| Library / Tipiṭaka / д̇ибидага • Tipiṭaka / жарияаабидагабаал̣и • Cariyāpiṭakapāḷi |
2. соманассажарияаа
2. Somanassacariyā
7.
7.
‘‘бунаабарам̣ яад̣̇аа хоми, инд̣̇абад̇т̇з буруд̇д̇амз;
‘‘Punāparaṃ yadā homi, indapatthe puruttame;
гаамид̇о д̣̇аяид̇о буд̇д̇о, соманассод̇и виссуд̇о.
Kāmito dayito putto, somanassoti vissuto.
8.
8.
‘‘сийлаваа г̇ун̣асамбанно, галяаан̣абадибхаанаваа;
‘‘Sīlavā guṇasampanno, kalyāṇapaṭibhānavā;
вуд̣дхаабажааяий хириймаа, сан̇г̇ахзсу жа говид̣̇о.
Vuḍḍhāpacāyī hirīmā, saṅgahesu ca kovido.
9.
9.
‘‘д̇асса ран̃н̃о бад̇игаро, ахоси гухагад̇аабасо;
‘‘Tassa rañño patikaro, ahosi kuhakatāpaso;
аараамам̣ маалааважчан̃жа, робаяид̇ваана ж̇ийвад̇и.
Ārāmaṃ mālāvacchañca, ropayitvāna jīvati.
10.
10.
‘‘д̇амахам̣ д̣̇исваана гухагам̣, т̇усараасим̣ва ад̇ан̣д̣улам̣;
‘‘Tamahaṃ disvāna kuhakaṃ, thusarāsiṃva ataṇḍulaṃ;
д̣̇умам̣ва анд̇о сусирам̣, гад̣̇алим̣ва асаарагам̣.
Dumaṃva anto susiraṃ, kadaliṃva asārakaṃ.
11.
11.
‘‘над̇т̇имасса сад̇ам̣ д̇хаммо, сааман̃н̃аабаг̇ад̇о аяам̣;
‘‘Natthimassa sataṃ dhammo, sāmaññāpagato ayaṃ;
хирийсуггад̇хаммаж̇ахид̇о, ж̇ийвид̇авуд̇д̇игааран̣аа.
Hirīsukkadhammajahito, jīvitavuttikāraṇā.
12.
12.
д̇ам̣ нисзд̇хзд̇ум̣ г̇ажчанд̇о, анусааси бид̇аа мамам̣.
Taṃ nisedhetuṃ gacchanto, anusāsi pitā mamaṃ.
13.
13.
‘‘‘маа бамаж̇ж̇и д̇увам̣ д̇аад̇а, ж̇адилам̣ уг̇г̇ад̇аабанам̣;
‘‘‘Mā pamajji tuvaṃ tāta, jaṭilaṃ uggatāpanaṃ;
яад̣̇ижчагам̣ бавад̇д̇зхи, саб̣б̣агаамад̣̇ад̣̇о хи со’.
Yadicchakaṃ pavattehi, sabbakāmadado hi so’.
14.
14.
‘‘д̇амахам̣ г̇анд̇ваанубадтаанам̣, ид̣̇ам̣ важанамаб̣равим̣;
‘‘Tamahaṃ gantvānupaṭṭhānaṃ, idaṃ vacanamabraviṃ;
‘гажжи д̇з г̇ахабад̇и гусалам̣, гим̣ ваа д̇з аахарийяад̇у’.
‘Kacci te gahapati kusalaṃ, kiṃ vā te āharīyatu’.
15.
15.
‘‘д̇зна со губид̇о ааси, гухаго маананиссид̇о;
‘‘Tena so kupito āsi, kuhako mānanissito;
‘гхаад̇аабзми д̇увам̣ аж̇ж̇а, радтаа баб̣б̣ааж̇аяаами ваа’.
‘Ghātāpemi tuvaṃ ajja, raṭṭhā pabbājayāmi vā’.
16.
16.
