| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੨. ਦੁਤਿਯવਗ੍ਗੋ
2. Dutiyavaggo
੧. ਸਤ੍ਤਧਾਤੁਸੁਤ੍ਤવਣ੍ਣਨਾ
1. Sattadhātusuttavaṇṇanā
੯੫. ਦੁਤਿਯવਗ੍ਗਸ੍ਸ ਪਠਮੇ ਆਭਾਧਾਤੂਤਿ ਆਲੋਕਧਾਤੁ। ਆਲੋਕਸ੍ਸਪਿ ਆਲੋਕਕਸਿਣੇ ਪਰਿਕਮ੍ਮਂ ਕਤ੍વਾ ਉਪ੍ਪਨ੍ਨਜ੍ਝਾਨਸ੍ਸਾਪੀਤਿ ਸਹਾਰਮ੍ਮਣਸ੍ਸ ਝਾਨਸ੍ਸ ਏਤਂ ਨਾਮਂ। ਸੁਭਧਾਤੂਤਿ ਸੁਭਕਸਿਣੇ ਉਪ੍ਪਨ੍ਨਜ੍ਝਾਨવਸੇਨ ਸਹਾਰਮ੍ਮਣਜ੍ਝਾਨਮੇવ । ਆਕਾਸਾਨਞ੍ਚਾਯਤਨਮੇવ ਆਕਾਸਾਨਞ੍ਚਾਯਤਨਧਾਤੁ। ਸਞ੍ਞਾવੇਦਯਿਤਨਿਰੋਧੋવ ਸਞ੍ਞਾવੇਦਯਿਤਨਿਰੋਧਧਾਤੁ। ਇਤਿ ਭਗવਾ ਅਨੁਸਨ੍ਧਿਕੁਸਲਸ੍ਸ ਭਿਕ੍ਖੁਨੋ ਤਤ੍ਥ ਨਿਸੀਦਿਤ੍વਾ ਪਞ੍ਹਂ ਪੁਚ੍ਛਿਤੁਕਾਮਸ੍ਸ ਓਕਾਸਂ ਦੇਨ੍ਤੋ ਦੇਸਨਂ ਨਿਟ੍ਠਾਪੇਸਿ।
95. Dutiyavaggassa paṭhame ābhādhātūti ālokadhātu. Ālokassapi ālokakasiṇe parikammaṃ katvā uppannajjhānassāpīti sahārammaṇassa jhānassa etaṃ nāmaṃ. Subhadhātūti subhakasiṇe uppannajjhānavasena sahārammaṇajjhānameva . Ākāsānañcāyatanameva ākāsānañcāyatanadhātu. Saññāvedayitanirodhova saññāvedayitanirodhadhātu. Iti bhagavā anusandhikusalassa bhikkhuno tattha nisīditvā pañhaṃ pucchitukāmassa okāsaṃ dento desanaṃ niṭṭhāpesi.
ਅਨ੍ਧਕਾਰਂ ਪਟਿਚ੍ਚਾਤਿ ਅਨ੍ਧਕਾਰੋ ਹਿ ਆਲੋਕੇਨ ਪਰਿਚ੍ਛਿਨ੍ਨੋ, ਆਲੋਕੋਪਿ ਅਨ੍ਧਕਾਰੇਨ। ਅਨ੍ਧਕਾਰੇਨ ਹਿ ਸੋ ਪਾਕਟੋ ਹੋਤਿ। ਤਸ੍ਮਾ ‘‘ਅਨ੍ਧਕਾਰਂ ਪਟਿਚ੍ਚ ਪਞ੍ਞਾਯਤੀ’’ਤਿ ਆਹ। ਅਸੁਭਂ ਪਟਿਚ੍ਚਾਤਿ ਏਤ੍ਥਾਪਿ ਏਸੇવ ਨਯੋ। ਅਸੁਭਞ੍ਹਿ ਸੁਭੇਨ, ਸੁਭਞ੍ਚ ਅਸੁਭੇਨ ਪਰਿਚ੍ਛਿਨ੍ਨਂ, ਅਸੁਭੇ ਸਤਿ ਸੁਭਂ ਪਞ੍ਞਾਯਤਿ, ਤਸ੍ਮਾ ਏવਮਾਹ। ਰੂਪਂ ਪਟਿਚ੍ਚਾਤਿ ਰੂਪਾવਚਰਸਮਾਪਤ੍ਤਿਂ ਪਟਿਚ੍ਚ। ਰੂਪਾવਚਰਸਮਾਪਤ੍ਤਿਯਾ ਹਿ ਸਤਿ ਆਕਾਸਾਨਞ੍ਚਾਯਤਨਸਮਾਪਤ੍ਤਿ ਨਾਮ ਹੋਤਿ ਰੂਪਸਮਤਿਕ੍ਕਮੋ વਾ, ਤਸ੍ਮਾ ਏવਮਾਹ। વਿਞ੍ਞਾਣਞ੍ਚਾਯਤਨਧਾਤੁਆਦੀਸੁਪਿ ਏਸੇવ ਨਯੋ। ਨਿਰੋਧਂ ਪਟਿਚ੍ਚਾਤਿ ਚਤੁਨ੍ਨਂ ਖਨ੍ਧਾਨਂ ਪਟਿਸਙ੍ਖਾਅਪ੍ਪવਤ੍ਤਿਂ ਪਟਿਚ੍ਚ। ਖਨ੍ਧਨਿਰੋਧਞ੍ਹਿ ਪਟਿਚ੍ਚ ਨਿਰੋਧਸਮਾਪਤ੍ਤਿ ਨਾਮ ਪਞ੍ਞਾਯਤਿ, ਨ ਖਨ੍ਧਪવਤ੍ਤਿਂ, ਤਸ੍ਮਾ ਏવਮਾਹ। ਏਤ੍ਥ ਚ ਚਤੁਨ੍ਨਂ ਖਨ੍ਧਾਨਂ ਨਿਰੋਧੋવ ਨਿਰੋਧਸਮਾਪਤ੍ਤੀਤਿ વੇਦਿਤਬ੍ਬੋ।
