| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਸਿਙ੍ਗਾਲਸੁਤ੍ਤਂ
8. Siṅgālasuttaṃ
੧੬੪. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਦਾਰੁਣੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਅਧਿਗਮਾਯ। ਅਸ੍ਸੁਤ੍ਥ ਨੋ ਤੁਮ੍ਹੇ, ਭਿਕ੍ਖવੇ, ਰਤ੍ਤਿਯਾ ਪਚ੍ਚੂਸਸਮਯਂ ਜਰਸਿਙ੍ਗਾਲਸ੍ਸ 1 વਸ੍ਸਮਾਨਸ੍ਸਾ’’ਤਿ? ‘‘ਏવਂ, ਭਨ੍ਤੇ’’। ‘‘ਏਸੋ ਖੋ, ਭਿਕ੍ਖવੇ, ਜਰਸਿਙ੍ਗਾਲੋ ਉਕ੍ਕਣ੍ਡਕੇਨ 2 ਨਾਮ ਰੋਗਜਾਤੇਨ ਫੁਟ੍ਠੋ ਨੇવ ਬਿਲਗਤੋ ਰਮਤਿ, ਨ ਰੁਕ੍ਖਮੂਲਗਤੋ ਰਮਤਿ, ਨ ਅਜ੍ਝੋਕਾਸਗਤੋ ਰਮਤਿ; ਯੇਨ ਯੇਨ ਗਚ੍ਛਤਿ, ਯਤ੍ਥ ਯਤ੍ਥ ਤਿਟ੍ਠਤਿ, ਯਤ੍ਥ ਯਤ੍ਥ ਨਿਸੀਦਤਿ, ਯਤ੍ਥ ਯਤ੍ਥ ਨਿਪਜ੍ਜਤਿ; ਤਤ੍ਥ ਤਤ੍ਥ ਅਨਯਬ੍ਯਸਨਂ ਆਪਜ੍ਜਤਿ। ਏવਮੇવ ਖੋ, ਭਿਕ੍ਖવੇ, ਇਧੇਕਚ੍ਚੋ ਭਿਕ੍ਖੁ ਲਾਭਸਕ੍ਕਾਰਸਿਲੋਕੇਨ ਅਭਿਭੂਤੋ ਪਰਿਯਾਦਿਣ੍ਣਚਿਤ੍ਤੋ ਨੇવ ਸੁਞ੍ਞਾਗਾਰਗਤੋ ਰਮਤਿ, ਨ ਰੁਕ੍ਖਮੂਲਗਤੋ ਰਮਤਿ, ਨ ਅਜ੍ਝੋਕਾਸਗਤੋ ਰਮਤਿ; ਯੇਨ ਯੇਨ ਗਚ੍ਛਤਿ, ਯਤ੍ਥ ਯਤ੍ਥ ਤਿਟ੍ਠਤਿ, ਯਤ੍ਥ ਯਤ੍ਥ ਨਿਸੀਦਤਿ, ਯਤ੍ਥ ਯਤ੍ਥ ਨਿਪਜ੍ਜਤਿ; ਤਤ੍ਥ ਤਤ੍ਥ ਅਨਯਬ੍ਯਸਨਂ ਆਪਜ੍ਜਤਿ। ਏવਂ ਦਾਰੁਣੋ ਖੋ, ਭਿਕ੍ਖવੇ, ਲਾਭਸਕ੍ਕਾਰਸਿਲੋਕੋ…ਪੇ॰… ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਅਟ੍ਠਮਂ।
164. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Assuttha no tumhe, bhikkhave, rattiyā paccūsasamayaṃ jarasiṅgālassa 3 vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena 4 nāma rogajātena phuṭṭho neva bilagato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evameva kho, bhikkhave, idhekacco bhikkhu lābhasakkārasilokena abhibhūto pariyādiṇṇacitto neva suññāgāragato ramati, na rukkhamūlagato ramati, na ajjhokāsagato ramati; yena yena gacchati, yattha yattha tiṭṭhati, yattha yattha nisīdati, yattha yattha nipajjati; tattha tattha anayabyasanaṃ āpajjati. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਸਿਙ੍ਗਾਲਸੁਤ੍ਤવਣ੍ਣਨਾ • 8. Siṅgālasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਸਿਙ੍ਗਾਲਸੁਤ੍ਤવਣ੍ਣਨਾ • 8. Siṅgālasuttavaṇṇanā
