| Library / Tipiṭaka / তিপিটক • Tipiṭaka / জাতকপাল়ি • Jātakapāḷi |
৫০৫. সোমনস্সজাতকং (৯)
505. Somanassajātakaṃ (9)
২১১.
211.
কো তং হিংসতি হেঠেতি, কিং 1 দুম্মনো সোচসি অপ্পতীতো।
Ko taṃ hiṃsati heṭheti, kiṃ 2 dummano socasi appatīto;
কস্সজ্জ মাতাপিতরো রুদন্তু, ক্ৰজ্জ সেতু 3 নিহতো পথব্যা॥
Kassajja mātāpitaro rudantu, kvajja setu 4 nihato pathabyā.
২১২.
212.
তুট্ঠোস্মি দেৰ তৰ দস্সনেন, চিরস্সং পস্সামি তং ভূমিপাল।
Tuṭṭhosmi deva tava dassanena, cirassaṃ passāmi taṃ bhūmipāla;
অহিংসকো রেণুমনুপ্পৰিস্স, পুত্তেন তে হেঠযিতোস্মি 5 দেৰ॥
Ahiṃsako reṇumanuppavissa, puttena te heṭhayitosmi 6 deva.
২১৩.
213.
হন্ত্ৰান তং সোমনস্সং কুমারং, ছেত্ৰান সীসং ৰরমাহরন্তু॥
Hantvāna taṃ somanassaṃ kumāraṃ, chetvāna sīsaṃ varamāharantu.
২১৪.
214.
পেসিতা রাজিনো দূতা, কুমারং এতদব্রৰুং।
Pesitā rājino dūtā, kumāraṃ etadabravuṃ;
ইস্সরেন ৰিতিণ্ণোসি, ৰধং পত্তোসি খত্তিয॥
Issarena vitiṇṇosi, vadhaṃ pattosi khattiya.
২১৫.
215.
স রাজপুত্তো পরিদেৰযন্তো, দসঙ্গুলিং অঞ্জলিং পগ্গহেত্ৰা।
Sa rājaputto paridevayanto, dasaṅguliṃ añjaliṃ paggahetvā;
অহম্পি ইচ্ছামি জনিন্দ দট্ঠুং, জীৰং মং নেত্ৰা 11 পটিদস্সযেথ॥
Ahampi icchāmi janinda daṭṭhuṃ, jīvaṃ maṃ netvā 12 paṭidassayetha.
২১৬.
216.
তস্স তং ৰচনং সুত্ৰা, রঞ্ঞো পুত্তং অদস্সযুং।
Tassa taṃ vacanaṃ sutvā, rañño puttaṃ adassayuṃ;
পুত্তো চ পিতরং দিস্ৰা, দূরতোৰজ্ঝভাসথ॥
Putto ca pitaraṃ disvā, dūratovajjhabhāsatha.
২১৭.
217.
আগচ্ছুং 13 দোৰারিকা খগ্গবন্ধা, কাসাৰিযা হন্তু মমং জনিন্দ।
Āgacchuṃ 14 dovārikā khaggabandhā, kāsāviyā hantu mamaṃ janinda;
অক্খাহি মে পুচ্ছিতো এতমত্থং, অপরাধো কো নিধ মমজ্জ অত্থি॥
Akkhāhi me pucchito etamatthaṃ, aparādho ko nidha mamajja atthi.
২১৮.
218.
সাযঞ্চ পাতো উদকং সজাতি, অগ্গিং সদা পারিচরতপ্পমত্তো।
Sāyañca pāto udakaṃ sajāti, aggiṃ sadā pāricaratappamatto;
তং তাদিসং সংযতং ব্রহ্মচারিং, কস্মা তুৰং ব্রূসি গহপ্পতীতি॥
Taṃ tādisaṃ saṃyataṃ brahmacāriṃ, kasmā tuvaṃ brūsi gahappatīti.
২১৯.
219.
তালা চ মূলা চ ফলা চ দেৰ, পরিগ্গহা ৰিৰিধা সন্তিমস্স।
Tālā ca mūlā ca phalā ca deva, pariggahā vividhā santimassa;
২২০.
220.
সচ্চং খো এতং ৰদসি কুমার, পরিগ্গহা ৰিৰিধা সন্তিমস্স।
Saccaṃ kho etaṃ vadasi kumāra, pariggahā vividhā santimassa;
তে রক্খতি গোপযতপ্পমত্তো, স 19 ব্রাহ্মণো গহপতি তেন হোতি॥
Te rakkhati gopayatappamatto, sa 20 brāhmaṇo gahapati tena hoti.
