| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
9. ஸீஹஸுத்தவண்ணனா
9. Sīhasuttavaṇṇanā
99. நவமே ஸக்கச்சஞ்ஞேவ தே³தி நோ அஸக்கச்சந்தி அனவஞ்ஞாய அவிரஜ்ஜி²த்வாவ தே³தி, நோ அவஞ்ஞாய விரஜ்ஜி²த்வா. மா மே யொக்³க³பதோ² நஸ்ஸாதி மயா கதயொக்³க³பதோ² மய்ஹங் மா நஸ்ஸது, ‘‘ஏகோ ஸீஹோ உட்டா²ய பி³ளாரங் பஹரந்தோ விரஜ்ஜி²த்வா பஹரீ’’தி ஏவங் வத்தாரோ மா ஹொந்தூதி அத்தோ². அன்னபா⁴ரனேஸாதா³னந்தி எத்த² அன்னங் வுச்சதி யவப⁴த்தங், தங் பா⁴ரோ ஏதேஸந்தி அன்னபா⁴ரா. யாசகானங் ஏதங் நாமங். நேஸாதா³ வுச்சந்தி ஸாகுணிகா. இதி ஸப்³ப³பச்சி²மாய கோடியா ஏதேஸங் யாசகனேஸாதா³னம்பி ஸக்கச்சமேவ தே³ஸேதி.
99. Navame sakkaccaññeva deti no asakkaccanti anavaññāya avirajjhitvāva deti, no avaññāya virajjhitvā. Mā me yoggapatho nassāti mayā katayoggapatho mayhaṃ mā nassatu, ‘‘eko sīho uṭṭhāya biḷāraṃ paharanto virajjhitvā paharī’’ti evaṃ vattāro mā hontūti attho. Annabhāranesādānanti ettha annaṃ vuccati yavabhattaṃ, taṃ bhāro etesanti annabhārā. Yācakānaṃ etaṃ nāmaṃ. Nesādā vuccanti sākuṇikā. Iti sabbapacchimāya koṭiyā etesaṃ yācakanesādānampi sakkaccameva deseti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 9. ஸீஹஸுத்தங் • 9. Sīhasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. பட²மஸம்பதா³ஸுத்தாதி³வண்ணனா • 1-10. Paṭhamasampadāsuttādivaṇṇanā
