| Library / Tipiṭaka / តិបិដក • Tipiṭaka / ឧទានបាឡិ • Udānapāḷi |
១០. សារិបុត្តឧបសមសុត្តំ
10. Sāriputtaupasamasuttaṃ
៤០. ឯវំ មេ សុតំ – ឯកំ សមយំ ភគវា សាវត្ថិយំ វិហរតិ ជេតវនេ អនាថបិណ្ឌិកស្ស អារាមេ។ តេន ខោ បន សមយេន អាយស្មា សារិបុត្តោ ភគវតោ អវិទូរេ និសិន្នោ ហោតិ បល្លង្កំ អាភុជិត្វា ឧជុំ កាយំ បណិធាយ អត្តនោ ឧបសមំ បច្ចវេក្ខមានោ។
40. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya attano upasamaṃ paccavekkhamāno.
អទ្ទសា ខោ ភគវា អាយស្មន្តំ សារិបុត្តំ អវិទូរេ និសិន្នំ បល្លង្កំ អាភុជិត្វា ឧជុំ កាយំ បណិធាយ អត្តនោ ឧបសមំ បច្ចវេក្ខមានំ។
Addasā kho bhagavā āyasmantaṃ sāriputtaṃ avidūre nisinnaṃ pallaṅkaṃ ābhujitvā ujuṃ kāyaṃ paṇidhāya attano upasamaṃ paccavekkhamānaṃ.
អថ ខោ ភគវា ឯតមត្ថំ វិទិត្វា តាយំ វេលាយំ ឥមំ ឧទានំ ឧទានេសិ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘ឧបសន្តសន្តចិត្តស្ស, នេត្តិច្ឆិន្នស្ស ភិក្ខុនោ;
‘‘Upasantasantacittassa, netticchinnassa bhikkhuno;
វិក្ខីណោ ជាតិសំសារោ, មុត្តោ សោ មារពន្ធនា’’តិ។ ទសមំ;
Vikkhīṇo jātisaṃsāro, mutto so mārabandhanā’’ti. dasamaṃ;
មេឃិយវគ្គោ ចតុត្ថោ និដ្ឋិតោ។
Meghiyavaggo catuttho niṭṭhito.
តស្សុទ្ទានំ –
Tassuddānaṃ –
បិណ្ឌោលោ សារិបុត្តោ ច, សុន្ទរី ភវតិ អដ្ឋមំ;
Piṇḍolo sāriputto ca, sundarī bhavati aṭṭhamaṃ;
ឧបសេនោ វង្គន្តបុត្តោ, សារិបុត្តោ ច តេ ទសាតិ។
Upaseno vaṅgantaputto, sāriputto ca te dasāti.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ឧទាន-អដ្ឋកថា • Udāna-aṭṭhakathā / ១០. សារិបុត្តឧបសមសុត្តវណ្ណនា • 10. Sāriputtaupasamasuttavaṇṇanā
