| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਦੁਤਿਯવਗ੍ਗੋ
2. Dutiyavaggo
੧. ਸਤ੍ਤਧਾਤੁਸੁਤ੍ਤਂ
1. Sattadhātusuttaṃ
੯੫. ਸਾવਤ੍ਥਿਯਂ વਿਹਰਤਿ…ਪੇ॰… ‘‘ਸਤ੍ਤਿਮਾ , ਭਿਕ੍ਖવੇ, ਧਾਤੁਯੋ। ਕਤਮਾ ਸਤ੍ਤ? ਆਭਾਧਾਤੁ, ਸੁਭਧਾਤੁ, ਆਕਾਸਾਨਞ੍ਚਾਯਤਨਧਾਤੁ, વਿਞ੍ਞਾਣਞ੍ਚਾਯਤਨਧਾਤੁ, ਆਕਿਞ੍ਚਞ੍ਞਾਯਤਨਧਾਤੁ, ਨੇવਸਞ੍ਞਾਨਾਸਞ੍ਞਾਯਤਨਧਾਤੁ, ਸਞ੍ਞਾવੇਦਯਿਤਨਿਰੋਧਧਾਤੁ – ਇਮਾ ਖੋ, ਭਿਕ੍ਖવੇ, ਸਤ੍ਤ ਧਾਤੁਯੋ’’ਤਿ।
95. Sāvatthiyaṃ viharati…pe… ‘‘sattimā , bhikkhave, dhātuyo. Katamā satta? Ābhādhātu, subhadhātu, ākāsānañcāyatanadhātu, viññāṇañcāyatanadhātu, ākiñcaññāyatanadhātu, nevasaññānāsaññāyatanadhātu, saññāvedayitanirodhadhātu – imā kho, bhikkhave, satta dhātuyo’’ti.
ਏવਂ વੁਤ੍ਤੇ, ਅਞ੍ਞਤਰੋ ਭਿਕ੍ਖੁ ਭਗવਨ੍ਤਂ ਏਤਦવੋਚ – ‘‘ਯਾ ਚਾਯਂ, ਭਨ੍ਤੇ, ਆਭਾਧਾਤੁ ਯਾ ਚ ਸੁਭਧਾਤੁ ਯਾ ਚ ਆਕਾਸਾਨਞ੍ਚਾਯਤਨਧਾਤੁ ਯਾ ਚ વਿਞ੍ਞਾਣਞ੍ਚਾਯਤਨਧਾਤੁ ਯਾ ਚ ਆਕਿਞ੍ਚਞ੍ਞਾਯਤਨਧਾਤੁ ਯਾ ਚ ਨੇવਸਞ੍ਞਾਨਾਸਞ੍ਞਾਯਤਨਧਾਤੁ ਯਾ ਚ ਸਞ੍ਞਾવੇਦਯਿਤਨਿਰੋਧਧਾਤੁ – ਇਮਾ ਨੁ ਖੋ, ਭਨ੍ਤੇ, ਧਾਤੁਯੋ ਕਿਂ ਪਟਿਚ੍ਚ ਪਞ੍ਞਾਯਨ੍ਤੀ’’ਤਿ?
Evaṃ vutte, aññataro bhikkhu bhagavantaṃ etadavoca – ‘‘yā cāyaṃ, bhante, ābhādhātu yā ca subhadhātu yā ca ākāsānañcāyatanadhātu yā ca viññāṇañcāyatanadhātu yā ca ākiñcaññāyatanadhātu yā ca nevasaññānāsaññāyatanadhātu yā ca saññāvedayitanirodhadhātu – imā nu kho, bhante, dhātuyo kiṃ paṭicca paññāyantī’’ti?
‘‘ਯਾਯਂ, ਭਿਕ੍ਖੁ, ਆਭਾਧਾਤੁ – ਅਯਂ ਧਾਤੁ ਅਨ੍ਧਕਾਰਂ ਪਟਿਚ੍ਚ ਪਞ੍ਞਾਯਤਿ। ਯਾਯਂ, ਭਿਕ੍ਖੁ, ਸੁਭਧਾਤੁ – ਅਯਂ ਧਾਤੁ ਅਸੁਭਂ ਪਟਿਚ੍ਚ ਪਞ੍ਞਾਯਤਿ। ਯਾਯਂ, ਭਿਕ੍ਖੁ, ਆਕਾਸਾਨਞ੍ਚਾਯਤਨਧਾਤੁ – ਅਯਂ ਧਾਤੁ ਰੂਪਂ ਪਟਿਚ੍ਚ ਪਞ੍ਞਾਯਤਿ। ਯਾਯਂ, ਭਿਕ੍ਖੁ, વਿਞ੍ਞਾਣਞ੍ਚਾਯਤਨਧਾਤੁ – ਅਯਂ ਧਾਤੁ ਆਕਾਸਾਨਞ੍ਚਾਯਤਨਂ ਪਟਿਚ੍ਚ ਪਞ੍ਞਾਯਤਿ। ਯਾਯਂ, ਭਿਕ੍ਖੁ, ਆਕਿਞ੍ਚਞ੍ਞਾਯਤਨਧਾਤੁ – ਅਯਂ ਧਾਤੁ વਿਞ੍ਞਾਣਞ੍ਚਾਯਤਨਂ ਪਟਿਚ੍ਚ ਪਞ੍ਞਾਯਤਿ। ਯਾਯਂ, ਭਿਕ੍ਖੁ, ਨੇવਸਞ੍ਞਾਨਾਸਞ੍ਞਾਯਤਨਧਾਤੁ – ਅਯਂ ਧਾਤੁ ਆਕਿਞ੍ਚਞ੍ਞਾਯਤਨਂ ਪਟਿਚ੍ਚ ਪਞ੍ਞਾਯਤਿ। ਯਾਯਂ, ਭਿਕ੍ਖੁ, ਸਞ੍ਞਾવੇਦਯਿਤਨਿਰੋਧਧਾਤੁ – ਅਯਂ ਧਾਤੁ ਨਿਰੋਧਂ ਪਟਿਚ੍ਚ ਪਞ੍ਞਾਯਤੀ’’ਤਿ।
‘‘Yāyaṃ, bhikkhu, ābhādhātu – ayaṃ dhātu andhakāraṃ paṭicca paññāyati. Yāyaṃ, bhikkhu, subhadhātu – ayaṃ dhātu asubhaṃ paṭicca paññāyati. Yāyaṃ, bhikkhu, ākāsānañcāyatanadhātu – ayaṃ dhātu rūpaṃ paṭicca paññāyati. Yāyaṃ, bhikkhu, viññāṇañcāyatanadhātu – ayaṃ dhātu ākāsānañcāyatanaṃ paṭicca paññāyati. Yāyaṃ, bhikkhu, ākiñcaññāyatanadhātu – ayaṃ dhātu viññāṇañcāyatanaṃ paṭicca paññāyati. Yāyaṃ, bhikkhu, nevasaññānāsaññāyatanadhātu – ayaṃ dhātu ākiñcaññāyatanaṃ paṭicca paññāyati. Yāyaṃ, bhikkhu, saññāvedayitanirodhadhātu – ayaṃ dhātu nirodhaṃ paṭicca paññāyatī’’ti.
