| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๔. โสปากเตฺถรคาถา
4. Sopākattheragāthā
๔๘๐.
480.
‘‘ทิสฺวา ปาสาทฉายายํ, จงฺกมนฺตํ นรุตฺตมํ;
‘‘Disvā pāsādachāyāyaṃ, caṅkamantaṃ naruttamaṃ;
๔๘๑.
481.
‘‘เอกํสํ จีวรํ กตฺวา, สํหริตฺวาน ปาณโย;
‘‘Ekaṃsaṃ cīvaraṃ katvā, saṃharitvāna pāṇayo;
อนุจงฺกมิสฺสํ วิรชํ, สพฺพสตฺตานมุตฺตมํฯ
Anucaṅkamissaṃ virajaṃ, sabbasattānamuttamaṃ.
๔๘๒.
482.
‘‘ตโต ปเญฺห อปุจฺฉิ มํ, ปญฺหานํ โกวิโท วิทู;
‘‘Tato pañhe apucchi maṃ, pañhānaṃ kovido vidū;
อจฺฉมฺภี จ อภีโต จ, พฺยากาสิํ สตฺถุโน อหํฯ
Acchambhī ca abhīto ca, byākāsiṃ satthuno ahaṃ.
๔๘๓.
483.
‘‘วิสฺสชฺชิเตสุ ปเญฺหสุ, อนุโมทิ ตถาคโต;
‘‘Vissajjitesu pañhesu, anumodi tathāgato;
ภิกฺขุสงฺฆํ วิโลเกตฺวา, อิมมตฺถํ อภาสถ’’ฯ
Bhikkhusaṅghaṃ viloketvā, imamatthaṃ abhāsatha’’.
๔๘๔.
484.
‘‘ลาภา องฺคานํ มคธานํ, เยสายํ ปริภุญฺชติ;
‘‘Lābhā aṅgānaṃ magadhānaṃ, yesāyaṃ paribhuñjati;
จีวรํ ปิณฺฑปาตญฺจ, ปจฺจยํ สยนาสนํ;
Cīvaraṃ piṇḍapātañca, paccayaṃ sayanāsanaṃ;
ปจฺจุฎฺฐานญฺจ สามีจิํ, เตสํ ลาภา’’ติ จาพฺรวิฯ
Paccuṭṭhānañca sāmīciṃ, tesaṃ lābhā’’ti cābravi.
๔๘๕.
485.
‘‘อชฺชตเคฺค มํ โสปาก, ทสฺสนาโยปสงฺกม;
‘‘Ajjatagge maṃ sopāka, dassanāyopasaṅkama;
เอสา เจว เต โสปาก, ภวตุ อุปสมฺปทา’’ฯ
Esā ceva te sopāka, bhavatu upasampadā’’.
๔๘๖.
486.
‘‘ชาติยา สตฺตวโสฺสหํ, ลทฺธาน อุปสมฺปทํ;
‘‘Jātiyā sattavassohaṃ, laddhāna upasampadaṃ;
ธาเรมิ อนฺติมํ เทหํ, อโห ธมฺมสุธมฺมตา’’ติฯ
Dhāremi antimaṃ dehaṃ, aho dhammasudhammatā’’ti.
… โสปาโก เถโร…ฯ
… Sopāko thero….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๔. โสปากเตฺถรคาถาวณฺณนา • 4. Sopākattheragāthāvaṇṇanā
