| Library / Tipiṭaka / திபிடக • Tipiṭaka / பேடகோபதே³ஸபாளி • Peṭakopadesapāḷi |
2. ஸாஸனபட்டா²னது³தியபூ⁴மி
2. Sāsanapaṭṭhānadutiyabhūmi
13. தத்த² கதமங் ஸாஸனப்பட்டா²னங்? ஸங்கிலேஸபா⁴கி³யங் ஸுத்தங், வாஸனா பா⁴கி³யங் ஸுத்தங், நிப்³பே³த⁴பா⁴கி³யங் ஸுத்தங், அஸெக்க²பா⁴கி³யங் ஸுத்தங், ஸங்கிலேஸபா⁴கி³யஞ்ச வாஸனாபா⁴கி³யஞ்ச, ஸங்கிலேஸபா⁴கி³யஞ்ச நிப்³பே³த⁴பா⁴கி³யஞ்ச, ஸங்கிலேஸபா⁴கி³யஞ்ச நிப்³பே³த⁴பா⁴கி³யஞ்ச அஸெக்க²பா⁴கி³யஞ்ச, வாஸனாபா⁴கி³யஞ்ச நிப்³பே³த⁴பா⁴கி³யஞ்ச. ஆணத்தி, ப²லங், உபாயோ, ஆணத்தி ச ப²லஞ்ச, ப²லஞ்ச உபாயோ ச, ஆணத்தி ச ப²லஞ்ச உபாயோ ச. அஸ்ஸாதோ³, ஆதீ³னவோ, நிஸ்ஸரணங், அஸ்ஸாதோ³ ச ஆதீ³னவோ ச, அஸ்ஸாதோ³ ச நிஸ்ஸரணஞ்ச, ஆதீ³னவோ ச நிஸ்ஸரணஞ்ச, அஸ்ஸாதோ³ ச ஆதீ³னவோ ச நிஸ்ஸரணஞ்ச. லோகிகங், லோகுத்தரங், லோகிகஞ்ச லோகுத்தரஞ்ச. கம்மங், விபாகோ, கம்மஞ்ச விபாகோ ச. நித்³தி³ட்ட²ங், அனித்³தி³ட்ட²ங், நித்³தி³ட்ட²ஞ்ச அனித்³தி³ட்ட²ஞ்ச. ஞாணங், ஞெய்யங், ஞாணஞ்ச ஞெய்யஞ்ச. த³ஸ்ஸனங், பா⁴வனா, த³ஸ்ஸனஞ்ச பா⁴வனா ச. விபாககம்மங், ந விபாககம்மங், நேவவிபாகனவிபாககம்மங் . ஸகவசனங், பரவசனங், ஸகவசனஞ்ச பரவசனஞ்ச. ஸத்தாதி⁴ட்டா²னங், த⁴ம்மாதி⁴ட்டா²னங், ஸத்தாதி⁴ட்டா²னஞ்ச த⁴ம்மாதி⁴ட்டா²னஞ்ச. த²வோ, ஸகவசனாதி⁴ட்டா²னங், பரவசனாதி⁴ட்டா²னங், ஸகவசனாதி⁴ட்டா²னஞ்ச பரவசனாதி⁴ட்டா²னஞ்ச. கிரியங், ப²லங், கிரியஞ்ச ப²லஞ்ச. அனுஞ்ஞாதங், படிக்கி²த்தங், அனுஞ்ஞாதஞ்ச படிக்கி²த்தஞ்ச. இமானி ச² படிக்கி²த்தானி.
13. Tattha katamaṃ sāsanappaṭṭhānaṃ? Saṃkilesabhāgiyaṃ suttaṃ, vāsanā bhāgiyaṃ suttaṃ, nibbedhabhāgiyaṃ suttaṃ, asekkhabhāgiyaṃ suttaṃ, saṃkilesabhāgiyañca vāsanābhāgiyañca, saṃkilesabhāgiyañca nibbedhabhāgiyañca, saṃkilesabhāgiyañca nibbedhabhāgiyañca asekkhabhāgiyañca, vāsanābhāgiyañca nibbedhabhāgiyañca. Āṇatti, phalaṃ, upāyo, āṇatti ca phalañca, phalañca upāyo ca, āṇatti ca phalañca upāyo ca. Assādo, ādīnavo, nissaraṇaṃ, assādo ca ādīnavo ca, assādo ca nissaraṇañca, ādīnavo ca nissaraṇañca, assādo ca ādīnavo ca nissaraṇañca. Lokikaṃ, lokuttaraṃ, lokikañca lokuttarañca. Kammaṃ, vipāko, kammañca vipāko ca. Niddiṭṭhaṃ, aniddiṭṭhaṃ, niddiṭṭhañca aniddiṭṭhañca. Ñāṇaṃ, ñeyyaṃ, ñāṇañca ñeyyañca. Dassanaṃ, bhāvanā, dassanañca bhāvanā ca. Vipākakammaṃ, na vipākakammaṃ, nevavipākanavipākakammaṃ . Sakavacanaṃ, paravacanaṃ, sakavacanañca paravacanañca. Sattādhiṭṭhānaṃ, dhammādhiṭṭhānaṃ, sattādhiṭṭhānañca dhammādhiṭṭhānañca. Thavo, sakavacanādhiṭṭhānaṃ, paravacanādhiṭṭhānaṃ, sakavacanādhiṭṭhānañca paravacanādhiṭṭhānañca. Kiriyaṃ, phalaṃ, kiriyañca phalañca. Anuññātaṃ, paṭikkhittaṃ, anuññātañca paṭikkhittañca. Imāni cha paṭikkhittāni.
14. தத்த² கதமங் ஸங்கிலேஸபா⁴கி³யங் ஸுத்தங்?
14. Tattha katamaṃ saṃkilesabhāgiyaṃ suttaṃ?
காமந்தா⁴ ஜாலஸஞ்ச²ன்னா, தண்ஹாச²த³னசா²தி³தா;
Kāmandhā jālasañchannā, taṇhāchadanachāditā;
பமத்தப³ந்து⁴னா ப³த்³தா⁴, மச்சா²வ குமினாமுகே²;
Pamattabandhunā baddhā, macchāva kumināmukhe;
பஞ்சிமே, பி⁴க்க²வே, நீவரணா.
Pañcime, bhikkhave, nīvaraṇā.
தத்த² கதமங் வாஸனாபா⁴கி³யங் ஸுத்தங்?
Tattha katamaṃ vāsanābhāgiyaṃ suttaṃ?
மனோபுப்³ப³ங்க³மா த⁴ம்மா, மனோஸெட்டா² மனோமயா;
Manopubbaṅgamā dhammā, manoseṭṭhā manomayā;
மனஸா சே பஸன்னேன, பா⁴ஸதி வா கரோதி வா;
Manasā ce pasannena, bhāsati vā karoti vā;
ததோ நங் ஸுக²மன்வேதி, சா²யாவ அனபாயினீ.
Tato naṃ sukhamanveti, chāyāva anapāyinī.
ஸங்யுத்தகே ஸுத்தங்.
Saṃyuttake suttaṃ.
மஹானாமஸ்ஸ ஸக்கஸ்ஸ இத³ங் ப⁴க³வா ஸக்யானங் கபிலவத்து²ம்ஹி நக³ரே நயவித்தா²ரேன ஸத்³தா⁴ஸீலபரிபா⁴விதங் ஸுத்தங் பா⁴வஞ்ஞேன பரிபா⁴விதங் தங் நாம பச்சி²மே காலே.
Mahānāmassa sakkassa idaṃ bhagavā sakyānaṃ kapilavatthumhi nagare nayavitthārena saddhāsīlaparibhāvitaṃ suttaṃ bhāvaññena paribhāvitaṃ taṃ nāma pacchime kāle.
தத்த² கதமங் நிப்³பே³த⁴பா⁴கி³யங் ஸுத்தங்?
Tattha katamaṃ nibbedhabhāgiyaṃ suttaṃ?
உத்³த⁴ங் அதோ⁴ 3 ஸப்³ப³தி⁴ விப்பமுத்தோ, அயங் அஹஸ்மீதி அனானுபஸ்ஸீ;
Uddhaṃ adho 4 sabbadhi vippamutto, ayaṃ ahasmīti anānupassī;
ஏவங் விமுத்தோ உத³தாரி ஓக⁴ங், அதிண்ணபுப்³ப³ங் அபுனப்³ப⁴வாய.
Evaṃ vimutto udatāri oghaṃ, atiṇṇapubbaṃ apunabbhavāya.
ஸீலானி நு கோ² ப⁴வந்தி கிமத்தி²யானி ஆனந்தோ³ புச்ச²தி ஸத்தா²ரங்.
Sīlāni nu kho bhavanti kimatthiyāni ānando pucchati satthāraṃ.
தத்த² கதமங் அஸெக்க²பா⁴கி³யங் ஸுத்தங்?
Tattha katamaṃ asekkhabhāgiyaṃ suttaṃ?
‘‘யஸ்ஸ ஸேலூபமங் சித்தங், டி²தங் நானுபகம்பதி;
‘‘Yassa selūpamaṃ cittaṃ, ṭhitaṃ nānupakampati;
யஸ்ஸேவங் பா⁴விதங் சித்தங், குதோ தங் து³க்க²மெஸ்ஸதீ’’தி.
Yassevaṃ bhāvitaṃ cittaṃ, kuto taṃ dukkhamessatī’’ti.
ஸாரிபுத்தோ நாம ப⁴க³வா தே²ரஞ்ஞதரோ ஸோ மங் ஆஸஜ்ஜ அப்படினிஸ்ஸஜ்ஜ சாரிகங் பக்கமதி, ஸாரிபுத்தஸ்ஸ ப்³யாகரணங் காதப்³ப³ங். யஸ்ஸ நூன ப⁴க³வா காயக³தா ஸதி அபா⁴விதா அஸ்ஸ அப³ஹுலீகதா வித்தா²ரேன காதப்³ப³ங்.
Sāriputto nāma bhagavā theraññataro so maṃ āsajja appaṭinissajja cārikaṃ pakkamati, sāriputtassa byākaraṇaṃ kātabbaṃ. Yassa nūna bhagavā kāyagatā sati abhāvitā assa abahulīkatā vitthārena kātabbaṃ.
15. தத்த² கதமங் ஸங்கிலேஸபா⁴கி³யஞ்ச வாஸனாபா⁴கி³யஞ்ச?
15. Tattha katamaṃ saṃkilesabhāgiyañca vāsanābhāgiyañca?
தஸ்மா ச²ன்னங் விவரேத², ஏவங் தங் நாதிவஸ்ஸதி.
Tasmā channaṃ vivaretha, evaṃ taṃ nātivassati.
ச²ன்னமதிவஸ்ஸதீதி ஸங்கிலேஸோ. விவடங் நாதிவஸ்ஸதீதி வாஸனா. தமோ தமபராயனோதி வித்தா²ரேன. தத்த² யோ ச தமோ யோ ச தமபராயனோ, அயங் ஸங்கிலேஸோ. யோ ச ஜோதி யோ ச ஜோதிபராயனோ, அயங் வாஸனா.
Channamativassatīti saṃkileso. Vivaṭaṃ nātivassatīti vāsanā. Tamo tamaparāyanoti vitthārena. Tattha yo ca tamo yo ca tamaparāyano, ayaṃ saṃkileso. Yo ca joti yo ca jotiparāyano, ayaṃ vāsanā.
தத்த² கதமங் ஸங்கிலேஸபா⁴கி³யஞ்ச நிப்³பே³த⁴பா⁴கி³யஞ்ச ஸுத்தங்?
Tattha katamaṃ saṃkilesabhāgiyañca nibbedhabhāgiyañca suttaṃ?
ந தங் த³ள்ஹங் ப³ந்த⁴னமாஹு தீ⁴ரா, யதா³யஸங் தா³ருஜபப்³ப³ஜஞ்ச 9;
Na taṃ daḷhaṃ bandhanamāhu dhīrā, yadāyasaṃ dārujapabbajañca 10;
ஸாரத்தரத்தா மணிகுண்ட³லேஸு, புத்தேஸு தா³ரேஸு ச யா அபெக்கா².
Sārattarattā maṇikuṇḍalesu, puttesu dāresu ca yā apekkhā.
ந தங் த³ள்ஹங் ப³ந்த⁴னமாஹு தீ⁴ரா, யதா³ புத்தேஸு தா³ரேஸு ச யா அபெக்கா², அயங் ஸங்கிலேஸோ. ஏதம்பி செ²த்வா பரிப்³ப³ஜந்தி தீ⁴ரா அனபெக்கி²னோ ஸப்³ப³காமே பஹாயாதி, அயங் நிப்³பே³தோ⁴. யங் சேதயிதங் பகப்பிதங் யா ச நாமரூபஸ்ஸ அவக்கந்தி ஹோதி. இமேஹி சதூஹி பதே³ஹி ஸங்கிலேஸோ. பச்சி²மகேஹி சதூஹி நிப்³பே³தோ⁴.
Na taṃ daḷhaṃ bandhanamāhu dhīrā, yadā puttesu dāresu ca yā apekkhā, ayaṃ saṃkileso. Etampi chetvā paribbajanti dhīrā anapekkhino sabbakāme pahāyāti, ayaṃ nibbedho. Yaṃ cetayitaṃ pakappitaṃ yā ca nāmarūpassa avakkanti hoti. Imehi catūhi padehi saṃkileso. Pacchimakehi catūhi nibbedho.
தத்த² கதமங் ஸங்கிலேஸபா⁴கி³யஞ்ச நிப்³பே³த⁴பா⁴கி³யஞ்ச அஸெக்க²பா⁴கி³யஞ்ச ஸுத்தங்?
Tattha katamaṃ saṃkilesabhāgiyañca nibbedhabhāgiyañca asekkhabhāgiyañca suttaṃ?
அயங் லோகோ ஸந்தாபஜாதோ, ப²ஸ்ஸபரேதோ ரோக³ங் 11 வத³தி அத்ததோ;
Ayaṃ loko santāpajāto, phassapareto rogaṃ 12 vadati attato;
யேன யேன ஹி மஞ்ஞந்தி, ததோ தங் ஹோதி அஞ்ஞதா².
Yena yena hi maññanti, tato taṃ hoti aññathā.
அஞ்ஞதா²பா⁴வீ ப⁴வஸத்தோ லோகோ, ப⁴வபரேதோ ப⁴வமேவாபி⁴னந்த³தி;
Aññathābhāvī bhavasatto loko, bhavapareto bhavamevābhinandati;
யத³பி⁴னந்த³தி தங் ப⁴யங், யஸ்ஸ பா⁴யதி தங் து³க்க²ங்;
Yadabhinandati taṃ bhayaṃ, yassa bhāyati taṃ dukkhaṃ;
ப⁴வவிப்பஹானாய கோ² பனித³ங் ப்³ரஹ்மசரியங் வுஸ்ஸதி.
Bhavavippahānāya kho panidaṃ brahmacariyaṃ vussati.
யே ஹி கேசி ஸமணா வா ப்³ராஹ்மணா வா ப⁴வேன ப⁴வஸ்ஸ விப்பமொக்க²மாஹங்ஸு, ஸப்³பே³தே ‘‘அவிப்பமுத்தா ப⁴வஸ்மா’’தி வதா³மி. யே வா பன கேசி ஸமணா வா ப்³ராஹ்மணா வா விப⁴வேன ப⁴வஸ்ஸ நிஸ்ஸரணமாஹங்ஸு, ஸப்³பே³தே ‘‘அனிஸ்ஸடா ப⁴வஸ்மா’’தி வதா³மி. உபதி⁴ங் ஹி படிச்ச து³க்க²மித³ங் ஸம்போ⁴தி, ஸப்³பு³பாதா³னக்க²யா நத்தி² து³க்க²ஸ்ஸ ஸம்ப⁴வோ, லோகமிமங் பஸ்ஸ, புதூ² அவிஜ்ஜாய பரேதா பூ⁴தா பூ⁴தரதா ப⁴வா அபரிமுத்தா. யே ஹி கேசி ப⁴வா ஸப்³ப³தி⁴ ஸப்³ப³த்த²தாய ஸப்³பே³தே ப⁴வா அனிச்சா து³க்கா² விபரிணாமத⁴ம்மாதி.
Ye hi keci samaṇā vā brāhmaṇā vā bhavena bhavassa vippamokkhamāhaṃsu, sabbete ‘‘avippamuttā bhavasmā’’ti vadāmi. Ye vā pana keci samaṇā vā brāhmaṇā vā vibhavena bhavassa nissaraṇamāhaṃsu, sabbete ‘‘anissaṭā bhavasmā’’ti vadāmi. Upadhiṃ hi paṭicca dukkhamidaṃ sambhoti, sabbupādānakkhayā natthi dukkhassa sambhavo, lokamimaṃ passa, puthū avijjāya paretā bhūtā bhūtaratā bhavā aparimuttā. Ye hi keci bhavā sabbadhi sabbatthatāya sabbete bhavā aniccā dukkhā vipariṇāmadhammāti.
‘‘ஏவமேதங் யதா²பூ⁴தங், ஸம்மப்பஞ்ஞாய பஸ்ஸதோ;
‘‘Evametaṃ yathābhūtaṃ, sammappaññāya passato;
ப⁴வதண்ஹா பஹீயதி, விப⁴வங் நாபி⁴னந்த³தி;
Bhavataṇhā pahīyati, vibhavaṃ nābhinandati;
ஸப்³ப³ஸோ தண்ஹானங் க²யா, அஸேஸவிராக³னிரோதோ⁴ நிப்³பா³னங்.
Sabbaso taṇhānaṃ khayā, asesavirāganirodho nibbānaṃ.
‘‘தஸ்ஸ நிப்³பு³தஸ்ஸ பி⁴க்கு²னோ, அனுபாதா³ புனப்³ப⁴வோ ந ஹோதி;
‘‘Tassa nibbutassa bhikkhuno, anupādā punabbhavo na hoti;
அபி⁴பூ⁴தோ மாரோ விஜிதஸங்கா³மோ, உபேச்சகா³ ஸப்³ப³ப⁴வானி தாதீ³’’தி.
Abhibhūto māro vijitasaṅgāmo, upeccagā sabbabhavāni tādī’’ti.
அயங் லோகோ ஸந்தாபஜாதோ யாவ து³க்க²ந்தி யங் தண்ஹா ஸங்கிலேஸோ.
Ayaṃ loko santāpajāto yāva dukkhanti yaṃ taṇhā saṃkileso.
யங் புனக்³க³ஹணங் யே ஹி கேசி ஸமணா வா ப்³ராஹ்மணா வா ப⁴வேன ப⁴வஸ்ஸ விமொக்க²மாஹங்ஸு, ஸப்³பே³தே ‘‘அவிமுத்தா ப⁴வஸ்மா’’தி வதா³மி. யே வா பன கேசி ஸமணா வா ப்³ராஹ்மணா வா விப⁴வேன ப⁴வஸ்ஸ நிஸ்ஸரணமாஹங்ஸு ‘‘அனிஸ்ஸடா ப⁴வஸ்மா’’தி வதா³மி. அயங் தி³ட்டி²ஸங்கிலேஸோ, தங் தி³ட்டி²ஸங்கிலேஸோ ச தண்ஹாஸங்கிலேஸோ ச, உப⁴யமேதங் ஸங்கிலேஸோ. யங் புனக்³க³ஹணங் ப⁴வவிப்பஹானாய ப்³ரஹ்மசரியங் வுஸ்ஸதி, யாவ ஸப்³ப³ஸோ உபாதா³னக்க²யா ஸம்ப⁴வா, இத³ங் நிப்³பே³த⁴பா⁴கி³யங். தஸ்ஸ நிப்³பு³தஸ்ஸ பி⁴க்கு²னோ யாவ உபச்சகா³ ஸப்³ப³ப⁴வானி தாதீ³தி இத³ங் அஸெக்க²பா⁴கி³யங். சத்தாரோ புக்³க³லா அனுஸோதகா³மீ ஸங்கிலேஸோ டி²தத்தோ ச படிஸோதகா³மீ ச நிப்³பே³தோ⁴. த²லே திட்ட²தீதி அஸெக்க²பூ⁴மி.
