| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. сзкасуд̇д̇аван̣н̣анаа
3. Sekhasuttavaṇṇanā
22. сант̇ааг̇ааранд̇и ад̇т̇аанусаасанааг̇аарам̣. д̇знааха – ‘‘уяяог̇агаалаад̣̇ийсуу’’д̇иаад̣̇и. аад̣̇и-сад̣̇д̣̇зна ман̇г̇аламахаад̣̇ийнам̣ сан̇г̇ахо д̣̇адтаб̣б̣о. сант̇амбханд̇ийд̇и виссаманд̇и, бариссамам̣ винод̣̇знд̇ийд̇и ад̇т̇о. сахаад̇и саннивзсавасзна згаж̇жхам̣. саха ад̇т̇аанусаасанам̣ аг̇ааранд̇и зд̇асмим̣ ад̇т̇з д̇т̇а-гаарасса нт̇а-гаарам̣ гад̇ваа сант̇ааг̇ааранд̇и вуд̇д̇анд̇и д̣̇адтаб̣б̣ам̣. сант̇аранд̇ийд̇и самманд̇анавасзна д̇идтанд̇и.
22.Santhāgāranti atthānusāsanāgāraṃ. Tenāha – ‘‘uyyogakālādīsū’’tiādi. Ādi-saddena maṅgalamahādīnaṃ saṅgaho daṭṭhabbo. Santhambhantīti vissamanti, parissamaṃ vinodentīti attho. Sahāti sannivesavasena ekajjhaṃ. Saha atthānusāsanaṃ agāranti etasmiṃ atthe ttha-kārassa ntha-kāraṃ katvā santhāgāranti vuttanti daṭṭhabbaṃ. Santharantīti sammantanavasena tiṭṭhanti.
д̇збидагам̣ б̣уд̣̇д̇хаважанам̣ ааг̇ад̇амзва бхависсад̇ийд̇и б̣уд̣̇д̇хаважанасса ааг̇аманасийсзна арияапалад̇хаммаанамби ааг̇аманам̣ вуд̇д̇амзва, д̇ияаамарад̇д̇им̣ д̇ад̇т̇а васанд̇аанам̣ паласамаабад̇д̇ивал̣ан̃ж̇анам̣ ход̇ийд̇и. д̇асмин̃жа бхигкусан̇гхз галяаан̣абут̇уж̇ж̇анаа вибассанам̣ уссуггаабзнд̇аа хонд̇ийд̇и жз? арияамаг̇г̇ад̇хаммаанам̣ д̇ад̇т̇а ааг̇аманам̣ ход̇иязва.
Tepiṭakaṃ buddhavacanaṃ āgatameva bhavissatīti buddhavacanassa āgamanasīsena ariyaphaladhammānampi āgamanaṃ vuttameva, tiyāmarattiṃ tattha vasantānaṃ phalasamāpattivaḷañjanaṃ hotīti. Tasmiñca bhikkhusaṅghe kalyāṇaputhujjanā vipassanaṃ ussukkāpentā hontīti ce? Ariyamaggadhammānaṃ tattha āgamanaṃ hotiyeva.
аллаг̇омаязнаад̇и ажчзна аллаг̇омаяарасзна. обун̃чаабзд̇ваад̇и вилимбид̇ваа. жад̇уж̇ж̇аад̇ияаг̇анд̇хзхийд̇и д̇аг̇арагун̇гумаяаванабубпад̇амаалабад̇д̇аани бисид̇ваа гад̇аг̇анд̇хзхи наанааван̣н̣зд̇и нийлаад̣̇ивасзна наанааван̣н̣з, на бхид̇д̇ивисзсавасзна. бхид̇д̇ивисзсавасзна бана наанаасан̣таанаруубамзва. махаабидтигагож̇авагзд̇и хад̇т̇ибидтийсу ад̇т̇арид̇аб̣б̣ад̇ааяа махаабидтигаад̇и лад̣̇д̇хасаман̃н̃з гож̇авзд̇и вад̣̇анд̇и. гуд̇д̇агз бана санд̇хааязд̇ам̣ вуд̇д̇ам̣ хад̇т̇ад̇т̇аран̣аа хад̇т̇ируубавижид̇д̇аа. ассад̇т̇арагасийхад̇т̇арагаад̣̇аяоби ассасийхаруубаад̣̇ивижид̇д̇аа зва ад̇т̇арагаа, жид̇д̇ад̇т̇арагам̣ наанааруубзхи жзва наанаавид̇хамаалаагаммаад̣̇ийхи жа вижид̇д̇ам̣ ад̇т̇арагам̣.
Allagomayenāti acchena allagomayarasena. Opuñchāpetvāti vilimpitvā. Catujjātiyagandhehīti tagarakuṅkumayavanapupphatamālapattāni pisitvā katagandhehi nānāvaṇṇeti nīlādivasena nānāvaṇṇe, na bhittivisesavasena. Bhittivisesavasena pana nānāsaṇṭhānarūpameva. Mahāpiṭṭhikakojavaketi hatthipiṭṭhīsu attharitabbatāya mahāpiṭṭhikāti laddhasamaññe kojaveti vadanti. Kuttake pana sandhāyetaṃ vuttaṃ hatthattharaṇā hatthirūpavicittā. Assattharakasīhattharakādayopi assasīharūpādivicittā eva attharakā, cittattharakaṃ nānārūpehi ceva nānāvidhamālākammādīhi ca vicittaṃ attharakaṃ.
убад̇хаананд̇и абассаяанам̣ убад̣̇ахид̇ваад̇и абассаяаяог̇г̇абхаавзна табзд̇ваа г̇анд̇хзхи гад̇амаалаа г̇анд̇хад̣̇аамам̣, д̇амаалабад̇д̇аад̣̇ийхи гад̇ам̣ бад̇д̇ад̣̇аамам̣. аад̣̇и-сад̣̇д̣̇зна хин̇г̇улад̇агголаж̇аад̇ипалаж̇аад̇ибубпаад̣̇ийхи гад̇ад̣̇аамам̣ сан̇г̇ан̣хаад̇и. баллан̇гаагаарзна гад̇абийтам̣ баллан̇габийтам̣, д̇ийсу бассзсу, згабассз зва ваа саубассаяам̣ абассаяабийтам̣, анабассаяам̣ мун̣д̣абийтам̣ яож̇анааваддзд̇и яож̇анабаригкзбз.
Upadhānanti apassayanaṃ upadahitvāti apassayayoggabhāvena ṭhapetvā gandhehi katamālā gandhadāmaṃ, tamālapattādīhi kataṃ pattadāmaṃ. Ādi-saddena hiṅgulatakkolajātiphalajātipupphādīhi katadāmaṃ saṅgaṇhāti. Pallaṅkākārena katapīṭhaṃ pallaṅkapīṭhaṃ, tīsu passesu, ekapasse eva vā saupassayaṃ apassayapīṭhaṃ, anapassayaṃ muṇḍapīṭhaṃ yojanāvaṭṭeti yojanaparikkhepe.
сам̣вид̇хааяаад̇и анд̇араваасагасса гон̣абад̣̇зсан̃жа ид̇арабад̣̇зсан̃жа самам̣ гад̇ваа вид̇хааяа. д̇знааха – ‘‘гад̇д̇арияаа бад̣̇умам̣ ганд̇анд̇о вияаа’’д̇и д̇иман̣д̣алам̣ бадижчаад̣̇знд̇од̇и зд̇т̇а жа яасмаа б̣уд̣̇д̇хаанам̣ руубасамбад̣̇аа вияа аагаббасамбад̣̇ааби барамуггам̣саг̇ад̇аа, д̇асмаа д̇ад̣̇аа бхаг̇аваа звам̣ собхад̇ийд̇и д̣̇ассзнд̇о ‘‘суван̣н̣абааман̇г̇знаа’’д̇иаад̣̇имааха, д̇ад̇т̇а асамзна б̣уд̣̇д̇хавзсзнаад̇иаад̣̇инаа д̇ад̣̇аа бхаг̇аваа б̣уд̣̇д̇хаанубхаавасса ниг̇ухан̣з гааран̣аабхаавад̇о д̇ад̇т̇а саннибад̇ид̇ад̣̇звамануссанааг̇аяагкаг̇анд̇хаб̣б̣аад̣̇ийнам̣ басаад̣̇аж̇ананад̇т̇ам̣ ад̇д̇ано сабхаавабагад̇игирияааязва габилавад̇т̇ум̣ баависийд̇и д̣̇ассзд̇и. б̣уд̣̇д̇хаанам̣ гааяаббабхаа наама багад̇ияаа асийд̇ихад̇т̇амад̇д̇амзва бад̣̇зсам̣ парад̇ийд̇и ааха – ‘‘асийд̇ихад̇т̇адтаанам̣ аг̇г̇ахзсий’’д̇и нийлабийд̇алохид̇од̣̇аад̇аман̃ж̇идтабабхассараанам̣ васзна чаб̣б̣ан̣н̣аа б̣уд̣̇д̇харасмияо.
Saṃvidhāyāti antaravāsakassa koṇapadesañca itarapadesañca samaṃ katvā vidhāya. Tenāha – ‘‘kattariyā padumaṃ kantanto viyā’’ti timaṇḍalaṃ paṭicchādentoti ettha ca yasmā buddhānaṃ rūpasampadā viya ākappasampadāpi paramukkaṃsagatā, tasmā tadā bhagavā evaṃ sobhatīti dassento ‘‘suvaṇṇapāmaṅgenā’’tiādimāha, tattha asamena buddhavesenātiādinā tadā bhagavā buddhānubhāvassa niguhaṇe kāraṇābhāvato tattha sannipatitadevamanussanāgayakkhagandhabbādīnaṃ pasādajananatthaṃ attano sabhāvapakatikiriyāyeva kapilavatthuṃ pāvisīti dasseti. Buddhānaṃ kāyappabhā nāma pakatiyā asītihatthamattameva padesaṃ pharatīti āha – ‘‘asītihatthaṭṭhānaṃ aggahesī’’ti nīlapītalohitodātamañjiṭṭhapabhassarānaṃ vasena chabbaṇṇā buddharasmiyo.
