| Library / Tipiṭaka / ཏིཔིཊཀ • Tipiṭaka / ཨཔདཱན-ཨཊྛཀཐཱ • Apadāna-aṭṭhakathā |
༡༤. སོབྷིཏཝགྒོ
14. Sobhitavaggo
༡. སོབྷིཏཏྠེརཨཔདཱནཝཎྞནཱ
1. Sobhitattheraapadānavaṇṇanā
པདུམུཏྟརོ ནཱམ ཛིནོཏིཨཱདིཀཾ ཨཱཡསྨཏོ སོབྷིཏཏྠེརསྶ ཨཔདཱནཾ། ཨཡམྤི པུརིམབུདྡྷེསུ ཀཏཱདྷིཀཱརོ ཏཏྠ ཏཏྠ བྷཝེ ཝིཝཊྚཱུཔནིསྶཡཱནི པུཉྙཱནི ཨུཔཙིནནྟོ པདུམུཏྟརསྶ བྷགཝཏོ ཀཱལེ ཨེཀསྨིཾ ཀུལགེཧེ ནིབྦཏྟོ ཝིཉྙུཏཾ པཏྟོ གྷརཱཝཱསཾ སཎྛཔེཏྭཱ ཨེཀདིཝསཾ སཏྠཱརཱ དྷམྨེ དེསིཡམཱནེ སོམནསྶེན པསནྣམཱནསོ ནཱནཔྤཀཱརེཧི ཐོམེསི། སོ ཏེནེཝ སོམནསྶེན ཀཱལཾ ཀཏྭཱ དེཝེསུ ནིབྦཏྟོ ཏཏྠ དིབྦསུཁཾ ཨནུབྷཝིཏྭཱ མནུསྶེསུ ཙ མནུསྶསུཁཾ ཨནུབྷཝིཏྭཱ ཨིམསྨིཾ བུདྡྷུཔྤཱདེ སཱཝཏྠིཡཾ ཀུལགེཧེ ནིབྦཏྟོ སཏྟཝསྶིཀོཝ པབྦཛིཏྭཱ ནཙིརསྶེཝ ཚལ༹བྷིཉྙོ ཨརཧཱ ཨཧོསི།
Padumuttaronāma jinotiādikaṃ āyasmato sobhitattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle ekasmiṃ kulagehe nibbatto viññutaṃ patto gharāvāsaṃ saṇṭhapetvā ekadivasaṃ satthārā dhamme desiyamāne somanassena pasannamānaso nānappakārehi thomesi. So teneva somanassena kālaṃ katvā devesu nibbatto tattha dibbasukhaṃ anubhavitvā manussesu ca manussasukhaṃ anubhavitvā imasmiṃ buddhuppāde sāvatthiyaṃ kulagehe nibbatto sattavassikova pabbajitvā nacirasseva chaḷabhiñño arahā ahosi.
༡. སོ ཨཔརབྷཱགེ ཨཏྟནོ པུབྦཀམྨཾ སརིཏྭཱ སོམནསྶཛཱཏོ པུབྦཙརིཏཱཔདཱནཾ པཀཱསེནྟོ པདུམུཏྟརོ ནཱམ ཛིནོཏིཨཱདིམཱཧ། ཏཾ སབྦཾ ཧེཊྛཱ ཝུཏྟནཡཏྟཱ སུཝིཉྙེཡྻམེཝཱཏི།
1. So aparabhāge attano pubbakammaṃ saritvā somanassajāto pubbacaritāpadānaṃ pakāsento padumuttaro nāma jinotiādimāha. Taṃ sabbaṃ heṭṭhā vuttanayattā suviññeyyamevāti.
སོབྷིཏཏྠེརཨཔདཱནཝཎྞནཱ སམཏྟཱ།
Sobhitattheraapadānavaṇṇanā samattā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / ཨཔདཱནཔཱལི༹ • Apadānapāḷi / ༡. སོབྷིཏཏྠེརཨཔདཱནཾ • 1. Sobhitattheraapadānaṃ
