| Library / Tipiṭaka / д̇ибидага • Tipiṭaka / т̇зраг̇аат̇аабаал̣и • Theragāthāpāḷi |
12. д̣̇ваад̣̇асаганибаад̇о
12. Dvādasakanipāto
1. сийлавад̇т̇зраг̇аат̇аа
1. Sīlavattheragāthā
608.
608.
‘‘сийламзвид̇ха сигкзт̇а, асмим̣ логз сусигкид̇ам̣;
‘‘Sīlamevidha sikkhetha, asmiṃ loke susikkhitaṃ;
сийлам̣ хи саб̣б̣асамбад̇д̇им̣, убанаамзд̇и сзвид̇ам̣.
Sīlaṃ hi sabbasampattiṃ, upanāmeti sevitaṃ.
609.
609.
‘‘сийлам̣ рагкзяяа мзд̇хаавий, бад̇т̇аяаано д̇аяо сукз;
‘‘Sīlaṃ rakkheyya medhāvī, patthayāno tayo sukhe;
басам̣сам̣ вид̇д̇илаабхан̃жа, бзжжа саг̇г̇з бамод̣̇анам̣ 1.
Pasaṃsaṃ vittilābhañca, pecca sagge pamodanaṃ 2.
610.
610.
‘‘сийлаваа хи б̣ахуу мид̇д̇з, сан̃н̃амзнаад̇хиг̇ажчад̇и;
‘‘Sīlavā hi bahū mitte, saññamenādhigacchati;
д̣̇уссийло бана мид̇д̇зхи, д̇хам̣сад̇з баабамаажарам̣.
Dussīlo pana mittehi, dhaṃsate pāpamācaraṃ.
611.
611.
‘‘аван̣н̣ан̃жа агид̇д̇ин̃жа, д̣̇уссийло лабхад̇з наро;
‘‘Avaṇṇañca akittiñca, dussīlo labhate naro;
ван̣н̣ам̣ гид̇д̇им̣ басам̣сан̃жа, сад̣̇аа лабхад̇и сийлаваа.
Vaṇṇaṃ kittiṃ pasaṃsañca, sadā labhati sīlavā.
612.
612.
‘‘аад̣̇и сийлам̣ бад̇идтаа жа, галяаан̣аанан̃жа маад̇угам̣;
‘‘Ādi sīlaṃ patiṭṭhā ca, kalyāṇānañca mātukaṃ;
бамукам̣ саб̣б̣ад̇хаммаанам̣, д̇асмаа сийлам̣ висод̇хаяз.
Pamukhaṃ sabbadhammānaṃ, tasmā sīlaṃ visodhaye.
613.
613.
‘‘взлаа жа сам̣варам̣ сийлам̣ 3, жид̇д̇асса абхихаасанам̣;
‘‘Velā ca saṃvaraṃ sīlaṃ 4, cittassa abhihāsanaṃ;
д̇ид̇т̇ан̃жа саб̣б̣аб̣уд̣̇д̇хаанам̣, д̇асмаа сийлам̣ висод̇хаяз.
Titthañca sabbabuddhānaṃ, tasmā sīlaṃ visodhaye.
614.
614.
‘‘сийлам̣ б̣алам̣ аббадимам̣, сийлам̣ аавуд̇хамуд̇д̇амам̣;
‘‘Sīlaṃ balaṃ appaṭimaṃ, sīlaṃ āvudhamuttamaṃ;
сийламаабхаран̣ам̣ сздтам̣, сийлам̣ гаважамаб̣бхуд̇ам̣.
Sīlamābharaṇaṃ seṭṭhaṃ, sīlaṃ kavacamabbhutaṃ.
615.
615.
‘‘сийлам̣ сзд̇у махзсагко, сийлам̣ г̇анд̇хо ануд̇д̇аро;
‘‘Sīlaṃ setu mahesakkho, sīlaṃ gandho anuttaro;
сийлам̣ вилзбанам̣ сздтам̣, язна ваад̇и д̣̇исод̣̇исам̣.
Sīlaṃ vilepanaṃ seṭṭhaṃ, yena vāti disodisaṃ.
616.
616.
‘‘сийлам̣ самб̣аламзваг̇г̇ам̣, сийлам̣ баат̇зяяамуд̇д̇амам̣;
‘‘Sīlaṃ sambalamevaggaṃ, sīlaṃ pātheyyamuttamaṃ;
сийлам̣ сздто ад̇иваахо, язна яаад̇и д̣̇исод̣̇исам̣.
Sīlaṃ seṭṭho ativāho, yena yāti disodisaṃ.
617.
617.
‘‘ид̇хзва нинд̣̇ам̣ лабхад̇и, бзжжаабааяз жа д̣̇уммано;
‘‘Idheva nindaṃ labhati, peccāpāye ca dummano;
саб̣б̣ад̇т̇а д̣̇уммано б̣аало, сийлзсу асамаахид̇о.
Sabbattha dummano bālo, sīlesu asamāhito.
618.
618.
‘‘ид̇хзва гид̇д̇им̣ лабхад̇и, бзжжа саг̇г̇з жа суммано;
‘‘Idheva kittiṃ labhati, pecca sagge ca summano;
саб̣б̣ад̇т̇а сумано д̇хийро, сийлзсу сусамаахид̇о.
Sabbattha sumano dhīro, sīlesu susamāhito.
619.
619.
‘‘сийламзва ид̇ха аг̇г̇ам̣, бан̃н̃аваа бана уд̇д̇амо;
‘‘Sīlameva idha aggaṃ, paññavā pana uttamo;
мануссзсу жа д̣̇звзсу, сийлабан̃н̃аан̣ад̇о ж̇аяа’’нд̇и.
Manussesu ca devesu, sīlapaññāṇato jaya’’nti.
… сийлаво т̇зро….
… Sīlavo thero….
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зраг̇аат̇аа-адтагат̇аа • Theragāthā-aṭṭhakathā / 1. сийлавад̇т̇зраг̇аат̇ааван̣н̣анаа • 1. Sīlavattheragāthāvaṇṇanā