саб̣б̣абаалипуллод̇и муулад̇о бадтааяа яаава аг̇г̇аа пулло вигасид̇о. бадибаадияаа табид̇аананд̇иаад̣̇и баригаббуубамаа. яат̇аа д̇ам̣…бз… алан̇гад̇ам̣ ан̃н̃о вирожад̇и, звам̣ вирожид̇т̇а, самад̇им̣сааяа баарамид̇аахи абхисан̇кад̇ад̇д̇аа звам̣ вирожид̇т̇аад̇и вуд̇д̇ам̣ ход̇и. бан̃жавийсад̇ияаа над̣̇ийнанд̇и г̇ан̇г̇аад̣̇ийнам̣ жанд̣̇абхааг̇аабарияосаанаанам̣ бан̃жавийсад̇ияаа махаанад̣̇ийнам̣. самбхиж̇ж̇аад̇и самбхзд̣̇ам̣ миссийбхаавам̣ бад̇ваа мукад̣̇ваарзд̇и самуд̣̇д̣̇ам̣ бавидтадтаанз.
Sabbapāliphulloti mūlato paṭṭhāya yāva aggā phullo vikasito. Paṭipāṭiyā ṭhapitānantiādi parikappūpamā. Yathā taṃ…pe… alaṅkataṃ añño virocati, evaṃ virocittha, samatiṃsāya pāramitāhi abhisaṅkhatattā evaṃ virocitthāti vuttaṃ hoti. Pañcavīsatiyā nadīnanti gaṅgādīnaṃ candabhāgāpariyosānānaṃ pañcavīsatiyā mahānadīnaṃ. Sambhijjāti sambhedaṃ missībhāvaṃ patvā mukhadvāreti samuddaṃ paviṭṭhaṭṭhāne.
д̣̇звамануссанааг̇асубан̣н̣аг̇анд̇хаб̣б̣аяагкаад̣̇ийнам̣ агкийнийд̇и жзд̇ам̣ баригаббанавасзна вуд̇д̇ам̣. сахассзнаад̇и бад̣̇асахассзна, бхаан̣аваараббамаан̣зна г̇ант̇знаад̇и ад̇т̇о.
Devamanussanāgasupaṇṇagandhabbayakkhādīnaṃ akkhīnīti cetaṃ parikappanavasena vuttaṃ. Sahassenāti padasahassena, bhāṇavārappamāṇena ganthenāti attho.
гамбаяанд̇о васунд̇харанд̇и ад̇д̇ано г̇ун̣ависзсзхи бат̇авийгамбам̣ уббаад̣̇знд̇о, звам̣бхууд̇оби ахзтаяанд̇о баан̣аани. саб̣б̣ад̣̇агкин̣ад̇д̇аа б̣уд̣̇д̇хаанам̣ д̣̇агкин̣ам̣ батамам̣ баад̣̇ам̣ уд̣̇д̇харанд̇о. самам̣ сампусад̇з бхуумим̣ суббад̇идтид̇абаад̣̇ад̇ааяа. яад̣̇иби бхуумим̣ самам̣ пусад̇и, раж̇асаанубалиббад̇и сукумад̇д̇аа чавияаа. ниннадтаанам̣ уннамад̇ийд̇иаад̣̇и б̣уд̣̇д̇хаанам̣ суббад̇идтид̇абаад̣̇асан̇каад̇асса махаабурисалагкан̣абадилаабхасса ниссанд̣̇апалам̣. наад̇ид̣̇уурз уд̣̇д̇харад̇ийд̇и ад̇ид̣̇уурз табзд̇ум̣ на уд̣̇д̇харад̇и. нажжаасаннз жа нигкибанд̇и ажжаасаннз жа таанз анигкибанд̇о нияяаад̇и. хаасаяанд̇о сад̣̇звагз логз д̇осаяанд̇о. жад̇уухи баад̣̇зхи жарад̇ийд̇и жад̇ужаарий.
Kampayanto vasundharanti attano guṇavisesehi pathavīkampaṃ uppādento, evaṃbhūtopi aheṭhayanto pāṇāni. Sabbadakkhiṇattā buddhānaṃ dakkhiṇaṃ paṭhamaṃ pādaṃ uddharanto. Samaṃ samphusate bhūmiṃ suppatiṭṭhitapādatāya. Yadipi bhūmiṃ samaṃ phusati, rajasānupalippati sukhumattā chaviyā. Ninnaṭṭhānaṃ unnamatītiādi buddhānaṃ suppatiṭṭhitapādasaṅkhātassa mahāpurisalakkhaṇapaṭilābhassa nissandaphalaṃ. Nātidūre uddharatīti atidūre ṭhapetuṃ na uddharati. Naccāsanne ca nikkhipanti accāsanne ca ṭhāne anikkhipanto niyyāti. Hāsayanto sadevake loke tosayanto. Catūhi pādehi caratīti catucārī.
б̣уд̣̇д̇хаанубхаавасса багаасанавасзна г̇ад̇ад̇д̇аа ван̣н̣агаало наама гирзса. сарийраван̣н̣з ваа г̇ун̣аван̣н̣з ваа гат̇ияамаанз д̣̇уггат̇ид̇анд̇и на вад̇д̇аб̣б̣ам̣. гасмаа? абаримаан̣аван̣н̣аа хи б̣уд̣̇д̇хаа бхаг̇аванд̇о, б̣уд̣̇д̇хаг̇ун̣асам̣ван̣н̣анаа ж̇аананд̇асса яат̇аад̇хаммасам̣ван̣н̣анам̣язва анубависад̇ийд̇и.
Buddhānubhāvassa pakāsanavasena gatattā vaṇṇakālo nāma kiresa. Sarīravaṇṇe vā guṇavaṇṇe vā kathiyamāne dukkathitanti na vattabbaṃ. Kasmā? Aparimāṇavaṇṇā hi buddhā bhagavanto, buddhaguṇasaṃvaṇṇanā jānantassa yathādhammasaṃvaṇṇanaṃyeva anupavisatīti.
д̣̇угуулажумб̣адагзнаад̇и г̇ант̇ид̇ваа г̇ахид̇ад̣̇угуулавад̇т̇зна, нааг̇авигганд̇ажаран̣од̇и хад̇т̇инааг̇асад̣̇исабад̣̇анигкзбо. сад̇абун̃н̃алагкан̣од̇и анзгасад̇абун̃н̃аниммид̇амахаабурисалагкан̣о ман̣ивзрожано яат̇аад̇и ад̇ивияа вирожамаано ман̣и вияа взрожано наама зго ман̣ивисзсод̇и гзжи махаасааловаад̇и маханд̇о сааларугко вияа, говил̣аараад̣̇имахааругко вияа ваа бад̣̇умо гоганад̣̇о яат̇аад̇и гоганад̣̇асан̇каад̇ам̣ махаабад̣̇умам̣ вияа, вигасамаанабад̣̇умам̣ вияа ваа.
Dukūlacumbaṭakenāti ganthitvā gahitadukūlavatthena, nāgavikkantacaraṇoti hatthināgasadisapadanikkhepo. Satapuññalakkhaṇoti anekasatapuññanimmitamahāpurisalakkhaṇo maṇiverocano yathāti ativiya virocamāno maṇi viya verocano nāma eko maṇivisesoti keci mahāsālovāti mahanto sālarukkho viya, koviḷārādimahārukkho viya vā padumo kokanado yathāti kokanadasaṅkhātaṃ mahāpadumaṃ viya, vikasamānapadumaṃ viya vā.
аагаасаг̇ан̇г̇ам̣ од̇аарзнд̇о вияаад̇иаад̣̇и д̇ассаа багин̣н̣агагат̇ааяа ан̃н̃зсам̣ д̣̇уггарабхаавад̣̇ассанан̃жзва сун̣анд̇аанам̣ ажжанд̇асукаавахабхаавад̣̇ассанан̃жа бат̇авийж̇ам̣ аагад̣дхзнд̇о вияаад̇и наал̣ияанд̇ам̣ яож̇зд̇ваа махаабат̇авияаа хздтимад̇алз баббадагож̇ам̣ уд̣̇д̇хам̣мукам̣ гад̇ваа аагад̣дхзнд̇о вияа яож̇аниганд̇и яож̇анаббамаан̣ам̣ мад̇хубхан̣д̣анд̇и мад̇хубадалам̣.
Ākāsagaṅgaṃ otārento viyātiādi tassā pakiṇṇakakathāya aññesaṃ dukkarabhāvadassanañceva suṇantānaṃ accantasukhāvahabhāvadassanañca pathavījaṃ ākaḍḍhento viyāti nāḷiyantaṃ yojetvā mahāpathaviyā heṭṭhimatale pappaṭakojaṃ uddhaṃmukhaṃ katvā ākaḍḍhento viya yojanikanti yojanappamāṇaṃ madhubhaṇḍanti madhupaṭalaṃ.
