| Library / Tipiṭaka / д̇ибидага • Tipiṭaka / винаяавинижчаяа-уд̇д̇аравинижчаяа • Vinayavinicchaya-uttaravinicchaya |
сзнаасанагканд̇хагагат̇аа
Senāsanakkhandhakakathā
2827.
2827.
аасанд̣̇иго ад̇игганд̇а-бамаан̣оби жа ваддад̇и;
Āsandiko atikkanta-pamāṇopi ca vaṭṭati;
д̇ат̇аа бан̃жан̇г̇абийтамби, сад̇д̇ан̇г̇амби жа ваддад̇и.
Tathā pañcaṅgapīṭhampi, sattaṅgampi ca vaṭṭati.
2828.
2828.
д̇уулонад̣̇д̇хаа гхарзязва, ман̃жабийтаа нисийд̣̇ид̇ум̣;
Tūlonaddhā ghareyeva, mañcapīṭhā nisīdituṃ;
сийсабаад̣̇уубад̇хаанан̃жа, аг̇илаанасса ваддад̇и.
Sīsapādūpadhānañca, agilānassa vaṭṭati.
2829.
2829.
сант̇арид̇ваа г̇илаанасса, убад̇хаанаани д̇ад̇т̇а жа;
Santharitvā gilānassa, upadhānāni tattha ca;
бажжад̇т̇аран̣агам̣ д̣̇ад̇ваа, нибаж̇ж̇анд̇асса ваддад̇и.
Paccattharaṇakaṃ datvā, nipajjantassa vaṭṭati.
2830.
2830.
д̇ирияам̣ мудтирад̇анам̣, ход̇и б̣имб̣оханам̣ мид̇ам̣;
Tiriyaṃ muṭṭhiratanaṃ, hoti bimbohanaṃ mitaṃ;
д̣̇ийгхад̇о жа д̣̇ияад̣дхам̣ ваа, д̣̇вихад̇т̇анд̇и гурунд̣̇ияам̣.
Dīghato ca diyaḍḍhaṃ vā, dvihatthanti kurundiyaṃ.
2831.
2831.
буурид̇аа жол̣абан̣н̣ун̣н̣а-д̇ин̣аваагзхи бан̃жахи;
Pūritā coḷapaṇṇuṇṇa-tiṇavākehi pañcahi;
бхисияо бхаасид̇аа бан̃жа, д̇уулаанам̣ г̇ан̣анаавасаа.
Bhisiyo bhāsitā pañca, tūlānaṃ gaṇanāvasā.
2832.
2832.
бхисид̇уулаани бан̃жзва, д̇ат̇аа д̇уулаани д̇ийн̣иби;
Bhisitūlāni pañceva, tathā tūlāni tīṇipi;
ломаани миг̇абагкийнам̣, г̇аб̣бхаа б̣имб̣оханассимз.
Lomāni migapakkhīnaṃ, gabbhā bimbohanassime.
2833.
2833.
мануссаломам̣ ломзсу, бубпзсу б̣агулаад̣̇игам̣;
Manussalomaṃ lomesu, pupphesu bakulādikaṃ;
суд̣̇д̇хам̣ д̇амаалабад̇д̇ан̃жа, бан̣н̣зсу на жа ваддад̇и.
Suddhaṃ tamālapattañca, paṇṇesu na ca vaṭṭati.
2834.
2834.
ун̣н̣аад̣̇игам̣ бан̃жавид̇хан̃жа д̇уулам̣;
Uṇṇādikaṃ pañcavidhañca tūlaṃ;
махзсинаа яам̣ бхисияам̣ бавуд̇д̇ам̣;
Mahesinā yaṃ bhisiyaṃ pavuttaṃ;
масуурагз д̇ам̣ бана ваддад̇ийд̇и;
Masūrake taṃ pana vaṭṭatīti;
гурунд̣̇ияам̣ адтагат̇ааяа вуд̇д̇ам̣.
Kurundiyaṃ aṭṭhakathāya vuttaṃ.
2835.
2835.
яад̣̇зд̇ам̣ д̇ивид̇хам̣ д̇уулам̣, бхисияам̣ д̇ам̣ агаббияам̣;
Yadetaṃ tividhaṃ tūlaṃ, bhisiyaṃ taṃ akappiyaṃ;
миссам̣ д̇амаалабад̇д̇ам̣ д̇у, саб̣б̣ад̇т̇а бана ваддад̇и.
Missaṃ tamālapattaṃ tu, sabbattha pana vaṭṭati.
2836.
2836.
руубам̣ д̇у бурисид̇т̇ийнам̣, д̇иражчаанаг̇ад̇асса ваа;
Rūpaṃ tu purisitthīnaṃ, tiracchānagatassa vā;
гаарзнд̇асса гарод̇о ваа, ход̇и аабад̇д̇и д̣̇уггадам̣.
Kārentassa karoto vā, hoti āpatti dukkaṭaṃ.
