| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੭. ਸੁਦ੍ਧਿਕਸੁਤ੍ਤવਣ੍ਣਨਾ
7. Suddhikasuttavaṇṇanā
੧੯੩. ਸੁਦ੍ਧਿਕਪਞ੍ਹਸ੍ਸਾਤਿ ‘‘ਨਾਬ੍ਰਾਹ੍ਮਣੋ ਸੁਜ੍ਝਤੀ’’ਤਿ ਏવਂ ਸੁਦ੍ਧਸਨ੍ਨਿਸ੍ਸਿਤਸ੍ਸ ਪਞ੍ਹਸ੍ਸ। ਸੀਲਸਮ੍ਪਨ੍ਨੋਤਿ ਪਞ੍ਚવਿਧਨਿਯਮਲਕ੍ਖਣੇਨ ਸੀਲੇਨ ਸਮਨ੍ਨਾਗਤੋ। ਤਪੋਕਮ੍ਮਨ੍ਤਿ ਅਨਸਨਪਞ੍ਚਾਤਪਤਪ੍ਪਨਾਦਿਪਰਿਭੇਦਨਤਪੋਕਮ੍ਮਂ ਕਰੋਨ੍ਤੋਪਿ। વਿਜ੍ਜਾਤਿ ਤਯੋ વੇਦਾਤਿ વਦਨ੍ਤਿ ‘‘ਤਾਯ ਇਧਲੋਕਤ੍ਥਂ ਪਰਲੋਕਤ੍ਥਂ ਞਾਯਨ੍ਤੀ’’ਤਿ ਕਤ੍વਾ। ਗੋਤ੍ਤਚਰਣਨ੍ਤਿ ਗੋਤ੍ਤਸਙ੍ਖਾਤਂ ਚਰਣਂ। ਬ੍ਰਾਹ੍ਮਣੋ ਸੁਜ੍ਝਤਿ ਜੇਟ੍ਠਜਾਤਿਕਤ੍ਤਾ। ਤਥਾ ਹਿ ਸੋ ਏવ ਤਪਂ ਆਚਰਿਤੁਂ ਲਭਤਿ, ਨ ਇਤਰੋ। ਅਞ੍ਞਾ ਲਾਮਿਕਾ ਪਜਾਤਿ ਇਤਰવਣ੍ਣਂ વਦਤਿ। વਚਨਸਹਸ੍ਸਮ੍ਪੀਤਿ ਗਾਥਾਨੇਕਸਹਸ੍ਸਮ੍ਪਿ। ਅਨ੍ਤੋ ਕਿਲੇਸੇਹਿ ਪੂਤਿਕੋ ਸਭਾવੇਨ ਪੂਤਿਕੋ। ਕਿਲਿਟ੍ਠੇਹਿ ਕਾਯਕਮ੍ਮਾਦੀਹਿ ਕਾਯਦੁਚ੍ਚਰਿਤਾਦੀਹਿ।
193.Suddhikapañhassāti ‘‘nābrāhmaṇo sujjhatī’’ti evaṃ suddhasannissitassa pañhassa. Sīlasampannoti pañcavidhaniyamalakkhaṇena sīlena samannāgato. Tapokammanti anasanapañcātapatappanādiparibhedanatapokammaṃ karontopi. Vijjāti tayo vedāti vadanti ‘‘tāya idhalokatthaṃ paralokatthaṃ ñāyantī’’ti katvā. Gottacaraṇanti gottasaṅkhātaṃ caraṇaṃ. Brāhmaṇo sujjhati jeṭṭhajātikattā. Tathā hi so eva tapaṃ ācarituṃ labhati, na itaro. Aññā lāmikā pajāti itaravaṇṇaṃ vadati. Vacanasahassampīti gāthānekasahassampi. Anto kilesehi pūtiko sabhāvena pūtiko. Kiliṭṭhehi kāyakammādīhi kāyaduccaritādīhi.
ਸੁਦ੍ਧਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suddhikasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਸੁਦ੍ਧਿਕਸੁਤ੍ਤਂ • 7. Suddhikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੭. ਸੁਦ੍ਧਿਕਸੁਤ੍ਤવਣ੍ਣਨਾ • 7. Suddhikasuttavaṇṇanā
