| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
8. ஸத்தாஹபப்³ப³ஜிதத்தே²ரஅபதா³னங்
8. Sattāhapabbajitattheraapadānaṃ
33.
33.
‘‘விபஸ்ஸிஸ்ஸ ப⁴க³வதோ, ஸங்கோ⁴ ஸக்கதமானிதோ;
‘‘Vipassissa bhagavato, saṅgho sakkatamānito;
ப்³யஸனங் மே அனுப்பத்தங், ஞாதிபே⁴தோ³ புரே அஹு.
Byasanaṃ me anuppattaṃ, ñātibhedo pure ahu.
34.
34.
‘‘பப்³ப³ஜ்ஜங் உபக³ந்த்வான, ப்³யஸனுபஸமாயஹங்;
‘‘Pabbajjaṃ upagantvāna, byasanupasamāyahaṃ;
ஸத்தாஹாபி⁴ரதோ தத்த², ஸத்து²ஸாஸனகம்யதா.
Sattāhābhirato tattha, satthusāsanakamyatā.
35.
35.
‘‘ஏகனவுதிதோ கப்பே, யமஹங் பப்³ப³ஜிங் ததா³;
‘‘Ekanavutito kappe, yamahaṃ pabbajiṃ tadā;
து³க்³க³திங் நாபி⁴ஜானாமி, பப்³ப³ஜ்ஜாய இத³ங் ப²லங்.
Duggatiṃ nābhijānāmi, pabbajjāya idaṃ phalaṃ.
36.
36.
‘‘ஸத்தஸட்டி²ம்ஹிதோ கப்பே, ஸத்த ஆஸுங் மஹீபதீ;
‘‘Sattasaṭṭhimhito kappe, satta āsuṃ mahīpatī;
ஸுனிக்க²மாதி ஞாயந்தி, சக்கவத்தீ மஹப்³ப³லா.
Sunikkhamāti ñāyanti, cakkavattī mahabbalā.
37.
37.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ஸத்தாஹபப்³ப³ஜிதோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā sattāhapabbajito thero imā gāthāyo abhāsitthāti.
ஸத்தாஹபப்³ப³ஜிதத்தே²ரஸ்ஸாபதா³னங் அட்ட²மங்.
Sattāhapabbajitattherassāpadānaṃ aṭṭhamaṃ.
