| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
8. собхид̇аб̣уд̣̇д̇хавам̣со
8. Sobhitabuddhavaṃso
1.
1.
рзвад̇асса абарзна, собхид̇о наама нааяаго;
Revatassa aparena, sobhito nāma nāyako;
самаахид̇о санд̇ажид̇д̇о, асамо аббадибуг̇г̇ало.
Samāhito santacitto, asamo appaṭipuggalo.
2.
2.
со ж̇ино сагаг̇зхамхи, маанасам̣ винивад̇д̇аяи;
So jino sakagehamhi, mānasaṃ vinivattayi;
бад̇ваана гзвалам̣ б̣од̇хим̣, д̇хаммажаггам̣ бавад̇д̇аяи.
Patvāna kevalaṃ bodhiṃ, dhammacakkaṃ pavattayi.
3.
3.
яаава хздтаа авийжид̇о, бхаваг̇г̇аа жааби уд̣̇д̇хад̇о;
Yāva heṭṭhā avīcito, bhavaggā cāpi uddhato;
зд̇т̇анд̇арз згабарисаа, ахоси д̇хаммад̣̇зсанз.
Etthantare ekaparisā, ahosi dhammadesane.
4.
4.
д̇ааяа барисааяа самб̣уд̣̇д̇хо, д̇хаммажаггам̣ бавад̇д̇аяи;
Tāya parisāya sambuddho, dhammacakkaṃ pavattayi;
г̇ан̣анааяа на вад̇д̇аб̣б̣о, батамаабхисамаяо аху.
Gaṇanāya na vattabbo, paṭhamābhisamayo ahu.
5.
5.
д̇ад̇о барамби д̣̇зсзнд̇з, маруунан̃жа самааг̇амз;
Tato parampi desente, marūnañca samāgame;
навуд̇игодисахассаанам̣, д̣̇уд̇ияаабхисамаяо аху.
Navutikoṭisahassānaṃ, dutiyābhisamayo ahu.
6.
6.
бунаабарам̣ рааж̇абуд̇д̇о, ж̇аяасзно наама кад̇д̇ияо;
Punāparaṃ rājaputto, jayaseno nāma khattiyo;
аараамам̣ робаяид̇ваана, б̣уд̣̇д̇хз нияяаад̣̇аяий д̇ад̣̇аа.
Ārāmaṃ ropayitvāna, buddhe niyyādayī tadā.
7.
7.
д̇асса яааг̇ам̣ багид̇д̇знд̇о, д̇хаммам̣ д̣̇зсзси жагкумаа;
Tassa yāgaṃ pakittento, dhammaṃ desesi cakkhumā;
д̇ад̣̇аа годисахассаанам̣, д̇ад̇ияаабхисамаяо аху.
Tadā koṭisahassānaṃ, tatiyābhisamayo ahu.
8.
8.
саннибаад̇аа д̇аяо аасум̣, собхид̇асса махзсино;
Sannipātā tayo āsuṃ, sobhitassa mahesino;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
9.
9.
уг̇г̇ад̇о наама со рааж̇аа, д̣̇аанам̣ д̣̇зд̇и наруд̇д̇амз;
Uggato nāma so rājā, dānaṃ deti naruttame;
д̇амхи д̣̇аанз самааг̇ан̃чум̣, араханд̇аа 1 сад̇агодияо.
Tamhi dāne samāgañchuṃ, arahantā 2 satakoṭiyo.
10.
10.
бунаабарам̣ бураг̇ан̣о 3, д̣̇зд̇и д̣̇аанам̣ наруд̇д̇амз;
Punāparaṃ puragaṇo 4, deti dānaṃ naruttame;
д̇ад̣̇аа навуд̇игодийнам̣, д̣̇уд̇ияо ааси самааг̇амо.
Tadā navutikoṭīnaṃ, dutiyo āsi samāgamo.
11.
11.
д̣̇звалогз васид̇ваана, яад̣̇аа орохад̇ий ж̇ино;
Devaloke vasitvāna, yadā orohatī jino;
д̇ад̣̇аа асийд̇игодийнам̣, д̇ад̇ияо ааси самааг̇амо.
Tadā asītikoṭīnaṃ, tatiyo āsi samāgamo.
12.
12.
ахам̣ д̇зна самаязна, суж̇аад̇о наама б̣раахман̣о;
Ahaṃ tena samayena, sujāto nāma brāhmaṇo;
д̇ад̣̇аа сасаавагам̣ б̣уд̣̇д̇хам̣, аннабаанзна д̇аббаяим̣.
Tadā sasāvakaṃ buddhaṃ, annapānena tappayiṃ.
13.
13.
соби мам̣ б̣уд̣̇д̇хо б̣яаагааси, собхид̇о логанааяаго;
Sopi maṃ buddho byākāsi, sobhito lokanāyako;
‘‘абаримзяяид̇о габбз, аяам̣ б̣уд̣̇д̇хо бхависсад̇и.
‘‘Aparimeyyito kappe, ayaṃ buddho bhavissati.
14.
14.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
15.
15.
д̇ассааби важанам̣ суд̇ваа, хадто сам̣виг̇г̇амаанасо;
Tassāpi vacanaṃ sutvā, haṭṭho saṃviggamānaso;
д̇амзвад̇т̇амануббад̇д̇ияаа, уг̇г̇ам̣ д̇хид̇имагаасахам̣.
Tamevatthamanuppattiyā, uggaṃ dhitimakāsahaṃ.