2837.
2837.
ж̇аад̇агам̣ бана вад̇т̇ум̣ ваа, гаараабзд̇ум̣ барзхи ваа;
Jātakaṃ pana vatthuṃ vā, kārāpetuṃ parehi vā;
маалаагаммам̣ лад̇аагаммам̣, саяам̣ гаад̇умби ваддад̇и.
Mālākammaṃ latākammaṃ, sayaṃ kātumpi vaṭṭati.
2838.
2838.
самаанаасаниго наама, д̣̇вийхи вассзхи яо бана;
Samānāsaniko nāma, dvīhi vassehi yo pana;
вуд̣дхо ваа д̣̇ахаро вааби, вассзнзгзна ваа бана.
Vuḍḍho vā daharo vāpi, vassenekena vā pana.
2839.
2839.
самаанавассз вад̇д̇аб̣б̣ам̣, гин̃жа наамид̇ха виж̇ж̇ад̇и;
Samānavasse vattabbaṃ, kiñca nāmidha vijjati;
сад̇д̇авассад̇ивассзхи, бан̃жавассо нисийд̣̇ад̇и.
Sattavassativassehi, pañcavasso nisīdati.
2840.
2840.
хздтаа д̣̇ийгхаасанам̣ д̇ин̣н̣ам̣, яам̣ баход̇и нисийд̣̇ид̇ум̣;
Heṭṭhā dīghāsanaṃ tiṇṇaṃ, yaṃ pahoti nisīdituṃ;
згаман̃жзби бийтз ваа, д̣̇вз нисийд̣̇анд̇и ваддад̇и.
Ekamañcepi pīṭhe vā, dve nisīdanti vaṭṭati.
2841.
2841.
убхад̇об̣яан̃ж̇анам̣ ид̇т̇им̣, табзд̇ваа бан̣д̣агам̣ бана;
Ubhatobyañjanaṃ itthiṃ, ṭhapetvā paṇḍakaṃ pana;
д̣̇ийгхаасанз анун̃н̃аад̇ам̣, саб̣б̣зхиби нисийд̣̇ид̇ум̣.
Dīghāsane anuññātaṃ, sabbehipi nisīdituṃ.
2842.
2842.
буримиго бажчимиго, д̇ат̇званд̇арамуд̇д̇аго;
Purimiko pacchimiko, tathevantaramuttako;
д̇аяо сзнаасанаг̇г̇аахаа, самб̣уд̣̇д̇хзна багаасид̇аа.
Tayo senāsanaggāhā, sambuddhena pakāsitā.
2843.
2843.
буб̣б̣аарун̣аа баадибад̣̇асса яаава;
Pubbāruṇā pāṭipadassa yāva;
бунаарун̣о бхиж̇ж̇ад̇и нзва д̇аава;
Punāruṇo bhijjati neva tāva;
ид̣̇ан̃хи сзнаасанаг̇аахагасса;
Idañhi senāsanagāhakassa;
кзд̇д̇анд̇и вассуубаг̇амз вад̣̇анд̇и.
Khettanti vassūpagame vadanti.
2844.
2844.
баад̇ова г̇аахид̇з ан̃н̃о, бхигку сзнаасанз бана;
Pātova gāhite añño, bhikkhu senāsane pana;
сажз яаажад̇и ааг̇анд̇ваа, вад̇д̇аб̣б̣о г̇аахид̇анд̇и со.
Sace yācati āgantvā, vattabbo gāhitanti so.
2845.
2845.
сан̇гхигам̣ абалогзд̇ваа, г̇ахид̇ам̣ вассаваасигам̣;
Saṅghikaṃ apaloketvā, gahitaṃ vassavāsikaṃ;
анд̇овассзби виб̣бханд̇о, лабхад̇з д̇ад̇раж̇ам̣ сажз.
Antovassepi vibbhanto, labhate tatrajaṃ sace.
2846.
2846.
вудтавассо сажз бхигку, гин̃жи ааваасихад̇т̇ад̇о;
Vuṭṭhavasso sace bhikkhu, kiñci āvāsihatthato;
г̇ахзд̇ваа габбияам̣ бхан̣д̣ам̣, д̣̇ад̇ваа д̇ассад̇д̇ано бана.
Gahetvā kappiyaṃ bhaṇḍaṃ, datvā tassattano pana.
2847.
2847.
‘‘асугасмим̣ гулз маяхам̣, вассааваасигажийварам̣;
‘‘Asukasmiṃ kule mayhaṃ, vassāvāsikacīvaraṃ;
г̇аахид̇ам̣ г̇ан̣ха’’ижжзвам̣, вад̇ваа г̇ажчад̇и со д̣̇исам̣.
Gāhitaṃ gaṇha’’iccevaṃ, vatvā gacchati so disaṃ.
2848.
2848.