маханд̇анд̇и ул̣аарам̣. саб̣б̣ад̣̇аанам̣ д̣̇иннамзва ход̇ийд̇и саб̣б̣амзва бажжаяаж̇аад̇ам̣ ааваасад̣̇ааяагзна д̣̇иннамзва ход̇и. д̇ат̇аахи д̣̇вз д̇аяо г̇аамз бин̣д̣ааяа жарид̇ваа гин̃жи алад̣̇д̇хаа ааг̇ад̇ассаби чааяууд̣̇агасамбаннам̣ аараамам̣ бависид̇ваа нхааяид̇ваа бадиссаяз мухуд̇д̇ам̣ нибаж̇ж̇ид̇ваа удтааяа нисиннасса гааяз б̣алам̣ аахарид̇ваа багкид̇д̇ам̣ вияа ход̇и. б̣ахи вижаранд̇асса жа гааяз ван̣н̣ад̇хаад̇у ваад̇аад̇абзхи гиламад̇и, бадиссаяам̣ бависид̇ваа д̣̇ваарам̣ бид̇хааяа мухуд̇д̇ам̣ нисиннасса висабхааг̇асанд̇ад̇и вуубасаммад̇и, сабхааг̇асанд̇ад̇и бад̇идтаад̇и, ван̣н̣ад̇хаад̇у аахарид̇ваа багкид̇д̇аа вияа ход̇и, б̣ахи вижаранд̇асса жа баад̣̇з ган̣даго виж̇жхад̇и, каан̣у бахарад̇и, сарийсабаад̣̇ибариссаяо жзва жорабхаяан̃жа уббаж̇ж̇ад̇и, бадиссаяам̣ бависид̇ваа д̣̇ваарам̣ бид̇хааяа нибаннасса бана саб̣б̣з бариссаяаа на хонд̇и, аж̇жхаяанд̇асса д̇хаммабийд̇исукам̣, гаммадтаанам̣ манасигаронд̇асса убасамасукам̣ уббаж̇ж̇ад̇и б̣ахид̣̇д̇хаа вигкзбаабхаавад̇о, б̣ахи вижаранд̇асса жа гааяз сзд̣̇аа мужжанд̇и, агкийни панд̣̇анд̇и, сзнаасанам̣ бависанагкан̣з ман̃жабийтаад̣̇ийни на бан̃н̃ааяанд̇и, мухуд̇д̇ам̣ нисиннасса бана агкибасаад̣̇о аахарид̇ваа багкид̇д̇о вияа ход̇и, д̣̇ваараваад̇абаанаман̃жабийтаад̣̇ийни бан̃н̃ааяанд̇и, зд̇асмимби жа ааваасз васанд̇ам̣ д̣̇исваа мануссаа жад̇уухи бажжаязхи саггажжам̣ убадтаханд̇и. д̇зна вуд̇д̇ам̣ – ‘‘ааваасад̣̇аанасмим̣ д̣̇иннз саб̣б̣ам̣ д̣̇аанам̣ д̣̇иннамзва ход̇ий’’д̇и. бхуумадтага…бз… на саггаад̇и аяамад̇т̇о махаасуд̣̇ассанавад̇т̇унаа (д̣̇ий. ни. 2.241 аад̣̇аяо) д̣̇ийбзд̇аб̣б̣о.
Mahantanti uḷāraṃ. Sabbadānaṃ dinnameva hotīti sabbameva paccayajātaṃ āvāsadāyakena dinnameva hoti. Tathāhi dve tayo gāme piṇḍāya caritvā kiñci aladdhā āgatassapi chāyūdakasampannaṃ ārāmaṃ pavisitvā nhāyitvā paṭissaye muhuttaṃ nipajjitvā uṭṭhāya nisinnassa kāye balaṃ āharitvā pakkhittaṃ viya hoti. Bahi vicarantassa ca kāye vaṇṇadhātu vātātapehi kilamati, paṭissayaṃ pavisitvā dvāraṃ pidhāya muhuttaṃ nisinnassa visabhāgasantati vūpasammati, sabhāgasantati patiṭṭhāti, vaṇṇadhātu āharitvā pakkhittā viya hoti, bahi vicarantassa ca pāde kaṇṭako vijjhati, khāṇu paharati, sarīsapādiparissayo ceva corabhayañca uppajjati, paṭissayaṃ pavisitvā dvāraṃ pidhāya nipannassa pana sabbe parissayā na honti, ajjhayantassa dhammapītisukhaṃ, kammaṭṭhānaṃ manasikarontassa upasamasukhaṃ uppajjati bahiddhā vikkhepābhāvato, bahi vicarantassa ca kāye sedā muccanti, akkhīni phandanti, senāsanaṃ pavisanakkhaṇe mañcapīṭhādīni na paññāyanti, muhuttaṃ nisinnassa pana akkhipasādo āharitvā pakkhitto viya hoti, dvāravātapānamañcapīṭhādīni paññāyanti, etasmimpi ca āvāse vasantaṃ disvā manussā catūhi paccayehi sakkaccaṃ upaṭṭhahanti. Tena vuttaṃ – ‘‘āvāsadānasmiṃ dinne sabbaṃ dānaṃ dinnameva hotī’’ti. Bhūmaṭṭhaka…pe… na sakkāti ayamattho mahāsudassanavatthunā (dī. ni. 2.241 ādayo) dīpetabbo.
сийд̇анд̇и (саарад̇т̇а. дий. жуул̣аваг̇г̇а 3.295; сам̣. ни. дий. 2.4.243) аж̇жхад̇д̇ад̇хаад̇угкобхавасзна ваа б̣ахид̣̇д̇хауд̇увибарин̣аамавасзна ваа уббаж̇ж̇анагасийд̇ам̣. ун̣ханд̇и аг̇г̇исанд̇аабам̣. д̇асса бана д̣̇авад̣̇аахаад̣̇ийсу самбхаво д̣̇адтаб̣б̣о. бадиханд̇ийд̇и бадиб̣аахад̇и. яат̇аа д̇ад̣̇убхаяавасзна гааяажид̇д̇аанам̣ б̣аад̇ханаани на хонд̇и, звам̣ гарод̇и. сийд̇ун̣хаб̣бхаахад̇з хи сарийрз вигкид̇д̇ажид̇д̇о бхигку яонисо бад̣̇ахид̇ум̣ на саггод̇и. ваал̣амиг̇аанийд̇и сийхаб̣яаг̇гхаад̣̇иваал̣амиг̇з. г̇уд̇д̇асзнаасанан̃хи бависид̇ваа д̣̇ваарам̣ бид̇хааяа нисиннасса д̇з бариссаяаа на хонд̇и . сарийсабзд̇и яз гзжи саранд̇аа г̇ажчанд̇з д̣̇ийгхаж̇аад̇игз. магасзд̇и нид̣̇ассанамзд̇ам̣, д̣ам̣саад̣̇ийнам̣ зд̇знзва сан̇г̇ахо д̣̇адтаб̣б̣о. сисирзд̇и сийд̇агаалавасзна сад̇д̇аахавад̣̇д̣̇алигаад̣̇ивасзна жа уббаннз сисирасампассз. вудтияод̇и яад̣̇аа д̇ад̣̇аа уббаннаа вассавудтияо бадиханад̇ийд̇и яож̇анаа.
Sītanti (sārattha. ṭī. cūḷavagga 3.295; saṃ. ni. ṭī. 2.4.243) ajjhattadhātukkhobhavasena vā bahiddhautuvipariṇāmavasena vā uppajjanakasītaṃ. Uṇhanti aggisantāpaṃ. Tassa pana davadāhādīsu sambhavo daṭṭhabbo. Paṭihantīti paṭibāhati. Yathā tadubhayavasena kāyacittānaṃ bādhanāni na honti, evaṃ karoti. Sītuṇhabbhāhate hi sarīre vikkhittacitto bhikkhu yoniso padahituṃ na sakkoti. Vāḷamigānīti sīhabyagghādivāḷamige. Guttasenāsanañhi pavisitvā dvāraṃ pidhāya nisinnassa te parissayā na honti . Sarīsapeti ye keci sarantā gacchante dīghajātike. Makaseti nidassanametaṃ, ḍaṃsādīnaṃ eteneva saṅgaho daṭṭhabbo. Sisireti sītakālavasena sattāhavaddalikādivasena ca uppanne sisirasamphasse. Vuṭṭhiyoti yadā tadā uppannā vassavuṭṭhiyo paṭihanatīti yojanā.
ваад̇аад̇або гхород̇и ругкаг̇ажчаад̣̇ийнам̣ уммуулабхан̃ж̇анавасзна бавад̇д̇ияаа гхоро сараж̇аараж̇аад̣̇ибхзд̣̇о ваад̇о жзва г̇имхабарил̣аахасамаязсу уббад̇д̇ияаа гхоро суурияаад̇або жа. бадихан̃н̃ад̇ийд̇и бадиб̣аахийяад̇и. лзн̣ад̇т̇анд̇и наанаарамман̣ад̇о жид̇д̇ам̣ нивад̇д̇зд̇ваа бадисаллаанаараамад̇т̇ам̣. сукад̇т̇анд̇и вуд̇д̇абариссаяаабхаавзна паасувихаарад̇т̇ам̣. жхааяид̇унд̇и адтад̇им̣саарамман̣зсу яад̇т̇а гад̇т̇ажи жид̇д̇ам̣ убаниж̇жхааяид̇ум̣. вибассид̇унд̇и анижжаад̣̇ид̇о саб̣б̣асан̇каарз саммасид̇ум̣.
Vātātapo ghoroti rukkhagacchādīnaṃ ummūlabhañjanavasena pavattiyā ghoro sarajaarajādibhedo vāto ceva gimhapariḷāhasamayesu uppattiyā ghoro sūriyātapo ca. Paṭihaññatīti paṭibāhīyati. Leṇatthanti nānārammaṇato cittaṃ nivattetvā paṭisallānārāmatthaṃ. Sukhatthanti vuttaparissayābhāvena phāsuvihāratthaṃ. Jhāyitunti aṭṭhatiṃsārammaṇesu yattha katthaci cittaṃ upanijjhāyituṃ. Vipassitunti aniccādito sabbasaṅkhāre sammasituṃ.
вихаарзд̇и бадиссаяз. гаараязд̇и гаараабзяяа. раммзд̇и манорамз ниваасасукз. ваасаязд̇т̇а б̣ахуссуд̇зд̇и гаарзд̇ваа бана зд̇т̇а вихаарзсу б̣ахуссуд̇з сийлаванд̇з галяаан̣ад̇хаммз ниваасзяяа. д̇з ниваасзнд̇о бана д̇зсам̣ б̣ахуссуд̇аанам̣ яат̇аа бажжаязхи гиламат̇о на ход̇и, звам̣ аннан̃жа баанан̃жа вад̇т̇асзнаасанаани жа д̣̇ад̣̇зяяа уж̇убхууд̇зсу аж̇жхаасаяасамбаннзсу гаммапалаанам̣ рад̇анад̇д̇аяаг̇ун̣аанан̃жа сад̣̇д̣̇аханзна виббасаннзна жзд̇асаа.
