| Library / Tipiṭaka / තිපිටක • Tipiṭaka / අඞ්ගුත්තරනිකාය (ටීකා) • Aṅguttaranikāya (ṭīkā) |
6. සොඛුම්මසුත්තවණ්ණනා
6. Sokhummasuttavaṇṇanā
16. ඡට්ඨෙ සුඛුමලක්ඛණප්පටිවිජ්ඣනකානීති අනිච්චාදිසුඛුමලක්ඛණානං පටිවිජ්ඣනකානි. සුඛුමලක්ඛණපරිග්ගාහකඤාණෙනාති සුඛුමලක්ඛණපරිග්ගාහකෙන ඤාණෙන. පරතො ජානිත්වාති අවසවත්තනෙන අඤ්ඤතො ජානිත්වා. සඞ්ඛාරා හි ‘‘මා භිජ්ජිංසූ’’ති ඉච්ඡිතාපි භිජ්ජන්තෙව, තස්මා තෙ අවසවත්තිතාය පරෙ නාම. සා ච නෙසං පරතා අනිච්චදස්සනෙ පාකටා හොතීති වුත්තං ‘‘ඉමිනා හි පදෙන අනිච්චානුපස්සනා කථිතා’’ති. සෙසං උත්තානමෙව.
16. Chaṭṭhe sukhumalakkhaṇappaṭivijjhanakānīti aniccādisukhumalakkhaṇānaṃ paṭivijjhanakāni. Sukhumalakkhaṇapariggāhakañāṇenāti sukhumalakkhaṇapariggāhakena ñāṇena. Parato jānitvāti avasavattanena aññato jānitvā. Saṅkhārā hi ‘‘mā bhijjiṃsū’’ti icchitāpi bhijjanteva, tasmā te avasavattitāya pare nāma. Sā ca nesaṃ paratā aniccadassane pākaṭā hotīti vuttaṃ ‘‘iminā hi padena aniccānupassanā kathitā’’ti. Sesaṃ uttānameva.
සොඛුම්මසුත්තවණ්ණනා නිට්ඨිතා.
Sokhummasuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්තපිටක • Suttapiṭaka / අඞ්ගුත්තරනිකාය • Aṅguttaranikāya / 6. සොඛුම්මසුත්තං • 6. Sokhummasuttaṃ
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / අඞ්ගුත්තරනිකාය (අට්ඨකථා) • Aṅguttaranikāya (aṭṭhakathā) / 6. සොඛුම්මසුත්තවණ්ණනා • 6. Sokhummasuttavaṇṇanā
