| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೭. ಸೋವಣ್ಣವಟಂಸಕಿಯತ್ಥೇರಅಪದಾನಂ
7. Sovaṇṇavaṭaṃsakiyattheraapadānaṃ
೩೪.
34.
‘‘ಉಯ್ಯಾನಭೂಮಿಂ ನಿಯ್ಯನ್ತೋ, ಅದ್ದಸಂ ಲೋಕನಾಯಕಂ।
‘‘Uyyānabhūmiṃ niyyanto, addasaṃ lokanāyakaṃ;
ವಟಂಸಕಂ ಗಹೇತ್ವಾನ, ಸೋವಣ್ಣಂ ಸಾಧುನಿಮ್ಮಿತಂ॥
Vaṭaṃsakaṃ gahetvāna, sovaṇṇaṃ sādhunimmitaṃ.
೩೫.
35.
‘‘ಸೀಘಂ ತತೋ ಸಮಾರುಯ್ಹ, ಹತ್ಥಿಕ್ಖನ್ಧಗತೋ ಅಹಂ।
‘‘Sīghaṃ tato samāruyha, hatthikkhandhagato ahaṃ;
ಬುದ್ಧಸ್ಸ ಅಭಿರೋಪೇಸಿಂ, ಸಿಖಿನೋ ಲೋಕಬನ್ಧುನೋ॥
Buddhassa abhiropesiṃ, sikhino lokabandhuno.
೩೬.
36.
‘‘ಏಕತ್ತಿಂಸೇ ಇತೋ ಕಪ್ಪೇ, ಯಂ ಪುಪ್ಫಮಭಿರೋಪಯಿಂ।
‘‘Ekattiṃse ito kappe, yaṃ pupphamabhiropayiṃ;
ದುಗ್ಗತಿಂ ನಾಭಿಜಾನಾಮಿ, ಪುಪ್ಫಪೂಜಾಯಿದಂ ಫಲಂ॥
Duggatiṃ nābhijānāmi, pupphapūjāyidaṃ phalaṃ.
೩೭.
37.
‘‘ಸತ್ತವೀಸೇ ಇತೋ ಕಪ್ಪೇ, ಏಕೋ ಆಸಿಂ ಜನಾಧಿಪೋ।
‘‘Sattavīse ito kappe, eko āsiṃ janādhipo;
ಮಹಾಪತಾಪನಾಮೇನ, ಚಕ್ಕವತ್ತೀ ಮಹಬ್ಬಲೋ॥
Mahāpatāpanāmena, cakkavattī mahabbalo.
೩೮.
38.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸೋವಣ್ಣವಟಂಸಕಿಯೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sovaṇṇavaṭaṃsakiyo thero imā gāthāyo abhāsitthāti.
ಸೋವಣ್ಣವಟಂಸಕಿಯತ್ಥೇರಸ್ಸಾಪದಾನಂ ಸತ್ತಮಂ।
Sovaṇṇavaṭaṃsakiyattherassāpadānaṃ sattamaṃ.
