| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൭. സരസുത്തവണ്ണനാ
7. Sarasuttavaṇṇanā
൨൭. സരണതോ അവിച്ഛേദവസേന പവത്തനതോ ഖന്ധാദീനം പടിപാടി സരാ. തേനാഹ ‘‘ഇമേ സംസാരസരാ’’തി. കുതോതി കേന കാരണേന, കിമ്ഹി വാ? തേനാഹ ‘‘കിം ആഗമ്മാ’’തി? ന പതിട്ഠാതി പച്ചയാഭാവതോ. ആപോതിആദിനാ പാളിയം ചതുന്നം മഹാഭൂതാനം അപ്പതിട്ഠാനാപദേസേന തത്ഥ കാമരൂപഭവാനം അഭാവോ ദസ്സിതോ. തദുഭയാഭാവദസ്സനേന ഹേട്ഠാ വുത്തനയേനേവ അരൂപഭവസ്സപി അഭാവോ ദസ്സിതോവ ഹോതി, യഥാരുതവസേന വാ ഏത്ഥ അത്ഥോ വേദിതബ്ബോ. യസ്മാ പുരിമാ ദ്വേ ഗഹിതാ, ഗഹിതഞ്ച അത്ഥം പരിഗ്ഗഹേത്വാവ പച്ഛിമത്ഥോ പവത്തോതി.
27. Saraṇato avicchedavasena pavattanato khandhādīnaṃ paṭipāṭi sarā. Tenāha ‘‘ime saṃsārasarā’’ti. Kutoti kena kāraṇena, kimhi vā? Tenāha ‘‘kiṃ āgammā’’ti? Na patiṭṭhāti paccayābhāvato. Āpotiādinā pāḷiyaṃ catunnaṃ mahābhūtānaṃ appatiṭṭhānāpadesena tattha kāmarūpabhavānaṃ abhāvo dassito. Tadubhayābhāvadassanena heṭṭhā vuttanayeneva arūpabhavassapi abhāvo dassitova hoti, yathārutavasena vā ettha attho veditabbo. Yasmā purimā dve gahitā, gahitañca atthaṃ pariggahetvāva pacchimattho pavattoti.
സരസുത്തവണ്ണനാ നിട്ഠിതാ.
Sarasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. സരസുത്തം • 7. Sarasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൭. സരസുത്തവണ്ണനാ • 7. Sarasuttavaṇṇanā
