| Library / Tipiṭaka / तिपिटक • Tipiṭaka / जातकपाळि • Jātakapāḷi |
३२०. सुच्चजजातकं (४-२-१०)
320. Succajajātakaṃ (4-2-10)
७७.
77.
सुच्चजं वत नच्चजि, वाचाय अददं गिरिं।
Succajaṃ vata naccaji, vācāya adadaṃ giriṃ;
किं हितस्स चजन्तस्स, वाचाय अदद पब्बतं॥
Kiṃ hitassa cajantassa, vācāya adada pabbataṃ.
७८.
78.
यञ्हि कयिरा तञ्हि वदे, यं न कयिरा न तं वदे।
Yañhi kayirā tañhi vade, yaṃ na kayirā na taṃ vade;
अकरोन्तं भासमानं, परिजानन्ति पण्डिता॥
Akarontaṃ bhāsamānaṃ, parijānanti paṇḍitā.
७९.
79.
राजपुत्त नमो त्यत्थु, सच्चे धम्मे ठितो चसि।
Rājaputta namo tyatthu, sacce dhamme ṭhito casi;
यस्स ते ब्यसनं पत्तो, सच्चस्मिं रमते मनो॥
Yassa te byasanaṃ patto, saccasmiṃ ramate mano.
८०.
80.
सा हिस्स परमा भरिया, सहिरञ्ञस्स इत्थियोति॥
Sā hissa paramā bhariyā, sahiraññassa itthiyoti.
सुच्चजजातकं दसमं।
Succajajātakaṃ dasamaṃ.
पुचिमन्दवग्गो दुतियो।
Pucimandavaggo dutiyo.
तस्सुद्दानं –
Tassuddānaṃ –
अथ चोर सकस्सप खन्तीवरो, दुज्जीवितता च वरा फरुसा।
Atha cora sakassapa khantīvaro, dujjīvitatā ca varā pharusā;
अथ सस मतञ्च वसन्त सुखं, सुच्चजंवतनच्चजिना च दसाति॥
Atha sasa matañca vasanta sukhaṃ, succajaṃvatanaccajinā ca dasāti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [३२०] १०. सुच्चजजातकवण्णना • [320] 10. Succajajātakavaṇṇanā