Yaṃ punaggahaṇaṃ ye hi keci samaṇā vā brāhmaṇā vā bhavena bhavassa vimokkhamāhaṃsu, sabbete ‘‘avimuttā bhavasmā’’ti vadāmi. Ye vā pana keci samaṇā vā brāhmaṇā vā vibhavena bhavassa nissaraṇamāhaṃsu ‘‘anissaṭā bhavasmā’’ti vadāmi. Ayaṃ diṭṭhisaṃkileso, taṃ diṭṭhisaṃkileso ca taṇhāsaṃkileso ca, ubhayametaṃ saṃkileso. Yaṃ punaggahaṇaṃ bhavavippahānāya brahmacariyaṃ vussati, yāva sabbaso upādānakkhayā sambhavā, idaṃ nibbedhabhāgiyaṃ. Tassa nibbutassa bhikkhuno yāva upaccagā sabbabhavāni tādīti idaṃ asekkhabhāgiyaṃ. Cattāro puggalā anusotagāmī saṃkileso ṭhitatto ca paṭisotagāmī ca nibbedho. Thale tiṭṭhatīti asekkhabhūmi.
16. தத்த² கதமங் வாஸனாபா⁴கி³யஞ்ச நிப்³பே³த⁴பா⁴கி³யஞ்ச ஸுத்தங்?
16. Tattha katamaṃ vāsanābhāgiyañca nibbedhabhāgiyañca suttaṃ?
‘‘த³த³தோ 13 புஞ்ஞங் பவட்³ட⁴தி, ஸங்யமதோ வேரங் ந சீயதி;
‘‘Dadato 14 puññaṃ pavaḍḍhati, saṃyamato veraṃ na cīyati;
குஸலோ ச ஜஹாதி பாபகங், ராக³தோ³ஸமோஹக்க²யா ஸனிப்³பு³தோ’’தி.
Kusalo ca jahāti pāpakaṃ, rāgadosamohakkhayā sanibbuto’’ti.
‘‘த³த³தோ புஞ்ஞங் பவட்³ட⁴தி, ஸங்யமதோ வேரங் ந சீயதீ’’தி வாஸனா. ‘‘குஸலோ ச ஜஹாதி பாபகங், ராக³தோ³ஸமோஹக்க²யா ஸனிப்³பு³தோ’’தி நிப்³பே³தோ⁴.
‘‘Dadato puññaṃ pavaḍḍhati, saṃyamato veraṃ na cīyatī’’ti vāsanā. ‘‘Kusalo ca jahāti pāpakaṃ, rāgadosamohakkhayā sanibbuto’’ti nibbedho.
ஸோதானுக³தேஸு த⁴ம்மேஸு வசஸா பரிசிதேஸு மனஸானுபெக்கி²தேஸு தி³ட்டி²யா ஸுப்படிவித்³தே⁴ஸு பஞ்சானிஸங்ஸா பாடிகங்கா². இதே⁴கச்சஸ்ஸ ப³ஹுஸ்ஸுதா த⁴ம்மா ஹொந்தி தா⁴தா அபமுட்டா² வசஸா பரிசிதா மனஸானுபெக்கி²தா தி³ட்டி²யா ஸுப்படிவித்³தா⁴, ஸோ யுஞ்ஜந்தோ க⁴டெந்தோ வாயமந்தோ தி³ட்டே²வ த⁴ம்மே விஸேஸங் பப்போதி. நோ சே தி³ட்டே²வ த⁴ம்மே விஸேஸங் பப்போதி, கி³லானோ பப்போதி. நோ சே கி³லானோ பப்போதி, மரணகாலஸமயே பப்போதி. நோ சே மரணகாலஸமயே பப்போதி, தே³வபூ⁴தோ பாபுணாதி. நோ சே தே³வபூ⁴தோ பாபுணாதி, தேன த⁴ம்மராகே³ன தாய த⁴ம்மனந்தி³யா பச்சேகபோ³தி⁴ங் பாபுணாதி.
Sotānugatesu dhammesu vacasā paricitesu manasānupekkhitesu diṭṭhiyā suppaṭividdhesu pañcānisaṃsā pāṭikaṅkhā. Idhekaccassa bahussutā dhammā honti dhātā apamuṭṭhā vacasā paricitā manasānupekkhitā diṭṭhiyā suppaṭividdhā, so yuñjanto ghaṭento vāyamanto diṭṭheva dhamme visesaṃ pappoti. No ce diṭṭheva dhamme visesaṃ pappoti, gilāno pappoti. No ce gilāno pappoti, maraṇakālasamaye pappoti. No ce maraṇakālasamaye pappoti, devabhūto pāpuṇāti. No ce devabhūto pāpuṇāti, tena dhammarāgena tāya dhammanandiyā paccekabodhiṃ pāpuṇāti.
தத்தா²யங் தி³ட்டே²வ த⁴ம்மே பாபுணாதி, அயங் நிப்³பே³தோ⁴. யங் ஸம்பராயே பச்சேகபோ³தி⁴ங் பாபுணாதி, அயங் வாஸனா. இமானி ஸோளஸ ஸுத்தானி ஸப்³ப³ஸாஸனங் அதிக்³க³ண்ஹந்தோ திட்ட²ந்தி. இமேஹி ஸோளஸஹி ஸுத்தேஹி நவவிதோ⁴ ஸுத்தந்தோ விப⁴த்தோ ப⁴வதி. ஸோ ச பஞ்ஞவதோ நோ து³ப்பஞ்ஞஸ்ஸ, யுத்தஸ்ஸ நோ அயுத்தஸ்ஸ, அகம்மஸ்ஸ விஹாரிஸ்ஸ பகதியா லோகே ஸங்கிலேஸோ சரதி. ஸோ ஸங்கிலேஸோ திவிதோ⁴ – தண்ஹாஸங்கிலேஸோ தி³ட்டி²ஸங்கிலேஸோ து³ச்சரிதஸங்கிலேஸோ. ததோ ஸங்கிலேஸதோ உட்ட²ஹந்தோ ஸங்கிலேஸோ த⁴ம்மேஸு பதிட்ட²ஹதி, லோகியேஸு பதிட்ட²ஹதீதி. தத்தா²குஸலோ தி³ட்ட²தோ ஸசே தங் ஸீலஞ்ச தி³ட்டி²ஞ்ச பராமஸதி, தஸ்ஸ ஸோ தண்ஹாஸங்கிலேஸோ ஹோதி. ஸசே பனஸ்ஸ ஏவங் ஹோதி ‘‘இமினாஹங் ஸீலேன வா வதேன வா ப்³ரஹ்மசரியேன வா தே³வோ வா ப⁴விஸ்ஸங் 15 தே³வஞ்ஞதரோ வா’’தி யஸ்ஸ ஹோதி மிச்சா²தி³ட்டி², ஏதஸ்ஸ மிச்சா²தி³ட்டி²ஸங்கிலேஸோ ப⁴வதி. ஸசே பன ஸீலே பதிட்டி²தோ அபராமட்ட²ஸ்ஸ ஹி ஸீலவதங் ஹோதி, தஸ்ஸ தங் ஸீலவதோ யோனிஸோ க³ஹிதங் அவிப்படிஸாரங் ஜனேதி யாவ விமுத்திஞாணத³ஸ்ஸனங், தஞ்ச தஸ்ஸ தி³ட்டே²வ த⁴ம்மே காலங்கதஸ்ஸ வா தம்ஹியேவ வா பன அபராபரியாயேன வா, அஞ்ஞேஸு க²ந்தே⁴ஸு ஏவங் ஸுதங் ‘‘ஸுசரிதங் வாஸனாய ஸங்வத்ததீ’’தி வாஸனாபா⁴கி³யங் ஸுத்தங் வுச்சதி. தத்த² ஸீலேஸு டி²தஸ்ஸ வினீவரணங் சித்தங், தங் ததோ ஸக்காயதி³ட்டி²ப்பஹானாய ப⁴க³வா த⁴ம்மங் தே³ஸேதி. ஸோ அச்சந்தனிட்ட²ங் நிப்³பா³னங் பாபுணாதி; யதி³ வா ஸாஸனந்தரே, அச்சந்தங் நிப்³பா³னங் பாபுணாதி, யதி³ வா ஏகாஸனே ச² அபி⁴ஞ்ஞே. தத்த² த்³வே புக்³க³லா அரியத⁴ம்மே பாபுணந்தி ஸத்³தா⁴னுஸாரீ ச த⁴ம்மானுஸாரீ ச. தத்த² த⁴ம்மானுஸாரீ உக்³க⁴டிதஞ்ஞூ, ஸத்³தா⁴னுஸாரீ நெய்யோ. தத்த² உக்³க⁴டிதஞ்ஞூ து³விதோ⁴ – கோசி திக்கி²ந்த்³ரியோ கோசி முதி³ந்த்³ரியோ. தத்த² நெய்யோபி து³விதோ⁴ – கோசி திக்கி²ந்த்³ரியோ கோசி முதி³ந்த்³ரியோ. தத்த² யோ ச உக்³க⁴டிதஞ்ஞூ முதி³ந்த்³ரியோ, யோ ச நெய்யோ திக்கி²ந்த்³ரியோ, இமே புக்³க³லா அஸமிந்த்³ரியா ஹொந்தி. தத்த² இமே புக்³க³லா ஸமிந்த்³ரியா பரிஹாயந்தி ச உக்³க⁴டிதஞ்ஞுதோ, விபஞ்சிதஞ்ஞூ நெய்யதோ, இமே மஜ்ஜி²மா பூ⁴மிக³தா விபஞ்சிதஞ்ஞூ ஹோதி. இமே தயோ புக்³க³லா.
Tatthāyaṃ diṭṭheva dhamme pāpuṇāti, ayaṃ nibbedho. Yaṃ samparāye paccekabodhiṃ pāpuṇāti, ayaṃ vāsanā. Imāni soḷasa suttāni sabbasāsanaṃ atiggaṇhanto tiṭṭhanti. Imehi soḷasahi suttehi navavidho suttanto vibhatto bhavati. So ca paññavato no duppaññassa, yuttassa no ayuttassa, akammassa vihārissa pakatiyā loke saṃkileso carati. So saṃkileso tividho – taṇhāsaṃkileso diṭṭhisaṃkileso duccaritasaṃkileso. Tato saṃkilesato uṭṭhahanto saṃkileso dhammesu patiṭṭhahati, lokiyesu patiṭṭhahatīti. Tatthākusalo diṭṭhato sace taṃ sīlañca diṭṭhiñca parāmasati, tassa so taṇhāsaṃkileso hoti. Sace panassa evaṃ hoti ‘‘imināhaṃ sīlena vā vatena vā brahmacariyena vā devo vā bhavissaṃ 16 devaññataro vā’’ti yassa hoti micchādiṭṭhi, etassa micchādiṭṭhisaṃkileso bhavati. Sace pana sīle patiṭṭhito aparāmaṭṭhassa hi sīlavataṃ hoti, tassa taṃ sīlavato yoniso gahitaṃ avippaṭisāraṃ janeti yāva vimuttiñāṇadassanaṃ, tañca tassa diṭṭheva dhamme kālaṅkatassa vā tamhiyeva vā pana aparāpariyāyena vā, aññesu khandhesu evaṃ sutaṃ ‘‘sucaritaṃ vāsanāya saṃvattatī’’ti vāsanābhāgiyaṃ suttaṃ vuccati. Tattha sīlesu ṭhitassa vinīvaraṇaṃ cittaṃ, taṃ tato sakkāyadiṭṭhippahānāya bhagavā dhammaṃ deseti. So accantaniṭṭhaṃ nibbānaṃ pāpuṇāti; yadi vā sāsanantare, accantaṃ nibbānaṃ pāpuṇāti, yadi vā ekāsane cha abhiññe. Tattha dve puggalā ariyadhamme pāpuṇanti saddhānusārī ca dhammānusārī ca. Tattha dhammānusārī ugghaṭitaññū, saddhānusārī neyyo. Tattha ugghaṭitaññū duvidho – koci tikkhindriyo koci mudindriyo. Tattha neyyopi duvidho – koci tikkhindriyo koci mudindriyo. Tattha yo ca ugghaṭitaññū mudindriyo, yo ca neyyo tikkhindriyo, ime puggalā asamindriyā honti. Tattha ime puggalā samindriyā parihāyanti ca ugghaṭitaññuto, vipañcitaññū neyyato, ime majjhimā bhūmigatā vipañcitaññū hoti. Ime tayo puggalā.
17. தத்த² சதுத்தா² பன பஞ்சமா உக்³க⁴டிதஞ்ஞூ விபஞ்சிதஞ்ஞூ நெய்யோ ச, தத்த² உக்³க⁴டிதஞ்ஞூ புக்³க³லோ இந்த்³ரியானி படிலபி⁴த்வா த³ஸ்ஸனபூ⁴மியங் டி²தோ ஸோதாபத்திப²லஞ்ச பாபுணாதி, ஏகபீ³ஜீ ஹோதி பட²மோ ஸோதாபன்னோ. தத்த² விபஞ்சிதஞ்ஞூ புக்³க³லோ இந்த்³ரியானி படிலபி⁴த்வா த³ஸ்ஸனபூ⁴மியங் டி²தோ ஸோதாபத்திப²லஞ்ச பாபுணாதி, கோலங்கோலோ ச ஹோதி து³தியோ ஸோதாபன்னோ . தத்த² நெய்யோ புக்³க³லோ இந்த்³ரியானி படிலபி⁴த்வா த³ஸ்ஸனபூ⁴மியங் டி²தோ ஸோதாபத்திப²லஞ்ச பாபுணாதி, ஸத்தக்க²த்துபரமோ ச ஹோதி , அயங் ததியோ ஸோதாபன்னோ. இமே தயோ புக்³க³லா இந்த்³ரியவேமத்ததாய ஸோதாபத்திப²லே டி²தா.
17. Tattha catutthā pana pañcamā ugghaṭitaññū vipañcitaññū neyyo ca, tattha ugghaṭitaññū puggalo indriyāni paṭilabhitvā dassanabhūmiyaṃ ṭhito sotāpattiphalañca pāpuṇāti, ekabījī hoti paṭhamo sotāpanno. Tattha vipañcitaññū puggalo indriyāni paṭilabhitvā dassanabhūmiyaṃ ṭhito sotāpattiphalañca pāpuṇāti, kolaṃkolo ca hoti dutiyo sotāpanno . Tattha neyyo puggalo indriyāni paṭilabhitvā dassanabhūmiyaṃ ṭhito sotāpattiphalañca pāpuṇāti, sattakkhattuparamo ca hoti , ayaṃ tatiyo sotāpanno. Ime tayo puggalā indriyavemattatāya sotāpattiphale ṭhitā.
உக்³க⁴டிதஞ்ஞூ ஏகபீ³ஜீ ஹோதி, விபஞ்சிதஞ்ஞூ கோலங்கோலோ ஹோதி, நெய்யோ ஸத்தக்க²த்துபரமோ ஹோதி. இத³ங் நிப்³பே³த⁴பா⁴கி³யங் ஸுத்தங். ஸசே பன தது³த்தரி வாயமதி, அச்சந்தனிட்ட²ங் நிப்³பா³னங் பாபுணாதி. தத்த² உக்³க⁴டிதஞ்ஞூ புக்³க³லோ யோ திக்கி²ந்த்³ரியோ, தே த்³வே புக்³க³லா ஹொந்தி – அனாகா³மிப²லங் பாபுணித்வா அந்தராபரினிப்³பா³யீ ச உபஹச்சபரினிப்³பா³யீ ச. தத்த² விபஞ்சிதஞ்ஞூ புக்³க³லோ யோ திக்கி²ந்த்³ரியோ, தே த்³வே புக்³க³லா ஹொந்தி – அனாகா³மிப²லங் பாபுணந்தி அஸங்கா²ரபரினிப்³பா³யீ ச ஸஸங்கா²ரபரினிப்³பா³யீ ச. தத்த² நெய்யோ அனாகா³மிப²லங் பாபுணந்தோ உத்³த⁴ங்ஸோதோ அகனிட்ட²கா³மீ ஹோதி, உக்³க⁴டிதஞ்ஞூ ச விபஞ்சிதஞ்ஞூ ச, இந்த்³ரியனானத்தேன உக்³க⁴டிதஞ்ஞூ புக்³க³லோ திக்கி²ந்த்³ரியோ அந்தராபரினிப்³பா³யீ ஹோதி, உக்³க⁴டிதஞ்ஞூ முதி³ந்த்³ரியோ உத்³த⁴ங்ஸோதோ அகனிட்ட²கா³மீ ஹோதி. உக்³க⁴டிதஞ்ஞூ ச விபஞ்சிதஞ்ஞூ ச இந்த்³ரியனானத்தேன உக்³க⁴டிதஞ்ஞூ புக்³க³லோ திக்கி²ந்த்³ரியோ ஸஸங்கா²ரபரினிப்³பா³யீ ஹோதி, திக்கி²ந்த்³ரியோ அந்தராபரினிப்³பா³யீ ஹோதி, உக்³க⁴டிதஞ்ஞூ முதி³ந்த்³ரியோ உபஹச்சபரினிப்³பா³யீ ஹோதி. விபஞ்சிதஞ்ஞூ திக்கி²ந்த்³ரியோ அஸங்கா²ரபரினிப்³பா³யீ ஹோதி, விபஞ்சிதஞ்ஞூ முதி³ந்த்³ரியோ ஸஸங்கா²ரபரினிப்³பா³யீ ஹோதி, நெய்யோ உபஹச்சபரினிப்³பா³யீ ஹோதி, விபஞ்சிதஞ்ஞூ திக்கி²ந்த்³ரியோ அஸங்கா²ரபரினிப்³பா³யீ ஹோதி. விபஞ்சிதஞ்ஞூ முதி³ந்த்³ரியோ ஸஸங்கா²ரபரினிப்³பா³யீ ஹோதி, நெய்யோ உத்³த⁴ங்ஸோதோ அகனிட்ட²கா³மீ ஹோதி. இதி பஞ்ச அனாகா³மினோ, ச²ட்டோ² ஸகதா³கா³மீ, தயோ ச ஸோதாபன்னாதி இமே நவ ஸெக்கா².
Ugghaṭitaññū ekabījī hoti, vipañcitaññū kolaṃkolo hoti, neyyo sattakkhattuparamo hoti. Idaṃ nibbedhabhāgiyaṃ suttaṃ. Sace pana taduttari vāyamati, accantaniṭṭhaṃ nibbānaṃ pāpuṇāti. Tattha ugghaṭitaññū puggalo yo tikkhindriyo, te dve puggalā honti – anāgāmiphalaṃ pāpuṇitvā antarāparinibbāyī ca upahaccaparinibbāyī ca. Tattha vipañcitaññū puggalo yo tikkhindriyo, te dve puggalā honti – anāgāmiphalaṃ pāpuṇanti asaṅkhāraparinibbāyī ca sasaṅkhāraparinibbāyī ca. Tattha neyyo anāgāmiphalaṃ pāpuṇanto uddhaṃsoto akaniṭṭhagāmī hoti, ugghaṭitaññū ca vipañcitaññū ca, indriyanānattena ugghaṭitaññū puggalo tikkhindriyo antarāparinibbāyī hoti, ugghaṭitaññū mudindriyo uddhaṃsoto akaniṭṭhagāmī hoti. Ugghaṭitaññū ca vipañcitaññū ca indriyanānattena ugghaṭitaññū puggalo tikkhindriyo sasaṅkhāraparinibbāyī hoti, tikkhindriyo antarāparinibbāyī hoti, ugghaṭitaññū mudindriyo upahaccaparinibbāyī hoti. Vipañcitaññū tikkhindriyo asaṅkhāraparinibbāyī hoti, vipañcitaññū mudindriyo sasaṅkhāraparinibbāyī hoti, neyyo upahaccaparinibbāyī hoti, vipañcitaññū tikkhindriyo asaṅkhāraparinibbāyī hoti. Vipañcitaññū mudindriyo sasaṅkhāraparinibbāyī hoti, neyyo uddhaṃsoto akaniṭṭhagāmī hoti. Iti pañca anāgāmino, chaṭṭho sakadāgāmī, tayo ca sotāpannāti ime nava sekkhā.
