, kāyassa bhedā paraṃ maraṇā sugatiṃ saggaṃ lokaṃ upapajjissāmīti sīlaṃ rakkheyya paṇḍito. Imāni kho, bhikkhave, tīṇi sukhāni patthayamāno sīlaṃ rakkheyya paṇḍito’’ti. Etamatthaṃ bhagavā avoca. Tatthetaṃ iti vuccati –
‘‘ಸೀಲಂ ರಕ್ಖೇಯ್ಯ ಮೇಧಾವೀ, ಪತ್ಥಯಾನೋ ತಯೋ ಸುಖೇ।
‘‘Sīlaṃ rakkheyya medhāvī, patthayāno tayo sukhe;
ಪಸಂಸಂ ವಿತ್ತಲಾಭಞ್ಚ, ಪೇಚ್ಚ ಸಗ್ಗೇ ಪಮೋದನಂ॥
Pasaṃsaṃ vittalābhañca, pecca sagge pamodanaṃ.
‘‘ಅಕರೋನ್ತೋಪಿ ಚೇ ಪಾಪಂ, ಕರೋನ್ತಮುಪಸೇವತಿ।
‘‘Akarontopi ce pāpaṃ, karontamupasevati;
ಸಙ್ಕಿಯೋ ಹೋತಿ ಪಾಪಸ್ಮಿಂ, ಅವಣ್ಣೋ ಚಸ್ಸ ರೂಹತಿ॥
Saṅkiyo hoti pāpasmiṃ, avaṇṇo cassa rūhati.
‘‘ಯಾದಿಸಂ ಕುರುತೇ ಮಿತ್ತಂ, ಯಾದಿಸಂ ಚೂಪಸೇವತಿ।
‘‘Yādisaṃ kurute mittaṃ, yādisaṃ cūpasevati;
‘‘ಸೇವಮಾನೋ ಸೇವಮಾನಂ, ಸಮ್ಫುಟ್ಠೋ ಸಮ್ಫುಸಂ ಪರಂ।
‘‘Sevamāno sevamānaṃ, samphuṭṭho samphusaṃ paraṃ;
ಸರೋ ದಿದ್ಧೋ ಕಲಾಪಂವ, ಅಲಿತ್ತಮುಪಲಿಮ್ಪತಿ।
Saro diddho kalāpaṃva, alittamupalimpati;
‘‘ಪೂತಿಮಚ್ಛಂ ಕುಸಗ್ಗೇನ, ಯೋ ನರೋ ಉಪನಯ್ಹತಿ।
‘‘Pūtimacchaṃ kusaggena, yo naro upanayhati;
ಕುಸಾಪಿ ಪೂತಿ ವಾಯನ್ತಿ, ಏವಂ ಬಾಲೂಪಸೇವನಾ॥
Kusāpi pūti vāyanti, evaṃ bālūpasevanā.
‘‘ತಗರಞ್ಚ ಪಲಾಸೇನ, ಯೋ ನರೋ ಉಪನಯ್ಹತಿ।
‘‘Tagarañca palāsena, yo naro upanayhati;
ಪತ್ತಾಪಿ ಸುರಭಿ ವಾಯನ್ತಿ, ಏವಂ ಧೀರೂಪಸೇವನಾ॥
Pattāpi surabhi vāyanti, evaṃ dhīrūpasevanā.
ಅಸನ್ತೇ ನುಪಸೇವೇಯ್ಯ, ಸನ್ತೇ ಸೇವೇಯ್ಯ ಪಣ್ಡಿತೋ।
Asante nupaseveyya, sante seveyya paṇḍito;
ಅಸನ್ತೋ ನಿರಯಂ ನೇನ್ತಿ, ಸನ್ತೋ ಪಾಪೇನ್ತಿ ಸುಗ್ಗತಿ’’ನ್ತಿ॥
Asanto nirayaṃ nenti, santo pāpenti suggati’’nti.
ಅಯಮ್ಪಿ ಅತ್ಥೋ ವುತ್ತೋ ಭಗವತಾ, ಇತಿ ಮೇ ಸುತನ್ತಿ। ಸತ್ತಮಂ।
Ayampi attho vutto bhagavatā, iti me sutanti. Sattamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಇತಿವುತ್ತಕ-ಅಟ್ಠಕಥಾ • Itivuttaka-aṭṭhakathā / ೭. ಸುಖಪತ್ಥನಾಸುತ್ತವಣ್ಣನಾ • 7. Sukhapatthanāsuttavaṇṇanā