‘‘нисзд̇хаяид̇ваа бажжанд̇ам̣, рааж̇аа гухагамаб̣рави;
‘‘Nisedhayitvā paccantaṃ, rājā kuhakamabravi;
‘гажжи д̇з бханд̇з каманийяам̣, саммаано д̇з бавад̇д̇ид̇о’.
‘Kacci te bhante khamanīyaṃ, sammāno te pavattito’.
17.
17.
‘‘д̇асса аажигкад̇ий баабо, гумааро яат̇аа наасияо;
‘‘Tassa ācikkhatī pāpo, kumāro yathā nāsiyo;
д̇асса д̇ам̣ важанам̣ суд̇ваа, аан̣аабзси махийбад̇и.
Tassa taṃ vacanaṃ sutvā, āṇāpesi mahīpati.
18.
18.
‘‘‘сийсам̣ д̇ад̇т̇зва чинд̣̇ид̇ваа, гад̇ваана жад̇укан̣д̣игам̣;
‘‘‘Sīsaṃ tattheva chinditvā, katvāna catukhaṇḍikaṃ;
рат̇ияаа рат̇ияам̣ д̣̇ассзт̇а, саа г̇ад̇и ж̇адилахийл̣ид̇аа’.
Rathiyā rathiyaṃ dassetha, sā gati jaṭilahīḷitā’.
19.
19.
‘‘д̇ад̇т̇а гааран̣игаа г̇анд̇ваа, жан̣д̣аа луд̣̇д̣̇аа агаарун̣аа;
‘‘Tattha kāraṇikā gantvā, caṇḍā luddā akāruṇā;
маад̇уан̇гз нисиннасса, аагад̣дхид̇ваа наяанд̇и мам̣.
Mātuaṅke nisinnassa, ākaḍḍhitvā nayanti maṃ.
20.
20.
‘‘д̇зсаахам̣ звамаважам̣, б̣анд̇хад̇ам̣ г̇аал̣хаб̣анд̇ханам̣;
‘‘Tesāhaṃ evamavacaṃ, bandhataṃ gāḷhabandhanaṃ;
‘ран̃н̃о д̣̇ассзт̇а мам̣ киббам̣, рааж̇агирияаани ад̇т̇и мз’.
‘Rañño dassetha maṃ khippaṃ, rājakiriyāni atthi me’.
21.
21.
‘‘д̇з мам̣ ран̃н̃о д̣̇ассаяим̣су, баабасса баабасзвино;
‘‘Te maṃ rañño dassayiṃsu, pāpassa pāpasevino;
д̣̇исваана д̇ам̣ сан̃н̃аабзсим̣, маман̃жа васамаанаяим̣.
Disvāna taṃ saññāpesiṃ, mamañca vasamānayiṃ.
22.
22.
‘‘со мам̣ д̇ад̇т̇а камаабзси, махаараж̇ж̇амад̣̇ааси мз;
‘‘So maṃ tattha khamāpesi, mahārajjamadāsi me;
сохам̣ д̇амам̣ д̣̇аалаяид̇ваа, баб̣б̣аж̇им̣ анаг̇аарияам̣.
Sohaṃ tamaṃ dālayitvā, pabbajiṃ anagāriyaṃ.
23.
23.
‘‘на мз д̣̇зссам̣ махаараж̇ж̇ам̣, гаамабхог̇о на д̣̇зссияо;
‘‘Na me dessaṃ mahārajjaṃ, kāmabhogo na dessiyo;
саб̣б̣ан̃н̃уд̇ам̣ бияам̣ маяхам̣, д̇асмаа раж̇ж̇ам̣ барижжаж̇и’’нд̇и.
Sabbaññutaṃ piyaṃ mayhaṃ, tasmā rajjaṃ pariccaji’’nti.
соманассажарияам̣ д̣̇уд̇ияам̣.
Somanassacariyaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жарияаабидага-адтагат̇аа • Cariyāpiṭaka-aṭṭhakathā / 2. соманассажарияааван̣н̣анаа • 2. Somanassacariyāvaṇṇanā