уббаб̣б̣аж̇ад̇и жз д̇ад̇т̇а, г̇ад̇адтаанз, на лаб̣бхад̇и;
Uppabbajati ce tattha, gataṭṭhāne, na labbhati;
г̇ахзд̇ум̣ д̇асса самбад̇д̇ам̣, сан̇гхигам̣язва д̇ам̣ сияаа.
Gahetuṃ tassa sampattaṃ, saṅghikaṃyeva taṃ siyā.
2849.
2849.
мануссз саммукаа д̇ад̇т̇а, бадижчаабзд̇и жз бана;
Manusse sammukhā tattha, paṭicchāpeti ce pana;
саб̣б̣ам̣ лабхад̇и самбад̇д̇ам̣, вассааваасигажийварам̣.
Sabbaṃ labhati sampattaṃ, vassāvāsikacīvaraṃ.
2850.
2850.
аараамо жа вихааро жа, вад̇т̇ууни д̣̇увид̇хассаби;
Ārāmo ca vihāro ca, vatthūni duvidhassapi;
бхиси б̣имб̣оханам̣ ман̃жа-бийтанд̇и д̇ад̇ияам̣ бана.
Bhisi bimbohanaṃ mañca-pīṭhanti tatiyaṃ pana.
2851.
2851.
лохагумбхий гадаахан̃жа, бхаан̣аго лохаваараго;
Lohakumbhī kaṭāhañca, bhāṇako lohavārako;
вааси парасу гуд̣̇д̣̇аало, гутаарий жа никаад̣̇анам̣.
Vāsi pharasu kuddālo, kuṭhārī ca nikhādanaṃ.
2852.
2852.
валли взл̣у д̇ин̣ам̣ бан̣н̣ам̣, мун̃ж̇абаб̣б̣аж̇амзва жа;
Valli veḷu tiṇaṃ paṇṇaṃ, muñjapabbajameva ca;
мад̇д̇игаа д̣̇аарубхан̣д̣ан̃жа, бан̃жамам̣ д̇у яат̇ааха жа.
Mattikā dārubhaṇḍañca, pañcamaṃ tu yathāha ca.
2853.
2853.
‘‘д̣̇вийхи сан̇г̇ахид̇аани д̣̇вз, д̇ад̇ияам̣ жад̇усан̇г̇ахам̣;
‘‘Dvīhi saṅgahitāni dve, tatiyaṃ catusaṅgahaṃ;
жад̇уд̇т̇ам̣ навагодтаасам̣, бан̃жамам̣ адтад̇хаа мад̇ам̣.
Catutthaṃ navakoṭṭhāsaṃ, pañcamaṃ aṭṭhadhā mataṃ.
2854.
2854.
ид̇и бан̃жахи раасийхи, бан̃жаниммалаложано;
Iti pañcahi rāsīhi, pañcanimmalalocano;
бан̃жавийсавид̇хам̣ наат̇о, г̇арубхан̣д̣ам̣ багаасаяи’’.
Pañcavīsavidhaṃ nātho, garubhaṇḍaṃ pakāsayi’’.
2855.
2855.
ид̣̇ан̃хи бана сан̇гхасса, санд̇агам̣ г̇арубхан̣д̣агам̣;
Idañhi pana saṅghassa, santakaṃ garubhaṇḍakaṃ;
виссаж̇ж̇знд̇о вибхааж̇знд̇о, бхигку т̇уллажжаяам̣ пусз.
Vissajjento vibhājento, bhikkhu thullaccayaṃ phuse.
2856.
2856.
бхигкунаа г̇арубхан̣д̣ам̣ д̇у, сан̇гхзна хи г̇ан̣зна ваа;
Bhikkhunā garubhaṇḍaṃ tu, saṅghena hi gaṇena vā;
виссаж̇ж̇ид̇амависсадтам̣, вибхад̇д̇амавибхааж̇ид̇ам̣.
Vissajjitamavissaṭṭhaṃ, vibhattamavibhājitaṃ.
2857.
2857.
буримзсу хи д̇ийсвзд̇т̇а, на жад̇т̇ааг̇арубхан̣д̣агам̣;
Purimesu hi tīsvettha, na catthāgarubhaṇḍakaṃ;
лохагумбхий гадаахо жа, лохабхаан̣агамзва жа.
Lohakumbhī kaṭāho ca, lohabhāṇakameva ca.
2858.
2858.
д̇ивид̇хам̣ куд̣̇д̣̇агам̣ вааби, г̇арубхан̣д̣агамзвид̣̇ам̣;
Tividhaṃ khuddakaṃ vāpi, garubhaṇḍakamevidaṃ;
баад̣̇аг̇ан̣ханаго лоха-ваараго бхааж̇ияо мад̇о.
Pādagaṇhanako loha-vārako bhājiyo mato.
2859.
2859.
