| Library / Tipiṭaka / តិបិដក • Tipiṭaka / មិលិន្ទបញ្ហបាឡិ • Milindapañhapāḷi |
៦. សតបត្តង្គបញ្ហោ
6. Satapattaṅgapañho
៦. ‘‘ភន្តេ នាគសេន, ‘សតបត្តស្ស ឯកំ អង្គំ គហេតព្ព’ន្តិ យំ វទេសិ, កតមំ តំ ឯកំ អង្គំ គហេតព្ព’’ន្តិ? ‘‘យថា, មហារាជ, សតបត្តោ រវិត្វា បរេសំ ខេមំ វា ភយំ វា អាចិក្ខតិ, ឯវមេវ ខោ, មហារាជ, យោគិនា យោគាវចរេន បរេសំ ធម្មំ ទេសយមានេន វិនិបាតំ ភយតោ ទស្សយិតព្ពំ, និព្ពានំ ខេមតោ ទស្សយិតព្ពំ។ ឥទំ, មហារាជ, សតបត្តស្ស ឯកំ អង្គំ គហេតព្ពំ។ ភាសិតម្បេតំ, មហារាជ, ថេរេន បិណ្ឌោលភារទ្វាជេន –
6. ‘‘Bhante nāgasena, ‘satapattassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, satapatto ravitvā paresaṃ khemaṃ vā bhayaṃ vā ācikkhati, evameva kho, mahārāja, yoginā yogāvacarena paresaṃ dhammaṃ desayamānena vinipātaṃ bhayato dassayitabbaṃ, nibbānaṃ khemato dassayitabbaṃ. Idaṃ, mahārāja, satapattassa ekaṃ aṅgaṃ gahetabbaṃ. Bhāsitampetaṃ, mahārāja, therena piṇḍolabhāradvājena –
‘‘‘និរយេ ភយសន្តាសំ, និព្ពានេ វិបុលំ សុខំ;
‘‘‘Niraye bhayasantāsaṃ, nibbāne vipulaṃ sukhaṃ;
ឧភយានេតានត្ថានិ ទស្សេតព្ពានិ យោគិនា’’’តិ។
Ubhayānetānatthāni dassetabbāni yoginā’’’ti.
សតបត្តង្គបញ្ហោ ឆដ្ឋោ។
Satapattaṅgapañho chaṭṭho.