தத்த² உக்³க⁴டிதஞ்ஞூ புக்³க³லோ திக்கி²ந்த்³ரியோ அரஹத்தங் பாபுணந்தோ த்³வே புக்³க³லா ஹொந்தி உப⁴தோபா⁴க³விமுத்தோ பஞ்ஞாவிமுத்தோ ச. தத்த² உக்³க⁴டிதஞ்ஞூ புக்³க³லோ முதி³ந்த்³ரியோ அரஹத்தங் பாபுணந்தோ த்³வே புக்³க³லா ஹொந்தி, டி²தகப்பீ 17 ச படிவேத⁴னபா⁴வோ புக்³க³லோ ச திக்கி²ந்த்³ரியோ ஸோ அரஹத்தங் பாபுணந்தோ த்³வே புக்³க³லா ஹொந்தி சேதனாப⁴ப்³போ³ ச ரக்க²ணாப⁴ப்³போ³ ச. தத்த² விபஞ்சிதஞ்ஞூ முதி³ந்த்³ரியோ அரஹத்தங் பாபுணந்தோ த்³வே புக்³க³லா ஹொந்தி, ஸசே சேதேதி ந பரினிப்³பா³யீ, நோ சே சேதேதி பரினிப்³பா³யீதி. ஸசே அனுரக்க²தி ந பரினிப்³பா³யீ, நோ சே அனுரக்க²தி பரினிப்³பா³யீதி. தத்த² நெய்யோ புக்³க³லோ பா⁴வனானுயோக³மனுயுத்தோ பரிஹானத⁴ம்மோ ஹோதி கம்மனியதோ வா ஸமஸீஸி வா, இமே நவ அரஹந்தோ இத³ங் சதுப்³பி³த⁴ங் ஸுத்தங் ஸங்கிலேஸபா⁴கி³யங் அஸெக்க²பா⁴கி³யங். இமேஸு புக்³க³லேஸு ததா²க³தஸ்ஸ த³ஸவித⁴ங் ப³லங் பவத்ததி.
Tattha ugghaṭitaññū puggalo tikkhindriyo arahattaṃ pāpuṇanto dve puggalā honti ubhatobhāgavimutto paññāvimutto ca. Tattha ugghaṭitaññū puggalo mudindriyo arahattaṃ pāpuṇanto dve puggalā honti, ṭhitakappī 18 ca paṭivedhanabhāvo puggalo ca tikkhindriyo so arahattaṃ pāpuṇanto dve puggalā honti cetanābhabbo ca rakkhaṇābhabbo ca. Tattha vipañcitaññū mudindriyo arahattaṃ pāpuṇanto dve puggalā honti, sace ceteti na parinibbāyī, no ce ceteti parinibbāyīti. Sace anurakkhati na parinibbāyī, no ce anurakkhati parinibbāyīti. Tattha neyyo puggalo bhāvanānuyogamanuyutto parihānadhammo hoti kammaniyato vā samasīsi vā, ime nava arahanto idaṃ catubbidhaṃ suttaṃ saṃkilesabhāgiyaṃ asekkhabhāgiyaṃ. Imesu puggalesu tathāgatassa dasavidhaṃ balaṃ pavattati.
18. கதமங் த³ஸவித⁴ங்? இத⁴ பு³த்³தா⁴னங் ப⁴க³வந்தானங் அப்பவத்திதே த⁴ம்மசக்கே மஹேஸக்கா² தே³வபுத்தா யாசனாய அபி⁴யாதா 19 ஹொந்தி ‘‘தே³ஸேது ஸுக³தோ த⁴ம்ம’’ந்தி. ஸோ அனுத்தரேன பு³த்³த⁴சக்கு²னா வோலோகெந்தோ அத்³த³ஸாஸி ஸத்தானங் தயோ ராஸீனங் ஸம்மத்தனியதோ மிச்ச²த்தனியதோ அனியதோ. தத்த² ஸம்மத்தனியதோ ராஸி மிச்சா²ஸதிங் ஆபஜ்ஜெய்யாதி நேதங் டா²னங் விஜ்ஜதி, அஸத்து²கோ பரினிப்³பா³யெய்யாதி நேதங் டா²னங் விஜ்ஜதி, ஸமாபத்திங் ஆபஜ்ஜெய்யாதி டா²னமேதங் விஜ்ஜதி. தத்த² மிச்ச²த்தனியதோ ராஸி அரியஸமாபத்திங் படிபஜ்ஜிஸ்ஸதீதி நேதங் டா²னங் விஜ்ஜதி, அனரியமிச்சா²படிபத்திங் படிபஜ்ஜிஸ்ஸதீதி டா²னமேதங் விஜ்ஜதி. தத்த² அனியதோ ராஸி ஸம்மாபடிபஜ்ஜமானங் ஸம்மத்தனியதராஸிங் க³மிஸ்ஸதீதி டா²னமேதங் விஜ்ஜதி, மிச்சா²படிபஜ்ஜமானோ ஸம்மத்தனியதராஸிங் க³மிஸ்ஸதீதி நேதங் டா²னங் விஜ்ஜதி. ஸம்மாபடிபஜ்ஜமானங் ஸம்மத்தனியதராஸிங் க³மிஸ்ஸதீதி டா²னமேதங் விஜ்ஜதி, மிச்சா²படிபஜ்ஜமானங் மிச்ச²த்தனியதராஸிங் க³மிஸ்ஸதீதி டா²னமேதங் விஜ்ஜதி. இமே தயோ அனுத்தரேன பு³த்³த⁴சக்கு²னா வோலோகெந்தஸ்ஸ ஸம்மாஸம்பு³த்³த⁴ஸ்ஸ மே ஸதோ இமே த⁴ம்மா அனபி⁴ஸம்பு³த்³தா⁴தி எத்தவதா மங் கோசி ஸஹத⁴ம்மேன படிசோதி³ஸ்ஸதீதி நேதங் டா²னங் விஜ்ஜதி, வீதராக³ஸ்ஸ தே படிஜானதோ அகீ²ணாஸவதாய ஸஹத⁴ம்மேன கோசி படிசோதி³ஸ்ஸதீதி நேதங் டா²னங் விஜ்ஜதி. யதோ பன இமஸ்ஸ அனியதஸ்ஸ ராஸிஸ்ஸ த⁴ம்மதே³ஸனா, ஸா ந தி³ஸ்ஸதி தக்கரஸ்ஸ ஸம்மாது³க்க²க்க²யாயாதி நேதங் டா²னங் விஜ்ஜதி, ததா² ஓவதி³தோ யங் பன மே அனியதராஸி ஸாவகோ புப்³பே³னாபரங் விஸேஸங் ந ஸச்சி²கரிஸ்ஸதீதி நேதங் டா²னங் விஜ்ஜதி.
18. Katamaṃ dasavidhaṃ? Idha buddhānaṃ bhagavantānaṃ appavattite dhammacakke mahesakkhā devaputtā yācanāya abhiyātā 20 honti ‘‘desetu sugato dhamma’’nti. So anuttarena buddhacakkhunā volokento addasāsi sattānaṃ tayo rāsīnaṃ sammattaniyato micchattaniyato aniyato. Tattha sammattaniyato rāsi micchāsatiṃ āpajjeyyāti netaṃ ṭhānaṃ vijjati, asatthuko parinibbāyeyyāti netaṃ ṭhānaṃ vijjati, samāpattiṃ āpajjeyyāti ṭhānametaṃ vijjati. Tattha micchattaniyato rāsi ariyasamāpattiṃ paṭipajjissatīti netaṃ ṭhānaṃ vijjati, anariyamicchāpaṭipattiṃ paṭipajjissatīti ṭhānametaṃ vijjati. Tattha aniyato rāsi sammāpaṭipajjamānaṃ sammattaniyatarāsiṃ gamissatīti ṭhānametaṃ vijjati, micchāpaṭipajjamāno sammattaniyatarāsiṃ gamissatīti netaṃ ṭhānaṃ vijjati. Sammāpaṭipajjamānaṃ sammattaniyatarāsiṃ gamissatīti ṭhānametaṃ vijjati, micchāpaṭipajjamānaṃ micchattaniyatarāsiṃ gamissatīti ṭhānametaṃ vijjati. Ime tayo anuttarena buddhacakkhunā volokentassa sammāsambuddhassa me sato ime dhammā anabhisambuddhāti ettavatā maṃ koci sahadhammena paṭicodissatīti netaṃ ṭhānaṃ vijjati, vītarāgassa te paṭijānato akhīṇāsavatāya sahadhammena koci paṭicodissatīti netaṃ ṭhānaṃ vijjati. Yato pana imassa aniyatassa rāsissa dhammadesanā, sā na dissati takkarassa sammādukkhakkhayāyāti netaṃ ṭhānaṃ vijjati, tathā ovadito yaṃ pana me aniyatarāsi sāvako pubbenāparaṃ visesaṃ na sacchikarissatīti netaṃ ṭhānaṃ vijjati.
19. யங் கோ² முனி நானப்பகாரஸ்ஸ நானானிருத்தியோ தே³வனாக³யக்கா²னங் த³மேதி த⁴ம்மே வவத்தா²னேன வத்வா காரணதோ அஞ்ஞங் பாரங் க³மிஸ்ஸதீதி நேதங் டா²னங் விஜ்ஜதி. த⁴ம்மபடிஸம்பி⁴தா³. யதோ பனிமா நிருத்திதோ ஸத்த ஸத்த நிருத்தியோ நாபி⁴ஸம்பு⁴னெய்யாதி நேதங் டா²னங் விஜ்ஜதி. நிருத்திபடிஸம்பி⁴தா³. நிருத்தி கோ² பன அபி⁴ஸமக்³க³ரதானங் ஸாவகானங் தமத்த²மவிஞ்ஞாபயேதி நேதங் டா²னங் விஜ்ஜதி. அத்த²படிஸம்பி⁴தா³ . மஹேஸக்கா² தே³வபுத்தா உபஸங்கமித்வா பஞ்ஹே புச்சி²ங்ஸு . காயிகேன வா மானஸிகேன வா பரிபீளிதஸ்ஸ ஹத்த²குணீதி வா பாதே³ வா க²ஞ்ஜே த³ந்த⁴ஸ்ஸ 21 ஸோ அத்தோ² ந பரிபா⁴ஜியதீதி நேதங் டா²னங் விஜ்ஜதி. படிபா⁴னபடிஸம்பி⁴தா³. யம்ஹி தங் தேஸங் ஹோதி தம்ஹி அஸந்தங் ப⁴வதீதி நேதங் டா²னங் விஜ்ஜதி. யங் ஹி நாஸங் தேஸங் ந ப⁴வதி, தம்ஹி நாஸங் தேஸங் ப⁴விஸ்ஸதீதி நேதங் டா²னங் விஜ்ஜதி. ஏவங் ஸமுத³யஸ்ஸ நிரோதா⁴ய த³ஸ அகுஸலகம்மபதா². மாரோ வா இந்தோ³ வா ப்³ரஹ்மா வா ததா²க³தோ வா சக்கவத்தீ வா ஸோ வத நாம மாதுகா³மோ ப⁴விஸ்ஸதீதி நேதங் டா²னங் விஜ்ஜதி, புரிஸோ அஸ்ஸ ராஜா சக்கவத்தீ ஸக்கோ தே³வானமிந்தோ³ ப⁴விஸ்ஸதீதி டா²னமேதங் விஜ்ஜதி. இதிஸ்ஸ ஏவரூபங் ப³லங் ஏவரூபங் ஞாணங், இத³ங் வுச்சதி டா²னாட்டா²னஞாணங் பட²மங் ததா²க³தப³லங் தங் நித்³தி³ஸிதப்³ப³ங். தீஹி ராஸீஹி சதூஹி வேஸாரஜ்ஜேஹி சதூஹி படிஸம்பி⁴தா³ஹி படிச்சஸமுப்பாத³ஸ்ஸ பவத்தியங் நிவத்தியங் பா⁴கி³யஞ்ச. குஸலங் குஸலவிபாகேஸு ச உபபஜ்ஜதி யஞ்ச இத்தி²புரிஸானங். இத³ங் பட²மங் ப³லங் ததா²க³தோ ஏவங் ஜானாதி.
19. Yaṃ kho muni nānappakārassa nānāniruttiyo devanāgayakkhānaṃ dameti dhamme vavatthānena vatvā kāraṇato aññaṃ pāraṃ gamissatīti netaṃ ṭhānaṃ vijjati. Dhammapaṭisambhidā. Yato panimā niruttito satta satta niruttiyo nābhisambhuneyyāti netaṃ ṭhānaṃ vijjati. Niruttipaṭisambhidā. Nirutti kho pana abhisamaggaratānaṃ sāvakānaṃ tamatthamaviññāpayeti netaṃ ṭhānaṃ vijjati. Atthapaṭisambhidā . Mahesakkhā devaputtā upasaṅkamitvā pañhe pucchiṃsu . Kāyikena vā mānasikena vā paripīḷitassa hatthakuṇīti vā pāde vā khañje dandhassa 22 so attho na paribhājiyatīti netaṃ ṭhānaṃ vijjati. Paṭibhānapaṭisambhidā. Yamhi taṃ tesaṃ hoti tamhi asantaṃ bhavatīti netaṃ ṭhānaṃ vijjati. Yaṃ hi nāsaṃ tesaṃ na bhavati, tamhi nāsaṃ tesaṃ bhavissatīti netaṃ ṭhānaṃ vijjati. Evaṃ samudayassa nirodhāya dasa akusalakammapathā. Māro vā indo vā brahmā vā tathāgato vā cakkavattī vā so vata nāma mātugāmo bhavissatīti netaṃ ṭhānaṃ vijjati, puriso assa rājā cakkavattī sakko devānamindo bhavissatīti ṭhānametaṃ vijjati. Itissa evarūpaṃ balaṃ evarūpaṃ ñāṇaṃ, idaṃ vuccati ṭhānāṭṭhānañāṇaṃ paṭhamaṃ tathāgatabalaṃ taṃ niddisitabbaṃ. Tīhi rāsīhi catūhi vesārajjehi catūhi paṭisambhidāhi paṭiccasamuppādassa pavattiyaṃ nivattiyaṃ bhāgiyañca. Kusalaṃ kusalavipākesu ca upapajjati yañca itthipurisānaṃ. Idaṃ paṭhamaṃ balaṃ tathāgato evaṃ jānāti.
யேஸங் பன ஸம்மத்தனியதோ ராஸி, நாயங் ஸப்³ப³த்த²கா³மினீ படிபதா³, நிப்³பா³னகா³மினீயேவாயங் படிபதா³. தத்த² ஸியா மிச்ச²த்தனியதோ ராஸி, ஏஸாபி ந ஸப்³ப³த்த²கா³மினீ படிபதா³. ஸக்காயஸமுத³யகா³மினீயேவாயங் படிபதா³ ஹோது, அயங் தத்த² தத்த² படிபத்தியா டி²தோ க³ச்ச²தி நிப்³பா³னங், க³ச்ச²தி அபாயங், க³ச்ச²தி தே³வமனுஸ்ஸஸ்ஸ. யங் யங் வா படிபத³ங் படிபஜ்ஜெய்ய ஸப்³ப³த்த² க³ச்செ²ய்ய, அயங் ஸப்³ப³த்த²கா³மினீ படிபதா³. யங் எத்த² ஞாணங் யதா²பூ⁴தங், இத³ங் வுச்சதி ஸப்³ப³த்த²கா³மினீ படிபதா³ஞாணங் து³தியங் ததா²க³தப³லங்.
Yesaṃ pana sammattaniyato rāsi, nāyaṃ sabbatthagāminī paṭipadā, nibbānagāminīyevāyaṃ paṭipadā. Tattha siyā micchattaniyato rāsi, esāpi na sabbatthagāminī paṭipadā. Sakkāyasamudayagāminīyevāyaṃ paṭipadā hotu, ayaṃ tattha tattha paṭipattiyā ṭhito gacchati nibbānaṃ, gacchati apāyaṃ, gacchati devamanussassa. Yaṃ yaṃ vā paṭipadaṃ paṭipajjeyya sabbattha gaccheyya, ayaṃ sabbatthagāminī paṭipadā. Yaṃ ettha ñāṇaṃ yathābhūtaṃ, idaṃ vuccati sabbatthagāminī paṭipadāñāṇaṃ dutiyaṃ tathāgatabalaṃ.
ஸா கோ² பனாயங் ஸப்³ப³த்த²கா³மினீ படிபதா³ நானாதி⁴முத்தா கேசி காமேஸு கேசி து³க்கரகாரியங் கேசி அத்தகிலமதா²னுயோக³மனுயுத்தா கேசி ஸங்ஸாரேன ஸுத்³தி⁴ங் பச்செந்தி கேசி அனஜ்ஜாபா⁴வனாதி. தேன தேன சரிதேன வினிப³ந்தா⁴னங் ஸத்தானங் யங் ஞாணங் யதா²பூ⁴தங் நானாக³தங் லோகஸ்ஸ அனேகாதி⁴முத்தக³தங் யதா²பூ⁴தங் பஜானாதி. இத³ங் ததியங் ததா²க³தப³லங்.
Sā kho panāyaṃ sabbatthagāminī paṭipadā nānādhimuttā keci kāmesu keci dukkarakāriyaṃ keci attakilamathānuyogamanuyuttā keci saṃsārena suddhiṃ paccenti keci anajjābhāvanāti. Tena tena caritena vinibandhānaṃ sattānaṃ yaṃ ñāṇaṃ yathābhūtaṃ nānāgataṃ lokassa anekādhimuttagataṃ yathābhūtaṃ pajānāti. Idaṃ tatiyaṃ tathāgatabalaṃ.
தத்த² ஸத்தானங் அதி⁴முத்தா ப⁴வந்தி ஆஸேவந்தி பா⁴வெந்தி ப³ஹுலீகரொந்தி. தேஸங் கம்முபஸயானங் ததா³தி⁴முத்தானங். ஸா சேவ தா⁴து ஸங்வஹதி. கதரா பனேஸா தா⁴து நெக்க²ம்மதா⁴து ப³லதா⁴து காசி ஸம்பத்தி காசி மிச்ச²த்தஞ்ச தா⁴து அதி⁴முத்தா ப⁴வந்தி. அஞ்ஞதரா உத்தரி ந ஸமனுபஸ்ஸந்தி. தே ததே³வட்டா²னங் மயா ஜராமரணஸ்ஸ அபி⁴னிவிஸ்ஸ வோஹரந்தி ‘‘இத³மேவ ஸச்சங் மோக⁴மஞ்ஞ’’ந்தி. யதா² ப⁴க³வா ஸக்கஸ்ஸ தே³வானமிந்த³ஸ்ஸ பா⁴ஸிதங். யங் தத்த² யதா²பூ⁴தங் ஞாணங். இத³ங் வுச்சதி சதுத்த²ங் ததா²க³தப³லங்.
Tattha sattānaṃ adhimuttā bhavanti āsevanti bhāventi bahulīkaronti. Tesaṃ kammupasayānaṃ tadādhimuttānaṃ. Sā ceva dhātu saṃvahati. Katarā panesā dhātu nekkhammadhātu baladhātu kāci sampatti kāci micchattañca dhātu adhimuttā bhavanti. Aññatarā uttari na samanupassanti. Te tadevaṭṭhānaṃ mayā jarāmaraṇassa abhinivissa voharanti ‘‘idameva saccaṃ moghamañña’’nti. Yathā bhagavā sakkassa devānamindassa bhāsitaṃ. Yaṃ tattha yathābhūtaṃ ñāṇaṃ. Idaṃ vuccati catutthaṃ tathāgatabalaṃ.
