| Library / Tipiṭaka / ติปิฎก • Tipiṭaka / เถรีคาถาปาฬิ • Therīgāthāpāḷi |
๔. สุนฺทรีนนฺทาเถรีคาถา
4. Sundarīnandātherīgāthā
๘๒.
82.
‘‘อาตุรํ อสุจิํ ปูติํ, ปสฺส นเนฺท สมุสฺสยํ;
‘‘Āturaṃ asuciṃ pūtiṃ, passa nande samussayaṃ;
อสุภาย จิตฺตํ ภาเวหิ, เอกคฺคํ สุสมาหิตํฯ
Asubhāya cittaṃ bhāvehi, ekaggaṃ susamāhitaṃ.
๘๓.
83.
‘‘ยถา อิทํ ตถา เอตํ, ยถา เอตํ ตถา อิทํ;
‘‘Yathā idaṃ tathā etaṃ, yathā etaṃ tathā idaṃ;
ทุคฺคนฺธํ ปูติกํ วาติ, พาลานํ อภินนฺทิตํฯ
Duggandhaṃ pūtikaṃ vāti, bālānaṃ abhinanditaṃ.
๘๔.
84.
‘‘เอวเมตํ อเวกฺขนฺตี, รตฺตินฺทิวมตนฺทิตา;
‘‘Evametaṃ avekkhantī, rattindivamatanditā;
๘๕.
85.
‘‘ตสฺสา เม อปฺปมตฺตาย, วิจินนฺติยา โยนิโส;
‘‘Tassā me appamattāya, vicinantiyā yoniso;
ยถาภูตํ อยํ กาโย, ทิโฎฺฐ สนฺตรพาหิโรฯ
Yathābhūtaṃ ayaṃ kāyo, diṭṭho santarabāhiro.
๘๖.
86.
‘‘อถ นิพฺพินฺทหํ กาเย, อชฺฌตฺตญฺจ วิรชฺชหํ;
‘‘Atha nibbindahaṃ kāye, ajjhattañca virajjahaṃ;
อปฺปมตฺตา วิสํยุตฺตา, อุปสนฺตามฺหิ นิพฺพุตา’’ติฯ
Appamattā visaṃyuttā, upasantāmhi nibbutā’’ti.
… สุนฺทรีนนฺทา เถรี…ฯ
… Sundarīnandā therī….
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรีคาถา-อฎฺฐกถา • Therīgāthā-aṭṭhakathā / ๔. สุนฺทรีนนฺทาเถรีคาถาวณฺณนา • 4. Sundarīnandātherīgāthāvaṇṇanā
