| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
4. ஸுத்³த⁴ட்ட²கஸுத்தங்
4. Suddhaṭṭhakasuttaṃ
794.
794.
பஸ்ஸாமி ஸுத்³த⁴ங் பரமங் அரோக³ங், தி³ட்டே²ன ஸங்ஸுத்³தி⁴ நரஸ்ஸ ஹோதி;
Passāmi suddhaṃ paramaṃ arogaṃ, diṭṭhena saṃsuddhi narassa hoti;
ஏவாபி⁴ஜானங் 1 பரமந்தி ஞத்வா, ஸுத்³தா⁴னுபஸ்ஸீதி பச்சேதி ஞாணங்.
Evābhijānaṃ 2 paramanti ñatvā, suddhānupassīti pacceti ñāṇaṃ.
795.
795.
தி³ட்டே²ன சே ஸுத்³தி⁴ நரஸ்ஸ ஹோதி, ஞாணேன வா ஸோ பஜஹாதி து³க்க²ங்;
Diṭṭhena ce suddhi narassa hoti, ñāṇena vā so pajahāti dukkhaṃ;
அஞ்ஞேன ஸோ ஸுஜ்ஜ²தி ஸோபதீ⁴கோ, தி³ட்டீ² ஹி நங் பாவ ததா² வதா³னங்.
Aññena so sujjhati sopadhīko, diṭṭhī hi naṃ pāva tathā vadānaṃ.
796.
796.
ந ப்³ராஹ்மணோ அஞ்ஞதோ ஸுத்³தி⁴மாஹ, தி³ட்டே² ஸுதே ஸீலவதே முதே வா;
Na brāhmaṇo aññato suddhimāha, diṭṭhe sute sīlavate mute vā;
புஞ்ஞே ச பாபே ச அனூபலித்தோ, அத்தஞ்ஜஹோ நயித⁴ பகுப்³ப³மானோ.
Puññe ca pāpe ca anūpalitto, attañjaho nayidha pakubbamāno.
797.
797.
புரிமங் பஹாய அபரங் ஸிதாஸே, ஏஜானுகா³ தே ந தரந்தி ஸங்க³ங்;
Purimaṃ pahāya aparaṃ sitāse, ejānugā te na taranti saṅgaṃ;
தே உக்³க³ஹாயந்தி நிரஸ்ஸஜந்தி, கபீவ ஸாக²ங் பமுஞ்சங் க³ஹாயங் 3.
Te uggahāyanti nirassajanti, kapīva sākhaṃ pamuñcaṃ gahāyaṃ 4.
798.
798.
ஸயங் ஸமாதா³ய வதானி ஜந்து, உச்சாவசங் க³ச்ச²தி ஸஞ்ஞஸத்தோ;
Sayaṃ samādāya vatāni jantu, uccāvacaṃ gacchati saññasatto;
வித்³வா ச வேதே³ஹி ஸமேச்ச த⁴ம்மங், ந உச்சாவசங் க³ச்ச²தி பூ⁴ரிபஞ்ஞோ.
Vidvā ca vedehi samecca dhammaṃ, na uccāvacaṃ gacchati bhūripañño.
799.
799.
ஸ ஸப்³ப³த⁴ம்மேஸு விஸேனிபூ⁴தோ, யங் கிஞ்சி தி³ட்ட²ங் வ ஸுதங் முதங் வா;
Sa sabbadhammesu visenibhūto, yaṃ kiñci diṭṭhaṃ va sutaṃ mutaṃ vā;
தமேவ த³ஸ்ஸிங் விவடங் சரந்தங், கேனீத⁴ லோகஸ்மி விகப்பயெய்ய.
Tameva dassiṃ vivaṭaṃ carantaṃ, kenīdha lokasmi vikappayeyya.
800.
800.
ந கப்பயந்தி ந புரெக்க²ரொந்தி, அச்சந்தஸுத்³தீ⁴தி ந தே வத³ந்தி;
Na kappayanti na purekkharonti, accantasuddhīti na te vadanti;
ஆதா³னக³ந்த²ங் க³தி²தங் விஸஜ்ஜ, ஆஸங் ந குப்³ப³ந்தி குஹிஞ்சி லோகே.
Ādānaganthaṃ gathitaṃ visajja, āsaṃ na kubbanti kuhiñci loke.
801.
801.
ஸீமாதிகோ³ ப்³ராஹ்மணோ தஸ்ஸ நத்தி², ஞத்வா வ தி³ஸ்வா வ 5 ஸமுக்³க³ஹீதங்;
Sīmātigo brāhmaṇo tassa natthi, ñatvā va disvā va 6 samuggahītaṃ;
ந ராக³ராகீ³ ந விராக³ரத்தோ, தஸ்ஸீத⁴ நத்தீ² பரமுக்³க³ஹீதந்தி.
Na rāgarāgī na virāgaratto, tassīdha natthī paramuggahītanti.
ஸுத்³த⁴ட்ட²கஸுத்தங் சதுத்த²ங் நிட்டி²தங்.
Suddhaṭṭhakasuttaṃ catutthaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 4. ஸுத்³த⁴ட்ட²கஸுத்தவண்ணனா • 4. Suddhaṭṭhakasuttavaṇṇanā