தத்த² யங்யேவ தா⁴து 23 ஸெட்ட²ந்தி தங் தங் காயேன ச வாசாய ச ஆரம்ப⁴ந்தி சேதஸிகோ. ஆரம்போ⁴ சேதனா கம்மங் காயிகா வாசஸிகா ஆரம்போ⁴ சேதஸிகத்தா கம்மந்தரங் ததா²க³தோ ஏவங் பஜானாதி ‘‘இமினா ஸத்தேன ஏவங் தா⁴துகேன ஏவரூபங் கம்மங் கதங், தங் அதீதமத்³தா⁴னங் இமினா ஹேதுனா தஸ்ஸ ஏவரூபோ விபாகோ விபச்சதி ஏதரஹி விபச்சிஸ்ஸதி வா அனாக³தமத்³தா⁴ன’’ந்தி. ஏவங் பச்சுப்பன்னமத்³தா⁴னங் பஜானாதி ‘‘அயங் புக்³க³லோ ஏவங்தா⁴துகோ இத³ங் கம்மங் கரோதி’’. தண்ஹாய ச தி³ட்டி²யா ச இமினா ஹேதுனா ந தஸ்ஸ விபாகோ தி³ட்டே²யேவ த⁴ம்மே நிப்³ப³த்திஸ்ஸதி, உபபஜ்ஜே வா’’தி அபரம்ஹி வா பரியாயே ஏவங் பஜானாதி ‘‘அயங் புக்³க³லோ ஏவரூபங் கம்மங் கரிஸ்ஸதி அனாக³தமத்³தா⁴னங், இமினா ஹேதுனா தஸ்ஸ ஏவரூபோ விபாகோ நிப்³ப³த்திஸ்ஸதி, இமினா ஹேதுனா யானி சத்தாரி கம்மட்டா²னானி இத³ங் கம்மட்டா²னங் பச்சுப்பன்னஸுக²ங் ஆயதிங் ச ஸுக²விபாகங்’’ …பே॰… இதி அயங் அதீதானாக³தபச்சுப்பன்னானங் கம்மஸமாதா³னானங் ஹேதுஸோ டா²னஸோ விபாகவேமத்ததங் பஜானாதி உச்சாவசா ஹீனபணீததா, இத³ங் வுச்சதி கம்மவிபாகஞாணங் பஞ்சமங் ததா²க³தப³லங்.
Tattha yaṃyeva dhātu 24 seṭṭhanti taṃ taṃ kāyena ca vācāya ca ārambhanti cetasiko. Ārambho cetanā kammaṃ kāyikā vācasikā ārambho cetasikattā kammantaraṃ tathāgato evaṃ pajānāti ‘‘iminā sattena evaṃ dhātukena evarūpaṃ kammaṃ kataṃ, taṃ atītamaddhānaṃ iminā hetunā tassa evarūpo vipāko vipaccati etarahi vipaccissati vā anāgatamaddhāna’’nti. Evaṃ paccuppannamaddhānaṃ pajānāti ‘‘ayaṃ puggalo evaṃdhātuko idaṃ kammaṃ karoti’’. Taṇhāya ca diṭṭhiyā ca iminā hetunā na tassa vipāko diṭṭheyeva dhamme nibbattissati, upapajje vā’’ti aparamhi vā pariyāye evaṃ pajānāti ‘‘ayaṃ puggalo evarūpaṃ kammaṃ karissati anāgatamaddhānaṃ, iminā hetunā tassa evarūpo vipāko nibbattissati, iminā hetunā yāni cattāri kammaṭṭhānāni idaṃ kammaṭṭhānaṃ paccuppannasukhaṃ āyatiṃ ca sukhavipākaṃ’’ …pe… iti ayaṃ atītānāgatapaccuppannānaṃ kammasamādānānaṃ hetuso ṭhānaso vipākavemattataṃ pajānāti uccāvacā hīnapaṇītatā, idaṃ vuccati kammavipākañāṇaṃ pañcamaṃ tathāgatabalaṃ.
ததா² ஸத்தா யங் வா கம்மஸமாதா³னங் ஸமாதி³யந்தா தத்த² ஏவங் பஜானாதி இமஸ்ஸ புக்³க³லஸ்ஸ கம்மாதி⁴முத்தஸ்ஸ ராக³சரிதஸ்ஸ நெக்க²ம்மதா⁴தூனங் பாரிபூரிங் க³ச்ச²ந்தி, தஸ்ஸ ராகா³னுக³தே ஸுஞ்ஞமானஸ்ஸ பட²மங் ஜா²னங் ஸங்கிலிஸ்ஸதி, ஸசே புன உத்தரி வாயாமதோ ஜா²னவோதா³னக³தே மானஸே விஸேஸபா⁴கி³யங் படிபத³ங் அனுயுஞ்ஜியதி. தஸ்ஸ ஹி ஜா²னபா⁴கி³யங்யேவ பட²மஜ்ஜா²னே டி²தஸ்ஸ து³தியங் ஜா²னங் வோதா³னங் க³ச்ச²தி, ததியஞ்ச ஜா²னங் ஸமாபஜ்ஜிதுகாமஸ்ஸ ஸோமனஸ்ஸிந்த்³ரியங் சித்தங் பரியாதா³ய திட்ட²தி, தஸ்ஸ ஸா பீதி அவிஸேஸபா⁴கி³யங் ததியங் ஜா²னங் ஆதி³ஸ்ஸ திட்ட²தி. ஸசே தஸ்ஸ நிஸ்ஸரணங் யதா²பூ⁴தங் பஜானாதி. ததா²க³தஸ்ஸ சதுத்த²ஜ்ஜா²னங் வோதா³னங் க³ச்ச²தியேவ, சதுத்த²ஸ்ஸ ஜா²னஸ்ஸ ஹானபா⁴கி³யா த⁴ம்மா, தே ச த⁴ம்மா யத்த² பஜாயந்தி யேஹி சதுத்த²ஜ்ஜா²னங் வோதா³னங் தி³ஸ்ஸதி. ஏவங் அஜ்ஜா²ஸயஸமாபத்தியா யா சதஸ்ஸோ ஸமாபத்தியோ தீணி விமொக்க²முகா²னி அட்ட² விமொக்க²ஜா²னானீதி சத்தாரி ஜா²னானி விமொக்கா²தி. அட்ட² ச விமொக்கா² தீணி ச விமொக்க²முகா²னி. ஸமாதீ⁴தி சத்தாரோ ஸமாதீ⁴ – ச²ந்த³ஸமாதி⁴ வீரியஸமாதி⁴ சித்தஸமாதி⁴ வீமங்ஸாஸமாதீ⁴தி. ஸமாபத்தியோ சதஸ்ஸோ அஜ்ஜா²ஸயஸமாபத்தியோ இதி இமேஸங் ஜா²னானங் விமொக்க²ஸமாபத்தீதி ஏவரூபோ ஸங்கிலேஸோ ராக³சரிதஸ்ஸ புக்³க³லஸ்ஸ. ஏவங் தோ³ஸசரிதஸ்ஸ. மோஹசரிதஸ்ஸ. ராக³சரிதஸ்ஸ புக்³க³லஸ்ஸ ஏவரூபங் வோதா³னங் இதி யங் எத்த² ஞாணங் யதா²பூ⁴தங் அஸாதா⁴ரணங் ஸப்³ப³ஸத்தேஹி. இத³ங் வுச்சதி ச²ட்ட²ங் ததா²க³தப³லங்.
Tathā sattā yaṃ vā kammasamādānaṃ samādiyantā tattha evaṃ pajānāti imassa puggalassa kammādhimuttassa rāgacaritassa nekkhammadhātūnaṃ pāripūriṃ gacchanti, tassa rāgānugate suññamānassa paṭhamaṃ jhānaṃ saṃkilissati, sace puna uttari vāyāmato jhānavodānagate mānase visesabhāgiyaṃ paṭipadaṃ anuyuñjiyati. Tassa hi jhānabhāgiyaṃyeva paṭhamajjhāne ṭhitassa dutiyaṃ jhānaṃ vodānaṃ gacchati, tatiyañca jhānaṃ samāpajjitukāmassa somanassindriyaṃ cittaṃ pariyādāya tiṭṭhati, tassa sā pīti avisesabhāgiyaṃ tatiyaṃ jhānaṃ ādissa tiṭṭhati. Sace tassa nissaraṇaṃ yathābhūtaṃ pajānāti. Tathāgatassa catutthajjhānaṃ vodānaṃ gacchatiyeva, catutthassa jhānassa hānabhāgiyā dhammā, te ca dhammā yattha pajāyanti yehi catutthajjhānaṃ vodānaṃ dissati. Evaṃ ajjhāsayasamāpattiyā yā catasso samāpattiyo tīṇi vimokkhamukhāni aṭṭha vimokkhajhānānīti cattāri jhānāni vimokkhāti. Aṭṭha ca vimokkhā tīṇi ca vimokkhamukhāni. Samādhīti cattāro samādhī – chandasamādhi vīriyasamādhi cittasamādhi vīmaṃsāsamādhīti. Samāpattiyo catasso ajjhāsayasamāpattiyo iti imesaṃ jhānānaṃ vimokkhasamāpattīti evarūpo saṃkileso rāgacaritassa puggalassa. Evaṃ dosacaritassa. Mohacaritassa. Rāgacaritassa puggalassa evarūpaṃ vodānaṃ iti yaṃ ettha ñāṇaṃ yathābhūtaṃ asādhāraṇaṃ sabbasattehi. Idaṃ vuccati chaṭṭhaṃ tathāgatabalaṃ.
தத்த² ததா²க³தோ ஏவங் பஜானாதி லோகிகா த⁴ம்மா லோகுத்தரா த⁴ம்மா பா⁴வனாபா⁴கி³யங் இந்த்³ரியங் நாமங் லப⁴ந்தி. ஆதி⁴பதெய்யபூ⁴மிங் உபாதா³ய ப³லங் நாமங் லப⁴ந்தி தா²மக³தங் மனோ மனிந்த்³ரியங் தங் உபாதா³ய. வீரியங் நாமங் லப⁴ந்தி ஆரம்ப⁴தா⁴துங் உபாதா³ய. இதிஸ்ஸ தே³வ ஏவரூபங் ஞாணங் இமேஹி ச த⁴ம்மேஹி இமே புக்³க³லா ஸமன்னாக³தாதிபி த⁴ம்மதே³ஸனங் அகாஸி. ஆகாரதோ ச வோகாரதோ ச ஆஸயஜ்ஜா²ஸயஸ்ஸ அதி⁴முத்திஸமன்னாக³தானங். இத³ங் வுச்சதி பரஸத்தானங் பரபுக்³க³லானங் இந்த்³ரியப³லவீரியவேமத்ததங் ஞாணங் ஸத்தமங் ததா²க³தப³லங்.
Tattha tathāgato evaṃ pajānāti lokikā dhammā lokuttarā dhammā bhāvanābhāgiyaṃ indriyaṃ nāmaṃ labhanti. Ādhipateyyabhūmiṃ upādāya balaṃ nāmaṃ labhanti thāmagataṃ mano manindriyaṃ taṃ upādāya. Vīriyaṃ nāmaṃ labhanti ārambhadhātuṃ upādāya. Itissa deva evarūpaṃ ñāṇaṃ imehi ca dhammehi ime puggalā samannāgatātipi dhammadesanaṃ akāsi. Ākārato ca vokārato ca āsayajjhāsayassa adhimuttisamannāgatānaṃ. Idaṃ vuccati parasattānaṃ parapuggalānaṃ indriyabalavīriyavemattataṃ ñāṇaṃ sattamaṃ tathāgatabalaṃ.
தத்த² ச ததா²க³தோ லோகாதீ³ஸு ச பூ⁴மீஸு ஸங்யோஜனானஞ்ச ஸெக்கா²னங் த்³வீஹி ப³லேஹி க³திங் பஜானாதி, புப்³பே³னிவாஸானுஸ்ஸதியா அதீதே ஸங்ஸாரே ஏதரஹி ச பச்சுப்பன்னே தி³ப்³ப³சக்கு²னா சுதூபபாதங் இதி இமானி த்³வே ப³லானி தி³ப்³ப³சக்கு²தோ அபி⁴னீஹிதானி. ஸோ அதீதமத்³தா⁴னங் தி³ப்³ப³ஸ்ஸ சக்கு²னோ கோ³சரோ ஸோ ஏதரஹி ஸதி கோ³சரோ இதி அத்தனோ ச பரேஸங் ச புப்³பே³னிவாஸஞாணங் அனேகவித⁴ங் நானப்பகாரகங் பச்சுப்பன்னமத்³தா⁴னங் தி³ப்³பே³ன சக்கு²னா இமானி த்³வே ததா²க³தப³லானி, அட்ட²மங் புப்³பே³னிவாஸோ, நவமங் தி³ப்³ப³சக்கு².
Tattha ca tathāgato lokādīsu ca bhūmīsu saṃyojanānañca sekkhānaṃ dvīhi balehi gatiṃ pajānāti, pubbenivāsānussatiyā atīte saṃsāre etarahi ca paccuppanne dibbacakkhunā cutūpapātaṃ iti imāni dve balāni dibbacakkhuto abhinīhitāni. So atītamaddhānaṃ dibbassa cakkhuno gocaro so etarahi sati gocaro iti attano ca paresaṃ ca pubbenivāsañāṇaṃ anekavidhaṃ nānappakārakaṃ paccuppannamaddhānaṃ dibbena cakkhunā imāni dve tathāgatabalāni, aṭṭhamaṃ pubbenivāso, navamaṃ dibbacakkhu.
புன சபரங் ததா²க³தோ அரியபுக்³க³லானங் ஜா²னங் வோதா³னங் நிப்³பே³த⁴பா⁴கி³யங் பஜானாதி அயங் புக்³க³லோ இமினா மக்³கே³ன இமாய படிபதா³ய ஆஸவானங் க²யா அனாஸவங் சேதோவிமுத்திங் பஞ்ஞாவிமுத்திங் தி³ட்டே²வ த⁴ம்மே ஸச்சி²கத்வா உபஸம்பஜ்ஜ விஹரதீதி இதி அத்தனோ ச ஆஸவானங் க²யங் ஞாணங் தி³ட்டே²கட்டா²னங் சதுபூ⁴மிமுபாதா³ய யாவ நவன்னங் அரஹந்தானங் ஆஸவக்க²யோ ஓதி⁴ஸோ ஸெக்கா²னங் அனோதி⁴ஸோ அரஹந்தானங். தத்த² சேதோவிமுத்தி த்³வீஹி ஆஸவேஹி அனாஸவா காமாஸவேன ச ப⁴வாஸவேன ச, பஞ்ஞாவிமுத்தி த்³வீஹி ஆஸவேஹி அனாஸவா தி³ட்டா²ஸவேன ச அவிஜ்ஜாஸவேன ச, இமாஸங் த்³வின்னங் விமுத்தீனங் யதா²பூ⁴தங் ஞாணங், இத³ங் வுச்சதி ஆஸவக்க²யே ஞாணங். த³ஸமங் ததா²க³தப³லங்.
Puna caparaṃ tathāgato ariyapuggalānaṃ jhānaṃ vodānaṃ nibbedhabhāgiyaṃ pajānāti ayaṃ puggalo iminā maggena imāya paṭipadāya āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sacchikatvā upasampajja viharatīti iti attano ca āsavānaṃ khayaṃ ñāṇaṃ diṭṭhekaṭṭhānaṃ catubhūmimupādāya yāva navannaṃ arahantānaṃ āsavakkhayo odhiso sekkhānaṃ anodhiso arahantānaṃ. Tattha cetovimutti dvīhi āsavehi anāsavā kāmāsavena ca bhavāsavena ca, paññāvimutti dvīhi āsavehi anāsavā diṭṭhāsavena ca avijjāsavena ca, imāsaṃ dvinnaṃ vimuttīnaṃ yathābhūtaṃ ñāṇaṃ, idaṃ vuccati āsavakkhaye ñāṇaṃ. Dasamaṃ tathāgatabalaṃ.
20. இமேஸு த³ஸஸு ப³லேஸு டி²தோ ததா²க³தோ பஞ்சவித⁴ங் ஸாஸனங் தே³ஸேதி ஸங்கிலேஸபா⁴கி³யங் வாஸனாபா⁴கி³யங் த³ஸ்ஸனபா⁴கி³யங் பா⁴வனாபா⁴கி³யங் அஸெக்க²பா⁴கி³யங். தத்த² யோ தண்ஹாஸங்கிலேஸோ, இமஸ்ஸ அலோபோ⁴ நிஸ்ஸரணங். யோ தி³ட்டி²ஸங்கிலேஸோ, இமஸ்ஸ அமோஹோ நிஸ்ஸரணங். யோ து³ச்சரிதஸங்கிலேஸோ, இமஸ்ஸ தீணி குஸலானி நிஸ்ஸரணங். கிங் நிதா³னங்? தீணி இமானி 25 மனோது³ச்சரிதானி – அபி⁴ஜ்ஜா² ப்³யாபாதோ³ மிச்சா²தி³ட்டி². தத்த² அபி⁴ஜ்ஜா² மனோது³ச்சரிதங் காயகம்மங் உபட்ட²பேதி, அதி³ன்னாதா³னங் ஸப்³ப³ஞ்ச தது³பனிப்³ப³த்³த⁴ங் வாசாகம்மங் உபட்ட²பேதி, முஸாவாத³ஞ்ச ஸப்³ப³விதத²ங் ஸப்³ப³ங் வாசமபா⁴வங் ஸப்³ப³மக்க²ங் பலாஸங் அபி⁴ஜ்ஜா² அகுஸலமூலந்தி, ஸுசரிதே ஸுசரிதங் முஸாவாதா³ அதி³ன்னாதா³னா அபி⁴ஜ்ஜா²ய சேதனா, தத்த² ப்³யாபாதோ³ மனோது³ச்சரிதங் காயகம்மங் உபட்ட²பேதி, பாணாதிபாதங் ஸப்³ப³ஞ்ச மேதங் ஆகட்³ட⁴னங் பரிகட்³ட⁴னங் நிப்³ப³த்³த⁴ங் ரோசனங் வாசாகம்மங் உபட்ட²பேதி, பிஸுணவாசங் ப²ருஸவாசங் மிச்சா²தி³ட்டி² மனோது³ச்சரிதஞ்ச அபி⁴ஜ்ஜ²ங் ப்³யாபாத³ங் மிச்சா²தி³ட்டி²ங் பயோஜேதி, தஸ்ஸ யோ கோசி மிச்சா²தி³ட்டி² சாகோ³ ராக³ஜோ வா தோ³ஸஜோ வா ஸப்³ப³ஸோ மிச்சா²தி³ட்டி² ஸம்பூ⁴தோ இமினா காரணேன மிச்சா²தி³ட்டி²ங் உபட்ட²பேதி, காமேஸுமிச்சா²சாரங் வசீகம்மங் உபட்ட²பேதி ஸம்ப²ப்பலாபங். இமானி தீணி து³ச்சரிதானி அகுஸலமூலானி.
20. Imesu dasasu balesu ṭhito tathāgato pañcavidhaṃ sāsanaṃ deseti saṃkilesabhāgiyaṃ vāsanābhāgiyaṃ dassanabhāgiyaṃ bhāvanābhāgiyaṃ asekkhabhāgiyaṃ. Tattha yo taṇhāsaṃkileso, imassa alobho nissaraṇaṃ. Yo diṭṭhisaṃkileso, imassa amoho nissaraṇaṃ. Yo duccaritasaṃkileso, imassa tīṇi kusalāni nissaraṇaṃ. Kiṃ nidānaṃ? Tīṇi imāni 26 manoduccaritāni – abhijjhā byāpādo micchādiṭṭhi. Tattha abhijjhā manoduccaritaṃ kāyakammaṃ upaṭṭhapeti, adinnādānaṃ sabbañca tadupanibbaddhaṃ vācākammaṃ upaṭṭhapeti, musāvādañca sabbavitathaṃ sabbaṃ vācamabhāvaṃ sabbamakkhaṃ palāsaṃ abhijjhā akusalamūlanti, sucarite sucaritaṃ musāvādā adinnādānā abhijjhāya cetanā, tattha byāpādo manoduccaritaṃ kāyakammaṃ upaṭṭhapeti, pāṇātipātaṃ sabbañca metaṃ ākaḍḍhanaṃ parikaḍḍhanaṃ nibbaddhaṃ rocanaṃ vācākammaṃ upaṭṭhapeti, pisuṇavācaṃ pharusavācaṃ micchādiṭṭhi manoduccaritañca abhijjhaṃ byāpādaṃ micchādiṭṭhiṃ payojeti, tassa yo koci micchādiṭṭhi cāgo rāgajo vā dosajo vā sabbaso micchādiṭṭhi sambhūto iminā kāraṇena micchādiṭṭhiṃ upaṭṭhapeti, kāmesumicchācāraṃ vacīkammaṃ upaṭṭhapeti samphappalāpaṃ. Imāni tīṇi duccaritāni akusalamūlāni.
