| Library / Tipiṭaka / திபிடக • Tipiṭaka / ஸுத்தனிபாதபாளி • Suttanipātapāḷi |
5. பரமட்ட²கஸுத்தங்
5. Paramaṭṭhakasuttaṃ
802.
802.
பரமந்தி தி³ட்டீ²ஸு பரிப்³ப³ஸானோ, யது³த்தரி குருதே ஜந்து லோகே;
Paramanti diṭṭhīsu paribbasāno, yaduttari kurute jantu loke;
ஹீனாதி அஞ்ஞே ததோ ஸப்³ப³மாஹ, தஸ்மா விவாதா³னி அவீதிவத்தோ.
Hīnāti aññe tato sabbamāha, tasmā vivādāni avītivatto.
803.
803.
யத³த்தனீ பஸ்ஸதி ஆனிஸங்ஸங், தி³ட்டே² ஸுதே ஸீலவதே 1 முதே வா;
Yadattanī passati ānisaṃsaṃ, diṭṭhe sute sīlavate 2 mute vā;
ததே³வ ஸோ தத்த² ஸமுக்³க³ஹாய, நிஹீனதோ பஸ்ஸதி ஸப்³ப³மஞ்ஞங்.
Tadeva so tattha samuggahāya, nihīnato passati sabbamaññaṃ.
804.
804.
தங் வாபி க³ந்த²ங் குஸலா வத³ந்தி, யங் நிஸ்ஸிதோ பஸ்ஸதி ஹீனமஞ்ஞங்;
Taṃ vāpi ganthaṃ kusalā vadanti, yaṃ nissito passati hīnamaññaṃ;
தஸ்மா ஹி தி³ட்ட²ங் வ ஸுதங் முதங் வா, ஸீலப்³ப³தங் பி⁴க்கு² ந நிஸ்ஸயெய்ய.
Tasmā hi diṭṭhaṃ va sutaṃ mutaṃ vā, sīlabbataṃ bhikkhu na nissayeyya.
805.
805.
தி³ட்டி²ம்பி லோகஸ்மிங் ந கப்பயெய்ய, ஞாணேன வா ஸீலவதேன வாபி;
Diṭṭhimpi lokasmiṃ na kappayeyya, ñāṇena vā sīlavatena vāpi;
ஸமோதி அத்தானமனூபனெய்ய, ஹீனோ ந மஞ்ஞேத² விஸேஸி வாபி.
Samoti attānamanūpaneyya, hīno na maññetha visesi vāpi.
806.
806.
அத்தங் பஹாய அனுபாதி³யானோ, ஞாணேபி ஸோ நிஸ்ஸயங் நோ கரோதி;
Attaṃ pahāya anupādiyāno, ñāṇepi so nissayaṃ no karoti;
807.
807.
யஸ்ஸூப⁴யந்தே பணிதீ⁴த⁴ நத்தி², ப⁴வாப⁴வாய இத⁴ வா ஹுரங் வா;
Yassūbhayante paṇidhīdha natthi, bhavābhavāya idha vā huraṃ vā;
நிவேஸனா தஸ்ஸ ந ஸந்தி கேசி, த⁴ம்மேஸு நிச்செ²ய்ய ஸமுக்³க³ஹீதங்.
Nivesanā tassa na santi keci, dhammesu niccheyya samuggahītaṃ.
808.
808.
தஸ்ஸீத⁴ தி³ட்டே² வ ஸுதே முதே வா, பகப்பிதா நத்தி² அணூபி ஸஞ்ஞா;
Tassīdha diṭṭhe va sute mute vā, pakappitā natthi aṇūpi saññā;
தங் ப்³ராஹ்மணங் தி³ட்டி²மனாதி³யானங், கேனீத⁴ லோகஸ்மிங் விகப்பயெய்ய.
Taṃ brāhmaṇaṃ diṭṭhimanādiyānaṃ, kenīdha lokasmiṃ vikappayeyya.
809.
809.
ந கப்பயந்தி ந புரெக்க²ரொந்தி, த⁴ம்மாபி தேஸங் ந படிச்சி²தாஸே;
Na kappayanti na purekkharonti, dhammāpi tesaṃ na paṭicchitāse;
ந ப்³ராஹ்மணோ ஸீலவதேன நெய்யோ, பாரங்க³தோ ந பச்சேதி தாதீ³தி.
Na brāhmaṇo sīlavatena neyyo, pāraṅgato na pacceti tādīti.
பரமட்ட²கஸுத்தங் பஞ்சமங் நிட்டி²தங்.
Paramaṭṭhakasuttaṃ pañcamaṃ niṭṭhitaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஸுத்தனிபாத-அட்ட²கதா² • Suttanipāta-aṭṭhakathā / 5. பரமட்ட²கஸுத்தவண்ணனா • 5. Paramaṭṭhakasuttavaṇṇanā
