| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၅. သတ္တိသုတ္တဝဏ္ဏနာ
5. Sattisuttavaṇṇanā
၂၂၇. အဂ္ဂေ ပဟရိတ္ဝာတိ တိဏ္ဟဖလသတ္တိယာ အဂ္ဂေ ဟတ္ထေန ဝာ မုဋ္ဌိနာ ဝာ ပဟာရံ ဒတ္ဝာ။ ကပ္ပာသဝဋ္ဋိံ ဝိယာတိ ပဟတကပ္ပာသပိဏ္ဍံ ဝိယ။ နိယ္ယာသဝဋ္ဋိံ ဝိယာတိ ဖလသဏ္ဌာနံ နိယ္ယာသပိဏ္ဍံ ဝိယ။ ဧကတော ကတ္ဝာတိ ကလိကာဒိဘာဝေန ဝီသတိံသပိဏ္ဍာနိ ဧကဇ္ဈံ ကတ္ဝာ။ အလ္လိယာပေန္တော ပိဏ္ဍံ ကရောန္တော။ ပဋိလေဏေတီတိ ပဋိလီနယတိ နာမေတိ။ အလ္လိယာပေန္တော တေ ဒ္ဝေပိ ဓာရာ ဧကတော သမ္ဖုသာပေန္တော။ ပဋိကောဋ္ဋေတီတိ ပဋိပဟရတိ။ တတ္ထ ခဏ္ဍံ ဝိယ နိယ္ယာသော။ ကပ္ပာသဝဋ္ဋနကရဏီယန္တိ ဝိဟတသ္သ ကပ္ပာသသ္သ ပဋိသံဟရဏဝသေန ဗန္ဓနဒဏ္ဍံ။ ပဝတ္တေန္တောတိ ကပ္ပာသသ္သ သံဝေလ္လနဝသေန ပဝတ္တေန္တော။
227.Agge paharitvāti tiṇhaphalasattiyā agge hatthena vā muṭṭhinā vā pahāraṃ datvā. Kappāsavaṭṭiṃ viyāti pahatakappāsapiṇḍaṃ viya. Niyyāsavaṭṭiṃ viyāti phalasaṇṭhānaṃ niyyāsapiṇḍaṃ viya. Ekato katvāti kalikādibhāvena vīsatiṃsapiṇḍāni ekajjhaṃ katvā. Alliyāpento piṇḍaṃ karonto. Paṭileṇetīti paṭilīnayati nāmeti. Alliyāpento te dvepi dhārā ekato samphusāpento. Paṭikoṭṭetīti paṭipaharati. Tattha khaṇḍaṃ viya niyyāso. Kappāsavaṭṭanakaraṇīyanti vihatassa kappāsassa paṭisaṃharaṇavasena bandhanadaṇḍaṃ. Pavattentoti kappāsassa saṃvellanavasena pavattento.
သတ္တိသုတ္တဝဏ္ဏနာ နိဋ္ဌိတာ။
Sattisuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၅. သတ္တိသုတ္တံ • 5. Sattisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅. သတ္တိသုတ္တဝဏ္ဏနာ • 5. Sattisuttavaṇṇanā
