| Library / Tipiṭaka / ತಿಪಿಟಕ • Tipiṭaka / ಥೇರಗಾಥಾಪಾಳಿ • Theragāthāpāḷi |
೪. ಸೋಪಾಕತ್ಥೇರಗಾಥಾ
4. Sopākattheragāthā
೪೮೦.
480.
‘‘ದಿಸ್ವಾ ಪಾಸಾದಛಾಯಾಯಂ, ಚಙ್ಕಮನ್ತಂ ನರುತ್ತಮಂ।
‘‘Disvā pāsādachāyāyaṃ, caṅkamantaṃ naruttamaṃ;
೪೮೧.
481.
‘‘ಏಕಂಸಂ ಚೀವರಂ ಕತ್ವಾ, ಸಂಹರಿತ್ವಾನ ಪಾಣಯೋ।
‘‘Ekaṃsaṃ cīvaraṃ katvā, saṃharitvāna pāṇayo;
ಅನುಚಙ್ಕಮಿಸ್ಸಂ ವಿರಜಂ, ಸಬ್ಬಸತ್ತಾನಮುತ್ತಮಂ॥
Anucaṅkamissaṃ virajaṃ, sabbasattānamuttamaṃ.
೪೮೨.
482.
‘‘ತತೋ ಪಞ್ಹೇ ಅಪುಚ್ಛಿ ಮಂ, ಪಞ್ಹಾನಂ ಕೋವಿದೋ ವಿದೂ।
‘‘Tato pañhe apucchi maṃ, pañhānaṃ kovido vidū;
ಅಚ್ಛಮ್ಭೀ ಚ ಅಭೀತೋ ಚ, ಬ್ಯಾಕಾಸಿಂ ಸತ್ಥುನೋ ಅಹಂ॥
Acchambhī ca abhīto ca, byākāsiṃ satthuno ahaṃ.
೪೮೩.
483.
‘‘ವಿಸ್ಸಜ್ಜಿತೇಸು ಪಞ್ಹೇಸು, ಅನುಮೋದಿ ತಥಾಗತೋ।
‘‘Vissajjitesu pañhesu, anumodi tathāgato;
ಭಿಕ್ಖುಸಙ್ಘಂ ವಿಲೋಕೇತ್ವಾ, ಇಮಮತ್ಥಂ ಅಭಾಸಥ’’॥
Bhikkhusaṅghaṃ viloketvā, imamatthaṃ abhāsatha’’.
೪೮೪.
484.
‘‘ಲಾಭಾ ಅಙ್ಗಾನಂ ಮಗಧಾನಂ, ಯೇಸಾಯಂ ಪರಿಭುಞ್ಜತಿ।
‘‘Lābhā aṅgānaṃ magadhānaṃ, yesāyaṃ paribhuñjati;
ಚೀವರಂ ಪಿಣ್ಡಪಾತಞ್ಚ, ಪಚ್ಚಯಂ ಸಯನಾಸನಂ।
Cīvaraṃ piṇḍapātañca, paccayaṃ sayanāsanaṃ;
ಪಚ್ಚುಟ್ಠಾನಞ್ಚ ಸಾಮೀಚಿಂ, ತೇಸಂ ಲಾಭಾ’’ತಿ ಚಾಬ್ರವಿ॥
Paccuṭṭhānañca sāmīciṃ, tesaṃ lābhā’’ti cābravi.
೪೮೫.
485.
‘‘ಅಜ್ಜತಗ್ಗೇ ಮಂ ಸೋಪಾಕ, ದಸ್ಸನಾಯೋಪಸಙ್ಕಮ।
‘‘Ajjatagge maṃ sopāka, dassanāyopasaṅkama;
ಏಸಾ ಚೇವ ತೇ ಸೋಪಾಕ, ಭವತು ಉಪಸಮ್ಪದಾ’’॥
Esā ceva te sopāka, bhavatu upasampadā’’.
೪೮೬.
486.
‘‘ಜಾತಿಯಾ ಸತ್ತವಸ್ಸೋಹಂ, ಲದ್ಧಾನ ಉಪಸಮ್ಪದಂ।
‘‘Jātiyā sattavassohaṃ, laddhāna upasampadaṃ;
ಧಾರೇಮಿ ಅನ್ತಿಮಂ ದೇಹಂ, ಅಹೋ ಧಮ್ಮಸುಧಮ್ಮತಾ’’ತಿ॥
Dhāremi antimaṃ dehaṃ, aho dhammasudhammatā’’ti.
… ಸೋಪಾಕೋ ಥೇರೋ…।
… Sopāko thero….
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಥೇರಗಾಥಾ-ಅಟ್ಠಕಥಾ • Theragāthā-aṭṭhakathā / ೪. ಸೋಪಾಕತ್ಥೇರಗಾಥಾವಣ್ಣನಾ • 4. Sopākattheragāthāvaṇṇanā
