| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༡༠. སཱུཙིམུཁཱིསུཏྟཝཎྞནཱ
10. Sūcimukhīsuttavaṇṇanā
༣༤༡. ཏསྨིཾ ཝཙནེ པཊིཀྑིཏྟེཏི – ‘‘ཨདྷོམུཁོ བྷུཉྫསཱི’’ཏི པརིབྦཱཛིཀཱཡ ཝུཏྟཝཙནེ – ‘‘ན ཁྭཱཧཾ བྷགིནཱི’’ཏི པཊིཀྑིཏྟེ། ཝཱདནྟི དོསཾ། ཨུབྦྷམུཁོཏི ཨུཔརིམུཁོ། པུརཏྠིམཱདིཀཱ ཙཏསྶོ དིསཱ། དཀྑིཎཔུརཏྠིམཱདིཀཱ ཙཏསྶོ ཝིདིསཱ།
341.Tasmiṃ vacane paṭikkhitteti – ‘‘adhomukho bhuñjasī’’ti paribbājikāya vuttavacane – ‘‘na khvāhaṃ bhaginī’’ti paṭikkhitte. Vādanti dosaṃ. Ubbhamukhoti uparimukho. Puratthimādikā catasso disā. Dakkhiṇapuratthimādikā catasso vidisā.
ཨཱརཱམཨཱརཱམཝཏྠུཨཱདཱིསུ བྷཱུམིཔརིཀམྨབཱིཛཱབྷིསངྑརཎཱདིཔཊིསཾཡུཏྟཱ ཝིཛྫཱ ཝཏྠུཝིཛྫཱ, ཏསྶཱ པན མིཙྪཱཛཱིཝབྷཱཝཾ དསྶེཏུཾ ‘‘ཏེས’’ནྟིཨཱདི ཝུཏྟཾ། ཏེསཾ ཏེསཾ ཨཏྟནོ པཙྩཡདཱཡཀཱནཾ། ཏཏྠ ཏཏྠ གམནནྟི ཏེསཾ སཱསནཧརཎཝསེན ཏཾ ཏཾ གཱམནྟརདེསནྟརཾ། ཨེཝམཱརོཙེསཱིཏི ཨཏྟུཀྐཾསནཔརཝམྦྷནརཧིཏཾ ཀཎྞསུཁཾ པེམནཱིཡཾ ཧདཡངྒམཾ ཐེརསྶ དྷམྨཀཐཾ སུཏྭཱ པསནྣམཱནསཱ ཨེཝཾ ‘‘དྷམྨིཀཾ སམཎཱ སཀྱཔུཏྟིཡཱ’’ཏིཨཱདིནཱ སཱསནསྶ གུཎསཾཀིཏྟནཝཱཙཾ ཀུལཱནཾ ཨཱརོཙེསི།
Ārāmaārāmavatthuādīsu bhūmiparikammabījābhisaṅkharaṇādipaṭisaṃyuttā vijjā vatthuvijjā, tassā pana micchājīvabhāvaṃ dassetuṃ ‘‘tesa’’ntiādi vuttaṃ. Tesaṃ tesaṃ attano paccayadāyakānaṃ. Tattha tattha gamananti tesaṃ sāsanaharaṇavasena taṃ taṃ gāmantaradesantaraṃ. Evamārocesīti attukkaṃsanaparavambhanarahitaṃ kaṇṇasukhaṃ pemanīyaṃ hadayaṅgamaṃ therassa dhammakathaṃ sutvā pasannamānasā evaṃ ‘‘dhammikaṃ samaṇā sakyaputtiyā’’tiādinā sāsanassa guṇasaṃkittanavācaṃ kulānaṃ ārocesi.
སཱུཙིམུཁཱིསུཏྟཝཎྞནཱ ནིཊྛིཏཱ།
Sūcimukhīsuttavaṇṇanā niṭṭhitā.
སཱརིཔུཏྟསཾཡུཏྟཝཎྞནཱ ནིཊྛིཏཱ།
Sāriputtasaṃyuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༡༠. སཱུཙིམུཁཱིསུཏྟཾ • 10. Sūcimukhīsuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༡༠. སུཙིམུཁཱིསུཏྟཝཎྞནཱ • 10. Sucimukhīsuttavaṇṇanā