уд̣̇д̇хам̣ бана д̇ад̇о лоха-ваараго г̇арубхан̣д̣агам̣;
Uddhaṃ pana tato loha-vārako garubhaṇḍakaṃ;
бхин̇гаараад̣̇ийни саб̣б̣аани, г̇арубхан̣д̣аани хонд̇и хи.
Bhiṅkārādīni sabbāni, garubhaṇḍāni honti hi.
2860.
2860.
бхааж̇зд̇аб̣б̣о аяобад̇д̇о;
Bhājetabbo ayopatto;
д̇амб̣ааяот̇аалагааби жа;
Tambāyothālakāpi ca;
д̇хууманзд̇д̇аад̣̇игам̣ нзва;
Dhūmanettādikaṃ neva;
бхааж̇зд̇аб̣б̣анд̇и д̣̇ийбид̇ам̣.
Bhājetabbanti dīpitaṃ.
2861.
2861.
ад̇д̇анаа бадилад̣̇д̇хам̣ д̇ам̣, лохабхан̣д̣ам̣ д̇у гин̃жиби;
Attanā paṭiladdhaṃ taṃ, lohabhaṇḍaṃ tu kiñcipi;
на буг̇г̇алигабхог̇зна, бхун̃ж̇ид̇аб̣б̣ан̃хи бхигкунаа.
Na puggalikabhogena, bhuñjitabbañhi bhikkhunā.
2862.
2862.
гам̣саваддагалохаанам̣, бхааж̇анааниби саб̣б̣асо;
Kaṃsavaṭṭakalohānaṃ, bhājanānipi sabbaso;
на буг̇г̇алигабхог̇зна, вадданд̇и барибхун̃ж̇ид̇ум̣.
Na puggalikabhogena, vaṭṭanti paribhuñjituṃ.
2863.
2863.
д̇ибубхан̣д̣зби зсзва, наяо н̃зяяо вибхаавинаа;
Tipubhaṇḍepi eseva, nayo ñeyyo vibhāvinā;
на д̣̇осо сан̇гхигз ад̇т̇и, г̇ихийнам̣ санд̇агзсу ваа.
Na doso saṅghike atthi, gihīnaṃ santakesu vā.
2864.
2864.
кийрабаасаан̣асамбхууд̇ам̣, г̇аругам̣ д̇аддагаад̣̇игам̣;
Khīrapāsāṇasambhūtaṃ, garukaṃ taṭṭakādikaṃ;
баад̣̇аг̇ан̣ханад̇о уд̣̇д̇хам̣, гхадаго г̇арубхан̣д̣аго.
Pādagaṇhanato uddhaṃ, ghaṭako garubhaṇḍako.
2865.
2865.
син̇г̇исаж̇жхумаяам̣ хаара-гуудаж̇ам̣ палигуб̣бхавам̣;
Siṅgisajjhumayaṃ hāra-kūṭajaṃ phalikubbhavaṃ;
бхааж̇анаани на вадданд̇и, г̇ихийнам̣ санд̇агааниби.
Bhājanāni na vaṭṭanti, gihīnaṃ santakānipi.
2866.
2866.
вааси бхааж̇анияаа куд̣̇д̣̇аа, г̇арубхан̣д̣ам̣ махад̇д̇арий;
Vāsi bhājaniyā khuddā, garubhaṇḍaṃ mahattarī;
д̇ат̇аа парасу взж̇ж̇аанам̣, сираавзд̇ханагамби жа.
Tathā pharasu vejjānaṃ, sirāvedhanakampi ca.
2867.
2867.
гутаари вааси гуд̣̇д̣̇аало, г̇арубхан̣д̣ам̣ никаад̣̇анам̣;
Kuṭhāri vāsi kuddālo, garubhaṇḍaṃ nikhādanaṃ;
сикарамби жа д̇знзва, г̇ахид̇анд̇и багаасид̇ам̣.
Sikharampi ca teneva, gahitanti pakāsitaṃ.
2868.
2868.
жад̇урассамукам̣ д̣̇он̣и-мукам̣ ван̇гамби д̇ад̇т̇а жа;
Caturassamukhaṃ doṇi-mukhaṃ vaṅkampi tattha ca;
сад̣̇ан̣д̣ам̣ куд̣̇д̣̇агам̣ саб̣б̣ам̣, г̇арубхан̣д̣ам̣ никаад̣̇анам̣.
Sadaṇḍaṃ khuddakaṃ sabbaṃ, garubhaṇḍaṃ nikhādanaṃ.
2869.
2869.
мудтигамад̇хигаран̣ий , сан̣д̣аасо ваа д̇улаад̣̇игам̣;
Muṭṭhikamadhikaraṇī , saṇḍāso vā tulādikaṃ;
гин̃жи сан̇гхасса д̣̇иннам̣ жз, д̇ам̣ саб̣б̣ам̣ г̇арубхан̣д̣агам̣.
Kiñci saṅghassa dinnaṃ ce, taṃ sabbaṃ garubhaṇḍakaṃ.
