| Library / Tipiṭaka / ติปิฎก • Tipiṭaka / เถรีคาถาปาฬิ • Therīgāthāpāḷi |
๓. สีหาเถรีคาถา
3. Sīhātherīgāthā
๗๗.
77.
‘‘อโยนิโส มนสิการา, กามราเคน อฎฺฎิตา;
‘‘Ayoniso manasikārā, kāmarāgena aṭṭitā;
อโหสิํ อุทฺธตา ปุเพฺพ, จิเตฺต อวสวตฺตินีฯ
Ahosiṃ uddhatā pubbe, citte avasavattinī.
๗๘.
78.
‘‘ปริยุฎฺฐิตา เกฺลเสหิ, สุภสญฺญานุวตฺตินี;
‘‘Pariyuṭṭhitā klesehi, subhasaññānuvattinī;
สมํ จิตฺตสฺส น ลภิํ, ราคจิตฺตวสานุคาฯ
Samaṃ cittassa na labhiṃ, rāgacittavasānugā.
๗๙.
79.
‘‘กิสา ปณฺฑุ วิวณฺณา จ, สตฺต วสฺสานิ จาริหํ;
‘‘Kisā paṇḍu vivaṇṇā ca, satta vassāni cārihaṃ;
นาหํ ทิวา วา รตฺติํ วา, สุขํ วินฺทิํ สุทุกฺขิตาฯ
Nāhaṃ divā vā rattiṃ vā, sukhaṃ vindiṃ sudukkhitā.
๘๐.
80.
‘‘ตโต รชฺชุํ คเหตฺวาน, ปาวิสิํ วนมนฺตรํ;
‘‘Tato rajjuṃ gahetvāna, pāvisiṃ vanamantaraṃ;
วรํ เม อิธ อุพฺพนฺธํ, ยญฺจ หีนํ ปุนาจเรฯ
Varaṃ me idha ubbandhaṃ, yañca hīnaṃ punācare.
๘๑.
81.
ปกฺขิปิํ ปาสํ คีวายํ, อถ จิตฺตํ วิมุจฺจิ เม’’ติฯ
Pakkhipiṃ pāsaṃ gīvāyaṃ, atha cittaṃ vimucci me’’ti.
… สีหา เถรี…ฯ
… Sīhā therī….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรีคาถา-อฎฺฐกถา • Therīgāthā-aṭṭhakathā / ๓. สีหาเถรีคาถาวณฺณนา • 3. Sīhātherīgāthāvaṇṇanā
