| Library / Tipiṭaka / திபிடக • Tipiṭaka / கு²த்³த³ஸிக்கா²-மூலஸிக்கா² • Khuddasikkhā-mūlasikkhā |
47. ஸுத்³தி⁴னித்³தே³ஸவண்ணனா
47. Suddhiniddesavaṇṇanā
455. தே³ஸனா ஸங்வரோ எட்டி² பச்சவெக்க²ணந்தி பே⁴த³தோ ஸுத்³தி⁴ சதுப்³பி³தா⁴தி ஸம்ப³ந்தோ⁴. ‘‘பச்சவெக்க²ணங் பே⁴த³தோ’’தி வத்தப்³பே³ நிக்³க³ஹிதலோபோ த³ட்ட²ப்³போ³, தே³ஸனாஸுத்³தி⁴ ஸங்வரஸுத்³தி⁴ பரியெட்டி²ஸுத்³தி⁴ பச்சவெக்க²ணஸுத்³தீ⁴தி சதுப்³பி³தா⁴தி வுத்தங் ஹோதி. தத்த² ஸுஜ்ஜ²தீதி ஸுத்³தி⁴, யதா²த⁴ம்மங் தே³ஸனாய ஸுத்³தி⁴ தே³ஸனாஸுத்³தி⁴. வுட்டா²னஸ்ஸாபி செத்த² தே³ஸனாய ஏவ ஸங்க³ஹோ த³ட்ட²ப்³போ³. மூலாபத்தீனங் பன அபி⁴க்கு²தாபடிஞ்ஞாவ தே³ஸனாதி ஹெட்டா² வுத்தா, ஸாவஸ்ஸ பாராஜிகாபன்னஸ்ஸ விஸுத்³தி⁴ நாம ஹோதி. அயஞ்ஹி யஸ்மா பாராஜிகங் ஆபன்னோ, தஸ்மா பி⁴க்கு²பா⁴வே ட²த்வா அப⁴ப்³போ³ ஜா²னாதீ³னி அதி⁴க³ந்துங். பி⁴க்கு²பா⁴வோ ஹிஸ்ஸ ஸக்³க³ந்தராயோ சேவ ஹோதி, மக்³க³ந்தராயோ ச. வுத்தஞ்ஹேதங் –
455. Desanā saṃvaro eṭṭhi paccavekkhaṇanti bhedato suddhi catubbidhāti sambandho. ‘‘Paccavekkhaṇaṃ bhedato’’ti vattabbe niggahitalopo daṭṭhabbo, desanāsuddhi saṃvarasuddhi pariyeṭṭhisuddhi paccavekkhaṇasuddhīti catubbidhāti vuttaṃ hoti. Tattha sujjhatīti suddhi, yathādhammaṃ desanāya suddhi desanāsuddhi. Vuṭṭhānassāpi cettha desanāya eva saṅgaho daṭṭhabbo. Mūlāpattīnaṃ pana abhikkhutāpaṭiññāva desanāti heṭṭhā vuttā, sāvassa pārājikāpannassa visuddhi nāma hoti. Ayañhi yasmā pārājikaṃ āpanno, tasmā bhikkhubhāve ṭhatvā abhabbo jhānādīni adhigantuṃ. Bhikkhubhāvo hissa saggantarāyo ceva hoti, maggantarāyo ca. Vuttañhetaṃ –
‘‘ஸாமஞ்ஞங் து³ப்பராமட்ட²ங், நிரயாயூபகட்³ட⁴தீ’’தி. (த⁴॰ ப॰ 311);
‘‘Sāmaññaṃ dupparāmaṭṭhaṃ, nirayāyūpakaḍḍhatī’’ti. (dha. pa. 311);
அபரம்பி வுத்தங் –
Aparampi vuttaṃ –
‘‘ஸிதி²லோ ஹி பரிப்³ப³ஜோ, பி⁴ய்யோ ஆகிரதே ரஜ’’ந்தி. (த⁴॰ ப॰ 313);
‘‘Sithilo hi paribbajo, bhiyyo ākirate raja’’nti. (dha. pa. 313);
இச்சஸ்ஸ பி⁴க்கு²பா⁴வோ விஸுத்³தி⁴ நாம ந ஹோதி. யஸ்மா பன கி³ஹிஆதி³கோ ஹுத்வா தா³னஸரணஸீலஸங்வராதீ³ஹி ஸக்³க³மக்³க³ங் வா ஜா²னவிமொக்க²மக்³க³ங் வா ஆராதே⁴துங் ப⁴ப்³போ³ ஹோதி, தஸ்மாஸ்ஸ கி³ஹிஆதி³பா⁴வோ விஸுத்³தி⁴ நாம ஹோதி. அதி⁴ட்டா²னவிஸிட்டே²ன ஸங்வரேன விஸுத்³தி⁴ ஸங்வரவிஸுத்³தி⁴. த⁴ம்மேன ஸமேன பச்சயானங் எட்டி²யா ஸுத்³தி⁴ எட்டி²ஸுத்³தி⁴. சதூஸு பச்சயேஸு பச்சவெக்க²ணேன ஸுத்³தி⁴ பச்சவெக்க²ணஸுத்³தி⁴. ‘‘சதுப்³பி³தா⁴ பாதீ’’திஆதீ³ஸு பாதிமொக்க²ஸங்வரஸம்மதந்தி ‘‘பாதிமொக்க²ஸங்வரோ’’தி ஸம்மதங் ஸீலங்.