யா அபி⁴ஜ்ஜா², ஸோ லோபோ⁴. யோ ப்³யாபாதோ³, ஸோ தோ³ஸோ. யா மிச்சா²தி³ட்டி², ஸோ மோஹோ. தானி அட்ட² மிச்ச²த்தானி உபட்ட²பெந்தி. தேஸு க³ஹிதேஸு தீஸு அகுஸலமூலேஸு த³ஸவித⁴ங் அகுஸலமூலங் பாரிபூரிங் க³ச்ச²தி, தஸ்ஸ திவித⁴ஸ்ஸ து³ச்சரிதஸங்கிலேஸஸ்ஸ வாஸனாபா⁴கி³யஞ்ச ஸுத்தங் நிஸ்ஸரணங். தத்த² யோ ப³ஹுஸிதோ நித்³தே³ஸோ யதா² லோபோ⁴ தோ³ஸோ மோஹோபி, தத்த² அஸிதுங் எத்த² லோபோ⁴ உஸ்ஸதோ³ தேன காரணேன தேஸு வா த⁴ம்மேஸு லோபோ⁴ பஞ்ஞபியதி. தத்தா²யங் மோஹோ அகுஸலங் மோஹோ அயங் அவிஜ்ஜா, ஸா சதுப்³பி³தா⁴ ரூபே அபி⁴னிவிட்டா², ரூபங் அத்ததோ ஸமனுபஸ்ஸதி, அவிஜ்ஜாக³தோ ரூபவந்தங் அத்தானங், அத்தனி வா ரூபங், ரூபஸ்மிங் வா அத்தானங். தத்த² கதமங் பத³ங் ஸக்காயதி³ட்டி²யா உச்சே²த³ங் வத³தி ‘‘தங் ஜீவங் தங் ஸரீர’’ந்தி நத்தி²கதி³ட்டி² அதி⁴ச்சஸமுப்பன்னதி³ட்டி² ச அஞ்ஞோ ச கரோதி, அஞ்ஞோ படிஸங்வேதி³யதி. பச்சி²மஸட்டி²கப்பானங் தீணி பதா³னி ஸக்காயதி³ட்டி²யா ஸஸ்ஸதங் ப⁴ஜந்தி ‘‘அஞ்ஞங் ஜீவங் அஞ்ஞங் ஸரீர’’ந்தி அகிரியஞ்ச தங் து³க்க²மிச்ச²தோ அஹேதுகா ச பதந்தி அனஜ்ஜா²பா⁴வோ ச கம்மானங் ஸப்³ப³ஞ்ச மானயி 27. தத்த² ‘‘இத³மேவ ஸச்சங் மோக⁴மஞ்ஞ’’ந்தி ஸங்ஸாரேன ஸுத்³தி⁴ ஆஜீவகா ச²ளாஸீதி பஞ்ஞபெந்தி. யதா²ரூபே ஸக்காயதி³ட்டி²யா சதுவத்து²கா, ஏவங் பஞ்சஸு க²ந்தே⁴ஸு வீஸதிவத்து²கா ஸக்காயதி³ட்டி²யா ஸஸ்ஸதங் ப⁴ஜதி. அஞ்ஞாஜீவகா ச ஸஸ்ஸதவாதி³கே ச ஸீலப்³ப³தங் ப⁴ஜந்தி பராமஸந்தி இமினா ப⁴விஸ்ஸாமி தே³வோ வா தே³வஞ்ஞதரோ வா, அயங் ஸீலப்³ப³தபராமாஸோ. தத்த² ஸக்காயதி³ட்டி²யா ஸோ ரூபங் அத்ததோ ஸமனுபஸ்ஸதி, ‘‘தங் ஜீவங் தங் ஸரீர’’மிதி தங் கங்க²தி விசிகிச்ச²தி நாதி⁴முச்சதி நாபி⁴ப்பஸீத³தி புப்³ப³ந்தே அபரந்தே புப்³ப³ந்தாபரந்தே…பே॰… இதி வாஸனாபா⁴கி³யேஸு டி²தஸ்ஸ அயங் உபக்கிலேஸோ.
Yā abhijjhā, so lobho. Yo byāpādo, so doso. Yā micchādiṭṭhi, so moho. Tāni aṭṭha micchattāni upaṭṭhapenti. Tesu gahitesu tīsu akusalamūlesu dasavidhaṃ akusalamūlaṃ pāripūriṃ gacchati, tassa tividhassa duccaritasaṃkilesassa vāsanābhāgiyañca suttaṃ nissaraṇaṃ. Tattha yo bahusito niddeso yathā lobho doso mohopi, tattha asituṃ ettha lobho ussado tena kāraṇena tesu vā dhammesu lobho paññapiyati. Tatthāyaṃ moho akusalaṃ moho ayaṃ avijjā, sā catubbidhā rūpe abhiniviṭṭhā, rūpaṃ attato samanupassati, avijjāgato rūpavantaṃ attānaṃ, attani vā rūpaṃ, rūpasmiṃ vā attānaṃ. Tattha katamaṃ padaṃ sakkāyadiṭṭhiyā ucchedaṃ vadati ‘‘taṃ jīvaṃ taṃ sarīra’’nti natthikadiṭṭhi adhiccasamuppannadiṭṭhi ca añño ca karoti, añño paṭisaṃvediyati. Pacchimasaṭṭhikappānaṃ tīṇi padāni sakkāyadiṭṭhiyā sassataṃ bhajanti ‘‘aññaṃ jīvaṃ aññaṃ sarīra’’nti akiriyañca taṃ dukkhamicchato ahetukā ca patanti anajjhābhāvo ca kammānaṃ sabbañca mānayi 28. Tattha ‘‘idameva saccaṃ moghamañña’’nti saṃsārena suddhi ājīvakā chaḷāsīti paññapenti. Yathārūpe sakkāyadiṭṭhiyā catuvatthukā, evaṃ pañcasu khandhesu vīsativatthukā sakkāyadiṭṭhiyā sassataṃ bhajati. Aññājīvakā ca sassatavādike ca sīlabbataṃ bhajanti parāmasanti iminā bhavissāmi devo vā devaññataro vā, ayaṃ sīlabbataparāmāso. Tattha sakkāyadiṭṭhiyā so rūpaṃ attato samanupassati, ‘‘taṃ jīvaṃ taṃ sarīra’’miti taṃ kaṅkhati vicikicchati nādhimuccati nābhippasīdati pubbante aparante pubbantāparante…pe… iti vāsanābhāgiyesu ṭhitassa ayaṃ upakkileso.
21. தத்த² ஸத்³தி⁴ந்த்³ரியேன ஸப்³ப³ங் விசிகிச்சி²தங் பஜஹதி, பஞ்ஞிந்த்³ரியேன உத³யப்³ப³யங் பஸ்ஸதி, ஸமாதி⁴ந்த்³ரியேன சித்தங் ஏகோதி³ கரோதி வீரியிந்த்³ரியேன ஆரப⁴தி. ஸோ இமேஹி பஞ்சஹி இந்த்³ரியேஹி ஸத்³தா⁴னுஸாரீ அவேச்சப்பஸாதே³ நிரதோ அனந்தரியங் ஸமாதி⁴ங் உப்பாதே³தி. இந்த்³ரியேஹி ஸுத்³தே⁴ஹி த⁴ம்மானுஸாரீ அப்பச்சயதாய அனந்தரியங் ஸமாதி⁴ங் உப்பாதே³தி. ஸோ ‘‘இத³ங் து³க்க²’’ந்தி யதா²பூ⁴தங் பஜானாதி. ஸச்சானி இத³ங் த³ஸ்ஸனபா⁴கி³யங் ஸுத்தங். தஸ்ஸ பஞ்சன்னங் ஓரம்பா⁴கி³யானங் ஸங்யோஜனானங் தீணி ஸங்யோஜனானி த³ஸ்ஸனபஹாதப்³பா³னி ஸப்³பே³ன ஸப்³ப³ங் பஹீனானி த்³வே புக்³க³லகதானி. தத்த² தீணி அகுஸலமூலானி பா⁴வனாபஹாதப்³பா³னி உபரிக்கி²த்தானி ச² ப⁴வே நிப்³ப³த்தெந்தி. தத்த² தேஸு அபி⁴ஜ்ஜா²ய ச ப்³யாபாதே³ஸு தனுகதேஸு ச² ப⁴வா பரிக்க²யா மரியாத³ங் க³ச்ச²ந்தி, த்³வே ப⁴வா அவஸிட்டா². தஸ்ஸ அபி⁴ஜ்ஜா² ச ப்³யாபாதோ³ ச ஸப்³பே³ன ஸப்³ப³ங் பரிக்கீ²ணா ஹொந்தி. ஏகோ ப⁴வோ அவஸிட்டோ² ஹோதி. ஸோ ச மானவஸேன நிப்³ப³த்தேதி. கிஞ்சாபி எத்த² அஞ்ஞேபி சத்தாரோ கிலேஸா ரூபராகோ³ ப⁴வராகோ³ அவிஜ்ஜா உத்³த⁴ச்சங் கேதுஸ்மிமானபூ⁴தா நப்படிப³லா அஸ்மிமானங் வினிவத்தேதுங், ஸப்³பே³பி தே அஸ்மிமானஸ்ஸ பஹானங் ஆரப⁴தே. கீ²ணேஸு ந ச தேஸு இத³முத்தரித³ஸ்ஸனபூ⁴மியங் பஞ்சஸு ஸெக்க²புக்³க³லேஸு தீஸு ச படிப்பன்னகேஸு த்³வீஸு ச ப²லட்டே²ஸு பா⁴வனாபா⁴கி³யங் ஸுத்தங். தது³த்தரி அஸெக்க²பா⁴கி³யஸுத்தங், கத்த²சி பூ⁴மி நிபீளியதி. இத³ஞ்ச பஞ்சமங் ஸுத்தங். திண்ணங் புக்³க³லானங் தே³ஸிதங் புது²ஜ்ஜனஸ்ஸ ஸெக்க²ஸ்ஸ அஸெக்க²ஸ்ஸ ஸங்கிலேஸபா⁴கி³யங் வாஸனாபா⁴கி³யங். புது²ஜ்ஜனஸ்ஸ த³ஸ்ஸனபா⁴கி³யங். பா⁴வனாபா⁴கி³யங் பஞ்சன்னங் ஸெக்கா²னங். யங் பட²மனித்³தி³ட்ட²ங் அஸெக்க²பா⁴கி³யங் ஸப்³பே³ஸங் அரஹந்தானங். ஸா பன பஞ்சவிதா⁴ ஸத்தவீஸஆகாரே 29 பரியேஸிதப்³ப³ங். ஏதேஸு தஸ்ஸ க³தீனங் ததோ உத்தரி. தஞ்ச கோ² ஸங்கே²பேன பஞ்ஞாஸாய ஆகாரேஹி ஸம்பததி, யே பஞ்ஞாஸ ஆகாரா ஸாஸனே நித்³தி³ட்டா², தே ஸங்கி²பியந்தா த³ஸஹி ஆகாரேஹி பதந்தி. யே அரியஸச்சங் நிக்கே²பேன டி²தே ஸங்கி²பியத்தா அட்ட²ஸு ஆகாரேஸு பதந்தி. சதூஸு ச ஸாதா⁴ரணேஸு ஸுத்தேஸு யா ஹாரஸம்பாதஸ்ஸ பூ⁴மி, தே ஸங்கி²பியந்தா பஞ்சஸு ஸுத்தேஸு பதந்தி. ஸங்கிலேஸபா⁴கி³யே வாஸனாபா⁴கி³யே பா⁴வனாபா⁴கி³யே நிப்³பே³த⁴பா⁴கி³யே அஸெக்க²பா⁴கி³யே ச. தே ஸங்கி²பியந்தா சதூஸு ஸுத்தேஸு பதந்தி. ஸங்கிலேஸபா⁴கி³யே வாஸனாபா⁴கி³யே நிப்³பே³த⁴பா⁴கி³யே அஸெக்க²பா⁴கி³யே ச. தே ஸங்கி²பியமானா தீஸு ஸுத்தேஸு பதந்தி, புது²ஜ்ஜனபா⁴கி³யே ஸெக்க²பா⁴கி³யே அஸெக்க²பா⁴கி³யே ச. தே ஸங்கி²பியந்தா த்³வீஸு ஸுத்தேஸு பதந்தி நிப்³பே³த⁴பா⁴கி³யே ச புப்³ப³யோக³பா⁴கி³யே ச. யதா² வுத்தங் ப⁴க³வதா த்³வே அத்த²வஸே ஸம்பஸ்ஸமானா ததா²க³தா அரஹந்தோ ஸம்மாஸம்பு³த்³தா⁴ த⁴ம்மங் தே³ஸெந்தி ஸுத்தங் கெ³ய்யங்…பே॰… ஸத்தா² புப்³ப³யோக³ஸமன்னாக³தே அப்பகஸிரேன மஞ்ஞமானா வஸியந்தி புப்³ப³யோகா³ ச ப⁴விஸ்ஸந்தி ஸந்தானங் மஞ்ஞமானாத⁴ராய. தத்த² பஞ்ஞாவேமத்ததங் அத்தனோ ஸமனுபஸ்ஸமானேன அட்ட²விதே⁴ ஸுத்தஸங்கே²பே, யத்த² யத்த² ஸக்கோதி, தத்த² தத்த² யோஜேதப்³ப³ங். தத்த² தத்த² யோஜெத்வா ஸுத்தஸ்ஸ அத்தோ² நித்³தி³ஸிதப்³போ³. ந ஹி ஸதி வேத³னா மனோ தா⁴ரெத்வா ஸக்கா யேன கேனசி ஸுத்தஸ்ஸ அத்தோ² யதா²பூ⁴தங் நித்³தி³ஸிதுங்.
21. Tattha saddhindriyena sabbaṃ vicikicchitaṃ pajahati, paññindriyena udayabbayaṃ passati, samādhindriyena cittaṃ ekodi karoti vīriyindriyena ārabhati. So imehi pañcahi indriyehi saddhānusārī aveccappasāde nirato anantariyaṃ samādhiṃ uppādeti. Indriyehi suddhehi dhammānusārī appaccayatāya anantariyaṃ samādhiṃ uppādeti. So ‘‘idaṃ dukkha’’nti yathābhūtaṃ pajānāti. Saccāni idaṃ dassanabhāgiyaṃ suttaṃ. Tassa pañcannaṃ orambhāgiyānaṃ saṃyojanānaṃ tīṇi saṃyojanāni dassanapahātabbāni sabbena sabbaṃ pahīnāni dve puggalakatāni. Tattha tīṇi akusalamūlāni bhāvanāpahātabbāni uparikkhittāni cha bhave nibbattenti. Tattha tesu abhijjhāya ca byāpādesu tanukatesu cha bhavā parikkhayā mariyādaṃ gacchanti, dve bhavā avasiṭṭhā. Tassa abhijjhā ca byāpādo ca sabbena sabbaṃ parikkhīṇā honti. Eko bhavo avasiṭṭho hoti. So ca mānavasena nibbatteti. Kiñcāpi ettha aññepi cattāro kilesā rūparāgo bhavarāgo avijjā uddhaccaṃ ketusmimānabhūtā nappaṭibalā asmimānaṃ vinivattetuṃ, sabbepi te asmimānassa pahānaṃ ārabhate. Khīṇesu na ca tesu idamuttaridassanabhūmiyaṃ pañcasu sekkhapuggalesu tīsu ca paṭippannakesu dvīsu ca phalaṭṭhesu bhāvanābhāgiyaṃ suttaṃ. Taduttari asekkhabhāgiyasuttaṃ, katthaci bhūmi nipīḷiyati. Idañca pañcamaṃ suttaṃ. Tiṇṇaṃ puggalānaṃ desitaṃ puthujjanassa sekkhassa asekkhassa saṃkilesabhāgiyaṃ vāsanābhāgiyaṃ. Puthujjanassa dassanabhāgiyaṃ. Bhāvanābhāgiyaṃ pañcannaṃ sekkhānaṃ. Yaṃ paṭhamaniddiṭṭhaṃ asekkhabhāgiyaṃ sabbesaṃ arahantānaṃ. Sā pana pañcavidhā sattavīsaākāre 30 pariyesitabbaṃ. Etesu tassa gatīnaṃ tato uttari. Tañca kho saṅkhepena paññāsāya ākārehi sampatati, ye paññāsa ākārā sāsane niddiṭṭhā, te saṅkhipiyantā dasahi ākārehi patanti. Ye ariyasaccaṃ nikkhepena ṭhite saṅkhipiyattā aṭṭhasu ākāresu patanti. Catūsu ca sādhāraṇesu suttesu yā hārasampātassa bhūmi, te saṅkhipiyantā pañcasu suttesu patanti. Saṃkilesabhāgiye vāsanābhāgiye bhāvanābhāgiye nibbedhabhāgiye asekkhabhāgiye ca. Te saṅkhipiyantā catūsu suttesu patanti. Saṃkilesabhāgiye vāsanābhāgiye nibbedhabhāgiye asekkhabhāgiye ca. Te saṅkhipiyamānā tīsu suttesu patanti, puthujjanabhāgiye sekkhabhāgiye asekkhabhāgiye ca. Te saṅkhipiyantā dvīsu suttesu patanti nibbedhabhāgiye ca pubbayogabhāgiye ca. Yathā vuttaṃ bhagavatā dve atthavase sampassamānā tathāgatā arahanto sammāsambuddhā dhammaṃ desenti suttaṃ geyyaṃ…pe… satthā pubbayogasamannāgate appakasirena maññamānā vasiyanti pubbayogā ca bhavissanti santānaṃ maññamānādharāya. Tattha paññāvemattataṃ attano samanupassamānena aṭṭhavidhe suttasaṅkhepe, yattha yattha sakkoti, tattha tattha yojetabbaṃ. Tattha tattha yojetvā suttassa attho niddisitabbo. Na hi sati vedanā mano dhāretvā sakkā yena kenaci suttassa attho yathābhūtaṃ niddisituṃ.
தத்த² புரிமகானங் ஸுத்தானங் இமா உத்³தா³னகா³தா²
Tattha purimakānaṃ suttānaṃ imā uddānagāthā
காமந்தா⁴ ஜாலஸஞ்ச²ன்னா, பஞ்ச நீவரணானி ச;
Kāmandhā jālasañchannā, pañca nīvaraṇāni ca;
மனோபுப்³ப³ங்க³மா த⁴ம்மா, மஹானாமோ ச ஸாகியோ.
Manopubbaṅgamā dhammā, mahānāmo ca sākiyo.
உத்³த⁴ங் அதோ⁴ விப்பமுத்தோ, யஞ்ச ஸீலகிமத்தி²யா;
Uddhaṃ adho vippamutto, yañca sīlakimatthiyā;
யஸ்ஸ ஸேலூபமங் சித்தங், உபதிஸ்ஸ புச்சா²தி³கா.
Yassa selūpamaṃ cittaṃ, upatissa pucchādikā.
யஸ்ஸ காயக³தாஸதி, ச²ன்னங் தமோபராயணோ;
Yassa kāyagatāsati, channaṃ tamoparāyaṇo;
ந தங் த³ள்ஹங் சேதஸிகங், அயங் லோகோதிஆதி³கங்.
Na taṃ daḷhaṃ cetasikaṃ, ayaṃ lokotiādikaṃ.
சத்தாரோ சேவ புக்³க³லா, த³த³தோ புஞ்ஞங் பவட்³டி⁴தங்;
Cattāro ceva puggalā, dadato puññaṃ pavaḍḍhitaṃ;
ஸோதானுக³தத⁴ம்மேஸு, இமா தேஸங் உத்³தா³னகா³தா².
Sotānugatadhammesu, imā tesaṃ uddānagāthā.
22. தத்த² கதமா ஆணத்தி?
22. Tattha katamā āṇatti?
ஸசே பா⁴யத² 31 து³க்க²ஸ்ஸ, ஸசே வோ து³க்க²மப்பியங்;
Sace bhāyatha 32 dukkhassa, sace vo dukkhamappiyaṃ;
மாகத்த² பாபகங் கம்மங், ஆவி வா யதி³ வா ரஹோ.
