| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੨. ਦੁਤਿਯਸਿਙ੍ਗਾਲਸੁਤ੍ਤਂ
12. Dutiyasiṅgālasuttaṃ
੨੩੪. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਅਸ੍ਸੁਤ੍ਥ ਨੋ ਤੁਮ੍ਹੇ, ਭਿਕ੍ਖવੇ, ਰਤ੍ਤਿਯਾ ਪਚ੍ਚੂਸਸਮਯਂ ਜਰਸਿਙ੍ਗਾਲਸ੍ਸ વਸ੍ਸਮਾਨਸ੍ਸਾ’’ਤਿ? ‘‘ਏવਂ, ਭਨ੍ਤੇ’’। ‘‘ਸਿਯਾ ਖੋ, ਭਿਕ੍ਖવੇ, ਤਸ੍ਮਿਂ ਜਰਸਿਙ੍ਗਾਲੇ ਯਾ ਕਾਚਿ ਕਤਞ੍ਞੁਤਾ ਕਤવੇਦਿਤਾ, ਨ ਤ੍વੇવ ਇਧੇਕਚ੍ਚੇ ਸਕ੍ਯਪੁਤ੍ਤਿਯਪਟਿਞ੍ਞੇ ਸਿਯਾ ਯਾ ਕਾਚਿ ਕਤਞ੍ਞੁਤਾ ਕਤવੇਦਿਤਾ। ਤਸ੍ਮਾਤਿਹ, ਭਿਕ੍ਖવੇ, ਏવਂ ਸਿਕ੍ਖਿਤਬ੍ਬਂ – ‘ਕਤਞ੍ਞੁਨੋ ਭવਿਸ੍ਸਾਮ ਕਤવੇਦਿਨੋ; ਨ ਚ ਨੋ 1 ਅਮ੍ਹੇਸੁ ਅਪ੍ਪਕਮ੍ਪਿ ਕਤਂ ਨਸ੍ਸਿਸ੍ਸਤੀ’ਤਿ 2। ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਦ੍વਾਦਸਮਂ।
234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no 3 amhesu appakampi kataṃ nassissatī’ti 4. Evañhi vo, bhikkhave, sikkhitabba’’nti. Dvādasamaṃ.
ਓਪਮ੍ਮਸਂਯੁਤ੍ਤਂ ਸਮਤ੍ਤਂ।
Opammasaṃyuttaṃ samattaṃ.
ਤਸ੍ਸੁਦ੍ਦਾਨਂ –
Tassuddānaṃ –
ਕੂਟਂ ਨਖਸਿਖਂ ਕੁਲਂ, ਓਕ੍ਖਾ ਸਤ੍ਤਿ ਧਨੁਗ੍ਗਹੋ।
Kūṭaṃ nakhasikhaṃ kulaṃ, okkhā satti dhanuggaho;
ਆਣਿ ਕਲਿਙ੍ਗਰੋ ਨਾਗੋ, ਬਿਲ਼ਾਰੋ ਦ੍વੇ ਸਿਙ੍ਗਾਲਕਾਤਿ॥
Āṇi kaliṅgaro nāgo, biḷāro dve siṅgālakāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੨. ਦੁਤਿਯਸਿਙ੍ਗਾਲਸੁਤ੍ਤવਣ੍ਣਨਾ • 12. Dutiyasiṅgālasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੨. ਦੁਤਿਯਸਿਙ੍ਗਾਲਸੁਤ੍ਤવਣ੍ਣਨਾ • 12. Dutiyasiṅgālasuttavaṇṇanā
