7. Sayanadāyakattheraapadānaṃ

88.

‘‘Siddhatthassa bhagavato, mettacittassa tādino;

Sayanaggaṃ mayā dinnaṃ, dussabhaṇḍehi ² atthataṃ.

89.

‘‘Paṭiggahesi bhagavā, kappiyaṃ sayanāsanaṃ;

Uṭṭhāya sayanā ⁴ tamhā, vehāsaṃ uggamī jino.

90.

‘‘Catunnavutito kappe, yaṃ sayanamadāsahaṃ;

Duggatiṃ nābhijānāmi, sayanassa idaṃ phalaṃ.

91.

‘‘Ekapaññāsito kappe, varako ⁶ devasavhayo;

Sattaratanasampanno, cakkavattī mahabbalo.

92.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā sayanadāyako thero imā gāthāyo abhāsitthāti.

Sayanadāyakattherassāpadānaṃ sattamaṃ.