২২১.
221.
সুণন্তু ময্হং পরিসা সমাগতা, সনেগমা জানপদা চ সব্বে।
Suṇantu mayhaṃ parisā samāgatā, sanegamā jānapadā ca sabbe;
বালাযং বালস্স ৰচো নিসম্ম, অহেতুনা ঘাতযতে মং 21 জনিন্দো॥
Bālāyaṃ bālassa vaco nisamma, ahetunā ghātayate maṃ 22 janindo.
২২২.
222.
দল়্হস্মি মূলে ৰিসটে ৰিরূল়্হে, দুন্নিক্কযো ৰেল়ু পসাখজাতো।
Daḷhasmi mūle visaṭe virūḷhe, dunnikkayo veḷu pasākhajāto;
ৰন্দামি পাদানি তৰ 23 জনিন্দ, অনুজান মং পব্বজিস্সামি দেৰ॥
Vandāmi pādāni tava 24 janinda, anujāna maṃ pabbajissāmi deva.
২২৩.
223.
ভুঞ্জস্সু ভোগে ৰিপুলে কুমার, সব্বঞ্চ তে ইস্সরিযং দদামি।
Bhuñjassu bhoge vipule kumāra, sabbañca te issariyaṃ dadāmi;
অজ্জেৰ ত্ৰং কুরূনং হোহি রাজা, মা পব্বজী পব্বজ্জা হি দুক্খা॥
Ajjeva tvaṃ kurūnaṃ hohi rājā, mā pabbajī pabbajjā hi dukkhā.
২২৪.
224.
কিন্নূধ দেৰ তৰমত্থি ভোগা, পুব্বেৰহং 25 দেৰলোকে রমিস্সং।
Kinnūdha deva tavamatthi bhogā, pubbevahaṃ 26 devaloke ramissaṃ;
রূপেহি সদ্দেহি অথো রসেহি, গন্ধেহি ফস্সেহি মনোরমেহি॥
Rūpehi saddehi atho rasehi, gandhehi phassehi manoramehi.
২২৫.
225.
তুৰঞ্চ 33 বালং পরনেয্যং ৰিদিত্ৰা, ন তাদিসে রাজকুলে ৰসেয্যং॥
Tuvañca 34 bālaṃ paraneyyaṃ viditvā, na tādise rājakule vaseyyaṃ.
২২৬.
226.
সচাহং বালো পরনেয্যো অস্মি, একাপরাধং 35 খম পুত্ত ময্হং।
Sacāhaṃ bālo paraneyyo asmi, ekāparādhaṃ 36 khama putta mayhaṃ;
পুনপি চে এদিসকং ভৰেয্য, যথামতিং সোমনস্স করোহি॥
Punapi ce edisakaṃ bhaveyya, yathāmatiṃ somanassa karohi.
২২৭.
227.
অনিসম্ম কতং কম্মং, অনৰত্থায চিন্তিতং।
Anisamma kataṃ kammaṃ, anavatthāya cintitaṃ;
ভেসজ্জস্সেৰ ৰেভঙ্গো, ৰিপাকো হোতি পাপকো॥
Bhesajjasseva vebhaṅgo, vipāko hoti pāpako.
২২৮.
228.
নিসম্ম চ কতং কম্মং, সম্মাৰত্থায চিন্তিতং।
Nisamma ca kataṃ kammaṃ, sammāvatthāya cintitaṃ;
ভেসজ্জস্সেৰ সম্পত্তি, ৰিপাকো হোতি ভদ্রকো॥
Bhesajjasseva sampatti, vipāko hoti bhadrako.
২২৯.
229.
অলসো গিহী কামভোগী ন সাধু, অসঞ্ঞতো পব্বজিতো ন সাধু।
Alaso gihī kāmabhogī na sādhu, asaññato pabbajito na sādhu;
রাজা ন সাধু অনিসম্মকারী, যো পণ্ডিতো কোধনো তং ন সাধু॥
Rājā na sādhu anisammakārī, yo paṇḍito kodhano taṃ na sādhu.
২৩০.
230.
নিসম্ম খত্তিযো কযিরা, নানিসম্ম দিসম্পতি।
Nisamma khattiyo kayirā, nānisamma disampati;
নিসম্মকারিনো রাজ, যসো কিত্তি চ ৰড্ঢতি॥
Nisammakārino rāja, yaso kitti ca vaḍḍhati.
২৩১.
231.