Mākattha pāpakaṃ kammaṃ, āvi vā yadi vā raho.
‘‘அதீதே , ராத⁴, ரூபே அனபெக்கோ² ஹோஹீ’’தி வித்தா²ரேன காதப்³பா³. ‘‘ஸீலவந்தேன , ஆனந்த³, புக்³க³லேன ஸதா³ கரணீயா கிந்திமே அவிப்படிஸாரோ அஸ்ஸா’’தி. அயங் வுச்சதி ஆணத்தி.
‘‘Atīte , rādha, rūpe anapekkho hohī’’ti vitthārena kātabbā. ‘‘Sīlavantena , ānanda, puggalena sadā karaṇīyā kintime avippaṭisāro assā’’ti. Ayaṃ vuccati āṇatti.
தத்த² கதமங் ப²லங்?
Tattha katamaṃ phalaṃ?
த⁴ம்மோ ஹவே ரக்க²தி த⁴ம்மசாரிங், ச²த்தங் மஹந்தங் யத² வஸ்ஸகாலே;
Dhammo have rakkhati dhammacāriṃ, chattaṃ mahantaṃ yatha vassakāle;
ஏஸானிஸங்ஸோ த⁴ம்மே ஸுசிண்ணே, ந து³க்³க³திங் க³ச்ச²தி த⁴ம்மசாரீ.
Esānisaṃso dhamme suciṇṇe, na duggatiṃ gacchati dhammacārī.
இத³ங் ப²லங்.
Idaṃ phalaṃ.
தத்த² கதமோ உபாயோ?
Tattha katamo upāyo?
‘‘ஸப்³பே³ த⁴ம்மா 33 அனத்தா’’தி, யதா³ பஞ்ஞாய பஸ்ஸதி;
‘‘Sabbe dhammā 34 anattā’’ti, yadā paññāya passati;
அத² நிப்³பி³ந்த³தி து³க்கே², ஏஸ மக்³கோ³ விஸுத்³தி⁴யா.
Atha nibbindati dukkhe, esa maggo visuddhiyā.
‘‘ஸத்தஹங்கே³ஹி ஸமன்னாக³தோ கோ², பி⁴க்கு², அபி ஹிமவந்தங் பப்³ப³தராஜானங் சாலெய்ய, கோ பன வாதோ³ ச²வங் அவிஜ்ஜங் ஸத்தகேஸு’’ வெய்யாகரணங் காதப்³ப³ங். அயங் உபாயோ.
‘‘Sattahaṅgehi samannāgato kho, bhikkhu, api himavantaṃ pabbatarājānaṃ cāleyya, ko pana vādo chavaṃ avijjaṃ sattakesu’’ veyyākaraṇaṃ kātabbaṃ. Ayaṃ upāyo.
தத்த² கதமா ஆணத்தி ச ப²லஞ்ச?
Tattha katamā āṇatti ca phalañca?
ஸசே பா⁴யத² து³க்க²ஸ்ஸ, ஸசே வோ து³க்க²மப்பியங்;
Sace bhāyatha dukkhassa, sace vo dukkhamappiyaṃ;
மாகத்த² பாபகங் கம்மங், ஆவி வா யதி³ வா ரஹோ.
Mākattha pāpakaṃ kammaṃ, āvi vā yadi vā raho.
ஸசே ஹி பாபகங் கம்மங், கரோத² வா கரிஸ்ஸத²;
Sace hi pāpakaṃ kammaṃ, karotha vā karissatha;
புரிமிகாய கா³தா²ய ஆணத்தி பச்சி²மிகாய ப²லங். ஸீலே பதிட்டா²ய த்³வே த⁴ம்மா பா⁴வேதப்³பா³ யா ச சித்தபா⁴வனா யா ச பஞ்ஞாபா⁴வனா யா ச ஆணத்தி ராக³விராகா³ ச ப²லங்.
Purimikāya gāthāya āṇatti pacchimikāya phalaṃ. Sīle patiṭṭhāya dve dhammā bhāvetabbā yā ca cittabhāvanā yā ca paññābhāvanā yā ca āṇatti rāgavirāgā ca phalaṃ.
தத்த² கதமங் ப²லஞ்ச உபாயோ ச?
Tattha katamaṃ phalañca upāyo ca?
ஸீலே பதிட்டா²ய 37 நரோ ஸபஞ்ஞோ, சித்தங் பஞ்ஞஞ்ச பா⁴வயங்;
Sīle patiṭṭhāya 38 naro sapañño, cittaṃ paññañca bhāvayaṃ;
ஆதாபீ நிபகோ பி⁴க்கு², ஸோ இமங் விஜடயே ஜடங்.
Ātāpī nipako bhikkhu, so imaṃ vijaṭaye jaṭaṃ.
புரிமிகாய அட்³ட⁴கா³தா²ய உபாயோ, பச்சி²மிகாய அட்³ட⁴கா³தா²ய ப²லங். நந்தி³யோ 39 ஸக்கோ இஸிவுத்த²புரிரிகாமஏகரக்கே² 40 ஸுத்தங் மூலதோ உபாதா³ய யாவ ச²ஸு த⁴ம்மேஸு. உத்தரி பஞ்சஸு த⁴ம்மேஸு யாசயோகோ³ 41 கரணீயோ, அயங் உபாயோ. அஸஹக³தஸ்ஸ காமாஸவாபி சித்தங் முச்சதீதி. ஸப்³பா³ஸு ச²ஸு தீஸு. அயங் உபாயோ ச ப²லஞ்ச.
Purimikāya aḍḍhagāthāya upāyo, pacchimikāya aḍḍhagāthāya phalaṃ. Nandiyo 42 sakko isivutthapuririkāmaekarakkhe 43 suttaṃ mūlato upādāya yāva chasu dhammesu. Uttari pañcasu dhammesu yācayogo 44 karaṇīyo, ayaṃ upāyo. Asahagatassa kāmāsavāpi cittaṃ muccatīti. Sabbāsu chasu tīsu. Ayaṃ upāyo ca phalañca.
தத்த² கதமா ஆணத்தி ச ப²லஞ்ச உபாயோ ச?
Tattha katamā āṇatti ca phalañca upāyo ca?
ஸுஞ்ஞதோ லோகங் அவெக்க²ஸ்ஸு, மோக⁴ராஜ ஸதா³ ஸதோ;
Suññato lokaṃ avekkhassu, mogharāja sadā sato;
‘‘ஸுஞ்ஞதோ லோகங் அவெக்க²ஸ்ஸு, மோக⁴ராஜா’’தி ஆணத்தி. ‘‘ஸதா³ ஸதோ’’தி உபாயோ. ‘‘அத்தானுதி³ட்டி²ங் உஹச்ச, ஏவங் மச்சுதரோ ஸியா’’தி ப²லங். ஸமாதி⁴ங், பி⁴க்க²வே, பா⁴வேத², ஸமாஹிதோ, பி⁴க்க²வே, பி⁴க்கு² ரூபங் அனிச்சந்தி பஜானாதி. ஏவங் பஸ்ஸங் அரியஸாவகோ பரிமுச்சதி ஜாதியாபி…பே॰… உபாயாஸேஹிபி இத⁴ தீணிபி’’.
‘‘Suññato lokaṃ avekkhassu, mogharājā’’ti āṇatti. ‘‘Sadā sato’’ti upāyo. ‘‘Attānudiṭṭhiṃ uhacca, evaṃ maccutaro siyā’’ti phalaṃ. Samādhiṃ, bhikkhave, bhāvetha, samāhito, bhikkhave, bhikkhu rūpaṃ aniccanti pajānāti. Evaṃ passaṃ ariyasāvako parimuccati jātiyāpi…pe… upāyāsehipi idha tīṇipi’’.
23. தத்த² கதமோ அஸ்ஸாதோ³?
23. Tattha katamo assādo?
காமங் காமயமானஸ்ஸ, தஸ்ஸ சேதங் ஸமிஜ்ஜ²தி. அயங் அஸ்ஸாதோ³.
Kāmaṃ kāmayamānassa, tassa cetaṃ samijjhati. Ayaṃ assādo.
‘‘த⁴ம்மசரியா ஸமசரியா குஸலசரியா ஹேதூஹி, ப்³ராஹ்மண, ஏவமிதே⁴கச்சே ஸத்தா காயஸ்ஸ பே⁴தா³ ஸுக³திங் ஸக்³க³ங் லோகங் உபபஜ்ஜந்தி’’. அயங் அஸ்ஸாதோ³.
‘‘Dhammacariyā samacariyā kusalacariyā hetūhi, brāhmaṇa, evamidhekacce sattā kāyassa bhedā sugatiṃ saggaṃ lokaṃ upapajjanti’’. Ayaṃ assādo.
தத்த² கதமோ ஆதீ³னவோ?
Tattha katamo ādīnavo?
காமேஸு வே ஹஞ்ஞதே ஸப்³பா³ முச்சேவ – அயங் ஆதீ³னவோ. பஸேனதி³ஸங்யுத்தகே ஸுத்தே பப்³ப³தோபமா – அயங் ஆதீ³னவோ.
Kāmesu ve haññate sabbā mucceva – ayaṃ ādīnavo. Pasenadisaṃyuttake sutte pabbatopamā – ayaṃ ādīnavo.
தத்த² கதமங் நிஸ்ஸரணங்?
Tattha katamaṃ nissaraṇaṃ?
யோ காமே பரிவஜ்ஜேதி, ஸப்பஸ்ஸேவ பதா³ ஸிரோ;
Yo kāme parivajjeti, sappasseva padā siro;
ஸோமங் விஸத்திகங் லோகே, ஸதோ ஸமதிவத்ததி.
Somaṃ visattikaṃ loke, sato samativattati.
ஸங்யுத்தகே ஸுத்தங் பாரிச்ச²த்தகோ பண்டு³பலாஸோ ஸன்னிபலாஸோ – இத³ங் நிஸ்ஸரணங்.
Saṃyuttake suttaṃ pāricchattako paṇḍupalāso sannipalāso – idaṃ nissaraṇaṃ.
தத்த² கதமோ அஸ்ஸாதோ³ ச ஆதீ³னவோ ச?
Tattha katamo assādo ca ādīnavo ca?
கல்யாணகாரீ கல்யாணங், பாபகாரீ ச பாபகங்.
Kalyāṇakārī kalyāṇaṃ, pāpakārī ca pāpakaṃ.
தத்த² யங் பாபகாரீ பச்சனுபோ⁴தி அயங் அஸ்ஸாதோ³. லாபா⁴லாப⁴அட்ட²கேஸு ப்³யாகரணங், தத்த² அலாபோ⁴ அயஸோ நிந்தா³ து³க்க²ங், அயங் ஆதீ³னவோ. லாபோ⁴ யஸோ ஸுக²ங் பஸங்ஸா, அயங் அஸ்ஸாதோ³.
Tattha yaṃ pāpakārī paccanubhoti ayaṃ assādo. Lābhālābhaaṭṭhakesu byākaraṇaṃ, tattha alābho ayaso nindā dukkhaṃ, ayaṃ ādīnavo. Lābho yaso sukhaṃ pasaṃsā, ayaṃ assādo.
தத்த² கதமங் அஸ்ஸாதோ³ ச நிஸ்ஸரணஞ்ச?
Tattha katamaṃ assādo ca nissaraṇañca?
‘‘ஸுகோ² விபாகோ புஞ்ஞானங், அதி⁴ப்பாயோ ச இஜ்ஜ²தி;
‘‘Sukho vipāko puññānaṃ, adhippāyo ca ijjhati;
கி²ப்பஞ்ச பரமங் ஸந்திங், நிப்³பா³னமதி⁴க³ச்ச²தீ’’தி.
Khippañca paramaṃ santiṃ, nibbānamadhigacchatī’’ti.
யோ ச விபாகோ புஞ்ஞானங் யா ச அதி⁴ப்பாயஸ்ஸ இஜ்ஜ²னா, அயங் அஸ்ஸாதோ³. யங் கி²ப்பஞ்ச பரமங் ஸந்திங் நிப்³பா³னமதி⁴க³ச்ச²தி, இத³ங் நிஸ்ஸரணங்.
Yo ca vipāko puññānaṃ yā ca adhippāyassa ijjhanā, ayaṃ assādo. Yaṃ khippañca paramaṃ santiṃ nibbānamadhigacchati, idaṃ nissaraṇaṃ.
பா³த்திங்ஸாய சேவ மஹாபுரிஸலக்க²ணேஹி ஸமன்னாக³தஸ்ஸ மஹாபுரிஸஸ்ஸ த்³வேயேவ க³தியோ ஹொந்தி, ஸசே அகா³ரங் அஜ்ஜா²வஸதி, ராஜா ஹோதி சக்கவத்தீ யாவ அபி⁴விஜினித்வா அஜ்ஜா²வஸதி அயங் அஸ்ஸாதோ³. ஸசே அகா³ரஸ்மா அனகா³ரியங் பப்³ப³ஜதி ஸப்³பே³ன ஓகே⁴ன 49 நிஸ்ஸரணங் அயங் அஸ்ஸாதோ³ ச நிஸ்ஸரணஞ்ச.
Bāttiṃsāya ceva mahāpurisalakkhaṇehi samannāgatassa mahāpurisassa dveyeva gatiyo honti, sace agāraṃ ajjhāvasati, rājā hoti cakkavattī yāva abhivijinitvā ajjhāvasati ayaṃ assādo. Sace agārasmā anagāriyaṃ pabbajati sabbena oghena 50 nissaraṇaṃ ayaṃ assādo ca nissaraṇañca.
தத்த² கதமோ ஆதீ³னவோ ச நிஸ்ஸரணஞ்ச?
Tattha katamo ādīnavo ca nissaraṇañca?
அனாதா³துங் நிப்³ப³த்ததி, ஜாதிமரணஸங்க²யா.
Anādātuṃ nibbattati, jātimaraṇasaṅkhayā.
புரிமிகாய அட்³ட⁴கா³தா²ய ஜாதிமரணஸம்ப⁴வோ ஆதீ³னவோ. அனாதா³துங் நிப்³ப³த்ததி ஜாதிமரணஸங்க²யாதி நிஸ்ஸரணங்.
Purimikāya aḍḍhagāthāya jātimaraṇasambhavo ādīnavo. Anādātuṃ nibbattati jātimaraṇasaṅkhayāti nissaraṇaṃ.
கிச்ச²ங் வதாயங் லோகோ ஆபன்னோ யமித³ங் ஜாயதே ச மீயதே ச. யாவ குத³ஸ்ஸுனாமஸ்ஸ து³க்க²ஸ்ஸ அந்தோ ப⁴விஸ்ஸதி பரதோ வாதி எத்த² யா உபரிக்கா², அயங் ஆதீ³னவோ. யோ கே³த⁴ங் ஞத்வா அபி⁴னிக்க²மதி யாவ புராணகாய ராஜதா⁴னியா, இத³ங் நிஸ்ஸரணங். அயங் ஆதீ³னவோ ச நிஸ்ஸரணஞ்ச.
Kicchaṃ vatāyaṃ loko āpanno yamidaṃ jāyate ca mīyate ca. Yāva kudassunāmassa dukkhassa anto bhavissati parato vāti ettha yā uparikkhā, ayaṃ ādīnavo. Yo gedhaṃ ñatvā abhinikkhamati yāva purāṇakāya rājadhāniyā, idaṃ nissaraṇaṃ. Ayaṃ ādīnavo ca nissaraṇañca.
தத்த² கதமோ அஸ்ஸாதோ³ ச ஆதீ³னவோ ச நிஸ்ஸரணஞ்ச?
Tattha katamo assādo ca ādīnavo ca nissaraṇañca?
காமா ஹி சித்ரா விவிதா⁴ 53 மனோரமா, விரூபரூபேஹி மதெ²ந்தி சித்தங்;
Kāmā hi citrā vividhā 54 manoramā, virūparūpehi mathenti cittaṃ;
தஸ்மா அஹங் 55 பப்³ப³ஜிதொம்ஹி ராஜ, அபண்ணகங் ஸாமஞ்ஞமேவ ஸெய்யோ.
Tasmā ahaṃ 56 pabbajitomhi rāja, apaṇṇakaṃ sāmaññameva seyyo.
யங் ‘‘காமா ஹி சித்ரா விவிதா⁴ மனோரமா’’தி அயங் அஸ்ஸாதோ³. யங் ‘‘விரூபரூபேஹி மதெ²ந்தி சித்த’’ந்தி அயங் ஆதீ³னவோ. யங் அஹங் அகா³ரஸ்மா பப்³ப³ஜிதொம்ஹி ராஜ அபண்ணகங் ஸாமஞ்ஞமேவ ஸெய்யோதி இத³ங் நிஸ்ஸரணங்.
Yaṃ ‘‘kāmā hi citrā vividhā manoramā’’ti ayaṃ assādo. Yaṃ ‘‘virūparūpehi mathenti citta’’nti ayaṃ ādīnavo. Yaṃ ahaṃ agārasmā pabbajitomhi rāja apaṇṇakaṃ sāmaññameva seyyoti idaṃ nissaraṇaṃ.
ப³லவங் பா³லோபமஸுத்தங் யங் ஆஸாய வா வேத³னீயங் கம்மங் கா³ஹதி, ததா² சேபி யங் யங் பாபகம்மங் அனுபோ⁴தி, தத்த² து³க்க²வேத³னீயேன கம்மேன அபா⁴விதகாயேன ச யாவ பரித்தசேதஸோ ச ஆதீ³னவங் த³ஸ்ஸேதி ஸுக²வேத³னீயேன கம்மேன அஸ்ஸாதே³தி. யங் புராஸதி³ஸோ ஹோதி. பா⁴விதசித்தோ பா⁴விதகாயோ பா⁴விதபஞ்ஞோ மஹானாமோ அபரித்தசேதஸோ, இத³ங் நிஸ்ஸரணங்.
Balavaṃ bālopamasuttaṃ yaṃ āsāya vā vedanīyaṃ kammaṃ gāhati, tathā cepi yaṃ yaṃ pāpakammaṃ anubhoti, tattha dukkhavedanīyena kammena abhāvitakāyena ca yāva parittacetaso ca ādīnavaṃ dasseti sukhavedanīyena kammena assādeti. Yaṃ purāsadiso hoti. Bhāvitacitto bhāvitakāyo bhāvitapañño mahānāmo aparittacetaso, idaṃ nissaraṇaṃ.
24. தத்த² கதமங் லோகிகங் ஸுத்தங்?
24. Tattha katamaṃ lokikaṃ suttaṃ?
ந ஹி பாபங் கதங் கம்மங், ஸஜ்ஜுகீ²ரங்வ முச்சதி;
Na hi pāpaṃ kataṃ kammaṃ, sajjukhīraṃva muccati;
சத்தாரி அக³திக³மனானி, இத³ங் லோகிகங் ஸுத்தங்.
Cattāri agatigamanāni, idaṃ lokikaṃ suttaṃ.
தத்த² கதமங் லோகுத்தரங் ஸுத்தங்?
Tattha katamaṃ lokuttaraṃ suttaṃ?
‘‘யஸ்ஸிந்த்³ரியானி ஸமத²ங்க³தானி 59, அஸ்ஸா யதா² ஸாரதி²னா ஸுத³ந்தா;
‘‘Yassindriyāni samathaṅgatāni 60, assā yathā sārathinā sudantā;
பஹீனமானஸ்ஸ அனாஸவஸ்ஸ, தே³வாபி தஸ்ஸ பிஹயந்தி தாதி³னோ’’தி.
Pahīnamānassa anāsavassa, devāpi tassa pihayanti tādino’’ti.
‘‘அரியங் வோ, பி⁴க்க²வே, ஸம்மாஸமாதி⁴ங் தே³ஸெஸ்ஸாமீ’’தி இத³ங் லோகுத்தரங் ஸுத்தங்.
‘‘Ariyaṃ vo, bhikkhave, sammāsamādhiṃ desessāmī’’ti idaṃ lokuttaraṃ suttaṃ.
தத்த² கதமங் லோகிகங் லோகுத்தரஞ்ச ஸுத்தங்?
Tattha katamaṃ lokikaṃ lokuttarañca suttaṃ?
