| Library / Tipiṭaka / д̇ибидага • Tipiṭaka / б̣уд̣̇д̇хавам̣сабаал̣и • Buddhavaṃsapāḷi |
9. аномад̣̇ассийб̣уд̣̇д̇хавам̣со
9. Anomadassībuddhavaṃso
1.
1.
собхид̇асса абарзна, самб̣уд̣̇д̇хо д̣̇вибад̣̇уд̇д̇амо;
Sobhitassa aparena, sambuddho dvipaduttamo;
аномад̣̇ассий амид̇аяасо, д̇зж̇ассий д̣̇урад̇иггамо.
Anomadassī amitayaso, tejassī duratikkamo.
2.
2.
со чзд̇ваа б̣анд̇ханам̣ саб̣б̣ам̣, вид̣̇д̇хам̣сзд̇ваа д̇аяо бхавз;
So chetvā bandhanaṃ sabbaṃ, viddhaṃsetvā tayo bhave;
анивад̇д̇иг̇аманам̣ маг̇г̇ам̣, д̣̇зсзси д̣̇звамаанусз.
Anivattigamanaṃ maggaṃ, desesi devamānuse.
3.
3.
сааг̇арова асан̇кобхо, баб̣б̣ад̇ова д̣̇ураасад̣̇о;
Sāgarova asaṅkhobho, pabbatova durāsado;
аагаасова ананд̇о со, сааларааж̇аава пуллид̇о.
Ākāsova ananto so, sālarājāva phullito.
4.
4.
д̣̇ассанзнаби д̇ам̣ б̣уд̣̇д̇хам̣, д̇осид̇аа хонд̇и баан̣ино;
Dassanenapi taṃ buddhaṃ, tositā honti pāṇino;
б̣яаахаранд̇ам̣ г̇ирам̣ суд̇ваа, амад̇ам̣ баабун̣анд̇и д̇з.
Byāharantaṃ giraṃ sutvā, amataṃ pāpuṇanti te.
5.
5.
д̇хаммаабхисамаяо д̇асса, ид̣̇д̇хо пийд̇о д̇ад̣̇аа аху;
Dhammābhisamayo tassa, iddho phīto tadā ahu;
годисад̇аани абхисамим̣су, батамз д̇хаммад̣̇зсанз.
Koṭisatāni abhisamiṃsu, paṭhame dhammadesane.
6.
6.
д̇ад̇о барам̣ абхисамаяз, вассанд̇з д̇хаммавудтияо;
Tato paraṃ abhisamaye, vassante dhammavuṭṭhiyo;
асийд̇игодияобхисамим̣су, д̣̇уд̇ияз д̇хаммад̣̇зсанз.
Asītikoṭiyobhisamiṃsu, dutiye dhammadesane.
7.
7.
д̇ад̇обаран̃хи вассанд̇з, д̇аббаяанд̇з жа баан̣инам̣;
Tatoparañhi vassante, tappayante ca pāṇinaṃ;
адтасад̇д̇ад̇игодийнам̣, д̇ад̇ияаабхисамаяо аху.
Aṭṭhasattatikoṭīnaṃ, tatiyābhisamayo ahu.
8.
8.
саннибаад̇аа д̇аяо аасум̣, д̇ассааби жа махзсино;
Sannipātā tayo āsuṃ, tassāpi ca mahesino;
абхин̃н̃ааб̣алаббад̇д̇аанам̣, бубпид̇аанам̣ вимуд̇д̇ияаа.
Abhiññābalappattānaṃ, pupphitānaṃ vimuttiyā.
9.
9.
адтасад̇асахассаанам̣, саннибаад̇о д̇ад̣̇аа аху;
Aṭṭhasatasahassānaṃ, sannipāto tadā ahu;
бахийнамад̣̇амохаанам̣, санд̇ажид̇д̇аана д̇аад̣̇инам̣.
Pahīnamadamohānaṃ, santacittāna tādinaṃ.