নিসম্ম দণ্ডং পণযেয্য ইস্সরো, ৰেগা কতং তপ্পতি ভূমিপাল।
Nisamma daṇḍaṃ paṇayeyya issaro, vegā kataṃ tappati bhūmipāla;
সম্মাপণীধী চ নরস্স অত্থা, অনানুতপ্পা তে ভৰন্তি পচ্ছা॥
Sammāpaṇīdhī ca narassa atthā, anānutappā te bhavanti pacchā.
২৩২.
232.
অনানুতপ্পানি হি যে করোন্তি, ৰিভজ্জ কম্মাযতনানি লোকে।
Anānutappāni hi ye karonti, vibhajja kammāyatanāni loke;
ৰিঞ্ঞুপ্পসত্থানি সুখুদ্রযানি, ভৰন্তি বুদ্ধানুমতানি 37 তানি॥
Viññuppasatthāni sukhudrayāni, bhavanti buddhānumatāni 38 tāni.
২৩৩.
233.
আগচ্ছুং দোৰারিকা খগ্গবন্ধা, কাসাৰিযা হন্তু মমং জনিন্দ।
Āgacchuṃ dovārikā khaggabandhā, kāsāviyā hantu mamaṃ janinda;
মাতুঞ্চ 39 অঙ্কস্মিমহং নিসিন্নো, আকড্ঢিতো সহসা তেহি দেৰ॥
Mātuñca 40 aṅkasmimahaṃ nisinno, ākaḍḍhito sahasā tehi deva.
২৩৪.
234.
কটুকঞ্হি সম্বাধং সুকিচ্ছং 41 পত্তো, মধুরম্পি যং জীৰিতং লদ্ধ রাজ।
Kaṭukañhi sambādhaṃ sukicchaṃ 42 patto, madhurampi yaṃ jīvitaṃ laddha rāja;
কিচ্ছেনহং অজ্জ ৰধা পমুত্তো, পব্বজ্জমেৰাভিমনোহমস্মি॥
Kicchenahaṃ ajja vadhā pamutto, pabbajjamevābhimanohamasmi.
২৩৫.
235.
পুত্তো তৰাযং তরুণো সুধম্মে, অনুকম্পকো সোমনস্সো কুমারো।
Putto tavāyaṃ taruṇo sudhamme, anukampako somanasso kumāro;
২৩৬.
236.
রমস্সু ভিক্খাচরিযায পুত্ত, নিসম্ম ধম্মেসু পরিব্বজস্সু।
Ramassu bhikkhācariyāya putta, nisamma dhammesu paribbajassu;
সব্বেসু ভূতেসু নিধায দণ্ডং, অনিন্দিতো ব্রহ্মমুপেহি ঠানং॥
Sabbesu bhūtesu nidhāya daṇḍaṃ, anindito brahmamupehi ṭhānaṃ.
২৩৭.
237.
অচ্ছের 47 রূপং ৰত যাদিসঞ্চ, দুক্খিতং মং দুক্খাপযসে সুধম্মে।
Acchera 48 rūpaṃ vata yādisañca, dukkhitaṃ maṃ dukkhāpayase sudhamme;
যাচস্সু পুত্তং ইতি ৰুচ্চমানা, ভিয্যোৰ উস্সাহযসে কুমারং॥
Yācassu puttaṃ iti vuccamānā, bhiyyova ussāhayase kumāraṃ.
২৩৮.
238.
যে ৰিপ্পমুত্তা অনৰজ্জভোগিনো 49, পরিনিব্বুতা লোকমিমং চরন্তি।
Ye vippamuttā anavajjabhogino 50, parinibbutā lokamimaṃ caranti;
তমরিযমগ্গং পটিপজ্জমানং, ন উস্সহে ৰারযিতুং কুমারং॥
Tamariyamaggaṃ paṭipajjamānaṃ, na ussahe vārayituṃ kumāraṃ.
২৩৯.
239.
অদ্ধা হৰে সেৰিতব্বা সপঞ্ঞা, বহুস্সুতা যে বহুঠানচিন্তিনো।
Addhā have sevitabbā sapaññā, bahussutā ye bahuṭhānacintino;
যেসাযং সুত্ৰান সুভাসিতানি, অপ্পোস্সুক্কা ৰীতসোকা সুধম্মাতি॥
Yesāyaṃ sutvāna subhāsitāni, appossukkā vītasokā sudhammāti.
সোমনস্সজাতকং নৰমং।
Somanassajātakaṃ navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / জাতক-অট্ঠকথা • Jātaka-aṭṭhakathā / [৫০৫] ৯. সোমনস্সজাতকৰণ্ণনা • [505] 9. Somanassajātakavaṇṇanā
