| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৩. সারিপুত্তসুত্তং
3. Sāriputtasuttaṃ
৩৩. অথ খো আযস্মা সারিপুত্তো যেন ভগৰা তেনুপসঙ্কমি; উপসঙ্কমিত্ৰা ভগৰন্তং অভিৰাদেত্ৰা একমন্তং নিসীদি। একমন্তং নিসিন্নং খো আযস্মন্তং সারিপুত্তং ভগৰা এতদৰোচ – ‘‘সংখিত্তেনপি খো অহং, সারিপুত্ত, ধম্মং দেসেয্যং; ৰিত্থারেনপি খো অহং, সারিপুত্ত, ধম্মং দেসেয্যং; সংখিত্তৰিত্থারেনপি খো অহং, সারিপুত্ত, ধম্মং দেসেয্যং; অঞ্ঞাতারো চ দুল্লভা’’তি। ‘‘এতস্স, ভগৰা, কালো, এতস্স, সুগত, কালো যং ভগৰা সংখিত্তেনপি ধম্মং দেসেয্য, ৰিত্থারেনপি ধম্মং দেসেয্য, সংখিত্তৰিত্থারেনপি ধম্মং দেসেয্য। ভৰিস্সন্তি ধম্মস্স অঞ্ঞাতারো’’তি।
33. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ sāriputtaṃ bhagavā etadavoca – ‘‘saṃkhittenapi kho ahaṃ, sāriputta, dhammaṃ deseyyaṃ; vitthārenapi kho ahaṃ, sāriputta, dhammaṃ deseyyaṃ; saṃkhittavitthārenapi kho ahaṃ, sāriputta, dhammaṃ deseyyaṃ; aññātāro ca dullabhā’’ti. ‘‘Etassa, bhagavā, kālo, etassa, sugata, kālo yaṃ bhagavā saṃkhittenapi dhammaṃ deseyya, vitthārenapi dhammaṃ deseyya, saṃkhittavitthārenapi dhammaṃ deseyya. Bhavissanti dhammassa aññātāro’’ti.
‘‘তস্মাতিহ, সারিপুত্ত, এৰং সিক্খিতব্বং – ‘ইমস্মিঞ্চ সৰিঞ্ঞাণকে কাযে অহঙ্কারমমঙ্কারমানানুসযা ন ভৰিস্সন্তি, বহিদ্ধা চ সব্বনিমিত্তেসু অহঙ্কারমমঙ্কারমানানুসযা ন ভৰিস্সন্তি, যঞ্চ চেতোৰিমুত্তিং পঞ্ঞাৰিমুত্তিং উপসম্পজ্জ ৰিহরতো অহঙ্কারমমঙ্কারমানানুসযা ন হোন্তি তঞ্চ চেতোৰিমুত্তিং পঞ্ঞাৰিমুত্তিং উপসম্পজ্জ ৰিহরিস্সামা’তি। এৰঞ্হি খো, সারিপুত্ত, সিক্খিতব্বং।
‘‘Tasmātiha, sāriputta, evaṃ sikkhitabbaṃ – ‘imasmiñca saviññāṇake kāye ahaṅkāramamaṅkāramānānusayā na bhavissanti, bahiddhā ca sabbanimittesu ahaṅkāramamaṅkāramānānusayā na bhavissanti, yañca cetovimuttiṃ paññāvimuttiṃ upasampajja viharato ahaṅkāramamaṅkāramānānusayā na honti tañca cetovimuttiṃ paññāvimuttiṃ upasampajja viharissāmā’ti. Evañhi kho, sāriputta, sikkhitabbaṃ.
‘‘যতো চ খো, সারিপুত্ত, ভিক্খুনো ইমস্মিঞ্চ সৰিঞ্ঞাণকে কাযে অহঙ্কারমমঙ্কারমানানুসযা ন হোন্তি, বহিদ্ধা চ সব্বনিমিত্তেসু অহঙ্কারমমঙ্কারমানানুসযা ন হোন্তি, যঞ্চ চেতোৰিমুত্তিং পঞ্ঞাৰিমুত্তিং উপসম্পজ্জ ৰিহরতো অহঙ্কারমমঙ্কারমানানুসযা ন হোন্তি তঞ্চ চেতোৰিমুত্তিং পঞ্ঞাৰিমুত্তিং উপসম্পজ্জ ৰিহরতি; অযং ৰুচ্চতি, সারিপুত্ত – ‘ভিক্খু অচ্ছেচ্ছি 1 তণ্হং, ৰিৰত্তযি 2 সংযোজনং, সম্মা মানাভিসমযা অন্তমকাসি দুক্খস্স’। ইদঞ্চ পন মেতং, সারিপুত্ত, সন্ধায ভাসিতং পারাযনে 3 উদযপঞ্হে –
‘‘Yato ca kho, sāriputta, bhikkhuno imasmiñca saviññāṇake kāye ahaṅkāramamaṅkāramānānusayā na honti, bahiddhā ca sabbanimittesu ahaṅkāramamaṅkāramānānusayā na honti, yañca cetovimuttiṃ paññāvimuttiṃ upasampajja viharato ahaṅkāramamaṅkāramānānusayā na honti tañca cetovimuttiṃ paññāvimuttiṃ upasampajja viharati; ayaṃ vuccati, sāriputta – ‘bhikkhu acchecchi 4 taṇhaṃ, vivattayi 5 saṃyojanaṃ, sammā mānābhisamayā antamakāsi dukkhassa’. Idañca pana metaṃ, sāriputta, sandhāya bhāsitaṃ pārāyane 6 udayapañhe –
‘‘পহানং কামসঞ্ঞানং, দোমনস্সান চূভযং।
‘‘Pahānaṃ kāmasaññānaṃ, domanassāna cūbhayaṃ;
থিনস্স চ পনূদনং, কুক্কুচ্চানং নিৰারণং॥
Thinassa ca panūdanaṃ, kukkuccānaṃ nivāraṇaṃ.
‘‘উপেক্খাসতিসংসুদ্ধং , ধম্মতক্কপুরেজৰং।
‘‘Upekkhāsatisaṃsuddhaṃ , dhammatakkapurejavaṃ;
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৩. সারিপুত্তসুত্তৰণ্ণনা • 3. Sāriputtasuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৩. সারিপুত্তসুত্তৰণ্ণনা • 3. Sāriputtasuttavaṇṇanā
