4. Sūcidāyakattheraapadānaṃ

19.

‘‘Kammārohaṃ pure āsiṃ, bandhumāyaṃ puruttame;

Sūcidānaṃ mayā dinnaṃ, vipassissa mahesino.

20.

‘‘Vajiraggasamaṃ ñāṇaṃ, hoti kammena tādisaṃ;

Virāgomhi vimuttomhi ², pattomhi āsavakkhayaṃ.

21.

‘‘Atīte ca bhave sabbe, vattamāne canāgate ⁴;

Ñāṇena viciniṃ sabbaṃ, sūcidānassidaṃ phalaṃ.

22.

‘‘Ekanavutito kappe, sattāsuṃ vajiravhayā;

Sattaratanasampannā, cakkavattī mahabbalā.

23.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā sūcidāyako thero imā gāthāyo abhāsitthāti.

Sūcidāyakattherassāpadānaṃ catutthaṃ.