Vihāreti paṭissaye. Kārayeti kārāpeyya. Rammeti manorame nivāsasukhe. Vāsayettha bahussuteti kāretvā pana ettha vihāresu bahussute sīlavante kalyāṇadhamme nivāseyya. Te nivāsento pana tesaṃ bahussutānaṃ yathā paccayehi kilamatho na hoti, evaṃ annañca pānañca vatthasenāsanāni ca dadeyya ujubhūtesu ajjhāsayasampannesu kammaphalānaṃ ratanattayaguṇānañca saddahanena vippasannena cetasā.
ид̣̇аани г̇ахадтабаб̣б̣аж̇ид̇аанам̣ ан̃н̃аман̃н̃уубагаарад̇ам̣ д̣̇ассзд̇ум̣ ‘‘д̇з д̇ассаа’’д̇и г̇аат̇амааха. д̇ад̇т̇а д̇зд̇и б̣ахуссуд̇аа д̇ассаад̇и убаасагасса. д̇хаммам̣ д̣̇зсзнд̇ийд̇и сагалаваддад̣̇угкабануд̣̇анам̣ д̇хаммам̣ д̣̇зсзнд̇и. яам̣ со д̇хаммам̣ ид̇хан̃н̃ааяаад̇и со буг̇г̇ало яам̣ сад̣̇д̇хаммам̣ имасмим̣ саасанз саммаабадибаж̇ж̇анзна ж̇аанид̇ваа аг̇г̇амаг̇г̇аад̇хиг̇амзна анаасаво худ̇ваа бариниб̣б̣ааяад̇и.
Idāni gahaṭṭhapabbajitānaṃ aññamaññūpakārataṃ dassetuṃ ‘‘te tassā’’ti gāthamāha. Tattha teti bahussutā tassāti upāsakassa. Dhammaṃ desentīti sakalavaṭṭadukkhapanudanaṃ dhammaṃ desenti. Yaṃ so dhammaṃ idhaññāyāti so puggalo yaṃ saddhammaṃ imasmiṃ sāsane sammāpaṭipajjanena jānitvā aggamaggādhigamena anāsavo hutvā parinibbāyati.
бууж̇аасаггааравасзнзва батамаяаамо кзбид̇о, бхаг̇авад̇о д̣̇зсанааяа аббаавасзсо маж̇жхимаяаамо г̇ад̇од̇и баал̣ияам̣ ‘‘б̣ахуд̣̇зва рад̇д̇и’’нд̇и вуд̇д̇анд̇и ааха ‘‘ад̇ирзгад̇арам̣ д̣̇ияад̣дхаяаама’’нд̇и. санд̣̇ассзсийд̇и аанисам̣сам̣ д̣̇ассзси, ааваасад̣̇аанабадисам̣яуд̇д̇ам̣ д̇хаммим̣ гат̇ам̣ суд̇ваа д̇ад̇о барам̣, ‘‘махаарааж̇а, ид̇иби сийлам̣, ид̇иби самаад̇хи, ид̇иби бан̃н̃аа’’д̇и сийлаад̣̇иг̇ун̣з д̇зсам̣ саммаа д̣̇ассзси, хад̇т̇зна г̇ахзд̇ваа вияа бажжагкад̇о багаасзси. самаад̣̇абзсийд̇и ‘‘звам̣ сийлам̣ самаад̣̇аад̇аб̣б̣ам̣, сийлз бад̇идтид̇зна звам̣ самаад̇хи, звам̣ бан̃н̃аа бхаавзд̇аб̣б̣аа’’д̇и яат̇аа д̇з сийлаад̣̇иг̇ун̣з аад̣̇ияанд̇и, д̇ат̇аа г̇ан̣хаабзси. самуд̇д̇зж̇зсийд̇и яат̇аа самаад̣̇иннам̣ сийлам̣ сувисуд̣̇д̇хам̣ ход̇и, самат̇авибассанаа жа бхаавияамаанаа яат̇аа судту висод̇хид̇аа убаривисзсаавахаа хонд̇и, звам̣ жид̇д̇ам̣ самуд̇д̇зж̇зси нисааманавасзна вод̣̇аабзси. самбахам̣сзсийд̇и яат̇аанусидтам̣ тид̇асийлаад̣̇иг̇ун̣зхи самбад̇и лад̣̇д̇хаг̇ун̣аанисам̣сзхи жзва убари лад̣̇д̇хаб̣б̣апалависзсзхи жа убарижид̇д̇ам̣ саммаа бахам̣сзси, лад̣̇д̇хассаасавасзна судту д̇осзси. звамзд̇зсам̣ бад̣̇аанам̣ ад̇т̇о взд̣̇ид̇аб̣б̣о.
Pūjāsakkāravaseneva paṭhamayāmo khepito, bhagavato desanāya appāvaseso majjhimayāmo gatoti pāḷiyaṃ ‘‘bahudeva ratti’’nti vuttanti āha ‘‘atirekataraṃ diyaḍḍhayāma’’nti. Sandassesīti ānisaṃsaṃ dassesi, āvāsadānapaṭisaṃyuttaṃ dhammiṃ kathaṃ sutvā tato paraṃ, ‘‘mahārāja, itipi sīlaṃ, itipi samādhi, itipi paññā’’ti sīlādiguṇe tesaṃ sammā dassesi, hatthena gahetvā viya paccakkhato pakāsesi. Samādapesīti ‘‘evaṃ sīlaṃ samādātabbaṃ, sīle patiṭṭhitena evaṃ samādhi, evaṃ paññā bhāvetabbā’’ti yathā te sīlādiguṇe ādiyanti, tathā gaṇhāpesi. Samuttejesīti yathā samādinnaṃ sīlaṃ suvisuddhaṃ hoti, samathavipassanā ca bhāviyamānā yathā suṭṭhu visodhitā uparivisesāvahā honti, evaṃ cittaṃ samuttejesi nisāmanavasena vodāpesi. Sampahaṃsesīti yathānusiṭṭhaṃ ṭhitasīlādiguṇehi sampati laddhaguṇānisaṃsehi ceva upari laddhabbaphalavisesehi ca uparicittaṃ sammā pahaṃsesi, laddhassāsavasena suṭṭhu tosesi. Evametesaṃ padānaṃ attho veditabbo.
самуд̣̇ааяаважаноби асийд̇имахаат̇зра-сад̣̇д̣̇о д̇ад̣̇згад̣̇зсзби нирул̣ход̇и ааха ‘‘асийд̇имахаат̇зрзсу виж̇ж̇амаанзсуу’’д̇и. аананд̣̇ад̇т̇зроби хи анд̇ог̇ад̇хо зваад̇и. саагияаман̣д̣алзд̇и саагияарааж̇асамуухз.
Samudāyavacanopi asītimahāthera-saddo tadekadesepi niruḷhoti āha ‘‘asītimahātheresu vijjamānesū’’ti. Ānandattheropi hi antogadho evāti. Sākiyamaṇḍaleti sākiyarājasamūhe.
бадибад̣̇ааяа нияуд̇д̇ад̇д̇аа баадибад̣̇о. д̇знааха – ‘‘бадибаннаго’’д̇и. сигканасийлад̇аад̣̇инаа сзко, од̇хисо самид̇абаабад̇ааяа саман̣о. сзко баадибад̣̇о бадибаж̇ж̇анабуг̇г̇алаад̇хидтаанзна бадибад̣̇аад̣̇зсанам̣ нияамзнд̇о бадибад̣̇ааяа буг̇г̇алам̣ нияамзд̇и наамаад̇и ‘‘бадибад̣̇ааяа буг̇г̇алам̣ нияамзд̇ваа д̣̇ассзд̇ий’’д̇и. сзкаббадибад̣̇аа саасанз ман̇г̇алабадибад̣̇аа саммад̣̇зва асзвид̇аб̣б̣абариваж̇ж̇анзна сзвид̇аб̣б̣асамаад̣̇аанзна уггам̣савад̇т̇уусу жа бхаавад̇о асзкад̇хаммабаарибуурияаа аавахад̇д̇аа жа вад̣дхамаанагабадибад̣̇аа. агиламанд̇аава саллагкзссанд̇ийд̇и ид̣̇ам̣ д̇ад̣̇аа д̇зсам̣ асзкабхуумиад̇хиг̇амааяа аяог̇яад̇ааяа вуд̇д̇ам̣. агиламанд̇ааваад̇и иминаа бадисамбхид̣̇ааббад̇д̇ассаби анад̇хиг̇ад̇амаг̇г̇асан̃н̃аабанаа бхаарияаад̇и д̣̇ассзд̇и. осадаад̇и ануббавидтаа. сагалам̣ винаяабидагам̣ гат̇ид̇амзва ход̇и д̇асса сийлагат̇ааб̣аахуллад̇о сзсад̣̇ваязби зсзва наяо. д̇ийхи бидагзхийд̇и гаран̣ад̇т̇з гаран̣аважанам̣. д̇зна д̇ам̣д̇ам̣бидагаанам̣ д̇ассаа д̇ассаа сигкааяа саад̇хагад̇амабхаавам̣ д̣̇ассзд̇и.
Paṭipadāya niyuttattā pāṭipado. Tenāha – ‘‘paṭipannako’’ti. Sikkhanasīlatādinā sekho, odhiso samitapāpatāya samaṇo. Sekho pāṭipado paṭipajjanapuggalādhiṭṭhānena paṭipadādesanaṃ niyamento paṭipadāya puggalaṃ niyameti nāmāti ‘‘paṭipadāya puggalaṃ niyametvā dassetī’’ti. Sekhappaṭipadā sāsane maṅgalapaṭipadā sammadeva asevitabbaparivajjanena sevitabbasamādānena ukkaṃsavatthūsu ca bhāvato asekhadhammapāripūriyā āvahattā ca vaḍḍhamānakapaṭipadā. Akilamantāva sallakkhessantīti idaṃ tadā tesaṃ asekhabhūmiadhigamāya ayogyatāya vuttaṃ. Akilamantāvāti iminā paṭisambhidāppattassapi anadhigatamaggasaññāpanā bhāriyāti dasseti. Osaṭāti anuppaviṭṭhā. Sakalaṃ vinayapiṭakaṃ kathitameva hoti tassa sīlakathābāhullato sesadvayepi eseva nayo. Tīhi piṭakehīti karaṇatthe karaṇavacanaṃ. Tena taṃtaṃpiṭakānaṃ tassā tassā sikkhāya sādhakatamabhāvaṃ dasseti.
