| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૬. સીલવન્તસુત્તવણ્ણના
6. Sīlavantasuttavaṇṇanā
૪૬. છટ્ઠે તીહિ ઠાનેહીતિ તીહિ કારણેહિ. કાયેનાતિઆદીસુ ભિક્ખૂ આગચ્છન્તે દિસ્વા પચ્ચુગ્ગમનં કરોન્તા ગચ્છન્તે અનુગચ્છન્તા આસનસાલાય સમ્મજ્જનઉપલેપનાદીનિ કરોન્તા આસનાનિ પઞ્ઞાપેન્તા પાનીયં પચ્ચુપટ્ઠાપેન્તા કાયેન પુઞ્ઞં પસવન્તિ નામ. ભિક્ખુસઙ્ઘં પિણ્ડાય ચરન્તં દિસ્વા ‘‘યાગું દેથ, ભત્તં દેથ, સપ્પિનવનીતાદીનિ દેથ, ગન્ધપુપ્ફાદીહિ પૂજેથ, ઉપોસથં ઉપવસથ, ધમ્મં સુણાથ, ચેતિયં વન્દથા’’તિઆદીનિ વદન્તા વાચાય પુઞ્ઞં પસવન્તિ નામ. ભિક્ખૂ પિણ્ડાય ચરન્તે દિસ્વા ‘‘લભન્તૂ’’તિ ચિન્તેન્તા મનસા પુઞ્ઞં પસવન્તિ નામ. પસવન્તીતિ પટિલભન્તિ. પુઞ્ઞં પનેત્થ લોકિયલોકુત્તરમિસ્સકં કથિતં.
46. Chaṭṭhe tīhi ṭhānehīti tīhi kāraṇehi. Kāyenātiādīsu bhikkhū āgacchante disvā paccuggamanaṃ karontā gacchante anugacchantā āsanasālāya sammajjanaupalepanādīni karontā āsanāni paññāpentā pānīyaṃ paccupaṭṭhāpentā kāyena puññaṃ pasavanti nāma. Bhikkhusaṅghaṃ piṇḍāya carantaṃ disvā ‘‘yāguṃ detha, bhattaṃ detha, sappinavanītādīni detha, gandhapupphādīhi pūjetha, uposathaṃ upavasatha, dhammaṃ suṇātha, cetiyaṃ vandathā’’tiādīni vadantā vācāya puññaṃ pasavanti nāma. Bhikkhū piṇḍāya carante disvā ‘‘labhantū’’ti cintentā manasā puññaṃ pasavanti nāma. Pasavantīti paṭilabhanti. Puññaṃ panettha lokiyalokuttaramissakaṃ kathitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૬. સીલવન્તસુત્તં • 6. Sīlavantasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬. સીલવન્તસુત્તવણ્ણના • 6. Sīlavantasuttavaṇṇanā
