| Library / Tipiṭaka / තිපිටක • Tipiṭaka / අපදානපාළි • Apadānapāḷi |
8. සරණගමනියත්ථෙරඅපදානං
8. Saraṇagamaniyattheraapadānaṃ
36.
36.
‘‘පබ්බතෙ හිමවන්තම්හි, අහොසිං ලුද්දකො තදා;
‘‘Pabbate himavantamhi, ahosiṃ luddako tadā;
විපස්සිං අද්දසං බුද්ධං, ලොකජෙට්ඨං නරාසභං.
Vipassiṃ addasaṃ buddhaṃ, lokajeṭṭhaṃ narāsabhaṃ.
37.
37.
‘‘උපාසිත්වාන සම්බුද්ධං, වෙය්යාවච්චමකාසහං;
‘‘Upāsitvāna sambuddhaṃ, veyyāvaccamakāsahaṃ;
සරණඤ්ච උපාගච්ඡිං, ද්විපදින්දස්ස තාදිනො.
Saraṇañca upāgacchiṃ, dvipadindassa tādino.
38.
38.
‘‘එකනවුතිතො කප්පෙ, සරණං උපගච්ඡහං;
‘‘Ekanavutito kappe, saraṇaṃ upagacchahaṃ;
දුග්ගතිං නාභිජානාමි, සරණාගමනප්ඵලං.
Duggatiṃ nābhijānāmi, saraṇāgamanapphalaṃ.
39.
39.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා සරණගමනියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā saraṇagamaniyo thero imā gāthāyo abhāsitthāti.
සරණගමනියත්ථෙරස්සාපදානං අට්ඨමං.
Saraṇagamaniyattherassāpadānaṃ aṭṭhamaṃ.