бидтиваад̇о уббаж̇ж̇ад̇и убаад̣̇иннагасарийрасса д̇ат̇ааруубад̇д̇аа сан̇каараанан̃жа анижжад̇ааяа д̣̇угкаануб̣анд̇хад̇д̇аа. агааран̣ам̣ ваа зд̇анд̇и язнаад̇хиббааязна вуд̇д̇ам̣, д̇амзва ад̇хиббааяам̣ виварид̇ум̣ ‘‘баход̇ий’’д̇иаад̣̇и вуд̇д̇ам̣. жад̇уухи ирияаабат̇зхи барибхун̃ж̇ид̇угаамо ахоси сагяарааж̇уунам̣ аж̇жхаасаяавасзна. д̇ат̇аа хи вагкад̇и ‘‘сад̇т̇ааби д̇ад̣̇зва санд̇хааяа д̇ад̇т̇а сан̇гхаадим̣ бан̃н̃абзд̇ваа нибаж̇ж̇ийд̇ий’’д̇и. яад̣̇и звам̣ ‘‘бидти мз ааг̇илааяад̇ий’’д̇и ид̣̇ам̣ гат̇анд̇и ааха ‘‘убаад̣̇иннагасарийран̃жа наамаа’’д̇иаад̣̇и.
Piṭṭhivātouppajjati upādinnakasarīrassa tathārūpattā saṅkhārānañca aniccatāya dukkhānubandhattā. Akāraṇaṃ vā etanti yenādhippāyena vuttaṃ, tameva adhippāyaṃ vivarituṃ ‘‘pahotī’’tiādi vuttaṃ. Catūhi iriyāpathehi paribhuñjitukāmo ahosi sakyarājūnaṃ ajjhāsayavasena. Tathā hi vakkhati ‘‘satthāpi tadeva sandhāya tattha saṅghāṭiṃ paññapetvā nipajjītī’’ti. Yadi evaṃ ‘‘piṭṭhi me āgilāyatī’’ti idaṃ kathanti āha ‘‘upādinnakasarīrañca nāmā’’tiādi.
23. ‘‘иминаа баад̇имогкасам̣варзна…бз… самбанно’’д̇иаад̣̇ийсу (вибха. 511) саманнааг̇ад̇ад̇т̇о самбанна-сад̣̇д̣̇о, ид̇ха бана баарибууриад̇т̇од̇и д̣̇ассзд̇ум̣ ‘‘барибун̣н̣асийлод̇и ад̇т̇о’’д̇и вуд̇д̇ам̣. яо бана самбаннасийлоязва, со барибун̣н̣асийло. барисуд̣̇д̇хан̃хи сийлам̣ ‘‘барибун̣н̣а’’нд̇и вужжад̇и, на саб̣алам̣ гаммаасам̣ ваа. сунд̣̇арад̇хаммзхийд̇и собханад̇хаммзхи. яасмим̣ санд̇аанз уббаннаа д̇асса собханабхаавад̇о. д̇зхи саббурисабхаавасаад̇ханад̇о саббурисаанам̣ д̇хаммзхи.
23. ‘‘Iminā pātimokkhasaṃvarena…pe… sampanno’’tiādīsu (vibha. 511) samannāgatattho sampanna-saddo, idha pana pāripūriatthoti dassetuṃ ‘‘paripuṇṇasīloti attho’’ti vuttaṃ. Yo pana sampannasīloyeva, so paripuṇṇasīlo. Parisuddhañhi sīlaṃ ‘‘paripuṇṇa’’nti vuccati, na sabalaṃ kammāsaṃ vā. Sundaradhammehīti sobhanadhammehi. Yasmiṃ santāne uppannā tassa sobhanabhāvato. Tehi sappurisabhāvasādhanato sappurisānaṃ dhammehi.
24. иминаа зд̇д̇агзна таанзнаад̇и ‘‘ид̇ха, махаанаама, арияасааваго’’д̇и аарабхид̇ваа яаава ‘‘агасиралаабхий’’д̇и бад̣̇ам̣ иминаа зд̇д̇агзна уд̣̇д̣̇зсабад̣̇зна маад̇игам̣ табзд̇ваа. бадибаадияаад̇и уд̣̇д̣̇зсабадибаадияаа. звамаахаад̇и ‘‘звам̣ гат̇ан̃жа, махаанаамаа’’д̇иаад̣̇инаа ид̣̇аани вужжамаанзна д̣̇ассид̇аагаарзна ааха.
24.Imināettakena ṭhānenāti ‘‘idha, mahānāma, ariyasāvako’’ti ārabhitvā yāva ‘‘akasiralābhī’’ti padaṃ iminā ettakena uddesapadena mātikaṃ ṭhapetvā. Paṭipāṭiyāti uddesapaṭipāṭiyā. Evamāhāti ‘‘evaṃ kathañca, mahānāmā’’tiādinā idāni vuccamānena dassitākārena āha.
25. хирийяад̇ийд̇и лаж̇ж̇ийяад̇и бийл̣ийяад̇и. яасмаа хирий баабаж̇иг̇ужчаналагкан̣аа, д̇асмаа ‘‘ж̇иг̇ужчад̇ийд̇и ад̇т̇о’’д̇и вуд̇д̇ам̣. од̇д̇аббад̇ийд̇и уд̇д̇аббад̇и. баабуд̇раасалагкан̣ан̃хи од̇д̇аббам̣. баг̇г̇ахид̇авийрияод̇и сан̇гожам̣ анаабаннавийрияо. д̇знааха ‘‘аносаггид̇амаанасо’’д̇и. бахаанад̇т̇ааяаад̇и самужчинд̣̇анад̇т̇ааяа. гусалаанам̣ д̇хаммаанам̣ убасамбад̣̇аа наама ад̇хиг̇амо зваад̇и ааха ‘‘бадилаабхад̇т̇ааяаа’’д̇и. сад̇инзбаггзнаад̇и сад̇ияаа нзбаггзна д̇игкависад̣̇асуурабхаавзна. адтагат̇ааяам̣ бана нзбаггам̣ наама бан̃н̃аад̇и ад̇хиббааязна ‘‘сад̇ияаа жа нибагабхаавзна жаа’’д̇и ад̇т̇о вуд̇д̇о, звам̣ сад̇и ан̃н̃о нид̣̇д̣̇идто наама ход̇и. сад̇имаад̇и жа иминаава висзсаа сад̇и г̇ахид̇аа, барад̇о ‘‘жирагад̇амби жирабхаасид̇амби сарид̇аа ануссарид̇аа’’д̇и сад̇игижжамзва нид̣̇д̣̇идтам̣, на бан̃н̃аагижжам̣, д̇асмаа сад̇инзбаггзнаад̇и сад̇ияаа нзбаггабхаавзнаад̇и саггаа вин̃н̃аад̇ум̣. д̇знзва хи бажжаяависзсавасзна ан̃н̃ад̇хамманирабзгко сад̇ияаа б̣алавабхааво. д̇ат̇аа хи н̃аан̣авиббаяуд̇д̇ажид̇д̇знаби аж̇жхаяанасаммасанаани самбхаванд̇и.
25.Hirīyatīti lajjīyati pīḷīyati. Yasmā hirī pāpajigucchanalakkhaṇā, tasmā ‘‘jigucchatīti attho’’ti vuttaṃ. Ottappatīti uttappati. Pāputrāsalakkhaṇañhi ottappaṃ. Paggahitavīriyoti saṅkocaṃ anāpannavīriyo. Tenāha ‘‘anosakkitamānaso’’ti. Pahānatthāyāti samucchindanatthāya. Kusalānaṃ dhammānaṃ upasampadā nāma adhigamo evāti āha ‘‘paṭilābhatthāyā’’ti. Satinepakkenāti satiyā nepakkena tikkhavisadasūrabhāvena. Aṭṭhakathāyaṃ pana nepakkaṃ nāma paññāti adhippāyena ‘‘satiyā ca nipakabhāvena cā’’ti attho vutto, evaṃ sati añño niddiṭṭho nāma hoti. Satimāti ca imināva visesā sati gahitā, parato ‘‘cirakatampi cirabhāsitampi saritā anussaritā’’ti satikiccameva niddiṭṭhaṃ, na paññākiccaṃ, tasmā satinepakkenāti satiyā nepakkabhāvenāti sakkā viññātuṃ. Teneva hi paccayavisesavasena aññadhammanirapekkho satiyā balavabhāvo. Tathā hi ñāṇavippayuttacittenapi ajjhayanasammasanāni sambhavanti.