ஸத்தியா விய ஓமட்டோ², த³ய்ஹமானோவ மத்த²கே;
Sattiyā viya omaṭṭho, dayhamānova matthake;
காமராக³ப்பஹானாய, ஸதோ பி⁴க்கு² பரிப்³ப³ஜே.
Kāmarāgappahānāya, sato bhikkhu paribbaje.
‘‘ஸத்தியா விய ஓமட்டோ², த³ய்ஹமானோவ மத்த²கே’’தி லோகிகங்;
‘‘Sattiyā viya omaṭṭho, dayhamānova matthake’’ti lokikaṃ;
‘‘காமராக³ப்பஹானாய, ஸதோ பி⁴க்கு² பரிப்³ப³ஜே’’தி லோகுத்தரங்;
‘‘Kāmarāgappahānāya, sato bhikkhu paribbaje’’ti lokuttaraṃ;
கப³ளீகாரே ஆஹாரே அத்தி² ச²ந்தோ³தி லோகிகங். நத்தி² ச²ந்தோ³தி லோகுத்தரங் ஸுத்தங்.
Kabaḷīkāre āhāre atthi chandoti lokikaṃ. Natthi chandoti lokuttaraṃ suttaṃ.
தத்த² கதமங் கம்மங்?
Tattha katamaṃ kammaṃ?
யோ பாணமதிபாதேதி, முஸாவாத³ஞ்ச பா⁴ஸதி;
Yo pāṇamatipāteti, musāvādañca bhāsati;
ஸுராமேரயபானஞ்ச, யோ நரோ அனுயுஞ்ஜதி;
Surāmerayapānañca, yo naro anuyuñjati;
அப்பஹாய பஞ்ச வேரானி, து³ஸ்ஸீலோ இதி வுச்சதி.
Appahāya pañca verāni, dussīlo iti vuccati.
தீணிமானி, பி⁴க்க²வே, து³ச்சரிதானி. இத³ங் கம்மங்.
Tīṇimāni, bhikkhave, duccaritāni. Idaṃ kammaṃ.
தத்த² கதமோ விபாகோ?
Tattha katamo vipāko?
ஸட்டி²வஸ்ஸஸஹஸ்ஸானி, யதா²ரூபீ விபச்சகா³.
Saṭṭhivassasahassāni, yathārūpī vipaccagā.
‘‘தி³ட்டா² மயா, பி⁴க்க²வே 63, ச² ப²ஸ்ஸாயதனிகா நாம நிரயா. தி³ட்டா² மயா, பி⁴க்க²வே, ச² ப²ஸ்ஸாயதனிகா நாம ஸக்³கா³’’. அயங் விபாகோ.
‘‘Diṭṭhā mayā, bhikkhave 64, cha phassāyatanikā nāma nirayā. Diṭṭhā mayā, bhikkhave, cha phassāyatanikā nāma saggā’’. Ayaṃ vipāko.
தத்த² கதமங் கம்மஞ்ச விபாகோ ச?
Tattha katamaṃ kammañca vipāko ca?
அயஸாவ மலங் ஸமுட்டி²தங், ததுட்டா²ய தமேவ கா²த³தி;
Ayasāva malaṃ samuṭṭhitaṃ, tatuṭṭhāya tameva khādati;
ஏவங் அதிதோ⁴னசாரினங், ஸானி கம்மானி நயந்தி து³க்³க³திங்.
Evaṃ atidhonacārinaṃ, sāni kammāni nayanti duggatiṃ.
அயஸாவ மலங் ஸமுட்டி²தங், யாவ ஸானி கம்மானீதி இத³ங் கம்மங். நயந்தி து³க்³க³திந்தி விபாகோ.
Ayasāva malaṃ samuṭṭhitaṃ, yāva sāni kammānīti idaṃ kammaṃ. Nayanti duggatinti vipāko.
சதூஸு ஸம்மாபடிபஜ்ஜமானோ மாதரி பிதரி ததா²க³தே ததா²க³தஸாவகே யா ஸம்மாபடிபத்தி, இத³ங் கம்மங். யங் தே³வேஸு உபபஜ்ஜதி, அயங் விபாகோ. இத³ங் கம்மஞ்ச விபாகோ ச.
Catūsu sammāpaṭipajjamāno mātari pitari tathāgate tathāgatasāvake yā sammāpaṭipatti, idaṃ kammaṃ. Yaṃ devesu upapajjati, ayaṃ vipāko. Idaṃ kammañca vipāko ca.
25. தத்த² கதமங் நித்³தி³ட்ட²ங் ஸுத்தங்?
25. Tattha katamaṃ niddiṭṭhaṃ suttaṃ?
அனீக⁴ங் பஸ்ஸ ஆயந்தங், சி²ன்னஸோதங் அப³ந்த⁴னங்;
Anīghaṃ passa āyantaṃ, chinnasotaṃ abandhanaṃ;
யங் வா சித்தங் ஸமணேஸு, சித்தாக³ஹபதி தி³ஸ்ஸதி.
Yaṃ vā cittaṃ samaṇesu, cittāgahapati dissati.
ஏவங் இமாய கா³தா²ய நித்³தி³ட்டோ² அத்தோ².
Evaṃ imāya gāthāya niddiṭṭho attho.
கோ³பாலகோபமே ஏகாத³ஸ பதா³னி. ஏவங் கோ², பி⁴க்க²வே, பி⁴க்கு² ரூபஞ்ஞூ ஹோதி. யா ச அதிரேகபூஜாய பூஜேதா ஹோதீதி. இமானி ஏகாத³ஸ பதா³னி யதா²பா⁴ஸிதானி நித்³தி³ட்டோ² அத்தோ².
Gopālakopame ekādasa padāni. Evaṃ kho, bhikkhave, bhikkhu rūpaññū hoti. Yā ca atirekapūjāya pūjetā hotīti. Imāni ekādasa padāni yathābhāsitāni niddiṭṭho attho.
தத்த² கதமோ அனித்³தி³ட்டோ² அத்தோ²?
Tattha katamo aniddiṭṭho attho?
ஸுகோ² விவேகோ துட்ட²ஸ்ஸ, ஸுதத⁴ம்மஸ்ஸ பஸ்ஸதோ;
Sukho viveko tuṭṭhassa, sutadhammassa passato;
ஸுகா² விராக³தா லோகே, காமானங் ஸமதிக்கமோ;
Sukhā virāgatā loke, kāmānaṃ samatikkamo;
அஸ்மிமானஸ்ஸ யோ வினயோ, ஏதங் வே பரமங் ஸுக²ந்தி.
Asmimānassa yo vinayo, etaṃ ve paramaṃ sukhanti.
இத³ங் அனித்³தி³ட்ட²ங். அட்ட² மஹாபுரிஸவிதக்கா. இத³ங் அனித்³தி³ட்ட²ங்.
Idaṃ aniddiṭṭhaṃ. Aṭṭha mahāpurisavitakkā. Idaṃ aniddiṭṭhaṃ.
தத்த² கதமங் நித்³தி³ட்ட²ஞ்ச அனித்³தி³ட்ட²ஞ்ச?
Tattha katamaṃ niddiṭṭhañca aniddiṭṭhañca?
மஜ்ஜே² ஸமணஸங்க⁴ஸ்ஸ, ஆதி³ச்சோவ விரோசஸி.
Majjhe samaṇasaṅghassa, ādiccova virocasi.
பஸன்னநெத்தோ யாவ ஆதி³ச்சோவ விரோசஸீதி நித்³தி³ட்டோ². பஸன்னநெத்தோ யோ ப⁴க³வா கத²ஞ்ச பன பஸன்னநெத்ததா, கத²ங் ஸுமுக²தா, கத²ங் ப்³ரஹகாயதா, கத²ங் உஜுகதா, கத²ங் பதாபவதா, கத²ங் விரோசதாதி அனித்³தி³ட்டோ². பே²ணபிண்டோ³பமங் வெய்யாகரணங் யதா² பே²ணபிண்டோ³ ஏவங் ரூபங் யதா² புப்³பு³ளோ ஏவங் வேத³னா மாயா விஞ்ஞாணங் பஞ்சக்க²ந்தா⁴ பஞ்சஹி உபமாஹி நித்³தி³ட்டா². கேன காரணேன பே²ணபிண்டோ³பமங் ரூபங் ஸப்³ப³ஞ்ச சக்கு²விஞ்ஞெய்யங் யங் வா சதூஹி ஆயதனேஹி? கத²ங் வேத³னா புப்³பு³ளூபமா? கதரா ச ஸா வேத³னா ஸுகா² து³க்கா² அது³க்க²மஸுகா²? ஏவமேஸா அனித்³தி³ட்டா². ஏவங் நித்³தி³ட்ட²ஞ்ச அனித்³தி³ட்ட²ஞ்ச.
Pasannanetto yāva ādiccova virocasīti niddiṭṭho. Pasannanetto yo bhagavā kathañca pana pasannanettatā, kathaṃ sumukhatā, kathaṃ brahakāyatā, kathaṃ ujukatā, kathaṃ patāpavatā, kathaṃ virocatāti aniddiṭṭho. Pheṇapiṇḍopamaṃ veyyākaraṇaṃ yathā pheṇapiṇḍo evaṃ rūpaṃ yathā pubbuḷo evaṃ vedanā māyā viññāṇaṃ pañcakkhandhā pañcahi upamāhi niddiṭṭhā. Kena kāraṇena pheṇapiṇḍopamaṃ rūpaṃ sabbañca cakkhuviññeyyaṃ yaṃ vā catūhi āyatanehi? Kathaṃ vedanā pubbuḷūpamā? Katarā ca sā vedanā sukhā dukkhā adukkhamasukhā? Evamesā aniddiṭṭhā. Evaṃ niddiṭṭhañca aniddiṭṭhañca.
26. தத்த² கதமங் ஞாணங்?
26. Tattha katamaṃ ñāṇaṃ?
பஞ்ஞா ஹி ஸெட்டா² லோகஸ்மிங், யாயங் நிப்³பே³த⁴கா³மினீ;
Paññā hi seṭṭhā lokasmiṃ, yāyaṃ nibbedhagāminī;
தீணிமானி இந்த்³ரியானி அனஞ்ஞாதஞ்ஞஸ்ஸாமீதிந்த்³ரியங் அஞ்ஞிந்த்³ரியங் அஞ்ஞாதாவிந்த்³ரியங், இத³ங் ஞாணங்.
Tīṇimāni indriyāni anaññātaññassāmītindriyaṃ aññindriyaṃ aññātāvindriyaṃ, idaṃ ñāṇaṃ.
தத்த² கதமங் நெய்யங்?
Tattha katamaṃ neyyaṃ?
காமேஸு 73 ஸத்தா காமஸங்க³ஸத்தா, ஸங்யோஜனே வஜ்ஜமபஸ்ஸமானா;
Kāmesu 74 sattā kāmasaṅgasattā, saṃyojane vajjamapassamānā;
ந ஹி ஜாது ஸங்யோஜனஸங்க³ஸத்தா, ஓக⁴ங் தரெய்யுங் விபுலங் மஹந்தங்.
Na hi jātu saṃyojanasaṅgasattā, oghaṃ tareyyuṃ vipulaṃ mahantaṃ.
சதூஹி அங்கே³ஹி ஸமன்னாக³தா காயஸ்ஸ பே⁴தா³ தே³வேஸு உப்பஜ்ஜந்தி. உதா³னே காபியங் ஸுத்தங் அபண்ணகபஸாத³னீயங் – இத³ங் நெய்யங்.
Catūhi aṅgehi samannāgatā kāyassa bhedā devesu uppajjanti. Udāne kāpiyaṃ suttaṃ apaṇṇakapasādanīyaṃ – idaṃ neyyaṃ.
தத்த² கதமங் ஞாணஞ்ச நெய்யஞ்ச?
Tattha katamaṃ ñāṇañca neyyañca?
ஸப்³பே³ த⁴ம்மா அனத்தாதி, யதா³ பஞ்ஞாய பஸ்ஸதி;
Sabbe dhammā anattāti, yadā paññāya passati;
அத² நிப்³பி³ந்த³தி து³க்கே², ஏஸ மக்³கோ³ விஸுத்³தி⁴யா.
Atha nibbindati dukkhe, esa maggo visuddhiyā.
யதா³ பஸ்ஸதீதி ஞாணங். யோ ஸப்³ப³த⁴ம்மே அனத்தாகாரேன உபட்ட²பேதி இத³ங் நெய்யங்.
Yadā passatīti ñāṇaṃ. Yo sabbadhamme anattākārena upaṭṭhapeti idaṃ neyyaṃ.
சத்தாரி அரியஸச்சானி, தத்த² தீணி நெய்யானி மக்³க³ஸச்சங் ஸீலக்க²ந்தோ⁴ ச பஞ்ஞாக்க²ந்தோ⁴ ச, இத³ங் ஞாணஞ்ச நெய்யஞ்ச.
Cattāri ariyasaccāni, tattha tīṇi neyyāni maggasaccaṃ sīlakkhandho ca paññākkhandho ca, idaṃ ñāṇañca neyyañca.
27. தத்த² கதமங் த³ஸ்ஸனங்?
27. Tattha katamaṃ dassanaṃ?
ஏதஞ்ஹி தும்ஹே படிபஜ்ஜத², மாரஸ்ஸேதங் பமோஹனங்.
Etañhi tumhe paṭipajjatha, mārassetaṃ pamohanaṃ.
சதூஹி அங்கே³ஹி ஸமன்னாக³தோ அரியஸாவகோ அத்தனாவ 77 அத்தானங் ப்³யாகரெய்ய ‘‘கீ²ணனிரயொம்ஹி யாவ ஸோதாபன்னோஹமஸ்மி அவினிபாதத⁴ம்மோ நியதோ ஸம்போ³தி⁴பராயணோ’’தி. இத³ங் த³ஸ்ஸனங்.
Catūhi aṅgehi samannāgato ariyasāvako attanāva 78 attānaṃ byākareyya ‘‘khīṇanirayomhi yāva sotāpannohamasmi avinipātadhammo niyato sambodhiparāyaṇo’’ti. Idaṃ dassanaṃ.
தத்த² கதமா பா⁴வனா?
Tattha katamā bhāvanā?
யஸ்ஸிந்த்³ரியானி ஸுபா⁴விதானி, அஜ்ஜ²த்தங் ப³ஹித்³தா⁴ ச ஸப்³ப³லோகே;
Yassindriyāni subhāvitāni, ajjhattaṃ bahiddhā ca sabbaloke;
ஸோ புக்³க³லோ மதி ச ரூபஸஞ்ஞீ, ஸுமோஹக³தா ந ஜானாதி 79.
So puggalo mati ca rūpasaññī, sumohagatā na jānāti 80.
சத்தாரி த⁴ம்மபதா³னி – அனபி⁴ஜ்ஜா² அப்³யாபாதோ³ ஸம்மாஸதி ஸம்மாஸமாதி⁴. அயங் பா⁴வனா.
Cattāri dhammapadāni – anabhijjhā abyāpādo sammāsati sammāsamādhi. Ayaṃ bhāvanā.
தத்த² கதமங் த³ஸ்ஸனஞ்ச பா⁴வனா ச?
Tattha katamaṃ dassanañca bhāvanā ca?
வசஸா மனஸாத² கம்முனா ச, அவிருத்³தோ⁴ ஸம்மா விதி³த்வா 81 த⁴ம்மங்;
Vacasā manasātha kammunā ca, aviruddho sammā viditvā 82 dhammaṃ;
நிப்³பா³னபதா³பி⁴பத்த²யானோ, ஸம்மா ஸோ லோகே பரிப்³ப³ஜெய்ய.
Nibbānapadābhipatthayāno, sammā so loke paribbajeyya.
ஸோதாபத்திப²லங் ஸச்சி²காதுகாமேன கதமே த⁴ம்மா மனஸிகாதப்³பா³, ப⁴க³வா ஆஹ பஞ்சுபாதா³னக்க²ந்தா⁴. இத³ங் த³ஸ்ஸனஞ்ச பா⁴வனா ச.
Sotāpattiphalaṃ sacchikātukāmena katame dhammā manasikātabbā, bhagavā āha pañcupādānakkhandhā. Idaṃ dassanañca bhāvanā ca.
28. தத்த² கதமே விபாகத⁴ம்மத⁴ம்மா?
28. Tattha katame vipākadhammadhammā?
யானி கரோதி புரிஸோதி வித்தா²ரோ. தீணிமானி, பி⁴க்க²வே, ஸுசரிதானி. இமே விபாகத⁴ம்மத⁴ம்மா.
Yāni karoti purisoti vitthāro. Tīṇimāni, bhikkhave, sucaritāni. Ime vipākadhammadhammā.
தத்த² கதமே நவிபாகத⁴ம்மத⁴ம்மா?
Tattha katame navipākadhammadhammā?
ரூபங் வேத³யிதங் ஸஞ்ஞா, விஞ்ஞாணங் யா சேவ சேதனா;
Rūpaṃ vedayitaṃ saññā, viññāṇaṃ yā ceva cetanā;
நேஸோஹமஸ்மி ந மேஸோ அத்தா, இதி தி³ட்டோ² விரஜ்ஜதி.
Nesohamasmi na meso attā, iti diṭṭho virajjati.
பஞ்சிமே, பி⁴க்க²வே, க²ந்தா⁴ – இமே நவிபாகத⁴ம்மத⁴ம்மா.
Pañcime, bhikkhave, khandhā – ime navipākadhammadhammā.
தத்த² கதமோ நேவவிபாகோ நவிபாகத⁴ம்மத⁴ம்மோ?
Tattha katamo nevavipāko navipākadhammadhammo?
‘‘யே ஏவங் படிபஜ்ஜந்தி, நயங் பு³த்³தே⁴ன தே³ஸிதங்;
‘‘Ye evaṃ paṭipajjanti, nayaṃ buddhena desitaṃ;
தே து³க்க²ஸ்ஸந்தங் கரிஸ்ஸந்தி, ஸத்து²ஸாஸனகாரகா’’தி.
Te dukkhassantaṃ karissanti, satthusāsanakārakā’’ti.
இதி யா ச ஸம்மாபடிபத்தி யோ ச நிரோதோ⁴, உப⁴யமேதங் நேவவிபாகோ நவிபாகத⁴ம்மோ. ப்³ரஹ்மசரியங் வோ, பி⁴க்க²வே, தே³ஸெஸ்ஸாமி, ப்³ரஹ்மசரியப²லானி ச ப்³ரஹ்மசரியஞ்ச அரியோ அட்ட²ங்கி³கோ மக்³கோ³ ப்³ரஹ்மசரியப²லானி ஸோதாபத்திப²லங் யாவ அரஹத்தங்.
Iti yā ca sammāpaṭipatti yo ca nirodho, ubhayametaṃ nevavipāko navipākadhammo. Brahmacariyaṃ vo, bhikkhave, desessāmi, brahmacariyaphalāni ca brahmacariyañca ariyo aṭṭhaṅgiko maggo brahmacariyaphalāni sotāpattiphalaṃ yāva arahattaṃ.
29. தத்த² கதமங் ஸகவசனங்?
29. Tattha katamaṃ sakavacanaṃ?
ஸப்³ப³பாபஸ்ஸ அகரணங், குஸலஸ்ஸ உபஸம்பதா³;
Sabbapāpassa akaraṇaṃ, kusalassa upasampadā;
ஸசித்தபரியோத³பனங், ஏதங் பு³த்³தா⁴ன ஸாஸனங்.
Sacittapariyodapanaṃ, etaṃ buddhāna sāsanaṃ.
தீணிமானி, பி⁴க்க²வே, விமொக்க²முகா²னி. இத³ங் ஸகவசனங்.
Tīṇimāni, bhikkhave, vimokkhamukhāni. Idaṃ sakavacanaṃ.
தத்த² கதமங் பரவசனங்?
Tattha katamaṃ paravacanaṃ?
நத்தி² புத்தஸமங் பேமங், நத்தி² கோ³ணஸமிதங் த⁴னங்;
Natthi puttasamaṃ pemaṃ, natthi goṇasamitaṃ dhanaṃ;
நத்தி² ஸூரியஸமா ஆபா⁴, ஸமுத்³த³பரமா ஸரா.
Natthi sūriyasamā ābhā, samuddaparamā sarā.
