| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. ஸூசிதா³யகத்தே²ரஅபதா³னங்
7. Sūcidāyakattheraapadānaṃ
30.
30.
‘‘திங்ஸகப்பஸஹஸ்ஸம்ஹி, ஸம்பு³த்³தோ⁴ லோகனாயகோ;
‘‘Tiṃsakappasahassamhi, sambuddho lokanāyako;
ஸுமேதோ⁴ நாம நாமேன, பா³த்திங்ஸவரலக்க²ணோ.
Sumedho nāma nāmena, bāttiṃsavaralakkhaṇo.
31.
31.
‘‘தஸ்ஸ கஞ்சனவண்ணஸ்ஸ, த்³விபதி³ந்த³ஸ்ஸ தாதி³னோ;
‘‘Tassa kañcanavaṇṇassa, dvipadindassa tādino;
பஞ்ச ஸூசீ மயா தி³ன்னா, ஸிப்³ப³னத்தா²ய சீவரங்.
Pañca sūcī mayā dinnā, sibbanatthāya cīvaraṃ.
32.
32.
‘‘தேனேவ ஸூசிதா³னேன, நிபுணத்த²விபஸ்ஸகங்;
‘‘Teneva sūcidānena, nipuṇatthavipassakaṃ;
திக்க²ங் லஹுஞ்ச பா²ஸுஞ்ச, ஞாணங் மே உத³பஜ்ஜத².
Tikkhaṃ lahuñca phāsuñca, ñāṇaṃ me udapajjatha.
33.
33.
‘‘கிலேஸா ஜா²பிதா மய்ஹங், ப⁴வா ஸப்³பே³ ஸமூஹதா;
‘‘Kilesā jhāpitā mayhaṃ, bhavā sabbe samūhatā;
தா⁴ரேமி அந்திமங் தே³ஹங், ஸம்மாஸம்பு³த்³த⁴ஸாஸனே.
Dhāremi antimaṃ dehaṃ, sammāsambuddhasāsane.
34.
34.
‘‘த்³விபதா³தி⁴பதீ நாம, ராஜானோ சதுரோ அஹுங்;
‘‘Dvipadādhipatī nāma, rājāno caturo ahuṃ;
ஸத்தரதனஸம்பன்னா, சக்கவத்தீ மஹப்³ப³லா.
Sattaratanasampannā, cakkavattī mahabbalā.
35.
35.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸூசிதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā sūcidāyako thero imā gāthāyo abhāsitthāti.
ஸூசிதா³யகத்தே²ரஸ்ஸாபதா³னங் ஸத்தமங்.
Sūcidāyakattherassāpadānaṃ sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 7. ஸூசிதா³யகத்தே²ரஅபதா³னவண்ணனா • 7. Sūcidāyakattheraapadānavaṇṇanā