Andhakāraṃpaṭiccāti andhakāro hi ālokena paricchinno, ālokopi andhakārena. Andhakārena hi so pākaṭo hoti. Tasmā ‘‘andhakāraṃ paṭicca paññāyatī’’ti āha. Asubhaṃ paṭiccāti etthāpi eseva nayo. Asubhañhi subhena, subhañca asubhena paricchinnaṃ, asubhe sati subhaṃ paññāyati, tasmā evamāha. Rūpaṃ paṭiccāti rūpāvacarasamāpattiṃ paṭicca. Rūpāvacarasamāpattiyā hi sati ākāsānañcāyatanasamāpatti nāma hoti rūpasamatikkamo vā, tasmā evamāha. Viññāṇañcāyatanadhātuādīsupi eseva nayo. Nirodhaṃ paṭiccāti catunnaṃ khandhānaṃ paṭisaṅkhāappavattiṃ paṭicca. Khandhanirodhañhi paṭicca nirodhasamāpatti nāma paññāyati, na khandhapavattiṃ, tasmā evamāha. Ettha ca catunnaṃ khandhānaṃ nirodhova nirodhasamāpattīti veditabbo.
ਕਥਂ ਸਮਾਪਤ੍ਤਿ ਪਤ੍ਤਬ੍ਬਾਤਿ ਕਥਂ ਸਮਾਪਤ੍ਤਿਯੋ ਕੀਦਿਸਾ ਸਮਾਪਤ੍ਤਿਯੋ ਨਾਮ ਹੁਤ੍વਾ ਪਤ੍ਤਬ੍ਬਾਤਿ? ਸਞ੍ਞਾਸਮਾਪਤ੍ਤਿ ਪਤ੍ਤਬ੍ਬਾਤਿ ਸਞ੍ਞਾਯ ਅਤ੍ਥਿਭਾવੇਨ ਸਞ੍ਞਾਸਮਾਪਤ੍ਤਿਯੋ ਸਞ੍ਞਾਸਮਾਪਤ੍ਤਿਯੋ ਨਾਮ ਹੁਤ੍વਾ ਪਤ੍ਤਬ੍ਬਾ। ਸਙ੍ਖਾਰਾવਸੇਸਸਮਾਪਤ੍ਤਿ ਪਤ੍ਤਬ੍ਬਾਤਿ ਸੁਖੁਮਸਙ੍ਖਾਰਾਨਂ ਅવਸਿਟ੍ਠਤਾਯ ਸਙ੍ਖਾਰਾવਸੇਸਸਮਾਪਤ੍ਤਿ ਨਾਮ ਹੁਤ੍વਾ ਪਤ੍ਤਬ੍ਬਾ। ਨਿਰੋਧਸਮਾਪਤ੍ਤਿ ਪਤ੍ਤਬ੍ਬਾਤਿ ਨਿਰੋਧੋવ ਨਿਰੋਧਸਮਾਪਤ੍ਤਿ ਨਿਰੋਧਸਮਾਪਤ੍ਤਿ ਨਾਮ ਹੁਤ੍વਾ ਪਤ੍ਤਬ੍ਬਾਤਿ ਅਤ੍ਥੋ। ਪਠਮਂ।
Kathaṃ samāpatti pattabbāti kathaṃ samāpattiyo kīdisā samāpattiyo nāma hutvā pattabbāti? Saññāsamāpatti pattabbāti saññāya atthibhāvena saññāsamāpattiyo saññāsamāpattiyo nāma hutvā pattabbā. Saṅkhārāvasesasamāpatti pattabbāti sukhumasaṅkhārānaṃ avasiṭṭhatāya saṅkhārāvasesasamāpatti nāma hutvā pattabbā. Nirodhasamāpatti pattabbāti nirodhova nirodhasamāpatti nirodhasamāpatti nāma hutvā pattabbāti attho. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਤ੍ਤਧਾਤੁਸੁਤ੍ਤਂ • 1. Sattadhātusuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਤ੍ਤਧਾਤੁਸੁਤ੍ਤવਣ੍ਣਨਾ • 1. Sattadhātusuttavaṇṇanā
