| Library / Tipiṭaka / තිපිටක • Tipiṭaka / ථෙරීගාථාපාළි • Therīgāthāpāḷi |
8. සොමාථෙරීගාථා
8. Somātherīgāthā
60.
60.
‘‘යං තං ඉසීහි පත්තබ්බං, ඨානං දුරභිසම්භවං;
‘‘Yaṃ taṃ isīhi pattabbaṃ, ṭhānaṃ durabhisambhavaṃ;
න තං ද්වඞ්ගුලපඤ්ඤාය, සක්කා පප්පොතුමිත්ථියා’’.
Na taṃ dvaṅgulapaññāya, sakkā pappotumitthiyā’’.
61.
61.
‘‘ඉත්ථිභාවො නො කිං කයිරා, චිත්තම්හි සුසමාහිතෙ;
‘‘Itthibhāvo no kiṃ kayirā, cittamhi susamāhite;
ඤාණම්හි වත්තමානම්හි, සම්මා ධම්මං විපස්සතො.
Ñāṇamhi vattamānamhi, sammā dhammaṃ vipassato.
62.
62.
‘‘සබ්බත්ථ විහතා නන්දී, තමොඛන්ධො පදාලිතො;
‘‘Sabbattha vihatā nandī, tamokhandho padālito;
එවං ජානාහි පාපිම, නිහතො ත්වමසි අන්තකා’’ති.
Evaṃ jānāhi pāpima, nihato tvamasi antakā’’ti.
… සොමා ථෙරී….
… Somā therī….
තිකනිපාතො නිට්ඨිතො.
Tikanipāto niṭṭhito.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / ථෙරීගාථා-අට්ඨකථා • Therīgāthā-aṭṭhakathā / 8. සොමාථෙරීගාථාවණ්ණනා • 8. Somātherīgāthāvaṇṇanā