Iccassa bhikkhubhāvo visuddhi nāma na hoti. Yasmā pana gihiādiko hutvā dānasaraṇasīlasaṃvarādīhi saggamaggaṃ vā jhānavimokkhamaggaṃ vā ārādhetuṃ bhabbo hoti, tasmāssa gihiādibhāvo visuddhi nāma hoti. Adhiṭṭhānavisiṭṭhena saṃvarena visuddhi saṃvaravisuddhi. Dhammena samena paccayānaṃ eṭṭhiyā suddhi eṭṭhisuddhi. Catūsu paccayesu paccavekkhaṇena suddhi paccavekkhaṇasuddhi. ‘‘Catubbidhā pātī’’tiādīsu pātimokkhasaṃvarasammatanti ‘‘pātimokkhasaṃvaro’’ti sammataṃ sīlaṃ.
456. சித்தாதி⁴ட்டா²னஸங்வரா ஸுஜ்ஜ²தீதி இந்த்³ரியஸங்வரோ ஸங்வரஸுத்³தீ⁴தி வுத்தோதி யோஜனா.
456. Cittādhiṭṭhānasaṃvarā sujjhatīti indriyasaṃvaro saṃvarasuddhīti vuttoti yojanā.
457. அனேஸனங் பஹாய த⁴ம்மேன உப்பாதெ³ந்தஸ்ஸ எட்டி²யா ஸுத்³த⁴த்தா ஆஜீவனிஸ்ஸிதங் எட்டி²ஸுத்³தீ⁴தி வுத்தந்தி ஸம்ப³ந்தோ⁴. உப்பாதெ³ந்தஸ்ஸாதி பச்சயே உப்பாதெ³ந்தஸ்ஸ.
457. Anesanaṃ pahāya dhammena uppādentassa eṭṭhiyā suddhattā ājīvanissitaṃ eṭṭhisuddhīti vuttanti sambandho. Uppādentassāti paccaye uppādentassa.
458. பச்சவெக்க²ணஸுஜ்ஜ²னாதி ஹேதும்ஹி பஞ்சமீதி.
458.Paccavekkhaṇasujjhanāti hetumhi pañcamīti.
ஸுத்³தி⁴னித்³தே³ஸவண்ணனா நிட்டி²தா.
Suddhiniddesavaṇṇanā niṭṭhitā.
48. ஸந்தோஸனித்³தே³ஸவண்ணனா
48. Santosaniddesavaṇṇanā
459. பங்ஸுகூலங் பிண்டி³யாலோபோ ருக்க²மூலங் பூதிமுத்தபே⁴ஸஜ்ஜந்தி இமே சத்தாரோ பச்சயா அப்பக்³க⁴னகதாய அப்பா சேவ கஸ்ஸசிபி ஆலயாபா⁴வேன அனவஜ்ஜா ச க³தக³தட்டா²னே லப்³ப⁴மானதாய ஸுலபா⁴ சாதி வுச்சந்தி, தேனாஹ ‘‘அப்பேனா’’திஆதி³. மத்தஞ்ஞூதி பரியேஸனப்படிக்³க³ஹணபரிபோ⁴க³விஸ்ஸஜ்ஜனேஸு சதூஸு மத்தஞ்ஞுதாவஸேன பமாணஞ்ஞூ.
459. Paṃsukūlaṃ piṇḍiyālopo rukkhamūlaṃ pūtimuttabhesajjanti ime cattāro paccayā appagghanakatāya appā ceva kassacipi ālayābhāvena anavajjā ca gatagataṭṭhāne labbhamānatāya sulabhā cāti vuccanti, tenāha ‘‘appenā’’tiādi. Mattaññūti pariyesanappaṭiggahaṇaparibhogavissajjanesu catūsu mattaññutāvasena pamāṇaññū.
460. கத²ங் ஸந்துட்டோ²தி ஆஹ ‘‘அதீத’’ந்திஆதி³. பச்சுப்பன்னேன யாபெந்தோதி யதா²லாப⁴யதா²ப³லயதா²ஸாருப்பவஸேன பச்சுப்பன்னேன யதா²வுத்தசதுப்³பி³த⁴பச்சயேன யாபெந்தோதி.
460. Kathaṃ santuṭṭhoti āha ‘‘atīta’’ntiādi. Paccuppannena yāpentoti yathālābhayathābalayathāsāruppavasena paccuppannena yathāvuttacatubbidhapaccayena yāpentoti.
ஸந்தோஸனித்³தே³ஸவண்ணனா நிட்டி²தா.
Santosaniddesavaṇṇanā niṭṭhitā.
