| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੧. ਸਿਙ੍ਗਾਲਸੁਤ੍ਤਂ
11. Siṅgālasuttaṃ
੨੩੩. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਅਸ੍ਸੁਤ੍ਥ ਨੋ ਤੁਮ੍ਹੇ, ਭਿਕ੍ਖવੇ, ਰਤ੍ਤਿਯਾ ਪਚ੍ਚੂਸਸਮਯਂ ਜਰਸਿਙ੍ਗਾਲਸ੍ਸ વਸ੍ਸਮਾਨਸ੍ਸਾ’’ਤਿ? ‘‘ਏવਂ, ਭਨ੍ਤੇ’’। ‘‘ਏਸੋ ਖੋ, ਭਿਕ੍ਖવੇ, ਜਰਸਿਙ੍ਗਾਲੋ ਉਕ੍ਕਣ੍ਡਕੇਨ ਨਾਮ ਰੋਗਜਾਤੇਨ ਫੁਟ੍ਠੋ। ਸੋ ਯੇਨ ਯੇਨ ਇਚ੍ਛਤਿ ਤੇਨ ਤੇਨ ਗਚ੍ਛਤਿ; ਯਤ੍ਥ ਯਤ੍ਥ ਇਚ੍ਛਤਿ ਤਤ੍ਥ ਤਤ੍ਥ ਤਿਟ੍ਠਤਿ; ਯਤ੍ਥ ਯਤ੍ਥ ਇਚ੍ਛਤਿ ਤਤ੍ਥ ਤਤ੍ਥ ਨਿਸੀਦਤਿ; ਯਤ੍ਥ ਯਤ੍ਥ ਇਚ੍ਛਤਿ ਤਤ੍ਥ ਤਤ੍ਥ ਨਿਪਜ੍ਜਤਿ; ਸੀਤਕੋਪਿ ਨਂ વਾਤੋ ਉਪવਾਯਤਿ। ਸਾਧੁ ਖ੍વਸ੍ਸ, ਭਿਕ੍ਖવੇ, ਯਂ ਇਧੇਕਚ੍ਚੋ ਸਕ੍ਯਪੁਤ੍ਤਿਯਪਟਿਞ੍ਞੋ ਏવਰੂਪਮ੍ਪਿ ਅਤ੍ਤਭਾવਪਟਿਲਾਭਂ ਪਟਿਸਂવੇਦਿਯੇਥ। ਤਸ੍ਮਾਤਿਹ, ਭਿਕ੍ਖવੇ , ਏવਂ ਸਿਕ੍ਖਿਤਬ੍ਬਂ – ‘ਅਪ੍ਪਮਤ੍ਤਾ વਿਹਰਿਸ੍ਸਾਮਾ’ਤਿ। ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਏਕਾਦਸਮਂ।
233. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena nāma rogajātena phuṭṭho. So yena yena icchati tena tena gacchati; yattha yattha icchati tattha tattha tiṭṭhati; yattha yattha icchati tattha tattha nisīdati; yattha yattha icchati tattha tattha nipajjati; sītakopi naṃ vāto upavāyati. Sādhu khvassa, bhikkhave, yaṃ idhekacco sakyaputtiyapaṭiñño evarūpampi attabhāvapaṭilābhaṃ paṭisaṃvediyetha. Tasmātiha, bhikkhave , evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Ekādasamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੧. ਸਿਙ੍ਗਾਲਸੁਤ੍ਤવਣ੍ਣਨਾ • 11. Siṅgālasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੧. ਸਿਙ੍ਗਾਲਸੁਤ੍ਤવਣ੍ਣਨਾ • 11. Siṅgālasuttavaṇṇanā