‘‘ਯਾ ਚਾਯਂ , ਭਨ੍ਤੇ, ਆਭਾਧਾਤੁ ਯਾ ਚ ਸੁਭਧਾਤੁ ਯਾ ਚ ਆਕਾਸਾਨਞ੍ਚਾਯਤਨਧਾਤੁ ਯਾ ਚ વਿਞ੍ਞਾਣਞ੍ਚਾਯਤਨਧਾਤੁ ਯਾ ਚ ਆਕਿਞ੍ਚਞ੍ਞਾਯਤਨਧਾਤੁ ਯਾ ਚ ਨੇવਸਞ੍ਞਾਨਾਸਞ੍ਞਾਯਤਨਧਾਤੁ ਯਾ ਚ ਸਞ੍ਞਾવੇਦਯਿਤਨਿਰੋਧਧਾਤੁ – ਇਮਾ ਨੁ ਖੋ, ਭਨ੍ਤੇ, ਧਾਤੁਯੋ ਕਥਂ ਸਮਾਪਤ੍ਤਿ ਪਤ੍ਤਬ੍ਬਾ’’ਤਿ?
‘‘Yā cāyaṃ , bhante, ābhādhātu yā ca subhadhātu yā ca ākāsānañcāyatanadhātu yā ca viññāṇañcāyatanadhātu yā ca ākiñcaññāyatanadhātu yā ca nevasaññānāsaññāyatanadhātu yā ca saññāvedayitanirodhadhātu – imā nu kho, bhante, dhātuyo kathaṃ samāpatti pattabbā’’ti?
‘‘ਯਾ ਚਾਯਂ, ਭਿਕ੍ਖੁ, ਆਭਾਧਾਤੁ ਯਾ ਚ ਸੁਭਧਾਤੁ ਯਾ ਚ ਆਕਾਸਾਨਞ੍ਚਾਯਤਨਧਾਤੁ ਯਾ ਚ વਿਞ੍ਞਾਣਞ੍ਚਾਯਤਨਧਾਤੁ ਯਾ ਚ ਆਕਿਞ੍ਚਞ੍ਞਾਯਤਨਧਾਤੁ – ਇਮਾ ਧਾਤੁਯੋ ਸਞ੍ਞਾਸਮਾਪਤ੍ਤਿ ਪਤ੍ਤਬ੍ਬਾ। ਯਾਯਂ, ਭਿਕ੍ਖੁ, ਨੇવਸਞ੍ਞਾਨਾਸਞ੍ਞਾਯਤਨਧਾਤੁ – ਅਯਂ ਧਾਤੁ ਸਙ੍ਖਾਰਾવਸੇਸਸਮਾਪਤ੍ਤਿ ਪਤ੍ਤਬ੍ਬਾ । ਯਾਯਂ, ਭਿਕ੍ਖੁ, ਸਞ੍ਞਾવੇਦਯਿਤਨਿਰੋਧਧਾਤੁ – ਅਯਂ ਧਾਤੁ ਨਿਰੋਧਸਮਾਪਤ੍ਤਿ ਪਤ੍ਤਬ੍ਬਾ’’ਤਿ। ਪਠਮਂ।
‘‘Yā cāyaṃ, bhikkhu, ābhādhātu yā ca subhadhātu yā ca ākāsānañcāyatanadhātu yā ca viññāṇañcāyatanadhātu yā ca ākiñcaññāyatanadhātu – imā dhātuyo saññāsamāpatti pattabbā. Yāyaṃ, bhikkhu, nevasaññānāsaññāyatanadhātu – ayaṃ dhātu saṅkhārāvasesasamāpatti pattabbā . Yāyaṃ, bhikkhu, saññāvedayitanirodhadhātu – ayaṃ dhātu nirodhasamāpatti pattabbā’’ti. Paṭhamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਤ੍ਤਧਾਤੁਸੁਤ੍ਤવਣ੍ਣਨਾ • 1. Sattadhātusuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸਤ੍ਤਧਾਤੁਸੁਤ੍ਤવਣ੍ਣਨਾ • 1. Sattadhātusuttavaṇṇanā