2870.
2870.
нхаабид̇асса жа сан̣д̣аасо, гад̇д̇арий жа махад̇д̇арий;
Nhāpitassa ca saṇḍāso, kattarī ca mahattarī;
махаабибпалагам̣ д̇унна-гаараанам̣ г̇арубхан̣д̣агам̣.
Mahāpipphalakaṃ tunna-kārānaṃ garubhaṇḍakaṃ.
2871.
2871.
валли сан̇гхасса д̣̇иннаа ваа, д̇ад̇т̇аж̇аад̇ааби рагкид̇аа;
Valli saṅghassa dinnā vā, tatthajātāpi rakkhitā;
ад̣дхаб̣аахуббамаан̣ааби, г̇ару взд̇д̇алад̇аад̣̇игаа.
Aḍḍhabāhuppamāṇāpi, garu vettalatādikā.
2872.
2872.
суд̇д̇аваагаад̣̇иниб̣б̣ад̇д̇аа, раж̇ж̇угаа яод̇д̇агаани ваа;
Suttavākādinibbattā, rajjukā yottakāni vā;
сан̇гхасса д̣̇иннагаалз д̇у, г̇ажчанд̇и г̇арубхан̣д̣ад̇ам̣.
Saṅghassa dinnakāle tu, gacchanti garubhaṇḍataṃ.
2873.
2873.
наал̣игзрасса хийрз ваа, ваагз ваа бана гзнажи;
Nāḷikerassa hīre vā, vāke vā pana kenaci;
ваддзд̇ваа хи гад̇аа зга-ваддааби г̇арубхан̣д̣агам̣.
Vaṭṭetvā hi katā eka-vaṭṭāpi garubhaṇḍakaṃ.
2874.
2874.
взл̣у сан̇гхасса д̣̇инно ваа, рагкид̇о д̇ад̇т̇аж̇аад̇аго;
Veḷu saṅghassa dinno vā, rakkhito tatthajātako;
адтан̇г̇улааяад̇о суужи-д̣̇ан̣д̣амад̇д̇о г̇арум̣ сияаа.
Aṭṭhaṅgulāyato sūci-daṇḍamatto garuṃ siyā.
2875.
2875.
чад̇д̇ад̣̇ан̣д̣асалаагааяо, д̣̇ан̣д̣о гад̇д̇араяадтиби;
Chattadaṇḍasalākāyo, daṇḍo kattarayaṭṭhipi;
баад̣̇аг̇ан̣ханагаа д̇зла-наал̣ий бхааж̇анияаа имз.
Pādagaṇhanakā tela-nāḷī bhājaniyā ime.
2876.
2876.
мун̃ж̇аад̣̇ийсуби яам̣ гин̃жи, мудтимад̇д̇ам̣ г̇арум̣ сияаа;
Muñjādīsupi yaṃ kiñci, muṭṭhimattaṃ garuṃ siyā;
д̇аалабан̣н̣аад̣̇имзгамби, д̣̇иннам̣ ваа д̇ад̇т̇аж̇аад̇агам̣.
Tālapaṇṇādimekampi, dinnaṃ vā tatthajātakaṃ.
2877.
2877.
адтан̇г̇улаббамаан̣оби, г̇аругам̣ рид̇д̇абод̇т̇аго;
Aṭṭhaṅgulappamāṇopi, garukaṃ rittapotthako;
мад̇д̇игаа багад̇ий вааби, бан̃жаван̣н̣аа суд̇хааби ваа.
Mattikā pakatī vāpi, pañcavaṇṇā sudhāpi vā.
2878.
2878.
силзсаад̣̇ийсу ваа гин̃жи, д̣̇иннам̣ ваа д̇ад̇т̇аж̇аад̇агам̣;
Silesādīsu vā kiñci, dinnaṃ vā tatthajātakaṃ;
д̇аалабаггабамаан̣ам̣ д̇у, г̇арубхан̣д̣анд̇и д̣̇ийбид̇ам̣.
Tālapakkapamāṇaṃ tu, garubhaṇḍanti dīpitaṃ.
2879.
2879.
валливзл̣аад̣̇игам̣ гин̃жи, арагкид̇амаг̇обид̇ам̣;
Valliveḷādikaṃ kiñci, arakkhitamagopitaṃ;
г̇арубхан̣д̣ам̣ на ход̇зва, г̇ахзд̇аб̣б̣ам̣ яат̇аасукам̣.
Garubhaṇḍaṃ na hoteva, gahetabbaṃ yathāsukhaṃ.
2880.
2880.
рагкид̇ам̣ г̇обид̇ам̣ вааби, г̇ахзд̇аб̣б̣ам̣ д̇у г̇ан̣хад̇аа;
Rakkhitaṃ gopitaṃ vāpi, gahetabbaṃ tu gaṇhatā;
самагам̣ ад̇ирзгам̣ ваа, д̣̇ад̇ваа паад̇игамзва ваа.
