| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៨. សេនាសនទាយកត្ថេរអបទានំ
8. Senāsanadāyakattheraapadānaṃ
៤៥.
45.
‘‘សិទ្ធត្ថស្ស ភគវតោ, អទាសិំ បណ្ណសន្ថរំ;
‘‘Siddhatthassa bhagavato, adāsiṃ paṇṇasantharaṃ;
សមន្តា ឧបហារញ្ច, កុសុមំ ឱកិរិំ អហំ។
Samantā upahārañca, kusumaṃ okiriṃ ahaṃ.
៤៦.
46.
មហគ្ឃានិ ច បុប្ផានិ, សយនេភិសវន្តិ មេ។
Mahagghāni ca pupphāni, sayanebhisavanti me.
៤៧.
47.
‘‘សយនេហំ តុវដ្ដាមិ, វិចិត្តេ បុប្ផសន្ថតេ;
‘‘Sayanehaṃ tuvaṭṭāmi, vicitte pupphasanthate;
បុប្ផវុដ្ឋិ ច សយនេ, អភិវស្សតិ តាវទេ។
Pupphavuṭṭhi ca sayane, abhivassati tāvade.
៤៨.
48.
‘‘ចតុន្នវុតិតោ កប្បេ, អទាសិំ បណ្ណសន្ថរំ;
‘‘Catunnavutito kappe, adāsiṃ paṇṇasantharaṃ;
ទុគ្គតិំ នាភិជានាមិ, សន្ថរស្ស ឥទំ ផលំ។
Duggatiṃ nābhijānāmi, santharassa idaṃ phalaṃ.
៤៩.
49.
‘‘តិណសន្ថរកា នាម, សត្តេតេ ចក្កវត្តិនោ;
‘‘Tiṇasantharakā nāma, sattete cakkavattino;
ឥតោ តេ បញ្ចមេ កប្បេ, ឧប្បជ្ជិំសុ ជនាធិបា។
Ito te pañcame kappe, uppajjiṃsu janādhipā.
៥០.
50.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សេនាសនទាយកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā senāsanadāyako thero imā gāthāyo abhāsitthāti.
សេនាសនទាយកត្ថេរស្សាបទានំ អដ្ឋមំ។
Senāsanadāyakattherassāpadānaṃ aṭṭhamaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / អបទាន-អដ្ឋកថា • Apadāna-aṭṭhakathā / ៨. សេនាសនទាយកត្ថេរអបទានវណ្ណនា • 8. Senāsanadāyakattheraapadānavaṇṇanā
