| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៥. សត្តបាដលិយត្ថេរអបទានំ
5. Sattapāṭaliyattheraapadānaṃ
១៧.
17.
‘‘កណិការំវ ជោតន្តំ, និសិន្នំ បព្ពតន្តរេ;
‘‘Kaṇikāraṃva jotantaṃ, nisinnaṃ pabbatantare;
សត្ត បាដលិបុប្ផានិ, ពុទ្ធស្ស អភិរោបយិំ។
Satta pāṭalipupphāni, buddhassa abhiropayiṃ.
១៨.
18.
‘‘ចតុន្នវុតិតោ កប្បេ, យំ បុប្ផមភិរោបយិំ;
‘‘Catunnavutito kappe, yaṃ pupphamabhiropayiṃ;
ទុគ្គតិំ នាភិជានាមិ, ពុទ្ធបូជាយិទំ ផលំ។
Duggatiṃ nābhijānāmi, buddhapūjāyidaṃ phalaṃ.
១៩.
19.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា សត្តបាដលិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā sattapāṭaliyo thero imā gāthāyo abhāsitthāti.
សត្តបាដលិយត្ថេរស្សាបទានំ បញ្ចមំ។
Sattapāṭaliyattherassāpadānaṃ pañcamaṃ.