Samakaṃ atirekaṃ vā, datvā phātikameva vā.
2881.
2881.
ан̃ж̇анам̣ харид̇аалан̃жа, д̇ат̇аа хин̇г̇у маносилаа;
Añjanaṃ haritālañca, tathā hiṅgu manosilā;
бхааж̇зд̇аб̣б̣анд̇и вин̃н̃зяяам̣, вин̃н̃унаа винаяан̃н̃унаа.
Bhājetabbanti viññeyyaṃ, viññunā vinayaññunā.
2882.
2882.
д̣̇аарубхан̣д̣зби яо гожи, суужид̣̇ан̣д̣аббамаан̣аго;
Dārubhaṇḍepi yo koci, sūcidaṇḍappamāṇako;
адтан̇г̇улааяад̇о д̣̇аару-бхан̣д̣аго г̇арубхан̣д̣агам̣.
Aṭṭhaṅgulāyato dāru-bhaṇḍako garubhaṇḍakaṃ.
2883.
2883.
махааадтагат̇ааяам̣ д̇у, вибхаж̇ид̇ваава д̣̇ассид̇ам̣;
Mahāaṭṭhakathāyaṃ tu, vibhajitvāva dassitaṃ;
аасанд̣̇игоби сад̇д̇ан̇г̇о, бхад̣̇д̣̇абийтан̃жа бийтигаа.
Āsandikopi sattaṅgo, bhaddapīṭhañca pīṭhikā.
2884.
2884.
бийтамзл̣агабаад̣̇ан̃жа, д̇ат̇ааман̣д̣агаваддагам̣;
Pīṭhameḷakapādañca, tathāmaṇḍakavaṭṭakaṃ;
гожчам̣ балаалабийтан̃жа, д̇хованз палагамби жа.
Kocchaṃ palālapīṭhañca, dhovane phalakampi ca.
2885.
2885.
бхан̣д̣игаа муг̇г̇аро жзва, вад̇т̇агхадданамуг̇г̇аро;
Bhaṇḍikā muggaro ceva, vatthaghaṭṭanamuggaro;
амб̣ан̣амби жа ман̃ж̇уусаа, нааваа раж̇анад̣̇он̣игаа.
Ambaṇampi ca mañjūsā, nāvā rajanadoṇikā.
2886.
2886.
ул̣ун̇гоби самуг̇г̇оби, гаран̣д̣амби гадажчуби;
Uḷuṅkopi samuggopi, karaṇḍampi kaṭacchupi;
звамаад̣̇и д̇у саб̣б̣амби, сан̇гхигам̣ г̇арубхан̣д̣агам̣.
Evamādi tu sabbampi, saṅghikaṃ garubhaṇḍakaṃ.
2887.
2887.
саб̣б̣ам̣ д̣̇аарумаяам̣ г̇зха-самбхаарам̣ г̇аругам̣ мад̇ам̣;
Sabbaṃ dārumayaṃ geha-sambhāraṃ garukaṃ mataṃ;
бхааж̇ияам̣ габбияам̣ жаммам̣, агаббияамабхааж̇ияам̣.
Bhājiyaṃ kappiyaṃ cammaṃ, akappiyamabhājiyaṃ.
2888.
2888.
зл̣ажаммам̣ г̇арум̣ вуд̇д̇ам̣, д̇ат̇звод̣̇угкалаад̣̇игам̣;
Eḷacammaṃ garuṃ vuttaṃ, tathevodukkhalādikaṃ;
бзсагаараад̣̇ибхан̣д̣ан̃жа, гасибхан̣д̣ан̃жа сан̇гхигам̣.
Pesakārādibhaṇḍañca, kasibhaṇḍañca saṅghikaṃ.
2889.
2889.
д̇ат̇зваад̇хаараго бад̇д̇а-бид̇хаанам̣ д̇аалаван̣дагам̣;
Tathevādhārako patta-pidhānaṃ tālavaṇṭakaṃ;
б̣ийж̇аний бажчи жан̇годам̣, саб̣б̣аа саммун̃ж̇аний г̇ару.
Bījanī pacchi caṅkoṭaṃ, sabbā sammuñjanī garu.
2890.
2890.
яам̣ гин̃жи бхуумад̇т̇аран̣ам̣, яо гожи гадасаараго;
Yaṃ kiñci bhūmattharaṇaṃ, yo koci kaṭasārako;
жаггаяуд̇д̇агаяаанан̃жа, саб̣б̣амби г̇арубхан̣д̣агам̣.
Cakkayuttakayānañca, sabbampi garubhaṇḍakaṃ.
2891.
2891.
чад̇д̇ан̃жа мудтибан̣н̣ан̃жа, висаан̣ам̣д̇умб̣абхааж̇анам̣;
Chattañca muṭṭhipaṇṇañca, visāṇaṃtumbabhājanaṃ;
убааханааран̣ийд̇хамма-гаран̣аад̣̇и лахум̣ ид̣̇ам̣.