жзд̇ияан̇г̇ан̣авад̇д̇аад̣̇ийд̇и аад̣̇и-сад̣̇д̣̇зна б̣од̇хияан̇г̇ан̣авад̇д̇аад̣̇ийни сан̇г̇ан̣хаад̇и. асийд̇имахаавад̇д̇абадибад̇д̇ибууран̣анд̇и зд̇т̇а асийд̇ивад̇д̇абадибад̇д̇ибууран̣ам̣ махаавад̇д̇абадибад̇д̇ибууран̣анд̇и вад̇д̇абадибад̇д̇ибууран̣а-сад̣̇д̣̇о бажжзгам̣ яож̇зд̇аб̣б̣о. д̇ад̇т̇а махаавад̇д̇аани (вибха. мууладий. 406) наама вад̇д̇аканд̇хагз (жуул̣ава. 356 аад̣̇аяо) вуд̇д̇аани ааг̇анд̇угавад̇д̇ам̣ ааваасигам̣ г̇амигам̣ анумод̣̇анам̣ бхад̇д̇аг̇г̇ам̣ бин̣д̣ажааригам̣ ааран̃н̃игам̣ сзнаасанам̣ ж̇анд̇аагхарам̣ важжагуди убаж̇жхааяам̣ сад̣̇д̇хивихааригам̣ аажарияам̣ анд̇зваасигавад̇д̇анд̇и жуд̣̇д̣̇аса. д̇ад̇о ан̃н̃аани бана гад̣̇аажи д̇аж̇ж̇анийяагаммагад̇аад̣̇игаалз баариваасигаад̣̇игаалз жа жарид̇аб̣б̣аани асийд̇и куд̣̇д̣̇агавад̇д̇аани саб̣б̣аасу авад̇т̇аасу на жарид̇аб̣б̣аани, д̇асмаа махаавад̇д̇зсу, аг̇г̇ахид̇аани. д̇ад̇т̇а ‘‘баариваасигаанам̣ бхигкуунам̣ вад̇д̇ам̣ бан̃н̃абзссаамий’’д̇и аарабхид̇ваа ‘‘на убасамбаад̣̇зд̇аб̣б̣ам̣…бз… на чамааяам̣ жан̇гаманд̇з жан̇гамз жан̇гамид̇аб̣б̣а’’нд̇и (жуул̣ава. 81) вуд̇д̇аани багабхад̇д̇з жарид̇аб̣б̣авад̇д̇аавасаанаани часадти, д̇ад̇о барам̣ ‘‘на, бхигкавз, баариваасигзна бхигкунаа баариваасигавуд̣дхад̇арзна бхигкунаа сад̣̇д̇хим̣ муулааяабадигассанаарахзна маанад̇д̇аарахзна маанад̇д̇ажааригзна аб̣бхаанаарахзна бхигкунаа сад̣̇д̇хим̣ згажчаннз ааваасз вад̇д̇аб̣б̣а’’нд̇иаад̣̇ийни (жуул̣ава. 82) багад̇ад̇д̇з жарид̇аб̣б̣зхи анан̃н̃ад̇д̇аа висум̣ висум̣ аг̇ан̣зд̇ваа баариваасигавуд̣дхад̇араад̣̇ийсу буг̇г̇аланд̇арзсу жарид̇аб̣б̣ад̇д̇аа д̇зсам̣ васзна самбин̣д̣зд̇ваа згзгам̣ гад̇ваа г̇ан̣ид̇аб̣б̣аани бан̃жаад̇и згасад̇д̇ад̇ивад̇д̇аани, угкзбанияагаммагад̇авад̇д̇зсу вад̇д̇абан̃н̃аабанавасзна вуд̇д̇ам̣ – ‘‘на багад̇ад̇д̇асса бхигкуно абхиваад̣̇анам̣ бажжудтаанам̣…бз… нхаанз бидтибаригаммам̣ саад̣̇ид̇аб̣б̣а’’нд̇и (жуул̣ава. 51) ид̣̇ам̣ абхиваад̣̇анаад̣̇ийнам̣ асаад̣̇ияанам̣ згам̣, ‘‘на багад̇ад̇д̇о бхигку сийлавибад̇д̇ияаа ануд̣̇д̇хам̣сид̇аб̣б̣о’’д̇иаад̣̇ийни жа д̣̇асаад̇и звамзд̇аани д̣̇ваасийд̇и. зд̇зсвзва бана гаанижи д̇аж̇ж̇анийяагаммаад̣̇ивад̇д̇аани гаанижи баариваасигаад̣̇ивад̇д̇аанийд̇и аг̇г̇ахид̇аг̇г̇ахан̣зна д̣̇ваасийд̇и, звам̣ аббагам̣ бана уунамад̇хигам̣ ваа г̇ан̣анубаг̇ам̣ на ход̇ийд̇и ид̇ха ‘‘асийд̇и’’жжзва вуд̇д̇ам̣. ан̃н̃ад̇т̇а бана адтагат̇аабад̣̇зсз ‘‘д̣̇ваасийд̇и канд̇хагавад̇д̇ааний’’д̇и вужжад̇и.
Cetiyaṅgaṇavattādīti ādi-saddena bodhiyaṅgaṇavattādīni saṅgaṇhāti. Asītimahāvattapaṭipattipūraṇanti ettha asītivattapaṭipattipūraṇaṃ mahāvattapaṭipattipūraṇanti vattapaṭipattipūraṇa-saddo paccekaṃ yojetabbo. Tattha mahāvattāni (vibha. mūlaṭī. 406) nāma vattakhandhake (cūḷava. 356 ādayo) vuttāni āgantukavattaṃ āvāsikaṃ gamikaṃ anumodanaṃ bhattaggaṃ piṇḍacārikaṃ āraññikaṃ senāsanaṃ jantāgharaṃ vaccakuṭi upajjhāyaṃ saddhivihārikaṃ ācariyaṃ antevāsikavattanti cuddasa. Tato aññāni pana kadāci tajjanīyakammakatādikāle pārivāsikādikāle ca caritabbāni asīti khuddakavattāni sabbāsu avatthāsu na caritabbāni, tasmā mahāvattesu, aggahitāni. Tattha ‘‘pārivāsikānaṃ bhikkhūnaṃ vattaṃ paññapessāmī’’ti ārabhitvā ‘‘na upasampādetabbaṃ…pe… na chamāyaṃ caṅkamante caṅkame caṅkamitabba’’nti (cūḷava. 81) vuttāni pakabhatte caritabbavattāvasānāni chasaṭṭhi, tato paraṃ ‘‘na, bhikkhave, pārivāsikena bhikkhunā pārivāsikavuḍḍhatarena bhikkhunā saddhiṃ mūlāyapaṭikassanārahena mānattārahena mānattacārikena abbhānārahena bhikkhunā saddhiṃ ekacchanne āvāse vattabba’’ntiādīni (cūḷava. 82) pakatatte caritabbehi anaññattā visuṃ visuṃ agaṇetvā pārivāsikavuḍḍhatarādīsu puggalantaresu caritabbattā tesaṃ vasena sampiṇḍetvā ekekaṃ katvā gaṇitabbāni pañcāti ekasattativattāni, ukkhepaniyakammakatavattesu vattapaññāpanavasena vuttaṃ – ‘‘na pakatattassa bhikkhuno abhivādanaṃ paccuṭṭhānaṃ…pe… nhāne piṭṭhiparikammaṃ sāditabba’’nti (cūḷava. 51) idaṃ abhivādanādīnaṃ asādiyanaṃ ekaṃ, ‘‘na pakatatto bhikkhu sīlavipattiyā anuddhaṃsitabbo’’tiādīni ca dasāti evametāni dvāsīti. Etesveva pana kānici tajjanīyakammādivattāni kānici pārivāsikādivattānīti aggahitaggahaṇena dvāsīti, evaṃ appakaṃ pana ūnamadhikaṃ vā gaṇanupagaṃ na hotīti idha ‘‘asīti’’cceva vuttaṃ. Aññattha pana aṭṭhakathāpadese ‘‘dvāsīti khandhakavattānī’’ti vuccati.
саггажжам̣ уд̣̇д̣̇исанам̣ саггажжам̣ уд̣̇д̣̇исаабананд̇и бажжзгам̣ саггажжам̣-сад̣̇д̣̇о яож̇зд̇аб̣б̣о. уд̣̇д̣̇исанам̣ уд̣̇д̣̇зсаг̇г̇ахан̣ам̣. д̇хаммосааран̣ам̣ д̇хаммасса ужжааран̣ам̣. д̇хаммад̣̇зсанаа –
Sakkaccaṃuddisanaṃ sakkaccaṃ uddisāpananti paccekaṃ sakkaccaṃ-saddo yojetabbo. Uddisanaṃ uddesaggahaṇaṃ. Dhammosāraṇaṃ dhammassa uccāraṇaṃ. Dhammadesanā –
‘‘аад̣̇имхи сийлам̣ д̣̇зсзяяа, маж̇жхз жхаанам̣ вибассанам̣;
‘‘Ādimhi sīlaṃ deseyya, majjhe jhānaṃ vipassanaṃ;
барияосаанз жа ниб̣б̣аанам̣, зсаа гат̇игасан̣тид̇ий’’д̇и. (д̣̇ий. ни. адта. 1.190; сам̣. ни. адта. 3.4.246) –
Pariyosāne ca nibbānaṃ, esā kathikasaṇṭhitī’’ti. (dī. ni. aṭṭha. 1.190; saṃ. ni. aṭṭha. 3.4.246) –
звам̣ гат̇ид̇алагкан̣аа д̇хаммагат̇аа. убаг̇анд̇ваа нисиннасса яасса гассажи г̇ахадтасса баб̣б̣аж̇ид̇асса ваа д̇ан̇кан̣аануруубаа д̇хаммий гат̇аа убанисиннагат̇аа. бхад̇д̇аанумод̣̇анагат̇аа анумод̣̇анияаа. сарид̇аад̇и зд̇т̇а на гзвалам̣ жирагад̇ажирабхаасид̇аанам̣ саран̣амануссаран̣амад̇д̇ам̣ ад̇хиббзд̇ам̣, ат̇а ко д̇ат̇аабавад̇д̇аруубааруубад̇хаммаанам̣ бариг̇г̇ахамукзна бавад̇д̇авибассанаажаарз сад̇исамб̣ож̇жхан̇г̇асамудтаабананд̇и д̣̇ассзд̇ум̣ ‘‘д̇асмим̣ гааязна жирагад̇з’’д̇иаад̣̇и вуд̇д̇ам̣. сагимби саран̣знаад̇и згаваарам̣ саран̣зна. бунаббунам̣ саран̣знаад̇и ану ану саран̣зна. сад̇исамб̣ож̇жхан̇г̇амби вивзганиссид̇ам̣ вирааг̇аниссид̇ам̣ нирод̇ханиссид̇ам̣ восаг̇г̇абарин̣аамин̃жа гад̇ваа саранд̇о д̇ад̇т̇а д̇ад̇т̇а ж̇аванаваарз саран̣аж̇аванаваарз барид̇д̇аж̇аванавасзна ануссарид̇аад̇и взд̣̇ид̇аб̣б̣аа.