10.
10.
сад̇д̇асад̇асахассаанам̣ , д̣̇уд̇ияо ааси самааг̇амо;
Sattasatasahassānaṃ , dutiyo āsi samāgamo;
анан̇г̇ан̣аанам̣ вираж̇аанам̣, убасанд̇аана д̇аад̣̇инам̣.
Anaṅgaṇānaṃ virajānaṃ, upasantāna tādinaṃ.
11.
11.
чаннам̣ сад̇асахассаанам̣, д̇ад̇ияо ааси самааг̇амо;
Channaṃ satasahassānaṃ, tatiyo āsi samāgamo;
абхин̃н̃ааб̣алаббад̇д̇аанам̣, ниб̣б̣уд̇аанам̣ д̇абассинам̣.
Abhiññābalappattānaṃ, nibbutānaṃ tapassinaṃ.
12.
12.
ахам̣ д̇зна самаязна, яагко аасим̣ махид̣̇д̇хиго;
Ahaṃ tena samayena, yakkho āsiṃ mahiddhiko;
нзгаанам̣ яагкагодийнам̣, васавад̇д̇имхи иссаро.
Nekānaṃ yakkhakoṭīnaṃ, vasavattimhi issaro.
13.
13.
д̇ад̣̇ааби д̇ам̣ б̣уд̣̇д̇хаварам̣, убаг̇анд̇ваа махзсинам̣;
Tadāpi taṃ buddhavaraṃ, upagantvā mahesinaṃ;
аннабаанзна д̇аббзсим̣, сасан̇гхам̣ логанааяагам̣.
Annapānena tappesiṃ, sasaṅghaṃ lokanāyakaṃ.
14.
14.
соби мам̣ д̇ад̣̇аа б̣яаагааси, висуд̣̇д̇ханаяано муни;
Sopi maṃ tadā byākāsi, visuddhanayano muni;
‘‘абаримзяяид̇о габбз, аяам̣ б̣уд̣̇д̇хо бхависсад̇и.
‘‘Aparimeyyito kappe, ayaṃ buddho bhavissati.
15.
15.
‘‘бад̇хаанам̣ бад̣̇ахид̇ваана…бз… хзссаама саммукаа имам̣’’.
‘‘Padhānaṃ padahitvāna…pe… hessāma sammukhā imaṃ’’.
16.
16.
д̇ассааби важанам̣ суд̇ваа, хадто сам̣виг̇г̇амаанасо;
Tassāpi vacanaṃ sutvā, haṭṭho saṃviggamānaso;
уд̇д̇арим̣ вад̇амад̇хидтаасим̣, д̣̇асабаарамибуурияаа.
Uttariṃ vatamadhiṭṭhāsiṃ, dasapāramipūriyā.
17.
17.
наг̇арам̣ жанд̣̇авад̇ий наама, яасаваа наама кад̇д̇ияо;
Nagaraṃ candavatī nāma, yasavā nāma khattiyo;
маад̇аа яасод̇хараа наама, аномад̣̇ассисса сад̇т̇уно.
Mātā yasodharā nāma, anomadassissa satthuno.
18.
18.
д̣̇асавассасахассаани, аг̇аарам̣ аж̇жха со васи;
Dasavassasahassāni, agāraṃ ajjha so vasi;
сирий убасирий вад̣дхо, д̇аяо баасаад̣̇амуд̇д̇амаа.
Sirī upasirī vaḍḍho, tayo pāsādamuttamā.
19.
19.
д̇звийсад̇исахассаани, наарияо самалан̇гад̇аа;
Tevīsatisahassāni, nāriyo samalaṅkatā;
сиримаа наама саа наарий, убаваан̣о наама ад̇раж̇о.
Sirimā nāma sā nārī, upavāṇo nāma atrajo.
20.
20.
