| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. ஸோவண்ணவடங்ஸகியத்தே²ரஅபதா³னங்
7. Sovaṇṇavaṭaṃsakiyattheraapadānaṃ
34.
34.
‘‘உய்யானபூ⁴மிங் நிய்யந்தோ, அத்³த³ஸங் லோகனாயகங்;
‘‘Uyyānabhūmiṃ niyyanto, addasaṃ lokanāyakaṃ;
வடங்ஸகங் க³ஹெத்வான, ஸோவண்ணங் ஸாது⁴னிம்மிதங்.
Vaṭaṃsakaṃ gahetvāna, sovaṇṇaṃ sādhunimmitaṃ.
35.
35.
‘‘ஸீக⁴ங் ததோ ஸமாருய்ஹ, ஹத்தி²க்க²ந்த⁴க³தோ அஹங்;
‘‘Sīghaṃ tato samāruyha, hatthikkhandhagato ahaṃ;
பு³த்³த⁴ஸ்ஸ அபி⁴ரோபேஸிங், ஸிகி²னோ லோகப³ந்து⁴னோ.
Buddhassa abhiropesiṃ, sikhino lokabandhuno.
36.
36.
‘‘ஏகத்திங்ஸே இதோ கப்பே, யங் புப்ப²மபி⁴ரோபயிங்;
‘‘Ekattiṃse ito kappe, yaṃ pupphamabhiropayiṃ;
து³க்³க³திங் நாபி⁴ஜானாமி, புப்ப²பூஜாயித³ங் ப²லங்.
Duggatiṃ nābhijānāmi, pupphapūjāyidaṃ phalaṃ.
37.
37.
‘‘ஸத்தவீஸே இதோ கப்பே, ஏகோ ஆஸிங் ஜனாதி⁴போ;
‘‘Sattavīse ito kappe, eko āsiṃ janādhipo;
மஹாபதாபனாமேன, சக்கவத்தீ மஹப்³ப³லோ.
Mahāpatāpanāmena, cakkavattī mahabbalo.
38.
38.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸோவண்ணவடங்ஸகியோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā sovaṇṇavaṭaṃsakiyo thero imā gāthāyo abhāsitthāti.
ஸோவண்ணவடங்ஸகியத்தே²ரஸ்ஸாபதா³னங் ஸத்தமங்.
Sovaṇṇavaṭaṃsakiyattherassāpadānaṃ sattamaṃ.