Evaṃ kathitalakkhaṇā dhammakathā. Upagantvā nisinnassa yassa kassaci gahaṭṭhassa pabbajitassa vā taṅkhaṇānurūpā dhammī kathā upanisinnakathā. Bhattānumodanakathā anumodaniyā. Saritāti ettha na kevalaṃ cirakatacirabhāsitānaṃ saraṇamanussaraṇamattaṃ adhippetaṃ, atha kho tathāpavattarūpārūpadhammānaṃ pariggahamukhena pavattavipassanācāre satisambojjhaṅgasamuṭṭhāpananti dassetuṃ ‘‘tasmiṃ kāyena cirakate’’tiādi vuttaṃ. Sakimpi saraṇenāti ekavāraṃ saraṇena. Punappunaṃ saraṇenāti anu anu saraṇena. Satisambojjhaṅgampi vivekanissitaṃ virāganissitaṃ nirodhanissitaṃ vosaggapariṇāmiñca katvā saranto tattha tattha javanavāre saraṇajavanavāre parittajavanavasena anussaritāti veditabbā.
г̇ад̇иад̇т̇аа д̇хаад̇усад̣̇д̣̇аа б̣уд̣̇д̇хиад̇т̇аа хонд̇ийд̇и ааха – ‘‘уд̣̇аяан̃жа ваяан̃жа бадивиж̇жхид̇ум̣ самад̇т̇ааяаа’’д̇и. миссаганаязнааяам̣ д̣̇зсанаа ааг̇ад̇аад̇и ааха – ‘‘вигкамбханавасзна жа самужчзд̣̇авасзна жаа’’д̇и. д̇знааха ‘‘вибассанаабан̃н̃ааяа жзваа’’д̇иаад̣̇и. вибассанаабан̃н̃ааяа ниб̣б̣зд̇хигабарияааяад̇о. саа жа ко бад̣̇зсигаад̇и ниббад̣̇зсигам̣ гад̇ваа д̣̇ассзд̇ум̣ ‘‘маг̇г̇абан̃н̃ааяа бадилаабхасам̣вад̇д̇анад̇о жаа’’д̇и вуд̇д̇ам̣. д̣̇угкагкаяаг̇ааминибхаавзби зсзва наяо. саммаад̇и яаат̇аавад̇о. агуббад̇хаммад̇ааяа хи маг̇г̇абан̃н̃аа кзбид̇акзбанааяа на буна гижжам̣ ад̇т̇ийд̇и убааязна н̃ааязна яаа бавад̇д̇и саа зваад̇и ааха – ‘‘хзд̇унаа наязнаа’’д̇и.
Gatiatthā dhātusaddā buddhiatthā hontīti āha – ‘‘udayañca vayañca paṭivijjhituṃ samatthāyā’’ti. Missakanayenāyaṃ desanā āgatāti āha – ‘‘vikkhambhanavasena ca samucchedavasena cā’’ti. Tenāha ‘‘vipassanāpaññāya cevā’’tiādi. Vipassanāpaññāya nibbedhikapariyāyato. Sā ca kho padesikāti nippadesikaṃ katvā dassetuṃ ‘‘maggapaññāya paṭilābhasaṃvattanato cā’’ti vuttaṃ. Dukkhakkhayagāminibhāvepi eseva nayo. Sammāti yāthāvato. Akuppadhammatāya hi maggapaññā khepitakhepanāya na puna kiccaṃ atthīti upāyena ñāyena yā pavatti sā evāti āha – ‘‘hetunā nayenā’’ti.
26. ад̇хигам̣ жзд̇о абхижзд̇о, махаг̇г̇ад̇ажид̇д̇ам̣, д̇асса бана ад̇хигад̇аа гаамажчанд̣̇аад̣̇ибадибагкавиг̇амзна висидтабхааваббад̇д̇и, д̇анниссид̇аани аабхижзд̇асигаани. д̇знааха ‘‘абхижид̇д̇ам̣ сздтажид̇д̇ам̣ сид̇аана’’нд̇и. д̣̇идтад̇хаммасукавихаараананд̇и имасмим̣язва ад̇д̇абхаавз паасувихаарабхууд̇аанам̣. д̇зхи бана саман̇г̇ид̇агкан̣з яасмаа вивзгаж̇ам̣ бийд̇исукам̣ самаад̇хиж̇ам̣ бийд̇исукам̣ абийд̇иж̇ам̣ сад̇ибаарисуд̣̇д̇хин̃аан̣асукан̃жа бадилабхад̇и винд̣̇ад̇и, д̇асмаа ааха – ‘‘аббид̇аббид̇агкан̣з сукабадилаабхахзд̇ууна’’нд̇и. ижчид̇ижчид̇агкан̣з самаабаж̇ж̇ид̇аад̇и иминаа д̇зсу жхаанзсу самаабаж̇ж̇анавасийбхаавамааха, ‘‘нигаамалаабхий’’д̇и бана важанад̇о ааваж̇ж̇анаад̇хидтаанаа бажжавзгкан̣авасияо жа вуд̇д̇аа зваад̇и взд̣̇ид̇аб̣б̣аа. нид̣̇угкалаабхийд̇и иминаа д̇зсам̣ жхаанаанам̣ сукабадибад̣̇аакиббаабхин̃н̃ад̇ам̣ д̣̇ассзд̇и, вибулалаабхийд̇и иминаа баг̇ун̣ад̇ам̣ д̇аббамаан̣ад̣̇ассид̇абхаавад̣̇ийбанад̇о. д̇знааха ‘‘баг̇ун̣абхаавзнаа’’д̇иаад̣̇и. самаабаж̇ж̇ид̇ум̣ саггод̇и самаабаж̇ж̇анавасийбхаавад̇ааяа саад̇хид̇ад̇д̇аа. самаад̇хибаарибант̇игад̇хаммзд̇и васийбхаавасса бажжанийгад̇хаммз. жхаанаад̇хиг̇амасса бана бажжанийгад̇хаммаа баг̇зва вигкамбхид̇аа, ан̃н̃ат̇аа жхаанаад̇хиг̇амо зва на сияаа. агиламанд̇о вигкамбхзд̇ум̣ на саггод̇ийд̇и гижчзна вигкамбхзд̇и висод̇хзд̇и, гаамаад̣̇ийнавабажжавзгкан̣аад̣̇ийхи гаамажчанд̣̇аад̣̇ийнам̣ ан̃н̃зсам̣ самаад̇хибаарибант̇игаанам̣ д̣̇уурасамуссааран̣ам̣ ид̇ха вигкамбханам̣ висод̇хананд̇и взд̣̇ид̇аб̣б̣ам̣.
26. Adhikaṃ ceto abhiceto, mahaggatacittaṃ, tassa pana adhikatā kāmacchandādipaṭipakkhavigamena visiṭṭhabhāvappatti, tannissitāni ābhicetasikāni. Tenāha ‘‘abhicittaṃ seṭṭhacittaṃ sitāna’’nti. Diṭṭhadhammasukhavihārānanti imasmiṃyeva attabhāve phāsuvihārabhūtānaṃ. Tehi pana samaṅgitakkhaṇe yasmā vivekajaṃ pītisukhaṃ samādhijaṃ pītisukhaṃ apītijaṃ satipārisuddhiñāṇasukhañca paṭilabhati vindati, tasmā āha – ‘‘appitappitakkhaṇe sukhapaṭilābhahetūna’’nti. Icchiticchitakkhaṇe samāpajjitāti iminā tesu jhānesu samāpajjanavasībhāvamāha, ‘‘nikāmalābhī’’ti pana vacanato āvajjanādhiṭṭhānā paccavekkhaṇavasiyo ca vuttā evāti veditabbā. Nidukkhalābhīti iminā tesaṃ jhānānaṃ sukhapaṭipadākhippābhiññataṃ dasseti, vipulalābhīti iminā paguṇataṃ tappamāṇadassitabhāvadīpanato. Tenāha ‘‘paguṇabhāvenā’’tiādi. Samāpajjituṃ sakkoti samāpajjanavasībhāvatāya sādhitattā. Samādhipāripanthikadhammeti vasībhāvassa paccanīkadhamme. Jhānādhigamassa pana paccanīkadhammā pageva vikkhambhitā, aññathā jhānādhigamo eva na siyā. Akilamanto vikkhambhetuṃ na sakkotīti kicchena vikkhambheti visodheti, kāmādīnavapaccavekkhaṇādīhi kāmacchandādīnaṃ aññesaṃ samādhipāripanthikānaṃ dūrasamussāraṇaṃ idha vikkhambhanaṃ visodhananti veditabbaṃ.
27. вибассанаахид̇ааяа убаруубаривисзсаавахад̇д̇аа вад̣дхамаанааяа буб̣б̣абхааг̇асийлаад̣̇ибадибад̣̇ааяа. саа зва буб̣б̣абхааг̇абадибад̣̇аа яат̇аабхаавид̇ад̇ааяа авассам̣ бхаавинам̣ висзсам̣ бариг̇г̇ахид̇ад̇д̇аа ан̣д̣ам̣ вияаад̇и ан̣д̣ам̣, гилзсзхи ад̣̇уусид̇ад̇ааяа абууд̇и ан̣д̣ам̣ зд̇ассаад̇и абужжан̣д̣о, вибассанам̣ уссуггаабзд̇ваа тид̇абуг̇г̇ало, д̇асса бхааво абужжан̣д̣ад̇аа. вибассанаад̣̇ин̃аан̣аббабхзд̣̇ааяаад̇и буб̣б̣зниваасан̃аан̣аад̣̇ин̃аан̣абабхзд̣̇ааяа. д̇ад̇т̇аад̇и жзд̇окиласуд̇д̇з (ма. ни. 1.185) ‘‘са ко со, бхигкавз, звам̣ уссол̣хибаннарасан̇г̇асаманнааг̇ад̇о бхигку бхаб̣б̣о абхиниб̣б̣ид̣̇ааяаа’’д̇и ааг̇ад̇ад̇д̇аа уссол̣хибаннарасзхи ан̇г̇зхи саманнааг̇ад̇абхаавод̇и звам̣ яам̣ обаммасам̣санд̣̇анам̣ ааг̇ад̇ам̣, д̇ам̣ обаммасам̣санд̣̇анам̣ ид̇ха имасмим̣ сзкасуд̇д̇з яож̇зд̇ваа взд̣̇ид̇аб̣б̣анд̇и самб̣анд̇хо.
