| Library / Tipiṭaka / д̇ибидага • Tipiṭaka / суд̇д̇анибаад̇абаал̣и • Suttanipātapāḷi |
5. суужиломасуд̇д̇ам̣
5. Sūcilomasuttaṃ
звам̣ мз суд̇ам̣ – згам̣ самаяам̣ бхаг̇аваа г̇аяааяам̣ вихарад̇и дан̇гид̇аман̃жз суужиломасса яагкасса бхаванз. д̇зна ко бана самаязна каро жа яагко суужиломо жа яагко бхаг̇авад̇о авид̣̇уурз ад̇иггаманд̇и. ат̇а ко каро яагко суужиломам̣ яагкам̣ зд̇ад̣̇авожа – ‘‘зсо саман̣о’’д̇и. ‘‘нзсо саман̣о, саман̣аго зсо. яааваахам̣ ж̇аанаами 1 яад̣̇и ваа со саман̣о 2, яад̣̇и ваа со саман̣аго’’д̇и 3.
Evaṃ me sutaṃ – ekaṃ samayaṃ bhagavā gayāyaṃ viharati ṭaṅkitamañce sūcilomassa yakkhassa bhavane. Tena kho pana samayena kharo ca yakkho sūcilomo ca yakkho bhagavato avidūre atikkamanti. Atha kho kharo yakkho sūcilomaṃ yakkhaṃ etadavoca – ‘‘eso samaṇo’’ti. ‘‘Neso samaṇo, samaṇako eso. Yāvāhaṃ jānāmi 4 yadi vā so samaṇo 5, yadi vā so samaṇako’’ti 6.
ат̇а ко суужиломо яагко язна бхаг̇аваа д̇знубасан̇гами; убасан̇гамид̇ваа бхаг̇авад̇о гааяам̣ убанаамзси. ат̇а ко бхаг̇аваа гааяам̣ абанаамзси. ат̇а ко суужиломо яагко бхаг̇аванд̇ам̣ зд̇ад̣̇авожа – ‘‘бхааяаси мам̣, саман̣аа’’д̇и? ‘‘на кваахам̣ д̇ам̣, аавусо, бхааяаами; аби жа д̇з сабпассо баабаго’’д̇и.
Atha kho sūcilomo yakkho yena bhagavā tenupasaṅkami; upasaṅkamitvā bhagavato kāyaṃ upanāmesi. Atha kho bhagavā kāyaṃ apanāmesi. Atha kho sūcilomo yakkho bhagavantaṃ etadavoca – ‘‘bhāyasi maṃ, samaṇā’’ti? ‘‘Na khvāhaṃ taṃ, āvuso, bhāyāmi; api ca te sapphasso pāpako’’ti.
‘‘бан̃хам̣ д̇ам̣, саман̣а, бужчиссаами. сажз мз на б̣яаагариссаси, жид̇д̇ам̣ ваа д̇з кибиссаами, хад̣̇аяам̣ ваа д̇з паалзссаами, баад̣̇зсу ваа г̇ахзд̇ваа баараг̇ан̇г̇ааяа кибиссаамий’’д̇и.
‘‘Pañhaṃ taṃ, samaṇa, pucchissāmi. Sace me na byākarissasi, cittaṃ vā te khipissāmi, hadayaṃ vā te phālessāmi, pādesu vā gahetvā pāragaṅgāya khipissāmī’’ti.
‘‘на кваахам̣ д̇ам̣, аавусо, бассаами сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа яо мз жид̇д̇ам̣ ваа кибзяяа хад̣̇аяам̣ ваа паалзяяа баад̣̇зсу ваа г̇ахзд̇ваа баараг̇ан̇г̇ааяа кибзяяа. аби жа д̇вам̣, аавусо, бужча яад̣̇ааган̇касий’’д̇и. ат̇а ко суужиломо яагко бхаг̇аванд̇ам̣ г̇аат̇ааяа аж̇жхабхааси –
‘‘Na khvāhaṃ taṃ, āvuso, passāmi sadevake loke samārake sabrahmake sassamaṇabrāhmaṇiyā pajāya sadevamanussāya yo me cittaṃ vā khipeyya hadayaṃ vā phāleyya pādesu vā gahetvā pāragaṅgāya khipeyya. Api ca tvaṃ, āvuso, puccha yadākaṅkhasī’’ti. Atha kho sūcilomo yakkho bhagavantaṃ gāthāya ajjhabhāsi –
273.
273.
‘‘рааг̇о жа д̣̇осо жа гуд̇онид̣̇аанаа, арад̇ий рад̇ий ломахам̣со гуд̇ож̇аа;
‘‘Rāgo ca doso ca kutonidānā, aratī ratī lomahaṃso kutojā;
гуд̇о самудтааяа мановид̇аггаа, гумаарагаа д̇хан̇гамивоссаж̇анд̇и’’.
Kuto samuṭṭhāya manovitakkā, kumārakā dhaṅkamivossajanti’’.
274.
274.
‘‘рааг̇о жа д̣̇осо жа ид̇онид̣̇аанаа, арад̇ий рад̇ий ломахам̣со ид̇ож̇аа;
‘‘Rāgo ca doso ca itonidānā, aratī ratī lomahaṃso itojā;
ид̇о самудтааяа мановид̇аггаа, гумаарагаа д̇хан̇гамивоссаж̇анд̇и.
Ito samuṭṭhāya manovitakkā, kumārakā dhaṅkamivossajanti.
274.
274.
‘‘снзхаж̇аа ад̇д̇асамбхууд̇аа, ниг̇род̇хассзва канд̇хаж̇аа;
‘‘Snehajā attasambhūtā, nigrodhasseva khandhajā;
бут̇уу висад̇д̇аа гаамзсу, маалуваава вид̇ад̇ааванз.
Puthū visattā kāmesu, māluvāva vitatāvane.
275.
275.
‘‘яз нам̣ баж̇аананд̇и яад̇онид̣̇аанам̣, д̇з нам̣ винод̣̇знд̇и сун̣охи яагка;
‘‘Ye naṃ pajānanti yatonidānaṃ, te naṃ vinodenti suṇohi yakkha;
д̇з д̣̇уд̇д̇арам̣ огхамимам̣ д̇аранд̇и, ад̇ин̣н̣абуб̣б̣ам̣ абунаб̣бхавааяаа’’д̇и.
Te duttaraṃ oghamimaṃ taranti, atiṇṇapubbaṃ apunabbhavāyā’’ti.
суужиломасуд̇д̇ам̣ бан̃жамам̣ нидтид̇ам̣.
Sūcilomasuttaṃ pañcamaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / суд̇д̇анибаад̇а-адтагат̇аа • Suttanipāta-aṭṭhakathā / 5. суужиломасуд̇д̇аван̣н̣анаа • 5. Sūcilomasuttavaṇṇanā