16.
16.
суд̇хаммам̣ наама наг̇арам̣, суд̇хаммо наама кад̇д̇ияо;
Sudhammaṃ nāma nagaraṃ, sudhammo nāma khattiyo;
суд̇хаммаа наама ж̇анигаа, собхид̇асса махзсино.
Sudhammā nāma janikā, sobhitassa mahesino.
17.
17.
нававассасахассаани , аг̇аарам̣ аж̇жха со васи;
Navavassasahassāni , agāraṃ ajjha so vasi;
гумуд̣̇о наал̣ино бад̣̇умо, д̇аяо баасаад̣̇амуд̇д̇амаа.
Kumudo nāḷino padumo, tayo pāsādamuttamā.
18.
18.
сад̇д̇ад̇им̣сасахассаани, наарияо самалан̇гад̇аа;
Sattatiṃsasahassāni, nāriyo samalaṅkatā;
19.
19.
нимид̇д̇з жад̇уро д̣̇исваа, баасаад̣̇знаабхинигками;
Nimitte caturo disvā, pāsādenābhinikkhami;
сад̇д̇аахам̣ бад̇хаанажаарам̣, жарид̇ваа бурисуд̇д̇амо.
Sattāhaṃ padhānacāraṃ, caritvā purisuttamo.
20.
20.
б̣рахмунаа яаажид̇о санд̇о, собхид̇о логанааяаго;
Brahmunā yācito santo, sobhito lokanāyako;
вад̇д̇и жаггам̣ махаавийро, суд̇хаммуяяаанамуд̇д̇амз.
Vatti cakkaṃ mahāvīro, sudhammuyyānamuttame.
21.
21.
асамо жа сунзд̇д̇о жа, ахзсум̣ аг̇г̇асаавагаа;
Asamo ca sunetto ca, ahesuṃ aggasāvakā;
аномо наамубадтааго, собхид̇асса махзсино.
Anomo nāmupaṭṭhāko, sobhitassa mahesino.
22.
22.
нагулаа жа суж̇аад̇аа жа, ахзсум̣ аг̇г̇асаавигаа;
Nakulā ca sujātā ca, ahesuṃ aggasāvikā;
б̣уж̇жхамаано жа со б̣уд̣̇д̇хо, нааг̇амуулз аб̣уж̇жхат̇а.
Bujjhamāno ca so buddho, nāgamūle abujjhatha.
23.
23.
раммо жзва суд̣̇ад̇д̇о жа, ахзсум̣ аг̇г̇убадтагаа;
Rammo ceva sudatto ca, ahesuṃ aggupaṭṭhakā;
нагулаа жзва жид̇д̇аа жа, ахзсум̣ аг̇г̇убадтигаа.
Nakulā ceva cittā ca, ahesuṃ aggupaṭṭhikā.
24.
24.
адтабан̣н̣аасарад̇анам̣, ажжуг̇г̇ад̇о махаамуни;
Aṭṭhapaṇṇāsaratanaṃ, accuggato mahāmuni;
обхаасзд̇и д̣̇исаа саб̣б̣аа, сад̇арам̣сийва уг̇г̇ад̇о.
Obhāseti disā sabbā, sataraṃsīva uggato.
25.
25.
яат̇аа супуллам̣ баванам̣, наанааг̇анд̇хзхи д̇хуубид̇ам̣;
Yathā suphullaṃ pavanaṃ, nānāgandhehi dhūpitaṃ;
д̇ат̇зва д̇асса бааважанам̣, сийлаг̇анд̇хзхи д̇хуубид̇ам̣.
Tatheva tassa pāvacanaṃ, sīlagandhehi dhūpitaṃ.
26.
26.
яат̇ааби сааг̇аро наама, д̣̇ассанзна ад̇аббияо;
Yathāpi sāgaro nāma, dassanena atappiyo;
д̇ат̇зва д̇асса бааважанам̣, саван̣зна ад̇аббияам̣.
Tatheva tassa pāvacanaṃ, savaṇena atappiyaṃ.
27.
27.
навуд̇ивассасахассаани , ааяу виж̇ж̇ад̇и д̇аавад̣̇з;
Navutivassasahassāni , āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
28.
28.
оваад̣̇ам̣ анусидтин̃жа, д̣̇ад̇ваана сзсагз ж̇анз;
Ovādaṃ anusiṭṭhiñca, datvāna sesake jane;
худ̇аасанова д̇аабзд̇ваа, ниб̣б̣уд̇о со сасааваго.
Hutāsanova tāpetvā, nibbuto so sasāvako.
29.
29.
со жа б̣уд̣̇д̇хо асамасамо, д̇зби саавагаа б̣алаббад̇д̇аа;
So ca buddho asamasamo, tepi sāvakā balappattā;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
30.
30.
собхид̇о варасамб̣уд̣̇д̇хо, сийхаараамамхи ниб̣б̣уд̇о;
Sobhito varasambuddho, sīhārāmamhi nibbuto;
д̇хаад̇увид̇т̇ааригам̣ ааси, д̇зсу д̇зсу бад̣̇зсад̇од̇и.
Dhātuvitthārikaṃ āsi, tesu tesu padesatoti.
собхид̇асса бхаг̇авад̇о вам̣со чадто.
Sobhitassa bhagavato vaṃso chaṭṭho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 8. собхид̇аб̣уд̣̇д̇хавам̣саван̣н̣анаа • 8. Sobhitabuddhavaṃsavaṇṇanā
