| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. ஸேனாஸனதா³யகத்தே²ரஅபதா³னங்
8. Senāsanadāyakattheraapadānaṃ
45.
45.
‘‘ஸித்³த⁴த்த²ஸ்ஸ ப⁴க³வதோ, அதா³ஸிங் பண்ணஸந்த²ரங்;
‘‘Siddhatthassa bhagavato, adāsiṃ paṇṇasantharaṃ;
ஸமந்தா உபஹாரஞ்ச, குஸுமங் ஓகிரிங் அஹங்.
Samantā upahārañca, kusumaṃ okiriṃ ahaṃ.
46.
46.
மஹக்³கா⁴னி ச புப்பா²னி, ஸயனேபி⁴ஸவந்தி மே.
Mahagghāni ca pupphāni, sayanebhisavanti me.
47.
47.
‘‘ஸயனேஹங் துவட்டாமி, விசித்தே புப்ப²ஸந்த²தே;
‘‘Sayanehaṃ tuvaṭṭāmi, vicitte pupphasanthate;
புப்ப²வுட்டி² ச ஸயனே, அபி⁴வஸ்ஸதி தாவதே³.
Pupphavuṭṭhi ca sayane, abhivassati tāvade.
48.
48.
‘‘சதுன்னவுதிதோ கப்பே, அதா³ஸிங் பண்ணஸந்த²ரங்;
‘‘Catunnavutito kappe, adāsiṃ paṇṇasantharaṃ;
து³க்³க³திங் நாபி⁴ஜானாமி, ஸந்த²ரஸ்ஸ இத³ங் ப²லங்.
Duggatiṃ nābhijānāmi, santharassa idaṃ phalaṃ.
49.
49.
‘‘திணஸந்த²ரகா நாம, ஸத்தேதே சக்கவத்தினோ;
‘‘Tiṇasantharakā nāma, sattete cakkavattino;
இதோ தே பஞ்சமே கப்பே, உப்பஜ்ஜிங்ஸு ஜனாதி⁴பா.
Ito te pañcame kappe, uppajjiṃsu janādhipā.
50.
50.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸேனாஸனதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā senāsanadāyako thero imā gāthāyo abhāsitthāti.
ஸேனாஸனதா³யகத்தே²ரஸ்ஸாபதா³னங் அட்ட²மங்.
Senāsanadāyakattherassāpadānaṃ aṭṭhamaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 8. ஸேனாஸனதா³யகத்தே²ரஅபதா³னவண்ணனா • 8. Senāsanadāyakattheraapadānavaṇṇanā