Upāhanāraṇīdhamma-karaṇādi lahuṃ idaṃ.
2892.
2892.
хад̇т̇ид̣̇анд̇о висаан̣ан̃жа, яат̇ааг̇ад̇амад̇ажчид̇ам̣;
Hatthidanto visāṇañca, yathāgatamatacchitaṃ;
ман̃жабаад̣̇аад̣̇и яам̣ гин̃жи, бхааж̇анийяаманидтид̇ам̣.
Mañcapādādi yaṃ kiñci, bhājanīyamaniṭṭhitaṃ.
2893.
2893.
нидтид̇о д̇ажчид̇о вааби, вид̇хо хин̇г̇угаран̣д̣аго;
Niṭṭhito tacchito vāpi, vidho hiṅgukaraṇḍako;
ан̃ж̇аний жа салаагааяо, бхааж̇аний уд̣̇абун̃чаний.
Añjanī ca salākāyo, bhājanī udapuñchanī.
2894.
2894.
саб̣б̣ам̣ гулаалабхан̣д̣амби, барибхог̇аарахам̣ бана;
Sabbaṃ kulālabhaṇḍampi, paribhogārahaṃ pana;
бад̇д̇ан̇г̇аарагадаахан̃жа, д̇хуумад̣̇аанам̣ габаллигаа.
Pattaṅgārakaṭāhañca, dhūmadānaṃ kapallikā.
2895.
2895.
т̇уубигаа д̣̇ийбаругко жа, жаяанажчад̣̇анидтагаа;
Thūpikā dīparukkho ca, cayanacchadaniṭṭhakā;
сан̇гхигам̣ бана саб̣б̣амби, г̇арубхан̣д̣анд̇и д̣̇ийбид̇ам̣.
Saṅghikaṃ pana sabbampi, garubhaṇḍanti dīpitaṃ.
2896.
2896.
бад̇д̇о ган̃жанаго жзва, т̇аалагам̣ гун̣д̣игааби жа;
Patto kañcanako ceva, thālakaṃ kuṇḍikāpi ca;
гхадаго лохабхан̣д̣зби, гун̣д̣игааби жа бхааж̇ияаа.
Ghaṭako lohabhaṇḍepi, kuṇḍikāpi ca bhājiyā.
2897.
2897.
г̇арунаа г̇арубхан̣д̣ан̃жа, т̇ааварзна жа т̇ааварам̣;
Garunā garubhaṇḍañca, thāvarena ca thāvaraṃ;
сан̇гхасса баривад̇д̇зд̇ваа, г̇ан̣хид̇ум̣ бана ваддад̇и.
Saṅghassa parivattetvā, gaṇhituṃ pana vaṭṭati.
2898.
2898.
ад̇ход̇зна жа баад̣̇зна, наггамз саяанаасанам̣;
Adhotena ca pādena, nakkame sayanāsanaṃ;
аллабаад̣̇зна ваа бхигку, д̇ат̇зва саубаахано.
Allapādena vā bhikkhu, tatheva saupāhano.
2899.
2899.
бхуумияаа нидтубханд̇асса, баригаммагад̇ааяа ваа;
Bhūmiyā niṭṭhubhantassa, parikammakatāya vā;
баригаммагад̇ам̣ бхид̇д̇им̣, абассзнд̇асса д̣̇уггадам̣.
Parikammakataṃ bhittiṃ, apassentassa dukkaṭaṃ.
2900.
2900.
баригаммагад̇ам̣ бхуумим̣, сан̇гхигам̣ ман̃жабийтагам̣;
Parikammakataṃ bhūmiṃ, saṅghikaṃ mañcapīṭhakaṃ;
ад̇д̇ано санд̇агзнзва, бад̇т̇арид̇ваана гзнажи.
Attano santakeneva, pattharitvāna kenaci.
2901.
2901.
нибаж̇ж̇ид̇аб̣б̣ам̣, сахасаа, д̇асса нид̣̇д̣̇ааяад̇о яад̣̇и;
Nipajjitabbaṃ, sahasā, tassa niddāyato yadi;
сарийрааваяаво гожи, ман̃жам̣ пусад̇и д̣̇уггадам̣.
Sarīrāvayavo koci, mañcaṃ phusati dukkaṭaṃ.
2902.
2902.
ломзсу бана ломаанам̣, г̇ан̣анааязва д̣̇уггадам̣;
Lomesu pana lomānaṃ, gaṇanāyeva dukkaṭaṃ;
д̇алзна хад̇т̇абаад̣̇аанам̣, ваддад̇аггамид̇ум̣ бана.
Talena hatthapādānaṃ, vaṭṭatakkamituṃ pana.
2903.
2903.