ஹேதுனா மாரிஸா கோஸியா ஸுபா⁴ஸிதேன ஸங்கா³மவிஜயோ ஸோபி நாம, பி⁴க்க²வே, ஸக்கோ தே³வானமிந்தோ³ ஸகங் ப²லங் பரிபு⁴ஞ்ஜமானோதி வித்தா²ரேன காதப்³ப³ங். இத³ங் பரவசனங்.
Hetunā mārisā kosiyā subhāsitena saṅgāmavijayo sopi nāma, bhikkhave, sakko devānamindo sakaṃ phalaṃ paribhuñjamānoti vitthārena kātabbaṃ. Idaṃ paravacanaṃ.
தத்த² கதமங் ஸகவசனஞ்ச பரவசனஞ்ச?
Tattha katamaṃ sakavacanañca paravacanañca?
‘‘யங் பத்தங் யஞ்ச பத்தப்³ப³ங், உப⁴யமேதங் ரஜானுகிண்ணங்;
‘‘Yaṃ pattaṃ yañca pattabbaṃ, ubhayametaṃ rajānukiṇṇaṃ;
யே ஏவங்வாதி³னோ நத்தி², தேஸங் காமேஸு தோ³ஸோ’’தி.
Ye evaṃvādino natthi, tesaṃ kāmesu doso’’ti.
இத³ங் பரவசனங். யே ச கோ² தே உபோ⁴ அந்தே அனுபக³ம்ம வட்டங் தேஸங் நத்தி² பஞ்ஞாபனாய. இத³ங் ஸகவசனங்.
Idaṃ paravacanaṃ. Ye ca kho te ubho ante anupagamma vaṭṭaṃ tesaṃ natthi paññāpanāya. Idaṃ sakavacanaṃ.
‘‘நந்த³தி புத்தேஹி புத்திமா, கோ³மா கோ³ஹி 83 ததே²வ நந்த³தி;
‘‘Nandati puttehi puttimā, gomā gohi 84 tatheva nandati;
உபதீ⁴ ஹி நரஸ்ஸ நந்த³னா, ந ஹி ஸோ நந்த³தி யோ நிரூபதீ⁴’’தி – பரவசனங்.
Upadhī hi narassa nandanā, na hi so nandati yo nirūpadhī’’ti – paravacanaṃ.
‘‘ஸோசதி புத்தேஹி புத்திமா, கோ³மா கோ³ஹி ததே²வ ஸோசதி;
‘‘Socati puttehi puttimā, gomā gohi tatheva socati;
உபதீ⁴ ஹி நரஸ்ஸ ஸோசனா, ந ஹி ஸோ ஸோசதி யோ நிரூபதீ⁴’’தி – ஸகவசனங்.
Upadhī hi narassa socanā, na hi so socati yo nirūpadhī’’ti – sakavacanaṃ.
இத³ங் ஸகவசனங் பரவசனஞ்ச.
Idaṃ sakavacanaṃ paravacanañca.
30. தத்த² கதமங் ஸத்தாதி⁴ட்டா²னங்?
30. Tattha katamaṃ sattādhiṭṭhānaṃ?
யே கேசி பூ⁴தா ப⁴விஸ்ஸந்தி யே வாபி, ஸப்³பே³ க³மிஸ்ஸந்தி பஹாய தே³ஹங்;
Ye keci bhūtā bhavissanti ye vāpi, sabbe gamissanti pahāya dehaṃ;
தங் ஸப்³ப³ஜானிங் குஸலோ விதி³த்வா, த⁴ம்மே 85 டி²தோ ப்³ரஹ்மசரியங் சரெய்ய.
Taṃ sabbajāniṃ kusalo viditvā, dhamme 86 ṭhito brahmacariyaṃ careyya.
தயோமே, பி⁴க்க²வே, ஸத்தா²ரோ, ததா²க³தோ அரஹங் ஸெக்கோ² படிபதோ³. இத³ங் ஸத்தாதி⁴ட்டா²னங்.
Tayome, bhikkhave, satthāro, tathāgato arahaṃ sekkho paṭipado. Idaṃ sattādhiṭṭhānaṃ.
தத்த² கதமங் த⁴ம்மாதி⁴ட்டா²னங்?
Tattha katamaṃ dhammādhiṭṭhānaṃ?
யஞ்ச காமஸுக²ங் 87 லோகே, யஞ்சித³ங் தி³வியங் ஸுக²ங்;
Yañca kāmasukhaṃ 88 loke, yañcidaṃ diviyaṃ sukhaṃ;
தண்ஹக்க²யஸுக²ஸ்ஸேதே, கலங் நாக்³க⁴ந்தி ஸோளஸிங்.
Taṇhakkhayasukhassete, kalaṃ nāgghanti soḷasiṃ.
ஸத்திமே , பி⁴க்க²வே, பொ³ஜ்ஜ²ங்கா³, இத³ங் த⁴ம்மாதி⁴ட்டா²னங்.
Sattime , bhikkhave, bojjhaṅgā, idaṃ dhammādhiṭṭhānaṃ.
தத்த² கதமங் ஸத்தாதி⁴ட்டா²னஞ்ச த⁴ம்மாதி⁴ட்டா²னஞ்ச? து³த்³த³ஸமந்தங் ஸச்சங் து³த்³த³ஸோ படிவேதோ⁴ பா³லேஹி, ஜானதோ பஸ்ஸதோ நத்தி² நந்தீ³தி வதா³மி. து³த்³த³ஸமந்தங் ஸச்சங் து³த்³த³ஸோ படிவேதோ⁴ பா³லேஹீதி த⁴ம்மாதி⁴ட்டா²னங். ஜானதோ பஸ்ஸதோ நத்தி² நந்தீ³தி ஸத்தாதி⁴ட்டா²னங். தா³ருக்க²ந்தோ⁴பமங் க³ங்கா³ய தீரியா ஓரிமஞ்ச தீரங் பாரிமஞ்ச தீரங் த²லே வா 89 ந ச உஸ்ஸீத³னங், மஜ்ஜே² ச ந ஸங்ஸீத³னங் மனுஸ்ஸக்³கா³ஹோ ச அமனுஸ்ஸக்³கா³ஹோ ச அந்தோபூதிபா⁴வோ ச, இத³ங் த⁴ம்மாதி⁴ட்டா²னங். ஏவங் பன பி⁴க்கு² நிப்³பா³னநின்னோ ப⁴விஸ்ஸதி நிப்³பா³னபராயணோதி ஸத்தாதி⁴ட்டா²னங். இத³ங் ஸத்தாதி⁴ட்டா²னஞ்ச த⁴ம்மாதி⁴ட்டா²னஞ்ச.
Tattha katamaṃ sattādhiṭṭhānañca dhammādhiṭṭhānañca? Duddasamantaṃ saccaṃ duddaso paṭivedho bālehi, jānato passato natthi nandīti vadāmi. Duddasamantaṃ saccaṃ duddaso paṭivedho bālehīti dhammādhiṭṭhānaṃ. Jānato passato natthi nandīti sattādhiṭṭhānaṃ. Dārukkhandhopamaṃ gaṅgāya tīriyā orimañca tīraṃ pārimañca tīraṃ thale vā 90 na ca ussīdanaṃ, majjhe ca na saṃsīdanaṃ manussaggāho ca amanussaggāho ca antopūtibhāvo ca, idaṃ dhammādhiṭṭhānaṃ. Evaṃ pana bhikkhu nibbānaninno bhavissati nibbānaparāyaṇoti sattādhiṭṭhānaṃ. Idaṃ sattādhiṭṭhānañca dhammādhiṭṭhānañca.
தத்த² கதமோ த²வோ?
Tattha katamo thavo?
மக்³கா³னட்ட²ங்கி³கோ ஸெட்டோ², ஸச்சானங் சதுரோ பதா³;
Maggānaṭṭhaṅgiko seṭṭho, saccānaṃ caturo padā;
விராகோ³ ஸெட்டோ² த⁴ம்மானங், த்³விபதா³னஞ்ச சக்கு²மா.
Virāgo seṭṭho dhammānaṃ, dvipadānañca cakkhumā.
தீணிமானி, பி⁴க்க²வே, அக்³கா³னி – பு³த்³தோ⁴ ஸத்தானங், விராகோ³ த⁴ம்மானங், ஸங்கோ⁴ க³ணானங். அயங் த²வோ.
Tīṇimāni, bhikkhave, aggāni – buddho sattānaṃ, virāgo dhammānaṃ, saṅgho gaṇānaṃ. Ayaṃ thavo.
31. தத்த² கதமங் அனுஞ்ஞாதங்?
31. Tattha katamaṃ anuññātaṃ?
மனஸா ஸங்வரோ ஸாது⁴, ஸாது⁴ ஸப்³ப³த்த² ஸங்வுதோ;
Manasā saṃvaro sādhu, sādhu sabbattha saṃvuto;
ஸப்³ப³த்த² ஸங்வுதோ பி⁴க்கு², ஸப்³ப³து³க்கா² பமுச்சதி.
Sabbattha saṃvuto bhikkhu, sabbadukkhā pamuccati.
இத³ங் ப⁴க³வதா அனுஞ்ஞாதங்.
Idaṃ bhagavatā anuññātaṃ.
தீணிமானி, பி⁴க்க²வே, கரணீயானி – காயஸுசரிதங் வசீஸுசரிதங் மனோஸுசரிதங். இத³ங் அனுஞ்ஞாதங்.
Tīṇimāni, bhikkhave, karaṇīyāni – kāyasucaritaṃ vacīsucaritaṃ manosucaritaṃ. Idaṃ anuññātaṃ.
தத்த² கதமங் படிக்கி²த்தங்?
Tattha katamaṃ paṭikkhittaṃ?
நத்தி² புத்தஸமங் பேமங். வித்தா²ரோ இத³ங் படிக்கி²த்தங்.
Natthi puttasamaṃ pemaṃ. Vitthāro idaṃ paṭikkhittaṃ.
தீணிமானி, பி⁴க்க²வே, அகரணீயானி ஸயங் அபி⁴ஞ்ஞாய தே³ஸிதானி. கதமானி தீணி? காயது³ச்சரிதங் வசீது³ச்சரிதங் மனோது³ச்சரிதங். இத³ங் படிக்கி²த்தங்.
Tīṇimāni, bhikkhave, akaraṇīyāni sayaṃ abhiññāya desitāni. Katamāni tīṇi? Kāyaduccaritaṃ vacīduccaritaṃ manoduccaritaṃ. Idaṃ paṭikkhittaṃ.
தத்த² கதமங் அனுஞ்ஞாதஞ்ச படிக்கி²த்தஞ்ச?
Tattha katamaṃ anuññātañca paṭikkhittañca?
காயேன குஸலங் கரே, அஸ்ஸ காயேன ஸங்வுதோ;
Kāyena kusalaṃ kare, assa kāyena saṃvuto;
காயது³ச்சரிதங் ஹித்வா, காயஸுசரிதங் சரே.
Kāyaduccaritaṃ hitvā, kāyasucaritaṃ care.
த்³வீஹி பட²மபதே³ஹி சதுத்தே²ன ச பதே³ன அனுஜானாதி. காயது³ச்சரிதங் ஹித்வாதி ததியேன பதே³ன படிக்கி²த்தந்தி. மஹாவிப⁴ங்கோ³ அசிரதபானாதோ³.
Dvīhi paṭhamapadehi catutthena ca padena anujānāti. Kāyaduccaritaṃ hitvāti tatiyena padena paṭikkhittanti. Mahāvibhaṅgo aciratapānādo.
தத்தி²மா உத்³தா³னகா³தா²
Tatthimā uddānagāthā
ஸசே பா⁴யஸி து³க்க²ஸ்ஸ, மாபி⁴னந்தி³ அனாக³தங்;
Sace bhāyasi dukkhassa, mābhinandi anāgataṃ;
வஸ்ஸகாலே யதா² ச²த்தங், குஸலானி கமத்த²கே.
Vassakāle yathā chattaṃ, kusalāni kamatthake.
ஸப்³பே³ த⁴ம்மா அனத்தாதி, ஸமாக³தங் விசாலயே;
Sabbe dhammā anattāti, samāgataṃ vicālaye;
ந வோ து³க்கா² பமொக்கா²த்தி², ஸமதோ² ச விபஸ்ஸனா.
Na vo dukkhā pamokkhātthi, samatho ca vipassanā.
காமச்ச²ந்த³ங் உபாதா³ய, யோ ஸோ விதக்கேஹி க²ஜ்ஜதி;
Kāmacchandaṃ upādāya, yo so vitakkehi khajjati;
ஸுபா⁴விதத்தே பொ³ஜ்ஜ²ங்கே³, ஸோ இமங் விஜடயே ஜடங்.
Subhāvitatte bojjhaṅge, so imaṃ vijaṭaye jaṭaṃ.
ஸுஞ்ஞதோ லோகங் அவெக்க²ஸ்ஸு, ஸமாதி⁴பா⁴வி பா⁴வஸே;
Suññato lokaṃ avekkhassu, samādhibhāvi bhāvase;
காமங் காமயமானஸ்ஸ, த⁴ம்மசரியாய ஸுக³திங்.
Kāmaṃ kāmayamānassa, dhammacariyāya sugatiṃ.
ஹஞ்ஞதே ஸப்³பா³ முச்சேவ, நிப்போடெ²ந்தோ சதுத்³தி³ஸா;
Haññate sabbā mucceva, nippoṭhento catuddisā;
யோ காமே பரிவஜ்ஜேதி, பாரிச²த்தோபமேவ ச.
Yo kāme parivajjeti, pārichattopameva ca.
யானி கரோதி புரிஸோ, லோகத⁴ம்மா பகாஸிதா;
Yāni karoti puriso, lokadhammā pakāsitā;
ஸுகோ² விபாகோ புஞ்ஞானங், ததியங் அஞ்ஞங் ந விஜ்ஜதி.
Sukho vipāko puññānaṃ, tatiyaṃ aññaṃ na vijjati.
ஆதா³னஸ்ஸ ப⁴யங் ஞத்வா, ஜாயதே ஜீயதேபி ச;
Ādānassa bhayaṃ ñatvā, jāyate jīyatepi ca;
காமா ஹி சித்ரா விவிதா⁴, அத² லோணஸல்லோபமங்.
Kāmā hi citrā vividhā, atha loṇasallopamaṃ.
ந ஹி பாபங் கதங் கம்மங், அக³தீஹி ச க³ச்ச²தி;
Na hi pāpaṃ kataṃ kammaṃ, agatīhi ca gacchati;
யஸ்ஸிந்த்³ரியானி ஸமத²ங்க³தானி, ததே²வ பஞ்சஞாணிகோ.
Yassindriyāni samathaṅgatāni, tatheva pañcañāṇiko.
ஸத்தியா விய ஓமட்டோ², விஞ்ஞாணஞ்ச பதிட்டி²தா;
Sattiyā viya omaṭṭho, viññāṇañca patiṭṭhitā;
யோ பாணமதிபாதேதி, தீணி து³ச்சரிதானி ச.
Yo pāṇamatipāteti, tīṇi duccaritāni ca.
ஸட்டி²வஸ்ஸஸஹஸ்ஸானி, க²ணங் லத்³தா⁴ன து³ல்லப⁴ங்;
Saṭṭhivassasahassāni, khaṇaṃ laddhāna dullabhaṃ;
அயஸாவ மலங் ஸமுட்டி²தங், சதூஸு படிபத்திஸு.
Ayasāva malaṃ samuṭṭhitaṃ, catūsu paṭipattisu.
நேலங்கோ³ ஸேதபச்சா²தோ³, அத² கோ³பாலகோபமங்;
Nelaṅgo setapacchādo, atha gopālakopamaṃ;
ஸுகோ² விவேகோ துட்ட²ஸ்ஸ, விதக்கா ச ஸுதே³ஸிதா.
Sukho viveko tuṭṭhassa, vitakkā ca sudesitā.
பே²ணபிண்டோ³பமங் ரூபங், ப்³ரஹா உஜு பதாபவா;
Pheṇapiṇḍopamaṃ rūpaṃ, brahā uju patāpavā;
பஞ்ஞா ஹி ஸெட்டா² லோகஸ்மிங், அனஞ்ஞா தீணி இந்த்³ரியானி.
Paññā hi seṭṭhā lokasmiṃ, anaññā tīṇi indriyāni.
காமேஸு ஸத்தா காமஸங்க³ஸத்தா, அத² வண்ணோ ரஹஸ்ஸவா;
Kāmesu sattā kāmasaṅgasattā, atha vaṇṇo rahassavā;
ஸப்³பே³ த⁴ம்மா அனத்தாதி, அரியஸச்சஞ்ச தே³ஸிதங்.
Sabbe dhammā anattāti, ariyasaccañca desitaṃ.
ஏஸேவ மக்³கோ³ நத்த²ஞ்ஞோ, ஸோதாபன்னோதி ப்³யாகரே;
Eseva maggo natthañño, sotāpannoti byākare;
யஸ்ஸிந்த்³ரியானி ஸுபா⁴விதானி, அத² த⁴ம்மபதே³ஹி ச.
Yassindriyāni subhāvitāni, atha dhammapadehi ca.
வசஸா மனஸா சேவ, பஞ்சக்க²ந்தா⁴ அனிச்சதோ;
Vacasā manasā ceva, pañcakkhandhā aniccato;
யானி கரோதி புரிஸோ, தீணி ஸுசரிதானி ச.
Yāni karoti puriso, tīṇi sucaritāni ca.
ரூபங் வேத³யிதங் ஸஞ்ஞா, பஞ்சக்க²ந்தா⁴ பகாஸிதா;
Rūpaṃ vedayitaṃ saññā, pañcakkhandhā pakāsitā;
யோ ஏவங் படிபஜ்ஜதி, ப்³ரஹ்மா சேவ ப²லானி ச.
Yo evaṃ paṭipajjati, brahmā ceva phalāni ca.
ஸப்³ப³பாபஸ்ஸ அகரணங், விமொக்கா² தங் ஹி தே³ஸிதா;
Sabbapāpassa akaraṇaṃ, vimokkhā taṃ hi desitā;
நத்தி² புத்தஸமங் பேமங், தே³வானங் அஸுரான ச.
Natthi puttasamaṃ pemaṃ, devānaṃ asurāna ca.
யங் பத்தங் யஞ்ச பத்தப்³ப³ங், நந்த³தி ஸோசதி நிச்சங்;
Yaṃ pattaṃ yañca pattabbaṃ, nandati socati niccaṃ;
யே கேசி பூ⁴தா ப⁴விஸ்ஸந்தி, ஸத்தா²ரோ ச பகாஸிதா.
Ye keci bhūtā bhavissanti, satthāro ca pakāsitā.
யஞ்ச காமஸுக²ங் லோகே, பொ³ஜ்ஜ²ங்கா³ ச ஸுதே³ஸிதா;
Yañca kāmasukhaṃ loke, bojjhaṅgā ca sudesitā;
மக்³கா³னட்ட²ங்கி³கோ ஸெட்டோ², தயோ ச அக்³க³பத்தியோ.
Maggānaṭṭhaṅgiko seṭṭho, tayo ca aggapattiyo.
காயேன ஸங்வரோ ஸாது⁴, கரணீயஞ்ச தே³ஸிதங்;
Kāyena saṃvaro sādhu, karaṇīyañca desitaṃ;
நத்தி² அத்தஸமங் பேமங், அரியா தீணி ச தே³ஸிதா.
Natthi attasamaṃ pemaṃ, ariyā tīṇi ca desitā.
காயேன குஸலங் அபி⁴ரதோ, வினயஞ்ச காமஸுக²ங் லோகே;
Kāyena kusalaṃ abhirato, vinayañca kāmasukhaṃ loke;
பொ³ஜ்ஜ²ங்கா³ ச ஸுதே³ஸிதா, து³த்³த³ஸங் அனதங் சேவ பராபரங் ச;
Bojjhaṅgā ca sudesitā, duddasaṃ anataṃ ceva parāparaṃ ca;
பேடகோபதே³ஸே ஸாஸனப்பட்டா²னங் நாம து³தியபூ⁴மி ஸமத்தா.
Peṭakopadese sāsanappaṭṭhānaṃ nāma dutiyabhūmi samattā.
Footnotes:
