| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
5. сон̣абан̣д̣ид̇ажарияаа
5. Soṇapaṇḍitacariyā
42.
42.
‘‘бунаабарам̣ яад̣̇аа хоми, наг̇арз б̣рахмавад̣дханз;
‘‘Punāparaṃ yadā homi, nagare brahmavaḍḍhane;
д̇ад̇т̇а гулаварз сздтз, махаасаалз аж̇ааяахам̣.
Tattha kulavare seṭṭhe, mahāsāle ajāyahaṃ.
43.
43.
‘‘д̇ад̣̇ааби логам̣ д̣̇исваана, анд̇хийбхууд̇ам̣ д̇амод̇т̇адам̣;
‘‘Tadāpi lokaṃ disvāna, andhībhūtaṃ tamotthaṭaṃ;
жид̇д̇ам̣ бхавад̇о бад̇игудад̇и, д̇уд̇д̇авзг̇ахад̇ам̣ вияа.
Cittaṃ bhavato patikuṭati, tuttavegahataṃ viya.
44.
44.
‘‘д̣̇исваана вивид̇хам̣ баабам̣, звам̣ жинд̇зсахам̣ д̇ад̣̇аа;
‘‘Disvāna vividhaṃ pāpaṃ, evaṃ cintesahaṃ tadā;
‘гад̣̇аахам̣ г̇зхаа нигкамма, бависиссаами гаананам̣’.
‘Kadāhaṃ gehā nikkhamma, pavisissāmi kānanaṃ’.
45.
45.
‘‘д̇ад̣̇ааби мам̣ ниманд̇зсум̣, гаамабхог̇зхи н̃аад̇аяо;
‘‘Tadāpi maṃ nimantesuṃ, kāmabhogehi ñātayo;
д̇зсамби чанд̣̇амаажигким̣, ‘маа ниманд̇зт̇а д̇зхи мам̣’.
Tesampi chandamācikkhiṃ, ‘mā nimantetha tehi maṃ’.
46.
46.
‘‘яо мз ганидтаго бхаад̇аа, нанд̣̇о наамааси бан̣д̣ид̇о;
‘‘Yo me kaniṭṭhako bhātā, nando nāmāsi paṇḍito;
соби мам̣ анусигканд̇о, баб̣б̣аж̇ж̇ам̣ самарожаяи.
Sopi maṃ anusikkhanto, pabbajjaṃ samarocayi.
47.
47.
‘‘ахам̣ сон̣о жа нанд̣̇о жа, убхо маад̇аабид̇аа мама;
‘‘Ahaṃ soṇo ca nando ca, ubho mātāpitā mama;
д̇ад̣̇ааби бхог̇з чад̣д̣зд̇ваа, баависимхаа махаавана’’нд̇и.
Tadāpi bhoge chaḍḍetvā, pāvisimhā mahāvana’’nti.
сон̣абан̣д̣ид̇ажарияам̣ бан̃жамам̣.
Soṇapaṇḍitacariyaṃ pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 5. сон̣абан̣д̣ид̇ажарияааван̣н̣анаа • 5. Soṇapaṇḍitacariyāvaṇṇanā