сахассаг̇гханаго гожи, бин̣д̣абаад̇о сажийваро;
Sahassagghanako koci, piṇḍapāto sacīvaro;
бад̇д̇о авассигам̣ бхигкум̣, ликид̇ваа табид̇оби жа.
Patto avassikaṃ bhikkhuṃ, likhitvā ṭhapitopi ca.
2904.
2904.
д̇аад̣̇исо бин̣д̣абаад̇ова, садтивассаанамажжаяз;
Tādiso piṇḍapātova, saṭṭhivassānamaccaye;
уббанно садтивассасса, тид̇игааяа д̣̇ад̣̇з б̣уд̇хо.
Uppanno saṭṭhivassassa, ṭhitikāya dade budho.
2905.
2905.
уд̣̇д̣̇зсабхад̇д̇ам̣ бхун̃ж̇ид̇ваа, ж̇аад̇о жз сааман̣зраго;
Uddesabhattaṃ bhuñjitvā, jāto ce sāmaṇerako;
г̇ахзд̇ум̣ лабхад̇и д̇ам̣ бажчаа, сааман̣зрасса баал̣ияаа.
Gahetuṃ labhati taṃ pacchā, sāmaṇerassa pāḷiyā.
2906.
2906.
самбун̣н̣авийсавассо яо, свз уд̣̇д̣̇зсам̣ лабхиссад̇и;
Sampuṇṇavīsavasso yo, sve uddesaṃ labhissati;
аж̇ж̇а со убасамбанно, ад̇ийд̇аа тид̇игаа сияаа.
Ajja so upasampanno, atītā ṭhitikā siyā.
2907.
2907.
сажз бана салаагаа д̇у, лад̣̇д̇хаа бхад̇д̇ам̣ на д̇ам̣д̣̇инз;
Sace pana salākā tu, laddhā bhattaṃ na taṃdine;
лад̣̇д̇хам̣, бунад̣̇инз д̇асса, г̇аахзд̇аб̣б̣ам̣, на сам̣саяо.
Laddhaṃ, punadine tassa, gāhetabbaṃ, na saṃsayo.
2908.
2908.
уд̇д̇аруд̇д̇арибхан̇г̇асса, бхад̇д̇ассзгажарасса хи;
Uttaruttaribhaṅgassa, bhattassekacarassa hi;
висун̃хи тид̇игаа гад̇ваа, д̣̇аад̇аб̣б̣аа д̇у салаагигаа.
Visuñhi ṭhitikā katvā, dātabbā tu salākikā.
2909.
2909.
бхад̇д̇амзва сажз лад̣̇д̇хам̣, на бануд̇д̇арибхан̇г̇агам̣;
Bhattameva sace laddhaṃ, na panuttaribhaṅgakaṃ;
лад̣̇д̇хамуд̇д̇арибхан̇г̇ам̣ ваа, на лад̣̇д̇хам̣ бхад̇д̇амзва ваа.
Laddhamuttaribhaṅgaṃ vā, na laddhaṃ bhattameva vā.
2910.
2910.
язна язна хи яам̣ яам̣ д̇у, на лад̣̇д̇хам̣, д̇асса д̇асса жа;
Yena yena hi yaṃ yaṃ tu, na laddhaṃ, tassa tassa ca;
д̇ам̣ д̇ам̣ бунад̣̇инз жааби, г̇аахзд̇аб̣б̣анд̇и д̣̇ийбид̇ам̣.
Taṃ taṃ punadine cāpi, gāhetabbanti dīpitaṃ.
2911.
2911.
сан̇гхуд̣̇д̣̇зсаад̣̇игам̣ бхад̇д̇ам̣, ид̣̇ам̣ сад̇д̇авид̇хамби жа;
Saṅghuddesādikaṃ bhattaṃ, idaṃ sattavidhampi ca;
ааг̇анд̇угаад̣̇ибхад̇д̇ан̃жа, жад̇уб̣б̣ид̇хамуд̣̇ийрид̇ам̣.
Āgantukādibhattañca, catubbidhamudīritaṃ.
2912.
2912.
вихаараваарабхад̇д̇ан̃жа, нижжан̃жа гудибхад̇д̇агам̣;
Vihāravārabhattañca, niccañca kuṭibhattakaṃ;
баннарасавид̇хам̣ бхад̇д̇ам̣, уд̣̇д̣̇идтам̣ саб̣б̣амзвид̇ха.
Pannarasavidhaṃ bhattaṃ, uddiṭṭhaṃ sabbamevidha.
2913.
2913.
баал̣имадтагат̇ан̃жзва, ологзд̇ваа бунаббунам̣;
Pāḷimaṭṭhakathañceva, oloketvā punappunaṃ;
сан̇гхигз бажжаяз саммаа, вибхаж̇зяяа вижагкан̣о.
Saṅghike paccaye sammā, vibhajeyya vicakkhaṇo.
сзнаасанагканд̇хагагат̇аа.
Senāsanakkhandhakakathā.