нимид̇д̇з жад̇уро д̣̇исваа, сивигааяаабхинигками;
Nimitte caturo disvā, sivikāyābhinikkhami;
ануунад̣̇асамаасаани, бад̇хаанам̣ бад̣̇ахий ж̇ино.
Anūnadasamāsāni, padhānaṃ padahī jino.
21.
21.
б̣рахмунаа яаажид̇о санд̇о, аномад̣̇ассий махаамуни;
Brahmunā yācito santo, anomadassī mahāmuni;
22.
22.
варун̣о наамубадтааго, аномад̣̇ассисса сад̇т̇уно.
Varuṇo nāmupaṭṭhāko, anomadassissa satthuno.
23.
23.
сунд̣̇арий жа суманаа жа, ахзсум̣ аг̇г̇асаавигаа;
Sundarī ca sumanā ca, ahesuṃ aggasāvikā;
б̣од̇хи д̇асса бхаг̇авад̇о, аж̇ж̇унод̇и бавужжад̇и.
Bodhi tassa bhagavato, ajjunoti pavuccati.
24.
24.
нанд̣̇ивад̣дхо сиривад̣дхо, ахзсум̣ аг̇г̇убадтагаа;
Nandivaḍḍho sirivaḍḍho, ahesuṃ aggupaṭṭhakā;
уббалаа жзва бад̣̇умаа жа, ахзсум̣ аг̇г̇убадтигаа.
Uppalā ceva padumā ca, ahesuṃ aggupaṭṭhikā.
25.
25.
адтабан̣н̣аасарад̇анам̣ , ажжуг̇г̇ад̇о махаамуни;
Aṭṭhapaṇṇāsaratanaṃ , accuggato mahāmuni;
бабхаа нид̣̇д̇хаавад̇ий д̇асса, сад̇арам̣сийва уг̇г̇ад̇о.
Pabhā niddhāvatī tassa, sataraṃsīva uggato.
26.
26.
вассасад̇асахассаани, ааяу виж̇ж̇ад̇и д̇аавад̣̇з;
Vassasatasahassāni, āyu vijjati tāvade;
д̇аавад̇аа д̇идтамаано со, д̇аарзси ж̇анад̇ам̣ б̣ахум̣.
Tāvatā tiṭṭhamāno so, tāresi janataṃ bahuṃ.
27.
27.
субубпид̇ам̣ бааважанам̣, араханд̇зхи д̇аад̣̇ихи;
Supupphitaṃ pāvacanaṃ, arahantehi tādihi;
вийд̇арааг̇зхи вималзхи, собхид̇т̇а ж̇инасаасанам̣.
Vītarāgehi vimalehi, sobhittha jinasāsanaṃ.
28.
28.
со жа сад̇т̇аа амид̇аяасо, яуг̇аани д̇аани ад̇улияаани;
So ca satthā amitayaso, yugāni tāni atuliyāni;
саб̣б̣ам̣ д̇аманд̇арахид̇ам̣, нану рид̇д̇аа саб̣б̣асан̇каараа.
Sabbaṃ tamantarahitaṃ, nanu rittā sabbasaṅkhārā.
29.
29.
аномад̣̇ассий ж̇ино сад̇т̇аа, д̇хаммаараамамхи ниб̣б̣уд̇о;
Anomadassī jino satthā, dhammārāmamhi nibbuto;
д̇ад̇т̇звасса ж̇инат̇уубо, уб̣б̣зд̇хо бан̃жавийсад̇ийд̇и.
Tatthevassa jinathūpo, ubbedho pañcavīsatīti.
аномад̣̇ассисса бхаг̇авад̇о вам̣со сад̇д̇амо.
Anomadassissa bhagavato vaṃso sattamo.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / б̣уд̣̇д̇хавам̣са-адтагат̇аа • Buddhavaṃsa-aṭṭhakathā / 9. аномад̣̇ассийб̣уд̣̇д̇хавам̣саван̣н̣анаа • 9. Anomadassībuddhavaṃsavaṇṇanā
