| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๗. สุทฺธิกสุตฺตํ
7. Suddhikasuttaṃ
๑๙๓. สาวตฺถินิทานํ ฯ อถ โข สุทฺธิกภารทฺวาโช พฺราหฺมโณ เยน ภควา เตนุปสงฺกมิ; อุปสงฺกมิตฺวา ภควตา สทฺธิํ สโมฺมทิฯ สโมฺมทนียํ กถํ สารณียํ วีติสาเรตฺวา เอกมนฺตํ นิสีทิฯ เอกมนฺตํ นิสิโนฺน โข สุทฺธิกภารทฺวาโช พฺราหฺมโณ ภควโต สนฺติเก อิมํ คาถํ อชฺฌภาสิ –
193. Sāvatthinidānaṃ . Atha kho suddhikabhāradvājo brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho suddhikabhāradvājo brāhmaṇo bhagavato santike imaṃ gāthaṃ ajjhabhāsi –
‘‘น พฺราหฺมโณ 1 สุชฺฌติ โกจิ, โลเก สีลวาปิ ตโปกรํ;
‘‘Na brāhmaṇo 2 sujjhati koci, loke sīlavāpi tapokaraṃ;
วิชฺชาจรณสมฺปโนฺน, โส สุชฺฌติ น อญฺญา อิตรา ปชา’’ติฯ
Vijjācaraṇasampanno, so sujjhati na aññā itarā pajā’’ti.
‘‘พหุมฺปิ ปลปํ ชปฺปํ, น ชจฺจา โหติ พฺราหฺมโณ;
‘‘Bahumpi palapaṃ jappaṃ, na jaccā hoti brāhmaṇo;
อโนฺตกสมฺพุ สงฺกิลิโฎฺฐ, กุหนํ อุปนิสฺสิโตฯ
Antokasambu saṅkiliṭṭho, kuhanaṃ upanissito.
‘‘ขตฺติโย พฺราหฺมโณ เวโสฺส, สุโทฺท จณฺฑาลปุกฺกุโส;
‘‘Khattiyo brāhmaṇo vesso, suddo caṇḍālapukkuso;
อารทฺธวีริโย ปหิตโตฺต, นิจฺจํ ทฬฺหปรกฺกโม;
Āraddhavīriyo pahitatto, niccaṃ daḷhaparakkamo;
ปโปฺปติ ปรมํ สุทฺธิํ, เอวํ ชานาหิ พฺราหฺมณา’’ติฯ
Pappoti paramaṃ suddhiṃ, evaṃ jānāhi brāhmaṇā’’ti.
เอวํ วุเตฺต, สุทฺธิกภารทฺวาโช พฺราหฺมโณ ภควนฺตํ เอตทโวจ – ‘‘อภิกฺกนฺตํ, โภ โคตม…เป.… อญฺญตโร จ ปนายสฺมา ภารทฺวาโช อรหตํ อโหสี’’ติฯ
Evaṃ vutte, suddhikabhāradvājo brāhmaṇo bhagavantaṃ etadavoca – ‘‘abhikkantaṃ, bho gotama…pe… aññataro ca panāyasmā bhāradvājo arahataṃ ahosī’’ti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๗. สุทฺธิกสุตฺตวณฺณนา • 7. Suddhikasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๗. สุทฺธิกสุตฺตวณฺณนา • 7. Suddhikasuttavaṇṇanā