27. Vipassanāhitāya uparūparivisesāvahattā vaḍḍhamānāya pubbabhāgasīlādipaṭipadāya. Sā eva pubbabhāgapaṭipadā yathābhāvitatāya avassaṃ bhāvinaṃ visesaṃ pariggahitattā aṇḍaṃ viyāti aṇḍaṃ, kilesehi adūsitatāya apūti aṇḍaṃ etassāti apuccaṇḍo, vipassanaṃ ussukkāpetvā ṭhitapuggalo, tassa bhāvo apuccaṇḍatā. Vipassanādiñāṇappabhedāyāti pubbenivāsañāṇādiñāṇapabhedāya. Tatthāti cetokhilasutte (ma. ni. 1.185) ‘‘sa kho so, bhikkhave, evaṃ ussoḷhipannarasaṅgasamannāgato bhikkhu bhabbo abhinibbidāyā’’ti āgatattā ussoḷhipannarasehi aṅgehi samannāgatabhāvoti evaṃ yaṃ opammasaṃsandanaṃ āgataṃ, taṃ opammasaṃsandanaṃ idha imasmiṃ sekhasutte yojetvā veditabbanti sambandho.
28. махаг̇г̇ад̇аад̣̇ибхаавзна хздтимаанам̣ жхаанаанам̣ ануруубамби ад̇д̇ано висзсзна д̇з уд̇д̇арид̇ваа ад̇иггамид̇ваана тид̇анд̇и ануд̇д̇арам̣, д̇знааха – ‘‘батамаад̣̇иж̇жхаанзхи асад̣̇исам̣ уд̇д̇ама’’нд̇и. д̣̇уд̇ияаад̣̇ийсуби абхиниб̣бхид̣̇аасу. буб̣б̣зниваасан̃аан̣ам̣ уббаж̇ж̇амаанам̣ яат̇аа ад̇д̇ано висаяабадижчаад̣̇агам̣ гилзсанд̇хагаарам̣ вид̇хаманд̇амзва уббаж̇ж̇ад̇и, звам̣ ад̇д̇ано висаяз ган̃жи висзсам̣ гаронд̇амзва уббаж̇ж̇ад̇ийд̇и ааха – ‘‘буб̣б̣зниваасан̃аан̣зна батамам̣ ж̇ааяад̇ий’’д̇и, сзсан̃аан̣ад̣̇ваязби зсзва наяо.
28. Mahaggatādibhāvena heṭṭhimānaṃ jhānānaṃ anurūpampi attano visesena te uttaritvā atikkamitvāna ṭhitanti anuttaraṃ, tenāha – ‘‘paṭhamādijjhānehi asadisaṃ uttama’’nti. Dutiyādīsupi abhinibbhidāsu. Pubbenivāsañāṇaṃ uppajjamānaṃ yathā attano visayapaṭicchādakaṃ kilesandhakāraṃ vidhamantameva uppajjati, evaṃ attano visaye kañci visesaṃ karontameva uppajjatīti āha – ‘‘pubbenivāsañāṇena paṭhamaṃ jāyatī’’ti, sesañāṇadvayepi eseva nayo.
29. жаран̣асминд̇и бажжад̇д̇з бхуммаважананд̇и ааха ‘‘жаран̣ам̣ наама ход̇ийд̇и ад̇т̇о’’д̇и. д̇знаад̇и гаран̣ад̇т̇з гаран̣аважанам̣ аг̇ад̇абуб̣б̣ад̣̇исааг̇аманз д̇зсам̣ саад̇хагад̇амабхаавад̇о.
29.Caraṇasminti paccatte bhummavacananti āha ‘‘caraṇaṃ nāma hotīti attho’’ti. Tenāti karaṇatthe karaṇavacanaṃ agatapubbadisāgamane tesaṃ sādhakatamabhāvato.
адта н̃аан̣аанийд̇и ид̇ха ааг̇ад̇аани жа анааг̇ад̇аани жа амб̣адтасуд̇д̇аад̣̇ийсу (д̣̇ий. ни. 1.254 аад̣̇аяо) ааг̇ад̇аани г̇ахзд̇ваа вад̣̇ад̇и. винивиж̇жхид̇ваад̇и буб̣б̣зниваасабадижчаад̣̇агаад̣̇игилзсад̇амам̣ бхинд̣̇ид̇ваа бад̣̇аалзд̇ваа.
Aṭṭha ñāṇānīti idha āgatāni ca anāgatāni ca ambaṭṭhasuttādīsu (dī. ni. 1.254 ādayo) āgatāni gahetvā vadati. Vinivijjhitvāti pubbenivāsapaṭicchādakādikilesatamaṃ bhinditvā padāletvā.
30. санан̇гумаарзнаад̇и сананд̇анагумаарзна. д̇ад̣̇зва хи д̇асса сананд̇анагумаарад̇ам̣ д̣̇ассзд̇ум̣ ‘‘жирагаалад̇о бадтааяаа’’д̇и вуд̇д̇ам̣. со ад̇д̇абхаавод̇и язна ад̇д̇абхаавзна мануссабат̇з жхаанам̣ ниб̣б̣ад̇д̇зси, со гумаарад̇д̇абхааво, д̇асмаа б̣рахмабхууд̇оби д̇аад̣̇исзна гумаарад̇д̇абхаавзна жарад̇и.
30.Sanaṅkumārenāti sanantanakumārena. Tadeva hi tassa sanantanakumārataṃ dassetuṃ ‘‘cirakālato paṭṭhāyā’’ti vuttaṃ. So attabhāvoti yena attabhāvena manussapathe jhānaṃ nibbattesi, so kumārattabhāvo, tasmā brahmabhūtopi tādisena kumārattabhāvena carati.
ж̇анид̇асмим̣-сад̣̇д̣̇о зва и-гаарасса з-гаарам̣ гад̇ваа ‘‘ж̇анзд̇асми’’нд̇и вуд̇д̇о, ж̇анид̇асминд̇и жа ж̇анасминд̇и ад̇т̇о взд̣̇ид̇аб̣б̣о. ж̇анид̇асминд̇и сааман̃н̃аг̇г̇ахан̣зби яад̇т̇а жад̇уван̣н̣асаман̃н̃аа, д̇ад̇т̇зва мануссалогз. кад̇д̇ияо сздтод̇и логасаман̃н̃ааби мануссалогзязва, на д̣̇звагааяз б̣рахмагааяз ваад̇и д̣̇ассзд̇ум̣ ‘‘яз г̇од̇д̇абадисаарино’’д̇и вуд̇д̇ам̣. бадисаранд̇ийд̇и ‘‘ахам̣ г̇од̇амо, ахам̣ гассабо’’д̇и бад̇и бад̇и ад̇д̇ано г̇од̇д̇ам̣ анусаранд̇и бадиж̇аананд̇и ваад̇и ад̇т̇о.
Janitasmiṃ-saddo eva i-kārassa e-kāraṃ katvā ‘‘janetasmi’’nti vutto, janitasminti ca janasminti attho veditabbo. Janitasminti sāmaññaggahaṇepi yattha catuvaṇṇasamaññā, tattheva manussaloke. Khattiyo seṭṭhoti lokasamaññāpi manussalokeyeva, na devakāye brahmakāye vāti dassetuṃ ‘‘ye gottapaṭisārino’’ti vuttaṃ. Paṭisarantīti ‘‘ahaṃ gotamo, ahaṃ kassapo’’ti pati pati attano gottaṃ anusaranti paṭijānanti vāti attho.
зд̇д̇аавад̇аад̇и ‘‘саад̇ху саад̇ху аананд̣̇аа’’д̇и зд̇д̇агзна саад̇хугаарад̣̇аанзна. ж̇инабхаасид̇ам̣ наама ж̇аад̇анд̇иаад̣̇ид̇о бадтааяа яаава барияосаанаа т̇зрабхаасид̇ам̣ б̣уд̣̇д̇хабхаасид̇амзва наама ж̇аад̇ам̣. ‘‘гимбанид̣̇ам̣ суд̇д̇ам̣ сад̇т̇уд̣̇зсанаанувид̇хаанад̇о ж̇инабхаасид̇ам̣, уд̣̇ааху саад̇хугаарад̣̇аанамад̇д̇знаа’’д̇и зваруубаа жод̣̇анаа ид̇ха аногаасаа т̇зрасса д̣̇зсанааяа бхаг̇авад̇о д̣̇зсанаанувид̇хаанахзд̇угад̇д̇аа саад̇хугаарад̣̇аанассаад̇и. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
Ettāvatāti ‘‘sādhu sādhu ānandā’’ti ettakena sādhukāradānena. Jinabhāsitaṃ nāma jātantiādito paṭṭhāya yāva pariyosānā therabhāsitaṃ buddhabhāsitameva nāma jātaṃ. ‘‘Kimpanidaṃ suttaṃ satthudesanānuvidhānato jinabhāsitaṃ, udāhu sādhukāradānamattenā’’ti evarūpā codanā idha anokāsā therassa desanāya bhagavato desanānuvidhānahetukattā sādhukāradānassāti. Yaṃ panettha atthato avibhattaṃ, taṃ suviññeyyameva.
сзкасуд̇д̇аван̣н̣анааяа лийнад̇т̇аббагаасанаа самад̇д̇аа.
Sekhasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. сзкасуд̇д̇ам̣ • 3. Sekhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. сзкасуд̇д̇аван̣н̣анаа • 3. Sekhasuttavaṇṇanā
